ما هو السبب؟؟؟؟؟؟؟؟شارك للأهمية
يدور هذا النقاش حول ما هو السبب؟؟؟؟؟؟؟؟شارك للأهمية في قسم اجتماعيات في الملتقى الطبي السوري; -->
السلام عليكم
قرأت من فترة في إحدى الصحف أن نسبة العانسات في سوريا من حاملات شهادات الماجستير والدكتوراة
هي 55% برأيك ما هو السبب ؟؟؟؟؟؟؟؟؟؟
هل هم الأهل اللي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| موجز الأخبار لآخر المستجدات الطبية | ||
 |
| | LinkBack | أدوات الموضوع |
|
#1
Aug, 05 2005, 05:22
| |||
| |||
| ما هو السبب؟؟؟؟؟؟؟؟شارك للأهمية السلام عليكم قرأت من فترة في إحدى الصحف أن نسبة العانسات في سوريا من حاملات شهادات الماجستير والدكتوراة هي 55% برأيك ما هو السبب ؟؟؟؟؟؟؟؟؟؟ هل هم الأهل اللي بحسبوا إنو بنتون صارت شغلة كبيرة ولازم ياخدا واحد بستاهلا؟؟؟؟؟؟؟؟ ولا الشباب اللي دارسين أقل من البنت وبقولوا ما بدنا ناخد وحدة تشوف حالا علينا؟؟؟؟؟؟؟؟ ولا الشباب اللي بقولوا ما بدنا وحدة كبيرة ؟؟؟؟؟؟؟؟؟؟؟ ولا اللي بقولوا ما بدنا وحدة معقدة؟؟؟؟؟؟؟؟؟ ولا اللي بقولوا ما بدنا وحدة ما بتعرف لا تتمكيج ولا تلبس؟؟؟؟؟؟؟؟؟؟؟ ولا السبب هيي البنت اللي بتقول أنا صرت يا أرض اشتدي وما في حدا بهالمجموعة الشمسية بستاهلني؟؟؟؟؟ ولا اللي بتقول أنا بطالع مصروفي ومصروف العيلة كلا كمان وما بدي كل هالعلقة؟؟؟؟؟؟؟؟؟ ولا اللي بتقول ما بدي يجي واحد ياخد مصراتي وتعبي؟؟؟؟؟؟؟؟؟؟؟؟؟ ولا ...............ولا ...................ولا................. اللي عندوا أسباب كمان يا ريت يضيفا........................ والسلام عليكم  |
|
#2
Aug, 05 2005, 15:45
| |||
| |||
| والله في كتير أسباب من اللي ذكرتيها صحيحة.... في مقولة مشهورة أنو البنت يا بتقعد قدام المراية يا ورا الكتاب... مو قصدي أبدا" أنو البنات الدريسات بشعات ... بس بيصير ماعندها وقت تهتم بمظهرها أو مشان تنعرف بين الحواليها بركي بيجي نصيبها ويطلبها ابن الحلال.... كمان من الأسباب ...أنو البنت الدريسة(اذا صح التعبير) بيكون عندها خجل أكتر من باقي البنات  .. مشان هيك صعب تتعرف على شب بالجامعة بركي بيصير شريك بحياتها ....كمان في كتير بنات بيفكروا حالن شغلة كبيرة ... معها دكتوراه أو ماجستير أو ... أو... وهدول البنات أبشع شي .. لأنو كل وحدة اذا تنازلت وحكت مع حدا ... بتلاقيها نفسية حامضة وكل يوم الصبح بتشرب كاسة حصرم عالريق..... بس أكيد مو صح .. أنو ما اذا ما إجى نصيب البنت فالسبب هو أنو الرجال ما بيحب حدا يشاركه بالصرف عالبيت... |
|
#3
Aug, 05 2005, 17:29
| |||
| |||
| Syria star أسباب العنوسة للبنت اللي حققت شهادة عالية ممكن يكون واحد أو أكتر من الأسباب اللي ذكرتيها ... يعني كل بنت حالة خاصة فيكي تقولي .. يعني في بنات ما بتزوجوا من مبدأ كبر و غرور و أنو ما حدا بالدنيا عاد يستاهلن ... في هيك صنف . و أحياناً السبب الأهل ... لازم بنتنا تحصل على أرقى شهادة علمية معتبرة و خلي مستقبلها يروح للجحيم .. مو مشكلة . و أحياناً السبب هو طريقة تفكير الشباب ... أنا ما في شي بيجبرني أرتبط ببنت عمرها قريب من عمري ... طبعاً هو حر !! ما بدي أرتبط ببنت مستواها العلمي قريب من مستواي أو أعلى مني ... لازم أكون السلطة الأعلى و الأقوى في البيت ... كمان حر !!! بس السبب الأهم في رأيي هو القدر طبعاً اللي اختار هالمصير للبنت . يعني بشكل طبيعي لما البنت تحصل على شهادة عالية تضيق أمامها الخيارات اللي كانت متاحة اماما قبل ما تحصل عالشهادة ... بمعنى الفتاة اللي بعدا بالمرحلة الثانوية أو أنهتا ممكن ترضى بالطبيب أو المهندس أو التاجر أو حتى الحرفي !! بينما بعد ما تتخرج الطبيبة مثلاً ما علد فيها ترضى بالحرفي أو التاجر مو لأنو التاجر ما بيسوى أو ما بعادلها لأ ... بس لأنو ما بيقدر يقدّر ظروف عملا أو يتعايشا ... أو مستوى تفكيره ممكن يكون باتجاه تاني ما ممكن يلتقى و لو بالأحلام مع نمط تفكيرها .. يعني الشغلة واقع حاصل ما بيقدر حدا ينكرها .. و بالتالي البنت اللي عندها الأولوية رقم 1 بحياتها أنها تتزوج و تبني أسرة بالمواصفات اللي حاططتها بمخيلتها كان الأجدر فيها ما تتابع تعليمها لهالمستوى حتى ما يجي يوم تندم على عدم تحقيق حلمها الأكبر .. بس في شغلة لفتت نظري بتعليق الأخ neil .. يعني البنت برأيك لازم تتمكيج و تحاول تطالع حالا بأحدث طرز لحتى تقدر تكسب شخص معجب يتقرب منها و يتزوجا ؟؟!! طيب افترض أنو في بنات بحبوا يرتبطوا بالشب اللي ما أعجب فيهن لمجرد الشكل أو القدرة على لفت الأنظار ، في بنات بتحب تنخطب على أساس خلقا أو عقلا الكبير أو جديتا و طبعاً و لا شك لازم يكون شكلا إله اعتبار مهم .. بس شكلا اللي الله خلقا عليه مو اللي بتقدر أي وحدة تانية تختلقه بشوية كحل و مسكرة !! بس يبدو هالنوع من البنات ما عاد إلهن دور ... و بالعكس صار هالنوع مستهجن و موضع سخرية و صار الشاطر اللي بيخترعلا أسخف لقب !!! ما أظن عبحكي من فراغ لأنه هاد صار واقع ملموس و معاش للأسف ! ما قصدت أتهجم عليك أو على غيرك بس ما بعرف ليه تعليقك أثارني ..آسفة إذا دابقت حدا بردي !! |
|
#4
Aug, 06 2005, 11:45
| |||
| |||
| drr.nas أكيد ما عم بعترض على خلقة الله وعم بقول ... أنو البشعات لازم يساوا عمليات تجميل وتصير نانسي وهيفا واليسا المثل الأعلى لألهن... بس على الأقل الواحد لازم يهتم شوي بمظهره ... أنا ما بدي البنات يشيلوا حجاباتهن ولايلبسوا عالموضة الغربية الغريبة ..القصير أو الضيق أو المزلط.. اللي أنا ما برضاه لأختي ولا لأي بنت تانية... لأنو بيخالف الدين والأخلاق... ولا بدي العالم تلبس ماركات عالمية versace, pierre cardin, livi's, dior, nina richie,.... وغيرن وغيراتن... بس اللبس المحتشم اللابق ...و هـ م... |
|
#5
Aug, 06 2005, 22:40
| |||
| |||
 المشاركة الأصلية بواسطة neil ؟؟؟؟!!!!!!!
|
|
#6
Aug, 07 2005, 01:25
| |||
| |||
 |
|
#7
Aug, 07 2005, 05:12
| |||
| |||
| بسم الله الرحمن الرحيم (إن الله جميل يحب الجمال) الأخ نيل بيقصد إنو البنت لازم تهتم بحالا يعني الدين ما قال إنو البنات لازم يكونوا مشرشحات مشان ما يفتنوا حدا ......................... والله في معنا بنات بالكلية ما تقولي عنن بنات................ صوت عيلي وقتيل متل الشباب ................والإيشارب لا بكون مو ظيبط لا بكون سيحل ..............والكندرة الغبرة عليها شبر .................والوش مو مغسل الصبح ......................... واللبس مو مكوي ................... وكلو طاق وكل بنت لما بتمشي معرّضة متل الشباب بهالكلية طاق تاني تقول يعني لما دخلوا طب الله قلبون شباب ....................والله أنا عم أخجل عنن !!!!!!!!!!!!!!! والله يا جماعة الشغلة مي بس دراسة ....................الحياة الاجتماعية أهم بكتيررررررررررررررررر........ ............ والمصيبة هيي هالصيت اللي طالع على بنات الطب لسه كل واحد بيسمع عن وحدة عم تدرس طب فوراً ببلش بقول أكيد مشرشحة ومعقدة وما بتفهم شي بالحياةووووووووووووو.......... ............... وبصراحة معو حق لأنو معنا نسبة كبيرة من هالنمط !!!!!!!!!!!!!!!!!!!!!!!!!! الله يهدينا بس...........................والسلام عليكم |
|
#8
Aug, 07 2005, 10:20
| |||
| |||
 هم مشترك ممكن تحاولوا تشوفوا معي الموضوع من زاوية تانية؟؟ بمعنى: مشكلة العزوبية عند الشباب لا تقل انتشاراً عن مشكلة العنوسة عند الشابات. أستعرض كل معارفي و أقاربي و أصدقائي , فأجد أن 90% من الزيجات تنطبق عليها المعادلة: 20\40 بمعنى: الشاب يتراوح عمره بين 35 إلى 40 سنة و الفتاة 20 إلى 25 إذاً: الطالبة التي يكون جل اهتمامها منصباً على دراستها في هذه الفترة العمرية يصبح احتمال زواجها منخفضاً. بالمقابل ليس للشاب في هذه المرحلة العمرية فرصة أن يتزوج أصلاً و الأسباب معروفة. العامل الاقتصادي هو الأساس. ثم لنفترض جدلاً ان هناك شاباً أهله مقتدرون و بإمكانهم أن يوفروا له متطلبات زواج محترم, فهل يقبل هذا الشاب على نفسه أن ينفق على زوجته من نقود أبيه؟؟ قد يسألني أحدكم : ما الحل؟؟ الجواب ببساطة: كل إنسان هو حالة خاصة قائمة بحد ذاتها, و ما يصلح حلاً لشخص قد لا يصلح لآخر... |
|
#9
Aug, 07 2005, 15:58
| |||
| |||
| syria star.... هاد هو قصدي عالتمام ....  المشاركة الأصلية بواسطة syria star أنا وقت شوف هالشوفة ... ما بيخطر على بالي إلا أنو في قتالة وسحب خناجر....
 ....و هـ م .... غريبة... شو ما حدا بيعرف شو معناتا؟.....  هي اختصار لـ وهو المطلوب .... الظاهر ما قدمتوا التاسع بسوريا...؟ |
|
#10
Aug, 07 2005, 16:09
| |||
| |||
| طبعاً أنا مع الأخت سوريا ستار و الأخ نائل بأنه البنت لازم تكو بنت أولاً و أخيراً ... بمعنى ،، كونها طالبة مهتمة أو مجتهدة ما بيعطيها مبرر بأنه تهمل حالا و تلبس لبس مشرشح أو تصير أشبه بالشباب في مشيتها و تصرفاتها ... هاد حكي مفروغ منه !!! بس كان اعتراضي على تعميم الأخ نائل بأنه البنت يا ورا المراية يا ورا الكتاب ... أو أنه البنات الدريسات بالمجمل مشرشحات و ما بفهموا بالأناقة و هالأمور ... !!! و كمان اعترضت على مبدأ أنو البنت لازم تكون تهتم لحالا و تحاول تخلط مع الشباب بركي بتعجب حدا و بيطلب يدها الكريمة ..!! طبعاً هي لازم تهتم بحالا بس مو لحتى تكون معرض !! و بيبقى الأمر نسبي و كل إنسان إله وجهة نظر ... و بالنسبة للاختصار ... سوري أسأت الظن و ظنيته .... (وهم) !!!! يعني غير قابل للتطبيق !! |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ما هو مستوى نشاطك في الموقع؟ | Shankool | إعلانات الملتقى الإدارية | 41 | Sep, 03 2007 14:14 |
| ما هو الارتشاح على القلب | الطالبة | استشارات طبية | 3 | Sep, 12 2006 14:54 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 15:27.
