Staph Aureus
يدور هذا النقاش حول Staph Aureus في قسم اسالوا لبيبة في الملتقى الطبي السوري; -->
مرحبا
ممكن حدا يساعدني بجواب هالسؤال
قال انو اذا منا نعمل زرع مشان نحدد مقاومة Staphylococcus Aureus للصادات الحيوية بيتالاكتامين
يعني انو نحدد اينا هي METHI RESISTANT و اينا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | ||
 |
| | LinkBack | أدوات الموضوع |
|
#1
Jan, 15 2008, 13:18
| |||
| |||
 Staph Aureus مرحبا ممكن حدا يساعدني بجواب هالسؤال قال انو اذا منا نعمل زرع مشان نحدد مقاومة Staphylococcus Aureus للصادات الحيوية بيتالاكتامين يعني انو نحدد اينا هي METHI RESISTANT و اينا هي لاء ...فلازم نعمل الزرع بوسط ملحي ليش وسط ملحي   |
|
#2
Jan, 15 2008, 21:24
| |||
| |||
| هلا اماريل بالعادة اختبار المقاومة بتم على mueller-hinton-agar و لونه اصفر شفاف و يحوي محلول ملحي...ياستي بقولوا انو هل محلول بيحوي مواد غذائية مناسبة لنمو الجراثيم و كمان بساعد على انتشار الدواء من الصفيحات الصغيرة للصادات يلي بحطوها و بالتالي بخلي تتشكل الـ inhibition zone المعروفة حول الصفيحة (في حال تشكلها اصلاً طبعاً) |
|
#3
Jan, 15 2008, 23:09
| |||
| |||
| يسلمو فللو ...ما شاء الله عليكي  يا ستي كلامك مزبوط لانو -حسب محاضرة دكتورتنا- قالت اذا عملنا الزرع ع mueller-hinton فقط...فلازم نخليه مدة 48 ساعة بينما اذا يوجد محلول ملحي فيكفي 24 ساعة ففعلا منطقيا الهدف من انو المحلول الملحي هو انتشار الصاد الحيوي ( بس هي ما ذكرتلنا السبب  ) خلص رح سميكي لبيبة  |
|
#4
Jan, 15 2008, 23:42
| |||
| |||
 خطرلي كمان شغلة...اذا اصدك باختبار مقاومة الstaph aureus بالنسبة للـ oxacillin أو methicillin تحديداً رح قلك شو بيعملوا: بالعادة المشافي تبعت مسحة مأخوذة من المريض من مكان ما (مثلاً الانف) بشكل عودة قطنية فيها هل مسحة...و بطلبو اختبار حساسية عما اذا كانت مكورات MRSA او لا... الطريقة القديمة كانت انو بحطوا هل عودة القطنية يلي براسها المسحة بـ mueller-hinton bouillon يعني نفس الاغار بس على سائل و كان يحطو معو oxacillin مشان المكورات يلي ما هي MRSA ما تنمو و يلي مقاومة تبقى و بعد 24 ساعة بيعملو PCR و بشوفو اذا MRSA او لا...و الهدف من المحلول هاد كان حلها من القطنة اولا و نموها ثانياً... و لكن كما ذكرت كانت هذه الطريقة القديمة...الطريقة الجديدة تقول مناخد المسحة فوراً بنفس اليوم يلي تصل فيه للمخبر و بعده خطوات و اولها هو نقعها بمحلول ملحي فيزيولوجي من اجل حل المواد من القطنة بداخل المحلول (هاد الهدف من المحلول الملحي) و من ثم تطبيق عدة خطوات و بالاخير اجراء الـPCR و هكذا نحصل على النتائج بنفس اليوم و بدون اجراء الزرع... |
| الأعضاء الـ 5 التالية أسماؤهم قالوا شكراً لك يا flower على هذه المشاركة المفيدة: | ||
|
#5
Jan, 15 2008, 23:53
| |||
| |||
| عفوا بس ماكتير فهمت  ... شلون عن طريق البي سي ار بدون يستغنو عن اختبار التحسس بالطريقة التانية ؟ لانو ما شفت انك زاكرة انهون بدون يحطو oxacillin |
|
#6
Jan, 16 2008, 00:00
| |||
| |||
| والله معك حق...نسيت اذكر اهم شغلة...الـPCR تغير كمان...كانوا عل طريقة القديمة يعملوا mec-PCR يعني يبحثوا عن القطعة على الدي ان آي يلي بتشفر الـmecA-gene يلي هو المسؤول عن المقاومة الـPCR الجديدة بتبحث عن الـorfx-gene يلي هو ايضاً الـstaph-aureus-specific-gene على ما اعتقد و بالتالي البي سي ار الجديدة حساسة اكتر..و نتائجها افضل (و كمان ملاحظة بالنسبة للـMRSA ما بساولوا اختبار زرع على mulller-hinton-agar لانو بيطلع حساس للاوكساسيلين على اغار رغم انو بالحقيقة مقاوم...يعني هل اختبار ما بيصلح...لهيك الـpcr اصلا...) |
|
#7
Jan, 16 2008, 09:18
| |||
| |||
| للاطلاع: الفرق بين الـMRSA-PCR الجديدة و القديمة: الـPCR القديمة كانت تقوم على مبدأ البحث عن قطعة الـmecA يلي هي مسؤولة عن المقاومة كما ذكرنا سابقاً...قالوا لحالون بالبي سي آر لازم يطلع معنا شغلتين...اول شغلة نثبت انو الجرثومة يلي بالمسحة تبعت المريض هي مكورات عنقودية مذهبة staph aureus و تاني شي انو تكون مقاومة للاوكساسيلين يعني MRSA مشان هيك قالو لحالون منحدد على جينوم الجرثومة منطقتين...وحدة هي منطقة الـmec A يلي بدل وجودها على انو مقاوم...و التانية لازم تكون نوعية لهل مكورات يعني staph-aureus-specific و مناخد أي قطعة تانية من الجينوم...هدول منضاعفهون و منشوف شو رح يطلع...  mec-pcr-old.JPG الدوائر الزرقاء تدل على مكان يلي يربط فيه البرايمر و بضاعف هل منطقة. الدائرة الاولى محل الـmecA و التانية محل الـ staph-aureus-specific كانو يعملو هل بي سي آر و عين الله عليهون...بس النتائج ما كانت دائماً حلوة.. و بليلة ما فيها ضو قمر اكتشفو شغلة رهيبة: طلع في مكورة تانية...و هي الـstaph epidermidis عندها كمان mecA-gene بجينومها  ...هل شي بيعني اذا حصل و اخدنا مسحة مثلاً من الابط او اي منطقة اخرى من الجلد حيث تتواجد المكورات البشروية بشكل فيزيولوجي عليها رح يصير عنها على المسحة هي بالاضافة للمكورات المذهبة يلي عم نشك بوجودها المكورات البشروية...لو كانت هلق المذهبة مقاومة...عادي بتطلع البي سي آر ايجابية و ما في مشكلة طيب لو ما كانت مقاومة؟ يعني مذهبة حساسة...شو رح يطلع؟  رح يربط البرايمرprimer النوعي للمكورات بمحلو المعتاد...اما برايمر الـmecA رح يربط بجينوم المكورات البشروية و رح يطلع معنا خلطة فيها هدول التين ايجابيات...منجي بدنا نقيم النتيجة...منلاقي ايجابي منقول خلص مقاومة علاجها فانكوميسين بدال اوكساسيلين (طبعاً هل شي ما حلو...لا النا و لا للمريض...و بالعكس بساعد على ازيدياد مقاومات هل جراثيم)  genes.JPG MSSA:methicilin sensible staph aureus (يعني مكورات عنقودية حساسة) المهم...اجو الجماعة فكروا...شو بدنا نعمل؟ حطو امام اعينهوم خارطة الجينوم تبعت المكورات و قعدوا يفكروا....  orfx-pcr-new.JPG وبعد تفكير عميق قالو لحالون: وجدتها!! (او بالاحرى وجدناها!)  قالو بما انو الـ mecA gene موجود على قطعة اسمها SCCmec (staphylococcal chromosomal cassette mec) بكفي نبحث عنها...و بدال ما ناخد قطعة جينوم بعيدة على اساس انها staph-aureus-specific ما يروح فكرنا لبعيد...مناخد القطعة يلي بلزقها...و منسميها orfx هي صار بضربة وحدة بيطلع معناه شقفة جينوم نوعية للمكورات المذهبة بشكل عام...و يلي بلزقها نوعية للمكورات المقاومة... و شو ما كانت مكورات تانية موجودة على المسحة ما بهمنا...لانو هل sequence ما موجودة غير على الMRSA بالتالي ما عاد في داعي يعملو زرع...و ما عاد في داعي يحطو oxacillin بالخلطة لانو ما عاد يخافو من تواجد مكورات تانية و توتة توتة...خلصت الحتوتة... بعرف المعلومات زائدة...بس interesting |
|
#8
Jan, 16 2008, 10:16
| |||
| |||
| فلاور ....يسلمو كتير معلومات مهمة و اسلوبك رائع ع فكرة بسؤالي عن المحلول الملحي-بالطريقة القديمة جدا- كنت مفكرة انو اله علاقة ب PBP PENICELLIN BINDING PROTEIN و كنت عم دور بالنت ع هالاساس بالصدفة ...و انا عم اقرا بشكل عام عن staph-aureus لقيت انو ببساطة هالمكورات المذهبة بتحب الملح halophile ...فمتل ما قلتي بجوابك الاول انو بتسرع النمو اكتر من الزرع mueller-hinton ...عزائي انو بهالسؤال البسيط كسبنا موضوعك الرائع ...بس عزبتك معي  طريقة PCR رائعة و دقيقة ....حبيت ضيف انو بالصورة التانية بيفصلو القطع بالرحلان كهربائي electrophoresis بعد ما عملو PCR مرة تانية ..شكرا كتير فلاور  |
|
#9
Jan, 16 2008, 13:09
| |||
| |||
| هي كمان انا ...بس جد متل ما قلتي it's interestingبس انو تعقيبا ع طريقة PCR ....اليوم كنت عم ادرس عن طرق تشخيص Mycobacterium Tuberculosis مخبريا المهم و بعد مدري كم صفحة ..ذكرت الدكتورة بالمحاضرة انو حديثا ما بقا عم يعملو زرع ليتاكدو انو هي Mycobacterium Tuberculosis و انما ببساطة بيعملو PCR و اذا وجدو جينوم IS 6110 -قبل كانو يسموه IS 987- المهم اذا وجدوه معناتا هي اكيد Mycobacterium Tuberculosis هلء غير فائدة انو الطريقة اكثر دقة ...خصوصا بالمسحة الفقيرة من البكتيريا ....انما الرائع انو بدل انتظار 4 الى 6 اسابيع لحتى تظهر المستعمرات لبكتيرية .. لانو معلومكن بالذات Mycobacterium Tuberculosis تنقسم كل 20 ساعة مو متل باقي البكتيريا كل 20 دقيقة ....فبطريقة PCR بظرف 8 ساعات منأكد بشكل قاطع وجود هالبكتيريا و كمان عم يستعملوها بتشخيص الطفيليات ...ع نفس المبدأ يحيا العلم ...و ان شاء الله تنقرض الطرق القديمة |
|
#10
Jan, 16 2008, 13:26
| |||
| |||
| بس عندي سؤال بدائي... الـ oxacillin هو نفسه الـ methicillin ؟ |
| قال العضو التالي أسمه شكراً لك يا TURBO على هذه المشاركة المفيدة: | ||
