بسم الله الرحمن الرحيم

الحمد لله رب العالمين وأفضل الصلاة وأتم التسليم على سيدنا محمد وعلى آله وصحبه وسلم ، أما بعد:

إخواني كان لا بد من أن أضع هذا الموضوع منذ زمن بعيد لكن ضيق الوقت كان حاجزاً يجعلني أؤجل هذا الموضع حتى جاء الوقت المناسب .

إن هذه الجامعة تفتح ذراعيها للطلاب السوريين من جديد بعد أن رفضت لسنتين متتاليتين الكثير من الطلبات التي قدمها طلاب جامعة حلب لأسباب مجهولة .

وها أنذا ، أعرض لكل طالب سنة خامسة يرغب أن يقوم بستاج في هذا المشفى الأكاديمي جميع ما لدي من معلومات كانت السبب في حصولي على قبول في هذه الجامعة .

كل الفضل لله عز وجل .......................لذا لن أبخل بأي معلومة ولو كانت صغيرة بالرد على جميع تساؤلاتكم .

وأرحب بها من خلال الموقع أولاً ، ومن خلال بريدي الإلكتروني ثانياً ، مع أني سأعرض أي تساؤل يطرح علي من خارج الموقع في هذا الموضوع كي تصبح الفائدة أعظم .

وهذا الملف المرفق يتضمن جميع المعلومات التي يستطيع الطالب أن يتبعها كي يملأ الأوراق المطلوبة ، مع شرح تفصيلي لكل فقرة في الأوراق .


بانتظار أي استفسار ، ولا تترددوا فإني أظن أني سأكون قادر على الرد على أي تساؤل بخصوص هذه الجامعة ، والفضل لله .

والسلام ، أخوكم محمد

مواقع خاصة بالجامعة :

الموقع الرئيسي : http://www.utmb.edu/

القسم الخاص بالمتطلبات للستاج : http://www.utmb.edu/enrollmentservic...sitingmedical/

القسم الخاص بالطلاب الأجانب ( يعني نحنا ) : http://www.utmb.edu/enrollmentservic...rnational.html

القسم الخاص بأنواع الستاجات المتوفرة في الجامعة : http://meded.utmb.edu/Electives07-01.htm


أرجو أن تنال هذه المواقع إعجابكم !!!!!!!!!!

عندما دخلت الموقع من فترة قريبة جداً وجدت بأن هناك تغيير في بعض أشكال الأوراق المطلوبة ولكن لا يوجد أي اختلاف بنوعية البيانات المطلوبة أبداً .

فالسيرة الدراسية هي التي تغير نوعية ونموذج ورقتها فقط .

ولا يوجد مشكلة أبداً من هذه الناحية ، فالمعلومات المطلوبة أصبحت أقل .

عفوا بس بدي أسأل عن اسم الولاية و شقد التكاليف المالية و المنامة
و مشكور على جهودك

عراسي يا أبو الشكازل ... وألف مبروك قبولك ،، وعقبال التخصص انشاء الله
بس ازا ممكن تبيننا التكلفة
انا سمعت من شباب يعني حوالي 150 الف
وهي أحلى وردة

اسم الولاية : تكساس .
وحسب ما تقول الجامعة في موقعها إنو معظم الطلبة اللي بيجوا لعندها لما بيصرفوا في هذه المدينة بتكون التكلفة الشهرية الكاملة هي ما بين 750 - 1000 دولار شهرياً .

والتفاصيل كالآتي لكل شهر :

360 دولار : سكن في السكن الطلابي التابع للجامعة .
110 دولارات : تدفع للجامعة لقاء تأمينات خاصة بها ومتضمناً قيمة الاشتراك الشهري في الستاج .
300 دولار : تكلفة الطعام بفرض أنك ستدفع 10 دولار كل يوم ، علماً أن هذا الرقم هو الرقم المتوسط لما يدفعه الطلاب للطعام .

والمجموع يكون تقريباً : 770 دولار شهرياً ................طبعاً ما عدا أي إضافات ثانية أخرى .

علماً أن الإنترنت مجاني في كل غرفة من غرف السكن الطلابي ................بيعني ما في أي تكاليف أخرى .

كمان لازم تحسبو إنو كل طلب لكل شهر بدك تقدم عليه لهذه الجامعة يكلف 100 دولار ، فإذا كان بدك ثلاث أشهر بهذه الجامعة بدك تدفع 300 دولار ، مشان الطلب تبعك .

وكمان بالإضافة لذلك بعد القبول في 200 دولار مشان طلب السكن .

مثال :
طالب طب سنة خامسة الله يعينو ، بدو يروح لهالجامعة 3 أشهر ستاج ، تكون التكلفة هي :

300 دولار : ثمن الطلبات .
200 دولار ثمن طلب السكن .
3000 دولار عن الأِهر الثلاثة اللي بدو يقضيها هناك .( كحد أعظمي ) .

المجموع : 3500 دولار وبما إنوالدولار صاير مكسور ( 48.35 ) ..............فبالسوري بتكلف 169225 ل.س .

أنا جاهز لأي أسئلة .......أرجو إنو ما تترددوا أبداً بالسؤال .

والسلام .

المشاركة الأصلية بواسطة shakazolo

وكمان بالإضافة لذلك بعد القبول في 200 دولار مشان طلب السكن .

هي الـ 200 دولار بيرجعولك ياها بس تسلمون السكن نضيف ومو معطل شي من التجهيزات تبعتو

بتعرف يا نو بدي إنو هالـ 200 دولار ، ما بترجع أبداً ، هاي مو تأمين على السكن أبداً ...............

هاي اسمها application fee خاص بالسكن ...........لأنو هني بعتولي ورقة فيها طلب مشان السكن ولازم يكون مع الطلب 200 دولار مهما كانت المدة اللي لازم تقضيها عندون بالجامعة .

وكمان لازم ما تقدم هالطلب هاد إلا بعد ما تاخد الفيزا من السفارة وبعد ما تحجز من الطيارة ...............

كانوا حاطين على هالعبارة لون فوسفوري ، مشان ما حدا يغلط ويبعت الطلب قبل تأكيد الوصول للجامعة .

وموفقين ،

أنا بذكر انو رجعولي ياها ... يمكن في تعديلات علوضع

صحيح كلامك يا نو بدي إنها بترجع ، لما بتكون عم تدفع هالطلب قبل ما بتاخذ الفيزا وقبل حجز التذاكر . بس هلأ عم يشرطوا علينا إنو لازم نكون حصلنا على الفيزا وعلى التذاكر مشان ما حدا يتراجع أبداً ............

أنا بعرف كذا شخص من السنتين الماضية إنو رجعولهون المصاري ، بس هالسنة ما بتوقع إنو في ترجيع

والسلام