هام للسنة الأولى :نقاش طلابي حول مادة الوراثة
يدور هذا النقاش حول هام للسنة الأولى :نقاش طلابي حول مادة الوراثة في قسم المواد الإعدادية في الملتقى الطبي السوري; بعد التحية والسلام وبلا طول حكي وكلام و خلينا نبدى بالموضوع بسرعة ....... الحقيقة هيدي الصفحة مخصصة عشان يضع فيها طلاب السنة الأولى اسئلتهم حول مادة الوراثة لعل وعسى أي
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Dec, 24 2007, 23:06
| |||
| |||
 هام للسنة الأولى :نقاش طلابي حول مادة الوراثة بعد التحية والسلام وبلا طول حكي وكلام و خلينا نبدى بالموضوع بسرعة .......  الحقيقة هيدي الصفحة مخصصة عشان يضع فيها طلاب السنة الأولى اسئلتهم حول مادة الوراثة لعل وعسى أي عضو من المنتدى يستطيع ان يفك الالتباس الذي يدور حول أي فقرة من المحاضرات .......  وطبعا باب الأسئلة مفتوح لكل طلاب السنة الأولى .........  واما باب الاجابة فهو مفتوح لكل أعضاء المنتدى اللي طبعا ما رح يبخلوا علينا ونما رح يزودونا بالمعلومات وزيادة........  وكافتتاحية للاسئلة رح اكون انا اول من يضع اسئلته لانو عندي سؤالين : 1- يا شباب ممكن توضحولي شو معنى القناة الشريانية السالكة ؟ 2- حسب ما فهمت من المحاضرة انو متلازمة داون يمكن ان تنتج من تثلث الصبغي 21 او من حادثة الازفاء بين الصبغيين 21 و 14 , فهل هذا الاستنتاج صحيح ؟ |
| قال العضو التالي أسمه شكراً لك يا The King على هذه المشاركة المفيدة: | ||
|
#11
Dec, 25 2007, 23:18
| |||
| |||
| بتوقع متل ما قال كين قصده بالعظم الاسفيني هو العظم الوتدي وهو احد عظام الجمجمة
1. شو يعني حنف القدم ؟: بعتقد قصدك الـ"جنف" وهو تقوس للوحشي بالعمود الفقري بس ما بعرف كيف زبطت جنف بالقدم؟؟ ممكن يكون قصده تقوسها للوحشي 2. شو هو الرباط النسيجي الزائغ ؟ ؟؟؟ 3. الغدة الصعترية المنصفية ؟Mediastinal thyroid هي غدة بتكون موجوده بالطفولة خلف عظم القص تقريبا ومسؤولة عن تشكيل نوع من الخلايا اللمفاوية المسؤولة عن المناعه...وهالغدة بتضمر بالتقدم بالعمر. على فكره اسمها Thymus مو thyroid 4. التشكل الخرطومي في الوجه بعتقد بيقصد احد التشوهات بالوجه بحيث يكون الانف على شكل خرطوم قصير (متل الفيل تقريبا  )5. الوريقة الوسطى للجنين سمعانين فيها .. بس شو يعني الوريقة الوسطى أمام الحبلية ؟؟ الوريقة الوسطى....هي رح تنصرع فيها بس تدرس الجنين بالجنين في عندك 3 وريقات بيتكون منها هي الظاهرة والوسطى والباطنة ومن هالوريقات بتشتق كل اعضاء الجسم 6. شو هي القيلة السحائية ؟ هدا عيب خلقي بتكون فيه القناة الفقرية مفتوحة والسحايا (انسجة تحيط بالدماغ والنخاع الشوكي) تنفتق منها عموما مصطلح قيلة يعني انفتاق وخروج الاعضاء خارج مكانها الطبيعي 7. شو هي اللهاة ؟ اللهاة يا عزيزي هي لما بتفتح تمك وبتطلع على سقف حنكك بالاخير بتلاقي قطعة لحم متدلية بالنص...هي هيي اللهاة!! 8. الجنف الخلقي الوضعي بعتقد متل ما قلت بالسؤال الاول...هو تقوس العمود الفقري للوحشي 9. العضلومات الرحمية الملساء ؟ هي اورام عضلية تنشأ على حساب العضلات الملساء (الغير ارادية) بالرحم وهو ورم حميد 10. المسخ متحد الأطراف السفلية !!!!!! 11. الأحرف الحنكية الجانبية البارزة !؟!؟!؟! (بنية تشريحية بالرأس بس الله اعلم وين بالزبط) 12. خطوط الثني الشاذة Abnormal flexion creases ؟؟؟؟؟؟ 13. القدم المسحاء الروحاء الروح: هو انحراف الطرف نحو الوحشي (تشوه) مسحاء: الله اعلم 14. المبال التحتاني هدا تشوه شائع عند الذكور بتكون فيه فتحة الاحليل توضعها على الوجه البطني للقضيب (يعني لتحت) 15. الخصية الخفية .. نفسها الخصية اللي تبقى في جوف البطن ؟  اي نفسها. الخصية الخفية او الخصية الغير نازله 16. الاضطراب المورفولوجي مورفولوجي = شكلي 17. الانقباض أو التضيق الحلقي (لأي حلقة ؟؟ )Ring constriction  18. الرحم ذو القرنين !؟؟ تشوه في الرحم بحيث يكون مكون من قرنين ملتحمين بالاسفل فقط 19. الاحتشاء الاحتشاء هو تموت الخلايا بسبب نقص التروية (مثلا احتشاء العضلة القلبية بسبب انسداد احد الشرايين المغذية وتموت العضلة) 20. القبة القحفية المفتوحة قبة القحف: هو قبة الجمجمة يعني سقف الجمجمة وصلت الفكره؟21. الشرائط السلوية .. شو هي وشو فرقها عن السائل السلوي ؟ السائل السلوي هو سائل يحيط بالجنين داخل الرحم بيأمن له الحماية والوسط المناسب الشرائط السلوية؟؟؟ اول مره بسمع فيها 22. رباعي فالو Tetralogy Fallot تشوه ولادي بالقلب..بيكون فيه 4 تشوهات مترافقه (بلا ما ندخل بالتفاصيل بتاخدوها بالجنين) 23. انعدام ثنية الحتار ( شو هاد حتار ؟  ) Lack of helical foldحتار الاذن...حافة الاذن الظاهرة.! 24. شو هي قناة موللر ؟ هي عضو جنيني...مسؤول عن تشكيل الاعضاء التناسلية (اذا مالي غلطان )25. رتق قمع الأنف .. عرفنا الرتق .. بس قمع الأنف هو منخر ولا المخرين معاً ؟! بتوقع هو الجزء العظمي من الانف (مو اكيد) واهلا وسهلا |
|
#12
Dec, 26 2007, 01:22
| |||
| |||
| ايهابو الاسئلة اللي لسا ما مشي حالها عندك حط المصطلحات تبعتها بالانكليزي اذا واردة بالانكليزي عندك بالمحاضرة مشان يكون الجواب ادق من عنا  |
| قال العضو التالي أسمه شكراً لك يا No Body على هذه المشاركة المفيدة: | ||
|
#13
Dec, 26 2007, 04:13
| |||
| |||
 ....................... |
|
#14
Dec, 26 2007, 13:27
| |||
| |||
 ما شا الله وين وصلتوا أنا بعدني عند الوتدي... يمكن قصده على العظم الوتدي Sphenoid bone وليس cuneiform bone الاسفيني بالقدم ... هاد الوتدي (حطيتلك عليه × بالأحمر ) رح تاخدوه على الفصل التاني ان شاء الله... بالتوفيق... بدون عنوا ن.JPG بدون عنوان.jpg وهي وردة  |
|
#15
Dec, 26 2007, 13:39
| |||
| |||
| توربو ............... ......كان بإمكانك تجاوب الأسئلة اللي ما جاوبتها أنا .........................وبعدين ليش بتحط نفس التعاريف تبعي ( مو بحرفيتها ) بس بتشبهها كتير .  وين الأسئلة الجديدة .....شو باين لما فهموا الطلاب مادة الوراثة بطلو يدرسوها ............  |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#16
Dec, 26 2007, 14:41
| |||
| |||
| المشاركة الأصلية بواسطة shakazolo آسف شكازولو والله ما انتبهت على ردك !!!
طولت شوي وانا عم بكتب ردي يمكن انت نزلته في هذه الاثناء! المهم رأيين اتنين احسن من رأي واحد عندي بعض التعديلات 10. المسخ متحد الأطراف السفلية تشوه بتكون فيه الاطراف السفلية متحدة مع بعضها فيصبح شكل الجنين مثل حورية البحر . خطوط الثني الشاذة Abnormal flexion creases خطوط الثني هي اللي بتشوفها على راحة يديك، بتكون هالخطوط شاذة في بعض المتلازمة مثل متلازمة داون بيكون في خط واحد في راحة اليد بدلا من 3 القدم المسحاء: المسطحة 15. الخصية الخفية .. نفسها الخصية اللي تبقى في جوف البطن ؟ الخصية الخفية هي اللي بتبقى بجوف البطن بينما الغير نازله فهي توقف اثناء نزولها عبر القناة الاربية (يعني خارج جوف البطن) بالنسبه لباقي المصطلحات بتمنى متل ما قال نوبدي تحط المصطلح الانجليزي او على الاقل السياق اللي انذكرت فيه الكلمة مشان نعرف عن شو عم يحكي |
|
#17
Dec, 26 2007, 18:27
| |||
| |||
| يسلموو كتيير عالمعلومات القيمة والحلوة والفائدة أكتر من كبيرة والله مو عارف كيف اشكركن على المساعدة والتضامن معنا نحن السنة الأولى موجودين بالكلية إيمت ما بتحب أهلا وسهلا هاي كليتك ونحن ضيوف مشكورين كتيييييير |
|
#18
Dec, 26 2007, 19:23
| |||
| |||
| وهي مشان شكازولو ما يزعل .. أسئلة ليوم الأسئلة !!: 1. مشان حنف القدم .. هو مذكور أكتر من مرة ( حنف) وليس جنف ، بالانكليزيClub foot 2. الجذع الشرياني الركابي .. أو جذع الشريان الركابي .. أين يوجد ؟ 3. ما هي القوس الغلصمية ؟؟ Bronchial art ( غلاصم بالانسان !!)4. بروز عرف الديك Crista gall شو نحن مندرس انسان ولا سمكة ولا ديك ؟؟ 5. الساليسيلات Salicylates 6. الأرومة الميزانشيمية Mesenchymal blastema 7. الصفيحة الغربالية Cribriform Plate 8. الأربطة الإبرية اللامية 9. موه الدماغ المحول shunted hydrocephaly 10. نقص الفوسفاتيمية شو بيفرق عن نقص الفوسفاتاز ؟ 11. الحثل العظمي الأزوتيمي Azotemic osteoydystrophy 12. الثلاسيميا 13. رنح توسع الشعيرات ( ما هو الرنح ) ؟؟ 14. الانقسام الفتيلي نفسو الانقسام الخلوي ؟ Mitosis 15. ثدن الوريقة الخارجية ناقص التعرق و التوزع الرقعي للغدد العرقية 16. الوهدة الأذنية . وهي وردتين لأحلى شباب |
| قال العضو التالي أسمه شكراً لك يا Ehaboo على هذه المشاركة المفيدة: | ||
|
#19
Dec, 26 2007, 22:55
| |||
| |||
| 1. مشان حنف القدم .. هو مذكور أكتر من مرة ( حنف) وليس جنف ، بالانكليزيClub foot هي هيي الـ club foot http://z.about.com/d/pediatrics/1/0/...bfoot_baby.jpg (صورة تغني عن 1000 كلمة )2. الجذع الشرياني الركابي .. أو جذع الشريان الركابي .. أين يوجد ؟ احد شرايين الاذن الوسطى (اذا بتتذكر عظيمات السمع 3: مطرقه وسندان وركاب) 3. ما هي القوس الغلصمية ؟؟ Bronchial art ( غلاصم بالانسان !!) الاقواس الغلصمية هي بنية جنينية بيكون مكانها تقريبا عند الرقبه وبيشتق منها العديد من الاعضاء الرقبية والرأسية 4. بروز عرف الديك Crista gall هدا عظم كان بالجمجمه بس نسيت وين بالزبط 5. الساليسيلات Salicylates دواء مشهور باسم الاسبرين 6. الأرومة الميزانشيمية Mesenchymal blastema هي الخلية الغير متمايزه,...يعني بتتحول بعدين لاحد الانماط الخلوية (عضلية - عصبية - ظهارية..الخ) 7. الصفيحة الغربالية Cribriform Plate من عظام الجمجمه بيمر من خلاله الياف العصب الشمي 8. الأربطة الإبرية اللامية كمان اربطة بالجمجمه بتمتد من الناتئ الابري للعظم اللامي بالرقبه 9. موه الدماغ المحول shunted hydrocephaly موه الدماغ هو زيادة السائل الدماغي الشوكي... بتوقع هالمصطلح هو طريقة علاجية لافراغ السائل الزائد 10. نقص الفوسفاتيمية شو بيفرق عن نقص الفوسفاتاز ؟ نقص الفوسفاتيمية هو نقص فوسفات الدم نقص الفوسفاتاز هو نقص انزيم الفوسفاتاز (اي شي آخره "آز" معناها انزيم) 11. الحثل العظمي الأزوتيمي Azotemic osteoydystrophy الحثل العظمي: يعني ضمور العظام 12. الثلاسيميا مرض دموي فيه تشكل هيموغلوبين شاذ 13. رنح توسع الشعيرات ( ما هو الرنح ) ؟؟ الرنح هو فقدان التوازن اثناء المشي (مشية غير طبيعية) 14. الانقسام الفتيلي نفسو الانقسام الخلوي ؟ Mitosis والله ما بعرف دائما بخربط فيهم شوف هالرابطhttp://ar.wikipedia.org/wiki/%D8%AA%D9%81%D8%AA%D9%84 15. ثدن الوريقة الخارجية ناقص التعرق و التوزع الرقعي للغدد العرقية 16. الوهدة الأذنية . |
|
#20
Dec, 27 2007, 19:24
| |||
| |||
| على فكرة بالنسبه لعرف الديك ظاهر بالصوره التانيه اللي حطها مستر ساد بالعظم اللي لونه اصفر هدا العظم اسمه العظم الغربالي وفي جزء منه بارز اسمه عرف الديك نسيت اشكر مستر ساد على مساعدته في الاجابة على الاسئلة وهي ورده اله |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| نقاش حول Pateint's History لطبيب عام | Shankool | مقهى الملتقى | 25 | Jun, 30 2008 23:37 |
| اسئلة فحص تشريح1 عملي للسنة الأولى | The King | التشريح والجنين | 8 | Dec, 17 2007 19:34 |
| هام للسنة الأولى : اسئلة فحص عملي الكيمياء القسم النظري | The King | المواد الإعدادية | 6 | Dec, 13 2007 00:21 |
| عاجل للسنة الأولى - أسئلة المذاكرة العملية للتشريح (1) | Ehaboo | التشريح والجنين | 7 | Nov, 22 2007 20:01 |
| نقاش حول موضوع (آخر أخبار عام 2030) | أم النور | مقهى الملتقى | 39 | Mar, 24 2005 01:48 |
كل الأوقات حسب GMT +2، والوقت الآن 00:08.
