| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | (ادرس والقط صورة)خلونا مع بعض لنقوى .... |
 |
| | LinkBack | أدوات الموضوع |
|
#1
Dec, 25 2007, 23:32
| |||
| |||
 دعوة إلى طلاب السنة الأولى -دراسات عليا- السلام عليكم ورحمة الله وبركاته, الزميلات والزملاءالأعزاء-دفعتي الغالية- أضحى مبارك وينعاد عليكم وأنتم سنة تانية وبيكون في عندكم سنة أولى تتطلبوا منهم وتفرغواشحناتكم فيهم وتفشواخلقكم في هالمساكين..... حلوة هالمعايدة؟؟؟؟  طبعاعبمزح,واللي عبساويه البعض فينا إن شاء الله مانساويه في غيرنا... أول شي هاي وردةإلكم  بعدين شلون العيد معكم إن شاء الله ارتحتوا ونمتو فيه منيح؟ هلأ الدعوة مو هي لعزيمة أوغدا حتى ماتسنواسنانكم  فكرة الموضوع أنو كل واحد فينا يحكي عن قسمه,كيف كان متوقعه وكيف لقاه  هيك منحكي عن إيجابيات وسلبيات كل قسم من كل النواحي وبشفافية-بس اطمنوا ما رح يشوفكم حدارغم وجود الشفافية إذا موافقين خلونا نبدا وهيك منكون عمنعرف شو عمبيصير بالأقسام التانية ومنكون عمنوضح للي لسه ماتخرجوا الصورة  ومنساعدهم في الاختيار والله بعرف أنو ماعندكم وقت بس خلونا نجرب...   |
|
#2
Dec, 26 2007, 01:37
| |||
| |||
| موضوعك حلو يا متأملة .. يمكن انتِ من أصحاب الاختصاصات اللي ما فيها مناوبات يمكن عرفتك ويمكن لأ بانتظار تعليقات الشباب .. إذا فضوا يدخلوا .. ع كل حال هي وردة  موضة الموقع الدارجة |
|
#3
Dec, 26 2007, 04:10
| |||
| |||
| هدا الموضوع اذا اشتغل مزبوط ممكن يكون مرجع لألنا كلنا.......مناخد فيه صورة موسعة عن جميع الأختصاصات بسهولة.........دعوة لكل شباب الأختصاص للمشاركة... ... |
|
#4
Dec, 26 2007, 09:30
| |||
| |||
| طب قولي انت بئـــــــــــــا........... احكيلي على قسمك وأنا بحكي مع الشباب يدخلو يولولو و يبكوا هون............ قبلاتي للجميع بشفاه مثلمة {موضة الموقع الدارجة}...........dr_mm  |
|
#5
Dec, 26 2007, 13:38
| |||
| |||
| هيك راح يكون اختيارنا للاختصاصات سهل في المستقبل ............... بس إنشاء الله يدخلوا طلاب الدراسات على الموضوع ويعاونونا ..............مشان ما نضيع متل بقية السنوات الماضية . |
|
#6
Dec, 26 2007, 18:51
| |||
| |||
| شكرا أخ Shankool -تحياتي للأخوة اللي لسه ماتخرجوا ودعاؤنا لهم بالتوفيق إن شاء الله نقدر نقدملكم صورة واضحة و بحيادية عن كل اختصاص..... -أخي dr-mm رح اعتبر هدا وعد منك في الطلب من الزملاء المشاركة ومتل مابدك رح بلش من عندي  أدرس اختصاص الDermatology وحتى نتفق من الاول الايجابيات والسلبيات هي من وجهة نظري الخاصة  الايجابيات في قسمنا: -ما في مناوبات وهدا أمر بيهمني كتييير My viewpoint -النظام الهرمي الموجود -حسب ماأسمع من زميلاتي بالاختصاصات التانية اللي هو في ذروته - نحن عنا ما رح قول ماهو موجود أكيد موجود بس بالحدود الدنيا -أساتذتنا بتوقع كلنا كنا نحب أساتذة الجلدية بس خليني قلكم بصراحة لسه الرؤية ضبابية وماقدرنا نعرف خيرهم من شرهم -في مشروع طرحه د.أنور بخصوص الseminars وهو تحضير موضوع معين من قبل طالب الدراسات ويناقش فيه الجميع حسب جدول معين حتى تقدر تحضر الموضوع وتناقش فيه بس لبداية الشهر الأول حتى نبدأ فيه -تأمين مجلة Jaade لطلاب القسم -لسه ماوصلنا شي- -يوم الاثنين من كل أسبوع يذهب طالب من كل سنة إلى مستوصف الحمدانية لمشاهدة عرض الحالات ومناقشتها مع الأخصائين عندهم - يسود االجو الأخوي بين السنة الأولى وإن شاء الله يبقى هيك -الحلو أنو في فرز العيادات -وهدا أحسن فرز عندنا بتشوف عدة حالات وبتتعلم تكتب وصفات وبتشوف دكاترتنا حاليا هذه الايجابيات اللي قدرت جمعها أما السلبيات فبعد ال Break |
|
#7
Dec, 26 2007, 21:34
| |||
| |||
| موضوع كتير حلو عنجد هيك بتفيدونا كتير وبتعطونا فكرة واقعية عن اللي عم يصير بالاختصاص ....... معلومات كتير مهمة للي بمرحتلنا بالتوفيق لكل الطلاب الجدد بالاختصاص |
|
#8
Dec, 27 2007, 11:30
| |||
| |||
| عدنا...... السلبيات ياجماعة في قسمنا من وجهة نظري هي متل السلبيات الموجودة بكل قسم وشكرا لأ عنجد رح قدملكم هلأ سلبيات قسمنا اللي بتمنى من كل قلبي نتخلص منها والله يقدرنا نغيرها ومانقعد بس نتذمر منها -الممرضات -السلطة العليا في المشفى- عن جد أول ما داومت كانوا مسببين أزمة نفسية لألي ويمكن لأنو أنا مابعرف مسح جوخ ماكتييير حبوني,رح أعطيكم مثال حتى ماتحسبوني عبتبلاهم يمكن بتعرفوا الممرضة في العيادات اللي ما بيعرفها......ما رح كمل -الوضع التعليمي, كنت عبحلم أحلام وردية عنه بس بتوقع الصورة معبرةمنعتمد في المشفى على مرجع اسمه (علم نفسك بنفسك) -طلاب الدراسات عنا ما كتييير متعاونين -مو كلهم طبعا-رح تقولوا أنه الواحد بيتعب على حاله مااختلفنا بس بتبقى الخبرة العملية غير حكي المراجع....وبعدين نحن دراسات عليا مو هيك اسمنا !!! -أخصائينا مابيعملوا visitعلى مرضى الجناح ومنشوهم بالعيادات وبس يمكن عنا محاضرات بس لسه مابلشت ومابعرف إذا كنا حنستفيد -أي نسيت شغلة كتييييير مزعجة وهي الموازي والطلبة العرب يمكن لازم قول -صدق أولاتصدق-عددنا كسنة أولى صار 13  يعني بتعرفوا أنو نحنا ماعنا ضغط كتير يعني العدد النموذجي هو 5 -صرنا 5مباشر+5 موازي + 3 إيرانيين -التحاليل والأشعة والروتين والإمكانيات المحدودة بتوقع هاي مشكلة عامة -عدد سنوات الدراسة عنا مابتتحمل أكتر من 3 سنوات يعني السنة رابعة عنا منشوفهم يومين بالاسبوع يعني مثلا ممكن يكون في تحت اخصاص لجراحة الجلد مثلا بعد السنة التالتة............ هادا اللي قدرت جمعه عن القسم اللي بتمنى يكون أفضل من هيك بكتييييير  أنا خلصت وإذا حده عندو سؤال أنا جاهزة وبتمنى الزملاء بالاختصاصات التانية يحكونا عن قسمهم بالتوفيق للجميع |
|
#9
Dec, 27 2007, 17:16
| |||
| |||
| ما فهمت .. الإيرانيين طلبة عرب ولا موازي؟  وشلون بتتفاهموا معهم؟ روي هر عكس كليك كنيد زندگي نامه همان بازيگر را مشاهده خواهيد كرد؟ |
|
#10
Dec, 27 2007, 18:24
| |||
| |||
| الطلبة العرب منهم زميلتنا بسمة -والدها عراقي وهي مامعها الجنسية السورية- أما الايرانيين,ففي شي اسمه تبادل الطلاب -مابعرف تفاصيل هالموضوع بالضبط- أما كيف منتفاهم معهم,فعن جد هاي مشكلة إلنا وإلهم إحدى الزميلات بتحكي العربية منيح أما الزميلين التانيين فرح تحكي معهم بالانجليزي حتى يمشي الحال بس المشكلة أنو أنا بالمحادثة ماكتر منيحة  يعني مشكلة إذا كانوا معك بنفس الفرز ,بس حسب مافهمت أنو بالسنة التانية بيرجعوا على إيران  بتمنى كون جاوبتك على سؤالك , صحي في موضوع إلك عن صور الجلدية ماحطيت تشخيص آخر صورة بعدين شو آخر جملة كاتبها , الله يوفقك في العندنا مانا مقطعين |
| قال العضو التالي أسمه شكراً لك يا Hopeful على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| دراسات عليا - صيدلة | Mohammad Yahya Sabbagh | الصيدلة | 1 | Nov, 06 2007 16:43 |
| إلى طلاب السنة الثالثة | محمد أبيض | الأدوية | 0 | Dec, 11 2005 17:10 |
كل الأوقات حسب GMT +2، والوقت الآن 11:25.
