ما هو الحل ؟؟!!!!
يدور هذا النقاش حول ما هو الحل ؟؟!!!! في قسم اجتماعيات في الملتقى الطبي السوري; -->
السلام عليكم ورحمة الله وبركاته,
لم يجد النوم سبيلا إلى عيني هذه الليلة أيضا -مع أنه بكرا عندنا دوام-
بس في موضوع صرلي عمفكر فيه من أسبوع وما عبيخليني
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Jan, 03 2008, 01:26
| |||
| |||
 ما هو الحل ؟؟!!!! السلام عليكم ورحمة الله وبركاته, لم يجد النوم سبيلا إلى عيني هذه الليلة أيضا -مع أنه بكرا عندنا دوام- بس في موضوع صرلي عمفكر فيه من أسبوع وما عبيخليني نام......  سميت حالي Hopeful يمكن حتى أصبر على هالواقع اللي عمنعيشه, دائما كنت حاول ما أرمي الحق على غيري واتهم حالي بالتقصير حتى ما شوف الواقع على حقيقته , بس للأسف يبدو أنو ما عدت أتحمل , لذلك بلشت أحكي عن هالواقع يمكن فشة خلق ويمكن طلبا للحل -لسه Hopeful -بس مو كتير full ويبدو رح سمي حالي HOPELESS المشكلة ياجماعة بتعاملي مع الناس يعني عن جد أنا كتير حريصة أنو ما حدا يزعل مني وبوم اللي بحس أنو قصرت بحق حدا أو غلطت مابنام االليل ومابصدق أيمت يجي الصبح حتى حل المشكلة ..... بس مابعرف والله هالناس شو طبيعتها وشلون بتفكر ولابتحسب مشاعر حدا ولابيهمها شي بلشت حس أنو طيبة القلب وصلت لحد السذاجة وكلمالو الوضع على أسوء ,يعني لأيمت رح ضل سائلة على مشاعر الناس وهني مو فارقة معهم!!!!!! بالنسب للشغلة التانية اللي كتييير مضايقتني هي سؤال عبفكر بجوابه بس مالقيته لهلأ  على أي أساس عمنحترم اللي حوالينا وعامليلهم قيمة وعاطينهم حجم يا ترى على أساس المال ولا على أساس السلطة والمنصب ولا الجمال .....؟؟؟؟؟ برأي هاي كلها أشياء مابتهمني والأهم هي أخلاق الشخص وتعامله الحسن مع الناس ,علمه وثقافته هادا شي مهم كتيييير بس بتجي للواقع بتلاقي الناس ما بتسأل على أخلاق الشخص ولا على علمه ولا حتى على معدله -فهمتوا شو قصدي؟؟؟؟؟؟- يعني حتى بالعلم صاير في خيار وفقوس-آسفة جدا على هالتعبير  -ما بعرف شو رأيكم ؟ ماعدت أقدر عيش بالوهم والأحلام الوردية بالمدينة الفاضلة وما بعرف إذا بلشت مبادئي تصطدم بالواقع   |
|
#2
Jan, 03 2008, 04:22
| |||
| |||
| أهلين hopful ......وشكراً كتير لأنك فتحتي قلبك بمنتدانا......هادا شي بيشرفنا..وبيعني الكثير.........  هلأ أنا رأيي الواحد يكون كويس مع العالم....و مايزعل حدا منو...وأنا دايما أحرص على الحفاظ علاقات جميلة مع أغلب المحيطين بي.....بس أنا بالعادة اللي بيغلط معي او بحسو مالو صادق معي...أو يتقصد الأساءة....بتعامل معو بطريقتين رئيسيتين..: 1- أحسب أنو الله ماخلقو....( مو أنو أغتالو...أنما أعتبر أنو مو موجود..  )...بس الها سلبية أنو الواحد بيكبت شعورو بالظلم...وهاي صحيا مو كويسة...2-أعمل معو مشكلة مشان أفش خلقي..وما أحبس جوا....بعدين أحسب الله ماخلقو...  بس في طريقة ثالثة: 3- احفرلو جورة......بحيث مابيعرف بعدها وين الله حاطو....  ..( هدا خيار جداً لئيم...استخدمتو مرة أو مرتين بحياتي كلها...ومابنصح فيه...لأنو حرام ..وبيعمل مشاكل..)وهاي عطيتك أستراتيجيات..البسبوس الأعظم...كين...  ..ملاحظة: هذه الأستراتيجية تحتاج لفترة طويلة حتى تصبح جزءاً من شخصية الأنسان...خصوصاً اذا لم تكون وراثية ( يعني متلي ومتلك hopful)....بدك تتعبي عحالك حتى تطبيقيها..لأنو بدك تتعلميها أجباري احسن ما تتعذبي بحياتك....( هاي مو حالة كلما بروح نام أفكر بعالم مو سألانة علي...شه..  ) |
| قال العضو التالي أسمه شكراً لك يا keane على هذه المشاركة المفيدة: | ||
|
#3
Jan, 03 2008, 11:45
| |||
| |||
طولي بالك يا hopeful...و خلي الأمل موجود...لانو يلي تفكيرون متلك عم يقّلوا كتير هل أيام...و اذا انتي رحتي مين بيبقى؟ بيبقوا هنن...و البلد خربت... الحمد لله لسع في ناس كويسين...منعرف(و قد لا نعرف) بوجودون بس على حظنا تعاملنا المباشر دائماً مع الصنف يلي انتي حاكيه عنو...
برأيي..هو المبادئ الخاصة للشخص أكيد بدها في يوم من الأيام تصطدم مع الواقع...و مشان هيك لازم الواحد ياخود حذرو...خاصة بتعاملو مع هيك ناس...بس لازم ما يغير حالو...لانو إذا خليت...خربت... احييكي على قلبك الطيب و روحك الجميلة |
| قال العضو التالي أسمه شكراً لك يا flower على هذه المشاركة المفيدة: | ||
|
#4
Jan, 03 2008, 14:19
| |||
| |||
| كل الأفكار اللي عم تشغل بالك تعبر عن مدى اهتمامك بالآخرين ............... بس ليش الآخرين ما بينتبهوا على مشاعري أنا كمان ، متل ما بهتم بمشاعرهم ؟؟؟؟؟؟؟؟؟؟؟؟؟؟؟ أنا بحب جاوب على هالنقطة من خلال إنو أنا لازم ما كون أناني ..............وبمثال بسيط ممكن أ‘بر عن وجهة نظري : أنا إذا حبيت بنت معينة وكل يوم عم يزيد حبي إلها .............بس بالمقابل هي ما عم تقدر تحبني ولا بأي شكل من الأشكال ....... فبهالحالة لازم ما كون أناني وأجبرها على إنو تحبني لأنو الموضوع يصير فيه أنانية . إذا هي ما بتحبني فلازم أنا أحترم تصرفها وطريقتها في التعامل معي ............مشان هيك إذا الآخرين ما عم تحسي إنو عم يحترموا مشاعرك فهذا أمر يخصهم ........... لازم تكون ثقتك بنفسك وتصرفاتك أكبر ، ..................وما تكوني أنانية في رغبتك إنو الآخرين لازم يقدروا الشيء اللي عم تقدميه إلهم . أما عن إنو ليش الكل ما عم يطلع على الجوانب المعنوية للشخص وينظروا للجوانب المادية فقط ؟ فهذا والله موجود في واقعنا بسوريا بشكل عام ....................ولكن مدينة حلب بالذات تشتهر بأنها أكثر مدينة سورية على الإطلاق تهتم بالمال ، وأنا أشير عليك يا hopefull إنو تزوري دير الزور شي مرة ..وراح تلاحظي أكيد إنو عنا ما حدا يهتم بإنو هذا عندو مصاري ولا لأ ..................الكل عنا بينتبهوا إذا كان هذا الشخص مهم للبلد ولا عم يحاول يفسدوه ........... كل الأشخاص المحترمين عنا بالبلد هم اللي يقدموا شيء للبلد أما أصحاب الأموال المترفة فهم إن لم يقدموا شيء فهم أكثر الناس اللي عم نعتبرهم إنهم مجرمين وفاسقين .......... بتمنى تزوري الدير وتشوفي بعينك ............... وبالأخير بتمنى إنو من خلال كلماتي وكلمات الآخرين تتحولي من ( hopeful ) .........إلى .............( hopefullness ) . يعني مليئة بالتفاؤل ...........وبتصيري تغرقي بالتفاؤل وبتتسبحي فيه سبح ........... |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#5
Jan, 03 2008, 19:53
| |||
| |||
| السلام عليكم ورحمة الله وبركاته, يقول عليه الصلاة والسلام: (من نفس عن مؤمن كربة من كرب الدنيا,نفس الله عنه كربة من كرب يوم القيامة) مابحسن قول غير الله يجزيكم الخير الله وحده بيعلم مدى سعادتي بكلماتكم , والله ما دام الدنيا فيها متل keane , flower ,shakazolo رح أبقى Hopefull  يعني أديش حلو أنك تحس أنه حدا وقف جنبك ولو حتى بكلمة أخي keane أنا اللي كتييييير محظوظة أنو عندي أخوة متلكم , بس عن جد الاستراتيجية الأولى متل ماقلت ما بتريح نفسيا ولابتحل مشكلة -يعني إذا أنتو لقيتو Shankool حطلكم قائمة التجاهل بالملتقى- منين رح نلاقي حدا يحطنا قائمة التجاهل بالحياة ؟؟!!! بالنسبة للحل التاني أنا بلجأ إله وقت بيطفح الكيل وهادا بيصير معي بس مو كتير ,بس بصراحة بيترك أثر في نفس اللي قدامك لذا قليل لألجأ لأله .... بس الحل الأخير فهو so aggressive ومابتوقع أنو رح أعمله-حتى إنت أكيد حالة استثنائية خلتك تعمله !!! ملاحظة لأخي اللي عن جد بتمنالك كل خير تعبير (بحسب الله ما خلقه ) موزابط ,فكر فيه مع خالص احترامي وتقديري |
| قال العضو التالي أسمه شكراً لك يا Hopeful على هذه المشاركة المفيدة: | ||
|
#6
Jan, 03 2008, 20:02
| |||
| |||
| أختي العزيزة flower , أولا شكرا لأنك عطيتيني من وقتك مع أنه عندك امتحان بس بتمنى تكوني عبتقدمي منيح  تانيا شكرا لكلماتك الرقيقة وإن شاء الله مادام الدنيا فيها flower متلك ما حتخرب, بتمنالك التوفيق |
|
#7
Jan, 03 2008, 20:23
| |||
| |||
| أما أنت أخي Shakazolo , شكرا على دعوتك على دير الزور-على فكرة كان عنا مؤتمر من فترة بس أنا ما قدرت روح بس عن جد عندي رغبة شوف الجسر المعلق وأقعد على ضفاف نهر الفرات هلأ المثال اللي حكيت عنه شوي بعيد عن المعنى اللي قصدته هون  أنا ما عبطالب الناس أنو يحبوني أو يقدروا تصرفاتي ومشاعري , على العكس أنا ما عبعمل منيح منشان هني يتعاملوا معي بشكل كويس بس بتوقع ياأخي أنك بتلاقيها قد الدنيا وقت حدا بيمسح دمعتك أو بيشاركك بسمتك أو بيعاملك بلباقة وما بتوقع أنو هاي إلها علاقة بالأنانية من ناحية لازم زيد ثقتي بنفسي فأنا بعترف أنو هاي نقطة ضعف عندي وعبحاول أتلافاها بالنسبة لكلمة hopefullness مالقيتها بال dictionary بس رح حاول كون مليئة بالأمل وفعلا رح أغرق فيه لأنو مابعرف أسبح ..... مرة تانية جزاكم الله خيرا |
| قال العضو التالي أسمه شكراً لك يا Hopeful على هذه المشاركة المفيدة: | ||
|
#8
Jan, 04 2008, 02:27
| |||
| |||
| أنا بتمنى إنو مشاركاتنا كانت دافع لإلك ومكحفز لتزيدي من نشاطاتك الخيرية تجاه الآخرين ............ وبعدين فعلاً بعض القواميس ما فيها كلمة hopefullness ...........وتذكرت هالشي بعد ما كتبت الرد ..........فصرت عم بحبش على هالكلمة بكل القواميس مشان ما أطلع بالخجلة ...............والحمد لله لما رجعت لقاموس أوكسفورد إلي على جهاز الآيميت تبعي ولقيتها فرحت وكتير ومرة تانية .............. I wish you could feel Hopefullness والسلام ........... |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#9
Jan, 04 2008, 12:40
| |||
| |||
| [quote=Hope بس مابعرف والله هالناس شو طبيعتها وشلون بتفكر ولابتحسب مشاعر حدا ولابيهمها شي بلشت حس أنو طيبة القلب وصلت لحد السذاجة وكلمالو الوضع على أسوء ,يعني لأيمت رح ضل سائلة على مشاعر الناس وهني مو فارقة معهم!!!!!! [/quote] حطيتي ايدك عالوجع يا عزيزتي فعلا طيبة القلب ما عاد الها مكان بزماننا كل شي عايش عالأنانية وحب الذات ورفض الاعتراف بالخطأ مع انو الاعتراف بالخطأ فضيلة بس للأسف هون الناس بتحسب انو الاعتراف بالخطأ اهانة لكرامتن أنا كنت متلك اذا حسيت حالي انو ممكن يكون حدا زعل مني ولو مو بقصدي ولو كان هو اللي غلط معي بالأول كنت اعتذر وما أقدر أنام الليل لحتى أحل المشكلة بس الناس مابتقدر ولا بتفهم كل ما اعتذرتي وحاولتي تصلحي مشكلة خوفا انو ما تفقدي أشخاص بعزو عليكي هنن بيكبر راسن أكتر مع انو بيكون الحق عليهن وبرفضو اعتتذارك لذلك الحل بالنسبة الي اني أتعامل معهن متل ما بتعاملو معي مشاعري وكرامتي وأعصابي أول شي وأنا أهم من كل شي ولما بدي أحكي الكلمة أعرف انو هالكلمة ما رح تروح عالأرض وانو عم تتوجه لشخص بستاهل انو أخاف على مشاعره وما أفقده وغير هيك لأ المهم انك تعرفي توجهي الكلمة للشخص اللي بستاهلها فعلا لأنو للاسف في كتير أشخاص أنانيين ومصلحتن قبلك هدول ما بستاهلو منك ولا كلمة وأهم شي انك تعرفي قيمة حالك لأنو رحم الله امرأ عرف قدر نفسه  |
|
#10
Jan, 06 2008, 18:57
| |||
| |||
| السلام عليكم, بتعرف keane اليوم عملت بالاستراتيجية التانية اللي حكيت عنا , فعلا حسيت بالظلم والتمييييز على أسس فاضية -من وجهة نظري- وما كذبت خبر فشيت خلقي في تلاتة -مرة وحدة - بتصدق حسيت بنشوة الانتصار وأنو ما سكت عن حقي.....بس وين المأساة !! بعد مابينت أنو قوية وعند حقي انفجرت بالبكي بيني وبين حالي , حسيت أنو خالفت مبادئي وأخلاقي رجعت واسي حالي  من اليوم وراي يا Hopeful بدك تكوني قد حالك منيحة مع المنيح معك ووقحة مع الوقح معك ,لأنو اللي مابيحترم حاله مانك مجبورة أبدا تحترميه -هيك قلي هادا  -بس ضميري عبيقلي : أنت مو هيك نحن مو بغابة يا Hopeful والسيىء رح تجبريه بحسن تعاملك أنو يتعامل معك منيح !!!!! بس كأني رح أعطيه لضميري منوم كم يوم لحتى جرب كلام هادا وخليني جرب لشوف شو بيصير |
| قال العضو التالي أسمه شكراً لك يا Hopeful على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| ما هو السبب! | lady oscar | اجتماعيات | 13 | Nov, 06 2007 15:55 |
| ما الحل لبشرتي الدهنية؟ | زائر | استشارات طبية | 5 | Dec, 06 2006 02:07 |
| الإقلال من التدخين لن يفيد والإقلاع هو الحل | Article Bot | آخر المستجدات الطبية | 5 | Dec, 03 2006 03:15 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 06:04.
