| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Dec, 25 2007, 00:06
| |||
| |||
 هام للسنة الأولى :نقاش طلابي حول مادة الوراثة بعد التحية والسلام وبلا طول حكي وكلام و خلينا نبدى بالموضوع بسرعة .......  الحقيقة هيدي الصفحة مخصصة عشان يضع فيها طلاب السنة الأولى اسئلتهم حول مادة الوراثة لعل وعسى أي عضو من المنتدى يستطيع ان يفك الالتباس الذي يدور حول أي فقرة من المحاضرات .......  وطبعا باب الأسئلة مفتوح لكل طلاب السنة الأولى .........  واما باب الاجابة فهو مفتوح لكل أعضاء المنتدى اللي طبعا ما رح يبخلوا علينا ونما رح يزودونا بالمعلومات وزيادة........  وكافتتاحية للاسئلة رح اكون انا اول من يضع اسئلته لانو عندي سؤالين : 1- يا شباب ممكن توضحولي شو معنى القناة الشريانية السالكة ؟ 2- حسب ما فهمت من المحاضرة انو متلازمة داون يمكن ان تنتج من تثلث الصبغي 21 او من حادثة الازفاء بين الصبغيين 21 و 14 , فهل هذا الاستنتاج صحيح ؟ |
| قال العضو التالي أسمه شكراً لك يا Mohammad Shasho على هذه المشاركة المفيدة: | ||
|
#2
Dec, 25 2007, 01:09
| |||
| |||
| لا بالله شو يعني ناسور رغامي مريئي شو هاد الثدن الجسدي الرقبي الصدري ؟ شو يعني رتق الاحليل ؟ شو يعني العظم الاسفيني ؟ شو يعني وراثة ؟ شو يعني انك تحمل شي مادة مع التشريح وما حدا يسمي عليك ؟؟  |
|
#3
Dec, 25 2007, 01:24
| |||
| |||
| المشاركة الأصلية بواسطة The King رح يكون الشرح من الصفر ومبسط على اعتبارك سنة اولى 
الرئتين عند الجنين مالون شغل ... لأنو الجنين ببطن امه ما بيتنفس ... فمافي داعي لأنو الشريان الرثوي ياخد الدم علرئتين ... في وصلة اسمها القناة الشريانية ... وجودها طبيعي فقط في الحياة الجنينية ..ز بتوصل فقط بين الشريان الرئوي والشريان الابهر ... وبتسمح للدم القادم من البطين الايمن بانه ينتقل مبارشة للابهر (بدال ما يكمل طريقه ويروح علرئتين) المشاركة الأصلية بواسطة The King استنتاجك صحيح ...
 |
| الأعضاء الـ 6 التالية أسماؤهم قالوا شكراً لك يا No Body على هذه المشاركة المفيدة: | ||
|
#4
Dec, 25 2007, 01:36
| |||
| |||
| المشاركة الأصلية بواسطة Ehaboo بالمشرمحي
ناسور يعني وصلة وعادة الرغامى ما بتتصل مع المري ... فلما بتنوجد وصلة بيناتون ... فهادا اسمو ناسور مريئي رغامي ... وهادا شي مو منيح
فلما ما بيصير في تقني ... يعني بيضل التركيب مسدود بجزء منو ... فهادا منسميه رتق
دروس منيح |
| الأعضاء الـ 8 التالية أسماؤهم قالوا شكراً لك يا No Body على هذه المشاركة المفيدة: | ||
|
#5
Dec, 25 2007, 14:01
| |||
| |||
| مرحبا ... هون في شوية مصطلحات بتفيد طلاب الاولى رح أكمل الموضوع بعد الامتحان ان شا الله http://www.syrianmeds.net/forum/topic7025.html وهي وردة  واذا في كلمة حسيتوها غريبة اسألوا وأهلا وسهلا بأخوتنا الصغار |
| الأعضاء الـ 3 التالية أسماؤهم قالوا شكراً لك يا Mr.sad على هذه المشاركة المفيدة: | ||
|
#6
Dec, 25 2007, 19:32
| |||
| |||
| طبعا مشكورين كتير mr sad no body بس المشكلة يا no body انو المكتوب عنا : اذا تشوه جناحا العظم الاسفيني حيزياً .. يحصل التحام باكر للدرز الاكليلي في الجمجمة !! بقا شو دخل العظما لاسفيني .. بالجمجمة ! واحد فوووووووووق وواحد تحت !!! |
| قال العضو التالي أسمه شكراً لك يا Ehaboo على هذه المشاركة المفيدة: | ||
|
#7
Dec, 25 2007, 22:17
| |||
| |||
| على فكرة الثدن الجسيدي الرقبي الصدري = Cervicothoracic somite dysplasia |
|
#8
Dec, 25 2007, 23:01
| |||
| |||
| كمان في كم سؤال بعد اذنكن : 1. شو يعني حنف القدم ؟: 2. شو هو الرباط النسيجي الزائغ ؟ 3. الغدة الصعترية المنصفية ؟Mediastinal thyroid 4. التشكل الخرطومي في الوجه 5. الوريقة الوسطى للجنين سمعانين فيها .. بس شو يعني الوريقة الوسطى أمام الحبلية ؟؟ 6. شو هي القيلة السحائية ؟ 7. شو هي اللهاة ؟ 8. الجنف الخلقي الوضعي 9. العضلومات الرحمية الملساء ؟ 10. المسخ متحد الأطراف السفلية 11. الأحرف الحنكية الجانبية البارزة 12. خطوط الثني الشاذة Abnormal flexion creases 13. القدم المسحاء الروحاء 14. المبال التحتاني 15. الخصية الخفية .. نفسها الخصية اللي تبقى في جوف البطن ؟  16. الاضطراب المورفولوجي 17. الانقباض أو التضيق الحلقي (لأي حلقة ؟؟ )Ring constriction 18. الرحم ذو القرنين !؟؟ 19. الاحتشاء 20. القبة القحفية المفتوحة 21. الشرائط السلوية .. شو هي وشو فرقها عن السائل السلوي ؟ 22. رباعي فالو Tetralogy Fallot 23. انعدام ثنية الحتار ( شو هاد حتار ؟  ) Lack of helical fold24. شو هي قناة موللر ؟ 25. رتق قمع الأنف .. عرفنا الرتق .. بس قمع الأنف هو منخر ولا المخرين معاً ؟! وهي وردة لاحلى شباب ومشكورين كتير عالمساعدة |
|
#9
Dec, 25 2007, 23:36
| |||
| |||
| قصدو على العظم الوتدي اللي اسمو sphenoid بالأنكليزي...  يللا كلها ست سنين بتمضى... |
|
#10
Dec, 25 2007, 23:54
| |||
| |||
 الموضوع أكيد راح يفيد طلاب السنة الأولى وكمان أنا .............ما بعرف ليش ؟؟؟؟؟؟؟؟؟؟؟ راح أجاوب عن بعض الأسئلتك الأخيرة : الغدة الصعترية المنصفية : أول شي الترجمة خطأ لازم تكون mediastenal thymus . فالغدة الصعترية هي التيموس وأنا حاطط موضوع اسمو ( حزورة مدارس زمان عن التيموس ) . هي نسيج لمفاوي يساعد نوع معين من الخلايا lymphocyte T بالتمايز إلى مراحل متطورة أكثر . وهي تقع بشكل طبيعي في المنصف العلوي . أما الترجمة mediastenal thyroid فهي تعني الغدة الدرقية المنصفية ............. يعني الغدة الدرقية موضعها إلى الأسفل قليلاً .......... المنصف هو المنطقة اللي ...............حاسس إنو لازم ترجعوا لكتاب تشريح 2 مشان تعرفوا المنصف . القيلة السحائية : هي عبارة عن تشكل كيسي ناجم عن عدم تكون القوس الخلفية للفقرة وبالتالي تخرج السحايا وأحياناً محتوياتها من العمود الفقري باتجاه الخلف نحو الجلد لتبرز بشكل كيسي إلى خارج الجسم . واسم قيلة سحائية ، يعني بدون نخاع شوكي أي سحايا فقط . اللهاة : يا عزيزي هي ببساطة لما بتفتح تمك للأخير وتحط إدامك مراية وبعدين راح تشوف شي شغلة لونها أحمر متدلية من الأعلى إلى الأسفل في سقف فمك ..............وبعدين كل ما تحرك راسك بتتحرك معك هالشغلة . هاي الشغلة يا حبيبي اسمها اللهاة . العضلوم الرحمي الأملس : هو ورم ليفي سليم ( مو خبيث ) موجود في عضلة الرحم وهو أشيع ورم في الرحم على الإطلاق ..............ويسبب إجهاضات متكررة . المبال التحتاني : هو تشوه خلقي ولادي يحدث لدى الذكور فقط لأنه عبارة عن انفتاح الاحليل في منطقة تقع في أسفل الاحليل وليس في نهايته كما هي الحالة الطبيعية ..............وفي حال كانت الفتحة في الأعلى فاسمه مبال فوقاني . الخصية الخفية ............نفسها . الاضطراب المورفولوجي : أي الاضطراب الشكلي الاحتشاء : هو نقص التروية الذي يحدث لعضو ما ويسبب بذلك تنخر في خلايا العضو . الحتار : هو الطرف العلوي من صيوان الأذن ................أي القوس العلوية الخلفية ( هاي القطعة السميكة شوي في أعلى صيوان الأذن ) ...........واضحة  هذا اللي قدرت عليه وإنشاء الله تكون الفائدة كبيرة ................ونحنا موجودين بخدمتكم ......... يا سنة أولى .................بس مشتهي أشوفكم ......  .........صارلي زمان ما جيت على الكلية .ادعولي بالتوفيق ............... |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| اسئلة فحص تشريح1 عملي للسنة الأولى | Mohammad Shasho | السنة الأولى | 10 | Jul, 02 2009 02:02 |
| نقاش حول Pateint's History لطبيب عام | Milad Kawas | مقهى الملتقى | 26 | Mar, 04 2009 16:21 |
| هام للسنة الأولى : اسئلة فحص عملي الكيمياء القسم النظري | Mohammad Shasho | السنة الأولى | 6 | Dec, 13 2007 01:21 |
| عاجل للسنة الأولى - أسئلة المذاكرة العملية للتشريح (1) | Ehaboo | السنة الأولى | 7 | Nov, 22 2007 21:01 |
| نقاش حول موضوع (آخر أخبار عام 2030) | أم النور | مقهى الملتقى | 39 | Mar, 24 2005 02:48 |
