بعد التحية والسلام وبلا طول حكي وكلام و خلينا نبدى بالموضوع بسرعة .......
الحقيقة هيدي الصفحة مخصصة عشان يضع فيها طلاب السنة الأولى اسئلتهم حول مادة الوراثة لعل وعسى أي عضو من المنتدى يستطيع ان يفك الالتباس الذي يدور حول أي فقرة من المحاضرات .......
وطبعا باب الأسئلة مفتوح لكل طلاب السنة الأولى .........
واما باب الاجابة فهو مفتوح لكل أعضاء المنتدى اللي طبعا ما رح يبخلوا علينا ونما رح يزودونا بالمعلومات وزيادة........
وكافتتاحية للاسئلة رح اكون انا اول من يضع اسئلته لانو عندي سؤالين :
1- يا شباب ممكن توضحولي شو معنى القناة الشريانية السالكة ؟
2- حسب ما فهمت من المحاضرة انو متلازمة داون يمكن ان تنتج من تثلث الصبغي 21 او من حادثة الازفاء بين الصبغيين 21 و 14 , فهل هذا الاستنتاج صحيح ؟

وين اللي قالوا انوا الطب كلو اتمتة..........
لك يا شباب بشرنا دكتور الوراثة انو نمط الأسئلة فرنسي
يعني عرف وعدد وحل مسألة
يعني بدنا نرجع لحالة البصم
مع العلم هيدي اول مرة كلية الطب من 4 سنوات تخرج عن نطاق الأتمتة
وذلك على قولة الدكتور

لك اخ يا شباب ....................
اديش هالدكتور وكمان ايهابو بحبوا التعقيد (مزحة)
بعد الجهد الطويل قدرت افهم تفسير فرضية موس للتعظم الدروز الباكر
واللي انذكر فيها الأسماء الغريبة ( عرف الديك ,الصفيحة الغربالية , جناحي العظم الاسفيني الصغيرين )
وقدرت استنتج ما يلي :
التعظم الباكر للدروز الاكليلي بسبب شوه حيزي لجناحي العظم الاسفيني الضغيرين .
التعظم الباكر للدروز السهمي بسبب شوه حيزي للصفيحة الغربالية وعرف الديك .
وكل ما سبق يعد من الشوه القاعدي القحفي .(هل هذا صحيح )
وطبعا هيدي الشوهات تنقل في نقاط اتصالها مع الأم الجافية ,المتوضعة فوق قاعدة القحف, القوى الشدية الزائغة التي تصعد نحو اعلى الجمجمة ان صح التعبير لتسبب التحام مبكر للدروز الدماغية .
وبهيدي الطريقة بكون الشوه القاعدي القحفي هو شذوذ بدئي يتنج عنه التحام مبكر للدروز الدماغية .
وبعد كل هيدا يا شباب تتوقعوا استنتاجي صحيح ولا لا .
وعلى كل حال ارفقت مشاركتي بصورة حلوة للجمجمة من الوضع الأنسي بينت فيها
( عرف الديك ,الصفيحة الغربالية , جناحي العظم الاسفيني الصغيرين )
وبهيدي المشاركة بكون ضربت عصفورين بحجر واحد فانا جاوبت على كم سؤال لايهابو عن طريق الصورة وقدمت سؤال بتمنى الشباب يجاوبوني عليه .

الصورة تسمياتها صحيحة ..شو السؤال ؟؟؟؟؟؟؟؟؟؟؟؟؟؟

سؤالي يا شباب :
يا ترى تعظم الدروز الباكر يحدث بالطريقة اللي استنتجتها
او يمكن يكون استنتاجي خاطئ

التعظم الباكر للدروز الاكليلي بسبب شوه حيزي لجناحي العظم الاسفيني الضغيرين .
التعظم الباكر للدروز السهمي بسبب شوه حيزي للصفيحة الغربالية وعرف الديك .
وكل ما سبق يعد من الشوه القاعدي القحفي .(هل هذا صحيح )

كينغ عندك مصطلحاتون الانكليزية ؟ لانو عمحاول شوف استنتاجك بس ما عمافهمو تمام

التعظم الباكر للدروز الاكليلي بسبب شوه حيزي لجناحي العظم الاسفيني الضغيرين .
التعظم الباكر للدروز السهمي بسبب شوه حيزي للصفيحة الغربالية وعرف الديك .
وكل ما سبق يعد من الشوه القاعدي القحفي .(هل هذا صحيح )

ما بعرف اذا فهمت سؤالك صح...بس كأنو انت عم بتحاول تربط بين التعظم الباكر و تشوهات حيزية للعظام يلي ذاكرها...بس هل عظام هي من المكونات الداخلية للجمجمة...بينما التعظم الو علاقة بالعظام الخارجية...

يعني الدرز الاكليلي(sutura coronalis) بيتشكل بين العظمين الجبهي و الجداري و الدرز السهميsutura sagittalis) بين الجداريين و من الخلف العظم القذالي occipitale

على كل حسب ما وجدت في مرجع طب الأطفال انو التعظم الباكر للدروز بشكل عام يترافق مع نمو شاذ لقاعدة القحف (وليس ذلك هو السبب!)
اما الأسباب فهي مجهولة يعني مو معروف ليش هيك بصير و لكن لاحظوا انو التعظمات الباكرة تترافق مع متلازمات معينة غالباً موروثة مثل داء كروزون crouzon's disease -> dysostosis craniofacialis
و acroencephalosyndactylia : داء ابرت apert's disease على سبيل المثال

و هي صورة توضيحية
تعظم الدروز الباكر craniostosis.JPG

بحب بالبداية اتقدم بالشكر لكل الاعضاء الكرام اللي عبجاوبونا على أسئلة الوراثة.......
وعشان نحل مشكلة تعظم الدروز الباكر رح اقول لحضرتكم شو مكتوب بالمحاضرة بالحرف والنقطة........
(أكد الباحث موس ان الشوه القاعدي القحفي هو الشذوذ البدئي الذي ينجم عنه التحام ثانوي مبكر للدروز الدماغية ........)
هيدا الكلام في راس الصفحة واما اسفل الصفحة فقال :
(وفقا لنظرية موس فان كلا جناحي العظم الاسفيني الصغيرين المشوهين حيزيا Spatially malformed lesser sphenoidal wings في التعظم الباكر للدرز الاكليلي , بالاضافة للصفيحة الغربالية Cribriform وبروز عرف الديك cresta galli المشوهين حيزيا في تعظم الدرز السهمي الباكر ينظر اليهم جميعا على انهم شذوذات بدئية (أولية ) تنقل في نقاط اتصالها مع الأم الجافية القوى الشدية الزائغة Aberrant tensile forces صاعدا عبر الأم الجافية مما يؤدي الى التحام مبكر للانسجة البنيوية التي تعلوها )
واذا ياشباب حدا فهم الله يخليه يفهمني بسرعة

وفقا لنظرية موس فان كلا جناحي العظم الاسفيني الصغيرين المشوهين حيزيا Spatially malformed lesser sphenoidal wings في التعظم الباكر للدرز الاكليلي , بالاضافة للصفيحة الغربالية Cribriform وبروز عرف الديك cresta galli المشوهين حيزيا في تعظم الدرز السهمي الباكر ينظر اليهم جميعا على انهم شذوذات بدئية (أولية ) تنقل في نقاط اتصالها مع الأم الجافية القوى الشدية الزائغة Aberrant tensile forces صاعدا عبر الأم الجافية مما يؤدي الى التحام مبكر للانسجة البنيوية التي تعلوها )
واذا ياشباب حدا فهم الله يخليه يفهمني بسرعة

التعظم الباكر للدروز الاكليلي بسبب تشوه حيزي (مكاني) لجناحي العظم الاسفيني الضغيرين .
التعظم الباكر للدروز السهمي بسبب تشوه حيزي (مكاني) للصفيحة الغربالية وعرف الديك .

استنتاجك صحيح حسب ما قرأت
بس هي نظرية و ليس سبب ( لازم يكون متفق عليه)
يعني حسب العالم موس هو ان بعد حدوث التشوه الأولي (تشوه حيزي (مكاني) لجناحي العظم الاسفيني الضغيرين أو تشوه حيزي (مكاني) للصفيحة الغربالية وعرف الديك ) يؤدي هذا التشوه الى تغيير موقع نقاط التصاق الام الجافية على عظام الجمجمة و بالتالي تمارس الام الجافية شد على العظام الأخرى و يؤدي ذلك الى التحام الدروز (الاكليلي أو السهمي)

هذا يلي فهمتو من يلي كتبتو
اتمنى يفيدك

أنا أسجل خروجي من الموضوع ..................