| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Dec, 17 2007, 12:31
| |||
| |||
 ما في مخبر ما فيو هالجهاز ....مقياس الطيف الضوئي اهليييييييييين ...مية السلامة ...تفضل(ي)...لا شو غير مرة وصلت(ي) لعنا ولو ...شو بتحب(ي) تشربي  رح بلش بأهمية الموضوع بلكي بتتحملوني للاخير Spectrophotometry هذا المبدأ يستعمل : -مثلا قياس تركيز الهيموغلوبين -قياس فعالية الانزيمات مثل كرياتين فوسفات كيناز ... ترانزاميناز ... -متابعة حركية تفاعل معين -تعداد الخلايا الحية MMT ASSAY -استخلاص الاحماض النووية عند طول موجة معين260 نانومتر و في عدة مجالات مثلا كشف العملة المزورة ( لانو الورق العادي مصنوع من السيليلوز و ورق العملة مصنوع من القطن ...و ال2 بيختلفو بطول الموجة الضوئية اللي بيمتصوها لذلك يتم كشف المزورة لانو بيصنعوها من سيليلوز) تذكرة غالبا ما يقصد بالضوء الجزء المرئي من الطيف الكهرومغناطيسي،حيث الجزء المرئي بالعين المجردة يمتد من الطول الموجي 400 نانومتر الى 700 نانومتر الا ان الانسان يستعمل موجات كهرومغناطيسية أخرى ليست مرئية مثل : -علاج بعض السرطانات باشعة غاما -اشعة اكس في التصوير الشعاعي عظام ...اسنان ..امتعة بالمطارات -الاذاعة ,التلفزيون ,الرادارات بتستعمل موجات هيرتز -الشمس بتدفينا بالموجات تحت الحمراء و البرونزاج بالفوق البنفسجية -الموبايلات بتستعمل الموجات المكروية متل اللي بتشغل المكروويف الفرن طيب ليش عصير الجزر لونو هيك لانو بيجي الضوء المرئي بتقوم جزيئات بيتاكاروتين للي موجودة بالعصير بتمتص الموجات البنفسجية و الزرقاء و جزء من الخضراء مشان هيك العين بتشوفا لون برتقالي مثلا اذا الموجات المرئية تم امتصاصها كلها ...اذا سيظهر اللون الاسود طيب ليش مرينا بتذكرة عن امتصاص الموجات الضوئية ....لانو مبدأ مقياس الطيف الضوئي يعتمد على امتصاص الموجات المرئية او الموجات الفوق البنفسجية طيب ليش مو الموجات تحت الحمراء لانو امتصاص الموجات تحت الحمراء بيعتمد على حرارة المحلول و ليس على تركيزو من الجزيئات هون حطنا الجمال ....شلون يعني تركيز الجزيئات لانو الجزيئات بتختلف باالموجات اللي بتمتصا ...يعني في جزيئات بتمتص عند موجة 340 نانومتر...في عند 540 نانومتر الخ نحنا شو منساوي نمرر هذه الموجة على المحلول الذي نريد معرفة تركيزه من الجزيئات ...و كمية الامتصاص تمكننا من حساب التركيز شلون بقا قانون بير لامبرت...بيسموه كمان قانون بوغير انو الموجة رح تدخل بشدة .0I و بما انو في امتصاص رح تطلع اقل من حيث الشدة منسميا I القانون بيقول انو امتصاصية المحلول –رح نسميا A- A=log(I0/Iطيب وين التركيز.... بعد ما يكون عنا A اللي هي قيمة الامتصاص...اللي رح يحسبا الجهاز ...رح نحسب التركيز بالقانون التالي A = ε. d . C حيث ε ابسيلون هو معامل الامتصاص عند موجة معينة...هاد محدد من قبل لكل نوع جزيئات يعني معروف D هو طول مسافة الامتصاص..يعني عرض الانبوب مثلا C هي التركيز اللي نحنا عم ندور عليها اذا الجهاز هو كالتالي …بيمر ضوء أبيض ..في نظام عكس بيختار طول موجة معين...يعني من مثلا بياخد موجة 540 نانومتر لانو نحنا منعرف انو الجزيئات اللي منا نحسب تركيزها تمتص هذه الموجة ...الجزيئات بتحب 540 نانومتر..هيك عقلا بعدين بيعطينا نتيجة الامتصاص A و بالقانون منحسب تركيز الجزيئات مثال في مخطط بالمرفق بيوضح الفكرة ...و هاد هو الجهاز مقياس الطيف الضوئي ...ع فكرة لازم يكون في غطاء لمكان وضع الانبوب بس انا حطيت الصورة هي بالذات مشان يبين مكان وضع الانبوب  مثلا منا نحسب تركيز الهيموغلوبين... اول شي في مستحضر منوزعو ع انبوبين بحيث منعرف التركيز ...هاد المستحضر رح يعمل انفجار للكريات الحمراء لتحرير الهموغلوبين بعدين منضيف لانبوب واحد كمية معينة من الدم 20 ميكرومتر الانبوب التاني اللي فيو بس المستحضر منحطو بالجهاز .....و منختار طول موجة 540 نانومتر الجهاز رح يظهر قيمة الامتصاص ....يعني رح يعطينا قيمة امتصاص جزيئات المستحضر لهذه الموجة ....منقوم نحنا منرجعو ع الصفر ليش مشان لما نحط الانبوب اللي فيو دم ...تكون قيمة الامتصاص اللي رح يطالعا الجهاز بس هي قيمة امتصاص الهيموغلوبين مو جزيئات المستحضر اخر خطوة منحسب حسب القانون ...قيمة تركيز الهيموغلوبين ...بعد ما تطلع قيمة الامتصاص ع الجهاز  ييي سرقنا الوقت و ما قلتلي (قلتيلي) شو بتحب(ي) تشرب(ي) أي استفسارات انا جاهزة...حاولت اختصر الموضوع مع انو درسناه بالسنة الثانية باكتر من شهر    |
| الأعضاء الـ 13 التالية أسماؤهم قالوا شكراً لك يا amarel على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| برنامج موبايل يخليك تحكي وين ما بدك بدولار كعرض خاص و كل ما تدعو شخص تاخد دولار | basboos | علوم وتكنولوجيا (حواسب واتصالات) | 0 | Oct, 07 2007 16:00 |
| ما هو مستوى نشاطك في الموقع؟ | Shankool | إعلانات الملتقى الإدارية | 41 | Sep, 03 2007 14:14 |
| ما دور زيت الخروع في الوصفة التالية: | عبد القادر | الصيدلانيات | 5 | Apr, 20 2007 18:43 |
كل الأوقات حسب GMT +2، والوقت الآن 08:13.
