بتوقع أنو هالموضوع مهم كتير ورح تحبوه ,

للأمانة العلمية أوحى إلي بهالفكرة د.علي سريو وقت عملنا محاضرة باسم التظاهرات الجلدية لأمراض الأطفال
بس حكينا هون حيكون عند حديثي الولادة وشوية على الرضع

حتى يكون العنوان واضح رح قلكم أنو المقصود هو الأمراض التي تزول عفويا وهدا محور الموضوع بشكل رئيسي أو بالعلاج من دون ما تترك أثر

هلأ في موقع انترنيت رح أكتب عنوانه بآخر الموضوع بيحكي عن هالشي....


شو ضل بدي قلكم نبدا ولا
قلكم منرجع بعد ال break


Hopeful

هالصورة بتوضح آلية حدوث ال Heat Rash:

الحالة السابعة :

-نفاطات المص Sucking Blisters

-تظهر عادة منذ الولادة
-يبدي الوليد أو الرضيع فعالية مفرطة في منعكس المص
-غالبا ما تتوضع على الوجه الظهري الوحشي للرسغ وبشكل أقل شيوعا على الساعد
قد تكون أحادية أو ثنائية الجانب
-تأخذ شكل حويصل أو فقاعة قد تنفجر ليخرج سائل مصلي مصفر وقد تأخذ شكل كدمة واضحة الحدود
-إن عدم وجود آفات في مناطق أخرى من الجسم والحالة العامة الجيدة للوليد ينفي وجود سبب مرضي ...



-

يعطيكي العافية دكتورة هوبفل
بس عندي سؤال عن نفاطات المص
ما فهمت علاقة زيادة منعكس المص بظهور هذه النفاطات؟ هل هي بتظهر بسبب مص الوليد لاصابعه مثلا؟؟

تحياتي

أخي TURBO ,

الفعالية المفرطة لمنعكس المص عمتخلي الوليد يمص إيديه لذلك مكان توضع النفاطات عميكون بالمكان اللي عميقدر يصل لإلو فم الوليد أكتر شي (الوجه الظهري الوحشي للرسغ )


مشي الحال , وهاي لإلك

الحالة الثامنة :

طفح الحفاض أو التهاب الجلد الحفاضي Nappy Rash or Diaper Dermatitis

-مشكلة شائعة جدا عند حديثي الولادة و خلال الأشهر الاولى من الولادة
-هذه الحالة هي نوع من التهاب الجلد التماسي التخريشي الحاد
-السبب هو الرطوبة في منطقة الحفاض بالإضافة إلى التخريش الذي يحدثه التماس مع بول وبراز الوليد او الرضيع
-غالبا ما يحدث إنتان ثانوي بالمبيضات البيض superinfection with candida albicans
-يتظاهر سريريا بحمامى وقشور وحويصلات مع آفات نموذجية للمبيضات وهي السواتل satellites في حال الإنتان الثانوي مع وجود حكة وحرقة وألم
-قد تمتد الآفات إلى السرة أو الخاصرة flank
-المسحة من الآفات إيجابية للمبيضات في الإنتان الثانوي
-العلاج:

-يجب أن تنبه الأم إلى ضرورة تغيير الحفاض بشكل دوري وبعد تبول الرضيع أو تغوطه مباشرة وهذا أساسي جدا في العلاج بالإضافة إلى تهوية المنطقة
-
-تطبق مضادات الفطور موضعيا مثل ال nystatin or miconazole
-قد يشارك ذلك جهازيا مع معلق ال nystatin
-يمكن تطبيق الستيروئيدات الموضعية الخفيفة mild للتخفيف من شدة الالتهاب

الحالة التاسعة والأخيرة :

التهاب الجلد المثي Seborrhoeic Dermatitis

-عادة ما تبدأ في الأسابيع الستة الاولى ويمكن أن تحدث عند الرضع
-قد يكون هناك تأثير للأندروجينات المنقولة عن طريق الأم
-اتهمت المالاسيزيا البيضوية Malassezia Ovale MO بدورها في الإمراضية
-تصاب الفروة عادة ويطلق عليها قبعة المهد cradle cap وتتظاهر الإصابة بشكل قشور دهنية مصفرة ملتصقة
-كذلك قد تصاب الجبهة و الحواجب والرموش plepharitis (التهاب حواف الأجفان) و الطية الأنفية الشفوية وخلف الصيوان و أعلى الجذع
-كذلك تصاب الثنايا بشكل شائع عند الرضع بشكل يشبه المذح intertrigo بشكل طفح حمامي مع قشور صفراءوتترافق مع تشققات في عمق الطية

العلاج :

-الفروة:
إزالة الجلبات والقشور باستخدام كمادات دافئة من زيت الزيتون warm olive oil compresses ومن ثم غسل الفروة
-تطبيق شامبو حاوي على الketoconazole 2% + استخدام hydrocortisone cream 1-2,5%

-المناطق المذحية:
-استخدام مضادات فطور موضعية مع ستيروئيدات موضعية بشكل كريمات

NB :
-في التهاب حواف الأجفان يمكن استخدام sodium sulfacetamide ointment

أخيرا: هذه الحالة شائعة (إصابة الفروة) ويطلق عليها العامية (خبيزة الراس !!!)
إذا حدا سألكم عنها أما علاجها فبعتوها لعندي

هيك بكون خلصت موضوعي....

بتمنى تكون الحالات عجبتكم و استفدتوا منها

بتمنى إذا في عندكم ملاحظات على الموضوع أو طريقة عرضه تقولوها لإلي لأستفيد منها و انتبه لإلها .....
(مشان يصير التقييم في المرات القادمة 5 مو 4 نجوم )


تمنيلتي للجميع بالتوفيق ............

References:

-Synopsis of clinical dermatology

-www.adhb.govt.nz

- كتاب الأمراض الجلدية والزهرية -كلية الطب -جامعة حلب ...........