حبيت اخصص هيدي الصفحة عشان اسئلة فحص تشريح1 عملي
وبالبداية هيدي اسئلة السنة الماضية وانشالله رح اوافيكم باسئلة هيدي السنة على شكل مشاركات لهالموضوع .


وصلتنا واخيرا اسئلة من سنوات سابقة لفحص التشريح1 ,, والغريب بالأمر انو الأسئلة لما بتقراها بتشوفها سهلة ,
وهيدا شي طبيعي لانو صعوبة الفحص بوقته القصير مو باسئلته الصعبة .

ومتل ما بتعرفو نموذج الاسئلة والجابة يرتكز على عدة نقاط كالتالي :

1- توجيه عظم مع ذكر منشا او مرتكز عضلة محدد مكانها على العظم بالطبشور .

2- ذكر اسم العضلة المشار اليها بالدبوس او المعلقة بالخيط مع سؤال مرافق عن مرتكزها او منشئهااو تعصيبها .
3- ذكر اسم العصب او الشريان المعلق بالخيط مع فروعه .

وبلا طول حكي وكلام هيدي اسئلة من سنوات سابقة :

1- عظم الترقوة وعليه العضلة الدالية .
2- عظم العضد ، ومشار إلى الثلم بين الحديبتين ،والسؤال مالعضو الذي يمر من هنا (وتر الرأس الطويل لثنائية الرؤوس العضدية )
3- الشريان الفخذي العميق ، بماذا ينتهي
4- الشريان العضدي ، بماذا ينتهي
5- العضلة ذات الرأسين الفخذية ، ماذا يعصبها
6- الكابة المدورة ، أين ترتكز
7- المنشارية الأمامية وماذا يعصبها
8- العصب الزندي ، ما منشؤه
9- العضلة تحت الكتف مع ذكر العضلات المشاركة في تشكيل الحيز المربعي .
10- عظم الفخذ وعليه العضلة المقربة العظمى
11- العصب الناصف وفروعه في العضد والاجابة بالانكليزي (No branches )
12- العصب الزندي وفروعه في العضد والاجابة بالانكليزي (No branches )
13- الشريان الظنبوبي الأمامي , ما هو منشؤه
14- العضلة الكابة المربعة , من اين تنشا
15- عظم الظنبوب وعليه العضلة الظنبوبية الأمامية .
16- الظنبوبية الخلفية وتعصيبها


وانشالله رح اوافيكم باسئلة هيدي السنة فور وصولها من غرفة العمليات التشريحية

وبعد جهد وعناء ولتنا واخيرا اسئلة فحص تشريح 1 عملي و اللي هي :
1- عظم ظنبوب ايمن وعليه العضلة الظنبوبية الأمامية (انكليزي )
2- العصب الزندي (انكليزي ), من اين ينشا ؟
طبعا من الحبل الأنسي
3- عظم العضد ايسر وعليه العضلة تحت الكتف (انكليزي )
4- الوريد الفخذي (انكليزي ), من اين ينشا ؟
من الوريد المابضي والمصيبة انو مو مبين هيدا شريان او وريد والغالبية حطوا شريان وطلع وريد .
5- عظم الورك الأيمن وعليه العضلة موترة اللفافة العريضة (انكليزي )
واما هيدا السؤال فكان ضربة لانو كتير طلاب متلي كتبوا عظم حرقفة وبالتالي راحت 2علامة للمحضر لانو الخطا يذهب الصح .
6- عظم ظنبوب ايسر مع ذكر اسم المنطقة المحددة’؟
الحقيقة المنطقة هي الكعب الأنسي .
7- عظم كعبرة ايمن وعليه مثنية الابهام الطويلة .
8- السبيل الحرقفي الظنبوبي ,اين ينتهي ؟
بارتكازه على عظم الظنبوب .
9- باسطة الرسغ الكعبرية الطويلة , اين تنتهي ؟
بارتكازها على قاعدة العظم السنعي الثاني .
10- الغرابية العضدية , من اين تنشا؟
من الناتئ الغرابي , ولمعلوماتكم هيدي اول مرة منتعرف على هيدي العضلة الكريمة وطبعا في كتير طلاب ظنوها الراس القصير لذات الراسين العضدية .
11- العصب الابطي , من اين ينشا ؟
من الحبل الخلفي .
12- الظنبوبية الخلفية (انكليزي),مع ذكر تغذيتها العصبية ؟
العصب الظنبوبي , ماما هون يا شباب فالدكتور وضع كلمة العصبية باخر سطر لحالها وكتير طلاب ظنوها التروية الدموية وراحت لالهم علامة مجانية .


وعندي كم سؤال بطرح نفسه :
1- ليش الخطا يذهب الصح مش الصح يذهب الخطا او يا عمي ليش مش كل واحد لحالو ؟
2- وشلون الدكتور بجيب السبيل الحرقفي الظنبوبي والطلاب درسوا عضلات مسش اربطة ؟
3- وفي الفحص شفنا جثث جديدة واضحة , طيب ليش درسونا خلال السنة على جثث معتة وتعبانة ؟

مشكور يا أخي عجهودك طمني كيف فحصك؟
الخطا بروح الصح لأنو هيك مزاج ما أننا أخدت صفر بالمذاكرة مشان ها الشي
ومشان السبيل الظنبوبي مرينا عليه وهو تكملة للعضلة موترة اللفافة العريضة(على فكرة بالمذاكرة أجا سؤال عن عضلات الساق ونحنا لسا ما أخدنا )كمان مزاج.....!!
ومشان الجثث الجواب واضح مشان يضلو يفحصو فيون الطلاب حتى دورة
صح2020

الله يعطيك العافية زميل كينغ
هادا الشي معروف بالتشريح والشغلة مزاج بمزاج
على فكرة جثث التشريح1 جنة قدام محضرات واقسام التشريح 2 موفقين والله يعينكم

شباب انا رسبت بالعملي

لك كينغ ما قاللكم على شغلة خقيرة كمان

لك العضلة ثنائية الرؤوس الرأس القصير منها شالوه و ما تركولو اثر و بينت الغرابية العضديو جنب الرأس الطويل و انا انبسطت على حالي و كتبت هاد الرأس القصير لثناية الرؤوس العضدية

بس للاسف ما مشي الحال

و كينغ مشان الوريد

انا الي رسبت

عرفت انو وريد بس ههه ما كتبت بالأنكليزي و كتبت بس عربي يعني كمان راحت العلامة:

بس كان مبين كيف هيك مخفوس خفس و بيبين مو مرن ابداً و مو قاسي كمان متل العصب


ادعولنا الفصل التاني الله يعينا

حبيبي اسمر بحب اقلك ان مش بس انا حسبت انيه شريان
حتى في كتير طلاب قالوا انيه مو بس شريان بس حتى عصب

حبيبي اسمر انسيت اعزيك بهالفاجعة اللي وقعت فوق راسك
وحبيت اقلك الله يعينك السنوات الجاي
ولا تيئس متل بعض الطلاب اللي رسبوا كمان
وعبدعيلك من قلبي انو الدكتور يشفق عليك وينجحك
وبحب كمان اقول لكل الأعضاء انو يدعولك

انشا الله بينجح أسمر
ادعونا يا شباب عنا بكرا وأنا نسيان كل شي

يا شباب حدا يتكرم وينزل اسئلة يوم الاحد مع حلهن (2+7)