أهلا وسهلا بالأعضاء الكرام و مية ألف بوسة وسلام لزوار هالمنتدى الحباب ........
وبعد ما شفنا القطة المعززة والمكرمة في مشفى الباب الوطني قررنا نترك المشفى ونتوجه الى مشفى آخر و نتناول قصصه لعل وعسى نشوف وضع صحي افضل .
ولما وصلنا لباب المشفى شفنا أب حامل طفل صغيرةوراكض بسرعة, الحقيقة الصبي كان معه تجفاف , وكان من واجبنا الانساني نرجع وندخل للمشفى وناخذ الأب والطفل الى جناح الأطفال , والحمدلله كانت الاستجابة جيدة من أطباء المشفى وتم معالجة الطفل بسلام وأمان .
ورجعنا ولمينا اواعينا لنغادر المشفى وفجاة اسمعنا اب الطفل بنادينا وهو بقول( لحقوا ابني لحقوا ابني بده يموت).
ركضنا بسرعة ورحنا لغرفة الطفل وهون كانت المصيبة .
الصبي كان وجهه أصفر وايده زرقاء ومتوزمة ومختفي النبض فيها واما اليد التانية كانت أقل أعراضاً .
مباشرة بعتنا الأب لغرفة الأطباء ليستنجد بهم والحلاوة بالموضوع انو كل هالأطباء نسوا قسم ابقراط وما حدا رد عليه ,
وراح الأب المسكين يمسك طبيب ورا طبيب ويقلوا ( تعال شوف ابني) حتى وصل لطبيبة بنت حلال و لبت طلبه واجت لغرفة الطفل .
ولما شافت الطفلةتغير لون وجه الطبيبة وحسينا بوقتها انو في شي خطير صاير بالطفل.
ومباشرة وبكل سرعة راحت الدكتورة الى مكتب مدير المشفى , وبعد خمس دقائق شفنا حالة استنفار بالمشفى.
فالمدير ودكتور الجراحة ودكتور العظمية ومجموعة من الأطباء اجوا بسرعة لغرفة المريض.
ووقتها طلعنا من غرفة الطفل , عشان الأطباء ياخدوا راحتهم في تشخيص حالة الطفل .
وبما انينا اطلعنا من الغرفة رح اطالعكن معي من الحلقة واسئلكن شو تشخيصكن للحالة ويا ريت من كل طبيب يجاوب على الأسئلة اللي خطرت ببال كل واحد منا ورح تشوفوا كمالة القصة الحلقة القادمة وعسى تكون اجاباتكن صحيحة .
السؤال الأول : ما هو سبب تدهور حالة الطفل بعد المعالجة الجيدة من الأطباء واستقرار وضعها؟
السؤال الثاني : اليد اللي معلق فيها السيروم كانت أكثر تازما من اليد اللي ما فيها السيروم, يا ترى ليش؟
السؤال الثالث: يا ترى معقول يكون هالشي اللي صار مع الطفل سببه خطأ طبي , واللي بقول نعم فيا ريت يوضح شو ممكن يكون الخطأ؟

ما هو سبب تدهور حالة الطفل بعد المعالجة الجيدة من الأطباء واستقرار وضعها؟

عدم متابعة الطفل ومراقبته مدة كافية

اليد اللي معلق فيها السيروم كانت أكثر تازما من اليد اللي ما فيها السيروم, يا ترى ليش؟

لأنه انبوب السيروم مو معقم .. وإيد الطفل انبخشت عشرين مرة لظبطت الكانيولا .. عدا عن المحميات الطبيعية لمختلف أنواع الجراثيم في المشفى ...

يا ترى معقول يكون هالشي اللي صار مع الطفل سببه خطأ طبي , واللي بقول نعم فيا ريت يوضح شو ممكن يكون الخطأ؟

لا! ... أكيد الخطأ مو طبي .. لأنه لازم يكون في طب بالأول .. على الأغلب السبب الإهمال والتسيّب ..

خليها على الله

يا شباب
الحلقة الرابعة قرب وقتها وبدي اعرض فيها النتائج
والأحلى من هيك انو ما في غير شنكول وضع اجوبة
شو القصة ,فين اطباء المستقبل والحاضر والماضي
ما عمنشوف اجوبتهم

حسبي الله ونعم الوكيل