أصدقائي الأعزاء
أرجو منكم التوقف ولو للحظات لقراءة هذه الكلمات ثم كتابة أول ما يخطر ببالكم بعد الانتهاء منها
منذ يومين صديق لي أخبرني قصته الحزينة ثم قال لي الأبيات التالية :

قل لي ولا تخفى فى النبض شكواها.............ان كنت تذكرها فكيف أنساهــــا
ان كنت تعشقها فكيــف أكرههــا........... أو أدعي أنى ماعدت أهواهــــا
تــلك العـيون سلت وفـائنا غــدرت.... فكيــف تغفــر في ود خــطاياها
يا قلبي الصب ما أغــواك بامـــرأة .......لايأمن الغدر وعدها ودعواهــــا
كانت هي الدنيــا كانـت بأوردتـى......... لكنمـا وضـحـت للعين دنـياهــا
تلـك التـى علمت بأننــى ودمـــي ........شطين بينهــما قد كان سكناهـا
قد راعنى الغدر منها لـم ألاحظـــه...... وراعني أني ، لازلــت أهواهــــا
ـــــــــــــــــــــــــ ـــــــــ
أعزائي , هذه الأبيات دفنت ما بين جنبيه لسنين عديدة هى وغيرها
وجعلته أسيراً لماضي حزين منعه من المضي قدماً بحياته
ولا أعرف لصمته سببا غير الخوف , فهو يخاف من كل جديد يأتى
والحقيقة المرة أن هذه الدنيا لم تأت له بجديد .....
كل ما أنشده أن يسمع أي انسان هذه الأنات المدفونه ليثبت لي ولو لمرة
ما حاولت كثيرا أن أثبته له وهو أنه لايزال هناك من يسمع أو يشعر
ليربت على صدره أو يهدهد شيئا بداخله يدفعه لأن يرتمى على صدر حنون
فليقرأ أحد هذه الكلمات ثم ليقل ما تخبره به مشاعره تجاه هكذا تجربة ....
فأنا لا أعرف السبب الحقيقي لأن أدون شيئا فى هذا المنتدى
سوي الحاجة الحقيقيه لأن يسمع أحد ثم يقول مايشاء ...............


مع تحياتــــــ kido ــــــي

يا جماعة شكراً كتير على آرائكون الحلوة
NO BODY بالنسبة الي رأيك كان اقرب رأي للعقل والقلب وبتستحق hi 5 كبيرة على وقفتك على رأيك لأني شايف الكل معارضينك مع أنو رأيك هو الأكتر موضوعية وحيادية لأنو شنكول محسسني أنو واقف بالطرف التاني وعم يناقش بحدية واحد رافض فكرة أنو البني آدم ممكن يكون أسير عواطفو ولو لفترة من الزمن
وعلى فكرة شنكول آسف كتير اذا هالمشاركة سببتلك أي ازعاج لأني حسيت هيك باستخدامك لبعض الكلمات متل : يصرعنا , ويعني كرمال الله ...بس بتعرف حلو انك تحترم مشاعر الآخرين حتى ولو ما كنت بتعرفهون .
على فكرة شنكول هذا كلام آخ لآخو وبتمنى ما تتدايق.
hailstone ليش مصرة أنو نو بدي عم يدعي انو الحكي نظري , يا ستي أنا متأكد أنو الحكي مية بالمية نظري
لأنو لو كان في شي مبني على أساس تجربة عملية مر فيها حدا شبيهة بهالقصة كان يمكن تغيرت الآراء 180 درجة

المشاركة الأصلية بواسطة kido

hailstone ليش مصرة أنو نو بدي عم يدعي انو الحكي نظري , يا ستي أنا متأكد أنو الحكي مية بالمية نظري
لأنو لو كان في شي مبني على أساس تجربة عملية مر فيها حدا شبيهة بهالقصة كان يمكن تغيرت الآراء 180 درجة

مابعرف كأنك ما فهمت رأي نوبدي
وجهة نظرو عم تقول انو الطبيعي يكون للشخص ردة فعل و قوية ضمن فترة معقولة
و أكيد ما حدا فينا بيقول غير هيك
بس حتى نوبدي ذات نفسو ما بيأيد فكرة صديقك هاد انو يضلو على هالوضعية أربع سنين و ما يعود يشوف شي ادامو
أكيد كل شي بحياتنا مهما كان صغير رح يترك أثر فما بالك لما بيكون هالشي بوقت معين أهم شي

رح قلك
(لطالما كان وجودهم في حياتنا أهم من الوجود ذاته )


كمان الذاكرة ما فيها زر لنعمل ديليت و يمشي الحال
بس انا لما بشوف الواقع بكل زواياه و من دون ما يكون عندي قصر نظر و اذا قدرت قدر الأمور منيح فيني أعمل كونترول و شوف الشي الأنسب إلي و للواقع اللي أنا فيو و ما قضي عمري مأسور لشي راح و صار ماضي ( مابظن بيقدر نوبدي يعارضني بهالفكرة ) و إلا الأقدار ما تزفلي شيء يسعدني و يريحني و يجبر بخاطري


و خلينا لما نتذكر الماضي نكون عم نسترجع ذكريات طيبة و نكون أخدنا منو عبرة و يكون تجربة ظريفة مرت



و أكيد جوليا كانت عم تنظر علينا لما قالت ( ليش الحب الأول ما بيرضى يفارقنا )


شي أخير اذا عم تصور الموضوع انو في جريمة و في ضحية و رح يدخل الطب الشرعي إلا شوي
فبتصوري كلمة غدر كافية لأنو تجازي الشخص التاني
و الضحية بهيك حالها تكتفي بهالقدر و تترك البقي عالله


و العوض بسلامتكن

المشاركة الأصلية بواسطة hailstone

مابعرف كأنك ما فهمت رأي نوبدي
وجهة نظرو عم تقول انو الطبيعي يكون للشخص ردة فعل و قوية ضمن فترة معقولة
و أكيد ما حدا فينا بيقول غير هيك

طيب أنا ما قلت شي بيتعارض مع هالحكي
وبعدين يا جماعة مين جاب سيرة أنو هالشخص حابس حالو بقبر وما عم يطلع منو وما عم يشوف العالم بالعكس ليكو عايش و عم يدرس وينجح موادو ويشتغل وما أحلاه بس أحيانا في شغلات بالذاكرة بتحز بالنفس كل ما عنت عالبال وبيجوز بتوقف الذاكرة عند هالموقف مع أنو الواحد مكمل حياتو لحد ما يجي شي أقوى منها ( حب تاني مثلاً ) ليرجع الريتم الطبيعي لمشاعرنا ما رح أقول لحياتنا لأنو ممكن تكون ماشية طبيعية
أنالازم كاتب بعد : .. منعه من المضي قدماً في حياته (على الصعيد العاطفي) ..حتى ما حدا يفهم الموضوع غلط , بس منيح نسيتا لأنو نسيان هالكلمة فتح باب كبير للنقاش
hailstone العواطف شي حلو صح ما لازم نخليها تأثر على مستقبلنا بس ما فينا ننكر أنو كتير أحيان بتأثر على قراراتنا وعلى حياتنا كمان(ردة الفعل اللي حكيتو عنا) و الشاطر بينسى بسرعة بس مو كل أصابيع ايديك متل بعضا
على كل شكرا كتير لإلك

ومع تحياتــــ kido ـــي

أنالازم كاتب بعد : .. منعه من المضي قدماً في حياته (على الصعيد العاطفي) ..حتى ما حدا يفهم الموضوع غلط , بس منيح نسيتا لأنو نسيان هالكلمة فتح باب كبير للنقاش

لأ كان لازم تكتبها من أول كيدو......كلماتك في مشاركتك الأولى في هذه الحالة صارت مبالغة كبيرة لأنو ظنينا أنو رفيقك قاعد بالبيت وعم يندب......................