على مدى ستة أشهر من عمر بشري حلب بعد ما أشهرناه
وحوالي 10 أشهر قبل الإشهار، دعونا نقيم المنتدى ونقرر إلى أين سيسير !!!

الأسئلة مبدئياًً بالإضافة إلى الاستفتاء
ماذا قدّم لكَ بشري حلب؟
وممَّ حرمك؟ وماذا ينقصه؟

بتمنى الجميع يشارك بالاستفتاء على الأقل

وإذا في أي أفكار لتطوير بشري حلب أنا جاهز للمناقشة نيابةً عن أعضاء مجلس الإدارة
وشكراً

بقترح أنو نعمل قسم جديد بالمنتدى هو القسم الإسلامي
لطرح المواضيع الإسلامية ومناقشتها
وان يتضمن قسم للدعوة
ليقوم عدد من الشباب بوضع مواضيع متعلقة بالدعوة والهداية عسى أن يجعل الله ذلك في ميزان حسناتا
وكمان برجع أركز على المواضيع العلمية بشكل عام في المنتدى

وشكرا لكافة الفريق القائم على بشري
وبالأخص شنكول

مع كامل حبي واحترامي

المشاركة الأصلية بواسطة Shankool

بتمنى الجميع يشارك بالاستفتاء على الأقل

انا رح استفتي نفسي بناءا على طلبك
انا عندي اقتراحات اخرى
ببقى بقولها بمشاركتي

المشاركة الأصلية بواسطة Shankool

كان مخطط نشره في شهر شباط
أنا بدي أسمع آراءكم قبل ما أحكي رأيي

شو المخطط
اللي بيشوف الموقع بيقول عليه انو اله مخطط
وبعدين ما بقدر سمعك رأي
الميك عندي عاطل

المشاركة الأصلية بواسطة Amin

شكرا لرحابة صدركم

أبوعبدو الأصيل

أهلين يا ابو عبدو ولو
طلباتك اوامر
غيرو حبيبي شو بدك

المشاركة الأصلية بواسطة MA.IS

وفي اقتراح صغير
هو تغيير ألوان المنتدى الخارجية يعني بكون أحسن

مع كامل حبي واحترامي

والله حكيك بمحلو

خلص بقت على هي بس

المشاركة الأصلية بواسطة Mr.Sam

من جهة الأعضاء ومن جهة الإدارة... يمكن اللي بيفوت على منتدانا ما بيعرف أنو ألو علاقة بالطب غير من عنوانو....

انا كان عندي رفيق وكنت داخل على الموقع فقللي رفيقي مو حرام عم تصرف ساعات انترنت على مواقع ترفيه اجتماعي

حلفتلو مية يمين ماكان يصدق أنو هدا موقع للكلية


مع أنو بيكفي يشوف العالم اللي عليه ليعرف شو هالموقع الـــــــــ

المشاركة الأصلية بواسطة Optimisto

انا كمان بأيد

مشان شوي نميز حالنا عن باقي المنتديات..

وأنا كمان بأيد
في حدا مننا بيسترجي ما يأيد



شوي ..............؟



فعلا انك متفائل

المشاركة الأصلية بواسطة turbo

السلام عليكم
رأيي

حيث انني لاحظت

طبعا بالنواحي الاخرى

فاتمنى


وانا لو كنت افقه شئ


تحياتي

اجل ونعم وربما ............ مو حيثما

عم تحكي على الحسد وبعدين بتحسدنا على وضعنا نحن طلاب السادس
صلي على النبي

المشاركة الأصلية بواسطة sunshine

والحلو فيه انو اعضاؤه (يعني نحن) مننتمي لنفس الكلية ,والمنتدى الف بيننا
اكتر وساعدنا على طرح افكارنا
.

ولي على قلبي
رح ابكي

المشاركة الأصلية بواسطة sunshine

بس اكيد كل شي رح تعملو الادارة رح يحسن المنتدى ويطورو اكتر(عم
احكي عن جد ما عم كولك

سلاااام....

أعوز بالله ما حدا بيسترجي يقول عنك عم تكولكي
شو هالحكي



وعليكم السلام ورحمة الله وبركاته

المشاركة الأصلية بواسطة عاشق الغزالي

نعم منتدانا يحتاج

مشكورين ياشباب على هذا التطوير والظاهر أنو طبطبطبة المنتدى إرادة جماعية أو تملك الأغلبية ....
سام :حاسس كلامنا جاب نتائج سريعة جداً ....

نعم هي ارادة جماعية بالنسبة لنا انو نطبطب
لا بد ان نطبطب ......... بها

طبطب اخي طبطب
بس انتبه ما يطبطب منك شي عالطريق

المشاركة الأصلية بواسطة TERMINATOR

الزملاء الأعزاء:
تقوم الفكرة على تخصيص قسم في المنتدى لطلاب كل سنة, بمعنى:


و يتناقش طلاب كل سنة في

مع حبي
TERMINATOR

مع حبي .............؟؟؟؟؟؟؟؟؟
وين سمعنها هالجملة ؟؟؟؟؟؟؟؟
أه عرفت . عالتلفيزيون ببرنامج ...........


وبالنسبة للفكرة تبعتك ..........

اختر اجابة وحيدة : الفكرة تبعتك :
1) حلوة
2 ) قوية
3 ) وملعوبة
4 ) بس مكشوفة
5 ) كل ما سبق صح

المشاركة الأصلية بواسطة MA.IS

القسم الإسلامي
لطرح المواضيع الإسلامية ومناقشتها
يتضمن قسم للدعوة
مواضيع متعلقة بالدعوة والهداية عسى أن يجعل الله ذلك في ميزان حسناتا

وسبحان ربك رب العزة عما يصفون وسلام على المرسلين والحمد لله رب العالمين

[quote=sunshine]بالنسبة لشغلة المواضيع الطبية ...انا بالاصل ما بدخل عليها :

QUOTE]

طلع في حدا غيري مابيدخل عالمواضيع الطبية ...

بالنسبة للأعضاء اللي عم يطالبو انو يكون في اهتمام أكبر بالمواضيع الطبية ، ابدو انتو ، وحطو شو عندكون ، ولا عم تستنو الناس التانيين ؟؟

إذا كل واحد بس بدو يحط اقتراحات منضل عشر سنين عم ننتقد ومنحط اقتراحات ومامنشوف شي ، يعني لما بتقولو بدنا مواضيع طبية أكتر مارح تنزل لحالها بالمنتدى او بدو يجي شنكول ويدورلكون على شي موضوع وبعدين تبدو انتقادات ... اللي حابب يبدا لحالو ..

يمكن رح يكون في شوية صعوبات نظرا لأنو شبعانين حكي نظري ، ومابعرف الطريقة اللي حابين تناقشو فيها ... ولا بس بدكون يكون في مواضيع طبية وانتهى الأمر ...



وفكرة حلوة انو يصير في قسم لكل دفعة ، لأنو لكل دفعة مشاكلها الخاصة ، وخصوصا مع بدء العام الدراسي الجديد ، يمكن بصير في مجال أكبر للناس اللي بدون يبدلو فئاتون من نفس السنة ، لأنو هي دائما مشكلة كبيرة ، انو مسموح التبديل ، بس ماحدا بيلاقي اللي بدو يبدل معو ، ومن هالشغلات هي ...


شو رأي البقية ؟

أرجو زيادة المواضيع الترفيهية حتى لا نصاب بالملل
لكن ليس على حساب إنقاص المواضيع الطبية وفهمكم كفاية

شكراً لـ
أمين

ما.يس: تغيير الستايل في الحسبان قريباً

مستر سام

أوبتيمستو

توربو

سن شاين: معناها انتي من جماعة الترفيه

عاشق الغزالي

ترميناتور: اقتراح إنشاء قسم لكل سنة كان هو الغالب في البداية، لكن موضوع إيجاد قسم لكل مادة كان أفضل
يعني ممكن نتناقش طلاب الرابعة والخامسة والسادسة بكل الداخليات في قسم مادة الداخلية
وممكن يتناقشوا طلاب الأولى والتانية حول التشريح مثلاً وهكذا
ما بعرف إذا دخلت على قسم المواد وشفته كيف مقسم لعدة أقسام كل واحد منها مختص بمادة أو صنف معين من المواد
وبتوقع هذا أفيد من التقسيم حسب السنوات

Ajajaj: يا عيني نحن قاعدين عم نحكي جد هلأ وقته مزحك؟، وتقعد تعلق على كل واحد تعليقات ما بعرف كأنها مو لازمة. ومو مفيدة
نحن هون قاعدين بدنا نطور منتدانا الله وكيلك، لذلك بتمنى تعصرلي مخك شوي وتعطيني كم فكرة من أفكارك الخارقة يا أبو عبيد. الفائق

فيسو: وانت من الجماعة إياها

لأول مرة ألتقي مع فيسو حول رأي معين وهذا شيء جميل لعمري
من يريد مواضيع طبية فعليه أن يبدأ بالكتابة بما يريد
بمعنى شو بدك يكون الموقع
طبي؟ اكتب في الطب
علمي؟ اكتب في العلوم
سياسي؟ اكتب في السياسة (مجرد مثاااااال يا جماعة)
ديني؟ اكتب في الدين (وهاااااااااااااذا مجرد مثال كمان)
ترفيهي؟ اكتب في الترفيه ما تشاء

ما حدا يقول بدي يكون الموقع طبي
ويقعد يلف اجر على اجر ويستناني أنا أو بشري نقعد ننزل مواضيع طبية ما هيك؟
لذلك أنا أدعوا الشباب لإيجاد طريقة مفيدة وفعالة في توجيه المنتدى حيثما تريد
معظم الآراء كان بدها تطبيب المنتدى - بحسب تعبير العاشق - وزيادة المواضيع العلمية
وبشكل أقل متل ما شفنا الاستفتاء بدهن زيادة الجدية

وهذا يعني اتفاق الجميع على حاجة المنتدى إلى المزيد من الجدية بما يتضمنه ذلك من رفع مستوى المواضيع وزيادة المواضيع الطبية
طيب
شو بيخسر الواحد منا لو كتب بالأسبوع موضوع أو موضوعين (في أي مجال علمي أو طبي) وتابع هذه المواضيع على مدى أسبوع أو أكثر؟
ما عنا شي محدّد بس خلونا نقول هذا المنتدى للجميع وخيره بخص الجميع ما هيك؟
المنتدى مو ملك لشخص بحد ذاته أو مجموعة أشخاص بحد ذاتها، المنتدى ملك للجميع
بجوز ينفرد كم شخص بتسيير المنتدى وإدارته والإشراف على مواضيعه ومشاركاته وتقرير بعض الأمور
بس في النهاية الموقع يعبر عما في داخلنا كلنا
والله اللي بده يدخل على موقعنا ويشوفنا هيك بده يقول هدول طلاب طفرانين عايفين الغيم

أكتر المواضيع الطبية المنشورة أنا نشرتها وبيجي بشري بالدرجة التانية، الحقيقة طبلة أو طبلتين ما بيعملوا فرحة
لذلك لازم يكون في ناس عم تكتب كمان
يا شباب كل واحد يكتب بالشي اللي بحبه
بالمادة اللي بحبها وبيفهم فيها
يتابع أخبارها وينشر هون شو في جديد وهيك شي
المهم يكون عنا شيء مميز
وإذا بدكن منتعاون في موضوع المسائل السريرية
اللي عنده استعداد يشاركني موضوع ترجمة المسائل أو على الأقل نقلها + شرح المفردات الصعبة
وهيك منعمل شي

طيب المواضيع العلمية
مين بحب الإلكترون؟ يبحث ويكتب مواضيع عن الإلكترونات عن الكومبيوتر

بدي هون أشير بفخر لمواضيع مستر سام النفسية مع إنها برأيي لازم تكون جدية أكتر
كمان مواضيع وايز مان عن الفكر الصيني
موضوع الطاقة اللي نشرته الأخت نسيبة
وكتير أشياء ممكن نعملها ونساويها

تأكيد سريع على أفضلية الكتابة الذاتية والبحث والتقصي على نقل المواضيع
ويمكن إذا في حدا بيكتب بالتدريب السريري يعطينا كم حالة من الواقع اللي شافه وتعرف عليه

إذا كنا جميعاً أو حتى معظمنا معترف بسوء الوضع المحيط فينا
فخلونا نتساعد طبياً ونساعد بعضنا نتعلم ونعلم بعضنا
وفي النهاية الأنانية ما بتفيد بقدر ما بتفيد الغيرية

المشاركات القادمة أرجو إنها تتركز على كيفية الارتقاء ما دمنا حددنا شو هو المطلوب بالضبط

شكراً كتير يا جماعة وبدي أسمع كمان منكم
المخلص شنكول (المشكول بلا عذر)

طبعاً رأيي معبر عني وشخصي غير ملزم لأحد
عم استنى آراءكم

أولاً : إعادة الصفحة الرئيسية للموقع وجعل المنتدى أحد أقسام الموقع
ثانياً : جعل السمة الأساسية للصفحة الرئيسية طبية
ثالثاً : تخصيص قسم لكل مادة وليس قسم لكل سنة حيث غالباً ما تتشابك مواد السنين خاصة في النصف الثاني مع بعضها البعض
رابعأً : محاولة ربط الموقع بشكل أساسي مع بعض الدوريات العالمية مثل lancet أو nejm أو bjm أو غيرها بحيث تصبح دراسات هذه المواقع متداولة بشكل طبيعي بين أعضاء المنتدى سواء داخل المنتدى أو الجامعة حيث نستطيع إثر ذلك لمس الفائدة المباشرة للدراسات الحديثة .
خامساً : استحداث شريط إخباري علمي يومي يشرف عليه لجنة من الزملاء . بغية الاستفادة من تنوع المصادر .
سادساً : أؤكد على طلب الأخ ma.is باستحداث قسم دينيات لجمع كل المشاركات الدينية فيه وفصله عن اجتماعيات .
سابعاً : نقل الجدال الديني أو الفكري أو المذهبي إلى منتديات أو ساحات أخرى وجعل السمة الأساسية للمنتدى علمية أولاً وشؤون جامعية ثانياً .
ثامناً :تشكيل لجنة من طلاب الدراسات و السنة السادسة للإشراف على القسم الطبي في المنتدى .
والسلام عليكم ورحمة الله وبركاته .

مقترحات من شخص واحد لا تكفي
بتمنى أن تناقشوا اقتراحات العاشق وأن تقترحوا المزيد ...
بالانتظار

مقترحات عاشق الغزالي ممتازة خصوصا :

رابعأً : محاولة ربط الموقع بشكل أساسي مع بعض الدوريات العالمية مثل lancet أو nejm أو bjm أو غيرها بحيث تصبح دراسات هذه المواقع متداولة بشكل طبيعي بين أعضاء المنتدى سواء داخل المنتدى أو الجامعة حيث نستطيع إثر ذلك لمس الفائدة المباشرة للدراسات الحديثة .

تحياتي