مرحبا
مريض عم ياخد صاد حيوي -حتى مو محددين شو هو - بسبب التهاب مجاري بولية
خلال هالفترة منلاحظ عليه اعراض التهاب سحايا ...ما العمل ?
انا قلت منعطيه للمريض صاد حيوي بطيف واسع لانو حالة مستعجلة و بنفس الوقت منعمل سحب للسائل الدماغي مشان نحدد الجرثوم المسؤؤل لانو ممكن يكون فيروسي مو بكتيري...و لانو رح يكون الصاد الحيوي مر بالسائل الدماغي فمنضيف chelation مشان يمسك الصاد-لانو اذا تركنا الصاد بالسائل الدماغي اللي منا نفحصو رح يموت الجراثيم و بالتالي ما رح نلاقي شي
صح هيك

اذا بس هيك السؤال ... فصح

Dearling amarel,

-What do you mean by -chelation

Can you explain to me , and give me an example if you can


Thanks

مية السلامة بهوبفول...اول شي اسمحليلي رد عليكي بالعربي لاني ما كل هالئد بالانجليزي خصوصا تعبير
يا ستي chelation كلمة يونانية بتعني كماشة و لذلك في عناصر بتلعب دور الكماشة بمعنى انو بس نضيفا لعنصر اخر بتشكل مع هذا الاخير مركب ...مثلا اذا كان عنا حالة زيادة لكمية الحديد بالجسم -مثل مرضى بيتا تلاسيميا -بقا منعطي للمريض عنصر اسمو
ethylene-diamine-tetra-acetic acid و هاد بيكمش الحديد و بيشكل مركب يطرح خارج الجسم

طيب هلء بالحالة اللي عنا ....انا استوحيت اضافة الchelation من نفس الحالة تقريبا ...لما درسنا الفحص المخبري في حالة sepsis -انتان الدم- بوقتا قالت الدكتورة انو هاي حالة مستعجلة جدا و ما لازم نترك المريض بدون علاج بحجة انو منا ناخد عينة دم و اذا كان عم ياخد صاد حيوي فرح يقل عدد الجراثيم بالعينة بسبب الصاد .....اذا شو العمل
منعطيه للمريض الصاد الحيوي و بنفس الوقت مناخد عينة الدم و لانو هالعينة رح يكون فيها صاد حيوي و رح يقتل الجراثيم و بالتالي ما رح نلاقي شي -لذلك فالحل انو نضيف Chelation يكمشلنا هالصاد بس بهالعينة لبين ما نعرف من بيت مين هالجراثيم

فبحالة هاد المريض هو كان بالاصل عم ياخد صاد حيوي مشان التهاب المجاري البولية -هون ممكن نقول انو شلون الصاد الحيوي ما قتل الجراثيم بالسائل الدماغي ?
الجواب انو ممكن تكون البكتيريا المسببة لاتهاب السحايا مقاومة للصاد الحيوي..او اصلا مو بكتيريا..احتمال كبير تكون فيروس
او كمان معلومة خطرلتي انو الصاد الحيوي ما كلو بيمر الى السائل الدماغي مثلا البينيسيلين بيمر منو بس 5 بالمية مقارنة بالكمية الموجودة بالمصل و لذلك احيانا يستوجب حقن الصاد الحيوي مباشرة في السائل الدماغي
المهم بكل الاحوال لازم ناخد عينة للسائل الدماغي مشان نعرف اذا كان الالتهاب فيروسي او بكتيري و مين البكتيريا بالتحديد
بس -و هون تذكرت حالة انتان الدم- انو مستحيل نترك المريض هيك-فمنعطيه صاد حيوي طيف واسع ...طيب رح يمر بالسائل الدماغي و يقتل الجراثيم و بالتالي ما رح نلاقي شي بالعينة
و هون بيجي دور ال CHELATION ...رح صير جيب كل وظايفي حلن هون ...نوبدي قال بتساعدوني فين
شكرا ع سؤالك ....و هاي وردة مشان تعذريني لاني شطيت و مطيت

chelation بتورد عنا بملخصاتنا بمصطلح عربي هو التخليب او المخلبات

طيب ليش الشدة اذا كان يعاني التهاب سحايا و تأكد التشخيص ففورا البنسلين كصاد حيوي نوعي أو الكلافو بجرعة 1غ كل 6 ساعات نرى أنه sdتحسن بشكل جيد بالنسبة لالتهاب السحايا و التهاب المجاري البولية

طيب ليش الشدة اذا كان يعاني التهاب سحايا و تأكد التشخيص ففورا البنسلين كصاد حيوي نوعي أو الكلافو بجرعة 1غ كل 6 ساعات نرى أنه sdتحسن بشكل جيد بالنسبة لالتهاب السحايا و التهاب المجاري البولية

تشخيص التهاب السحايا -يعني تحديد اذا ما كان فيروسي او بكتيري و حتى طفيلي -يتم باجراء فحص مخبري للسائل الدماغي
طيب ممكن نقول انو ليش التخليب....يعني ممكن نقول انو ببساطة منقدر نسحب السائل قبل ما نعطي للمريض الصاد الحيوي و هيك اكيد رح نلاقي بسهولة الجرثوم المسبب في السائل بقا ليش التخليب ?
انا اقترحت التخليب لانو يمكن الصاد الحيوي اللي عم ياخدو المريض لعلاج التهاب المجاري البولية يكون مر للسائل و بالتالي رح يقل نسبيا عدد الجراثيم في السائل و يصعب الفحص
كمان ممكن المريض بحالة استعجالية -مثلا بقرية و بدو نقل لاجراء سحب سائل دماغي-هون لبين ما ياخدو ما رح نتركو هيك .. منعطيه صاد حيوي و بعدين منضيف تخليب ...يعني حكيت انا بالحالة العامة
و اخر شي انو قلت طيف واسع ( يعني مو الاضمن بينيسيلن) -بشكل عام-لانو ....ولو انو بنسبة اقل ...لكن في احتمال انو تكون الجرثومة مقاومة
و هاي مقتبس من موضوع زميلتنا فلاور عن التهاب السحايا اضغط هنا

ممكن أن تبدي المستديمة النزلية H. influenzae مقاومة ضد الأمبيسيلين (وجود بيتا لاكتاماز) و حتى عند الاشريكية الكولونية (بصورة أشيع) . في هذه الحالة تجب المعالجة بالسيفالوسبورينات (خاصة الجيل الثالث (Ceftriaxon, Cefotaxim) و هي أيضاً فعالة ضد المكورات الرئوية و القاطعة للدر الا انها غير فعالة ضد الليستيريا (التي تملك مقاومة طبيعية ضدها) .

لذا في حال الشك يعطى الامبيسيلين بالاضافة للسيفالوسبورين