تعرفت في الآونة الأخيرة، وأنا أبحر في رحاب المنتدى العظيم على شخصيات عظيمة ... أناس جعلوني أنظر إلى الحياة بوجه مختلف ... جعلوني أحس بأن هنالك الكثير من المثقفين والواعين... ماذا يمكن أن يقال عن مشاركاتهم؟... السهل الممتنع، جوامع الكلم، المختصر المفيد... أنا أعصر مخي وأجمع كل ملكاتي وخبراتي (والكثير منا يفعل) ليأتي أحد هؤلاء الأعضاء الأعزاء ليغني الموضوع بعبارة فيها كل الحكمة والموعظة ... تكلمت أنا و"شنكول" حول هذا الموضوع... وتكلمنا مطولاً في الحقيقة... كان رأيه أن هؤلاء الجنود المجهولين يجب أن يكرموا، يجب أن نذكر محاسنهم (على مبدأ اذكروا محاسن موتاكم) وكلفني ولي كل الفخر بأن أبدأ هذا الموضوع الشيق...

سأبدأ الآن أنا وكل منكم يعرف بعضاً منهم... أرجو ألا تبخلو علينا ببعض "محاسنهم"...

من منا لا يعرف عنتر الذكي ... عنتر الذي طل علينا في المنتدى، وتميز بقوة الطاقات الفكرية وجزل العبارة وعمق الخبرة والتجربة... أذكر في أحد مواضيعي أنه اختصر كل الموضوع بعبارة واحدة... وجعلني أقف فاغر الفاه حياله... قال "أنا أكره التسوق!" وموضوعي، كما تعلمون مبني على التسوق... فما رأيكم؟؟؟ ولكن إدارة المنتدى كعادتها تقف في وجه العقول والطاقات الفكرية... ففصلته وللأسف من عضوية المنتدى... إلا أنه أبى إلا أن يشاطرنا خبرته وتجاربه... فدخل متخفياً باسم ثان... المرأة المرئية! دخل وعاد، ولكن دون أن يعطينا كل الحكمة التي يملكها لألا يعرف فيفصل... إلا أن حظه وقلمه خاناه لتعود إدارة المنتدى لتفصله... يال الخسارة...

عضو آخر... كان عبقرياً بالكمبيوتر... اسمه Minimum Happiness... كان يحاول تجربة خبراته في المنتدى عندما دخل (بالخطأ طبعاً) على حساب شخص آخر... وكعادة الإدارة ومحاربتها للأعضاء المميزين حكموا عليه بالحلق... ولكنه أبى... معلوماتي قيمة ويجب أن تصل لزملائي... فعاد ودخل مرة أخرى... تحت اسم Policeman وشارك في الكثير من المواضيع دفعة واحدة... عندما قرأت المشاركات... دمعت عيوني... خبرة... معلومات... لا توجد عبارة تصفها!

هنالك أيضاً عضو آخر... أسمى نفسه العقرب للعتاد... أذكر أنه أنهى نقاشاً دار لساعات بيني وبين أحدهم... بعد أن أبدى رأيه ووضح لنا فكرة لم تكن تخطر على بالنا... قال لنا ببساطة "قوبة أولاد" ... يا إلهي كيف لم أكن أرى أنني من "قوبة الأولاد "!؟؟!

قائمة الأعضاء المميزين طويلة... بالطبع أنا لي ترتيب عليها... ولكني لست من ذلك التميز بمكان... لا يزال هناك الكثير من الأعضاء الذين أغرقونا بمعلوماتهم وخبراتهم... أرجو أن تشاطرونا تكريمهم مشكورين... والسلام!

أسلوبك مميز وجميل جداً

لي عودة لتكريم من يستحق

بك شنكول.. مين هي الشنكولة.؟ من إيمت خاطب ومالي خبر..؟
ع كل حال.. ألف مبروك.. ع قبال ما أسنفر أنا..
ويسمسم المستر سام..

الموضوع من حيث المبدأ إشكالي..
يمكن رأيي جاي من كوني انتخزت من المقال.. بمعنى أنا سمعت من كذا بني آدم من المشاركين هون.. (بفعالية)
إنو حاجته يحكي هدا السنفور.. وخلينا نسكته بالمرة.. آراءه ما عجبتنا..
بالتالي عم حس إنو البل بدو يوصل لدقني إذا قلت إيه..

طبعا.. أنا ماني مع حق اي حدا بإقتراح فصل أي حدا.. لكونه ما عم يعجبه..
بس في شي اسمه قوانين بالمنتدى.. يللي بخالفها من حق مدير الموقع بدون مشاورة حدا إنو يوقفه أو يعملله اللازم..
وهي ما كتير القضية معقدة..
أما الاقتراحات.. فما كتير بتعجبني..

وينك يا رجل؟ والله اشتقنالك... هيك بتتركنا... هلأ اتذكرت روحة جرابلس.... يا رجل كتير انبسطنا معك...

الله يسمع منك، أنا سمسم وأنت تسنفر... ومنعمل عرس جماعي!

حبيب قلبي سنفور أنت كمان ألك ترتيب عالقائمة... بس وللأسف (بالنسبة لي على الأقل) ما بترتقي لمستوى الحديث عنك... لأنو في كتير أعضاء رهيبين... سباقين... تعجز الكلمات عن وصفهم...

وأكيد، أنا ضد اقتراح فصل العضو في حال كان اسم العضو سنفور... بس أنا مع وستين مع من أجل أشخاص تانيين...

حبيبي لا تحرمنا من صوتك ومن مشاركاتك الحلوة!

abla al habla (شاب بعد التخرج) خرب الدنيا ولما نمنع سجل باسم الرجل الخفي (شاب بعد التخرج)
ولما عرفوه نفسه منعوه وخلوا التسجيل بالمنتدى مشروط بموافقة الإدارة على العضو قبل السماح له بالتسجيل، من الأسماء الّتي سجّل بها ورُفضت:
عفش (شاب سنة أولى)
اللاعب الذكي (شاب سنة ثالثة)
سبدلا (فتاة سنة ثانية) !!! سبدلا وفتاة

المهم ما عم يمشي حاله وكل ما بسجل بكشفوه وما بوافقوا على تسجيله.

MAX PAIN
حبيبي وطفلي المدلل، عنده فوق الـ 200 مشاركة، أطول وحدة دخلت موسوعة جينتس للأرقام القياسية، وكان طولها عشر كلمات !!!! كل هاد؟
وفي لسه أطول من هيك، إذا اضطر يحكي نكتة ومرة وصل حتى 3 أسطر !!! يا لطيف

حط موضوع ما حدا رد عليه، راح سجل باسم FEDO DEDO ورد على الموضوع ... كمان كشفوه ومنعوه، آخر شي حاول يسجل دخوله على حساب أحد الأشخاص في المنتدى بالتجريب ونجح وظبتت معه بالبخ، بس المهم كلمة السر سهلة وطلبنا تغيرها، انتبهوا صعبوا كلماتكن وما تخلوها عرضة للتخمين.
وعلى أثرها انفصل من المنتدى وتعمم اسمه على كل منتديات الكرة الأرضية.
وبالأخير سجل باسم SPY وفلت من إيد برنامج الكشف تبع المنتدى، وانقبل تسجيله، وفي ليلة ما فيها ضو قمر، دخل وحط واحد وستين مشاركة بظرف ما بعرف شقد خمس دقائق، طبعاً عرفوه من عملته ومن طبيعة التعليقات وتكرار نفس الأفكار، قال إشو في موضوع أخبار يومية كتب مرتين إنه اشترى سيارة سوبارو (مبروك) مرة باسم MAX PAIN ومرة باسم SPY !!!!

syria star ما بدي أعلق شي أبداً عليها لأنه الكل بيعرف القصة، بس المهم إنه لما منعوها سجلت باسم "ملك الفلاش" شاب !!!!

طبعاً ما في قانون في بشري حلب بقول إنه التفاهة "وأنا أعنيها تماماً للكلمة" ممنوعة، وما ممكن تتوقف عضوية شخص واحد لأنه مشاركاته تافهة وما لها معنى، وكل من الأشخاص السابق ذكرهم خالفوا القوانين، عبلة الهبلة معروف شو ساوى، ماكس باين محاولة اختراق غبية لكن ناجحة ومن حسن حظ البنت اللي دخل باسمها ما كتب شي بحسابها، سيريا ستار الكل بيعرف قصتها.

الجوزاء سوفت قريت في قسم العمليات الإشرافية رسالة تنبيه بعتها بشري إله، والشهادة لله إنه التزم بعدها وكان كويس حتى ما نظلمه.

طبعاً احترامنا للجميع وأنا آثرت إني أذكر أسماء حقيقية وموجودة حتى نعرّف الكل بهالمشكلة، وبدي أشكر مستر سام على المقدمة الأكتر من رائعة، بصراحة ما في حدا بحقله يوقف ضد الترفيه، بس إذا كان هالمنتدى ترفيهي وبس فالأحسن إننا نسكره وما نضيع وقتنا ومصرياتنا على مضيعة وقت على الانترنت، واللي بده الفائدة بروح بيستفيد في منتدى مفيد واللي بده يترفه بروح على منتدى مختص بالترفيه. شو رأيكم بهالنقطة؟

قسم الترفيه هو أكتر الأقسام شعبية في المنتدى حالياً، بشكل أو بآخر بحمل نفسي مسؤولية هالموضوع، قبل الامتحان كان قسم الاجتماعيات أكتر الأقسام شعبية في المنتدى، وخلال الامتحان حطيت موضوع "عندك امتحان؟ تعا لهون" وجذبت العالم بشكل كتير كبير لمنتدى الترفيه، وسحبت معنا بعد الفحص، كان الهدف من الموضوع المذكور الترفيه بكل معنى الكلمة وبتوقع نجحنا بالمهمة. بس للأسف استمر الحال على حاله وما حدا اهتم كتير بباقي الأقسام متل من قبل.

المشكلة ليست بالترفيه
المشكلة في الانطباع العام عن المنتدى أمام الأعضاء الباقين وخاصةً إلي ما بشاركوا، في ناس ما بتشارك لأنها بدها مستوى أعلى من الرقي حتى تشارك وأنا معهن تمام، عندي كتير مواضيع في قسم الترفيه بس معظمها منتقاة وحلوة ومميزة ومحروفة، والترفيه الأحلى هو الترفيه المفيد متل موضوع "الأفلام السينيمائية لترمينايتور" وموضوع "الكاريكاتير لمايس" ومواضيع دكتور فراس 007 اللي كتير أحياناً بحط فيها معلومات فضلاً عن أسلوبه المميز، وقائمة المواضيع الترفيهية المفيدة طويلة، بس الترفيه برأيي الشخصي ما حلو يوصل لحد الإسفاف.

هون وصفنا الظواهر السيئة من وجهة نظرنا أنا ومستر سام، وهالموضوع مرتبط بموضوع "نحو بشري حلب أفضل" اللي رح نحكي فيه عن الارتقاء في المنتدى.

أنا مع اقتراح "إيقاف العضوية" من قبل أي عضو في المنتدى لما بشوف عضو معين أساء للمنتدى وقوانينه وأعضاؤه. وللإدارة القرار النهائي الأخير.

بالنهاية سنفور ما تظن إنه هالموضوع بخصك، لأنك جدي.
بعتذر عن لهجتي العامية هون، بس ما لقيت حالي إلا وعم اكتب عامي، سامحونا
سلامة

لا انا لست مع هذه الفكرة لانو بدكو تصادرو الحرية على الأنترنت انا ما عم قول يلي بقلل ادب نقبلوا بس بكرا تتطور المسألة وكل واحد ما بيعجبكن فكروا او ربما مزح مع احد الأعضاء بتحلقولوا
اذا كان المنتدى بدو يقتصر على اشخاص معينين اذا اغلقوا باب التسجيل و خلص
وبكرر كلامي لا للإساءة لا للتخريب بس نعم للحرية ولكن ليس المطلقة ولا المفصلة على مقاس اشخاص فقط

لطيف جداً
أحدهم من بلد عربي مجاور ، كوووووووووووول جداً
يلقي التهم جزافاً، و بدون أدلة .
أره أكثر من جميل
له تحيتي
حازم

مع الاسف التاريخ يعيد نفسه . و اللي بيشوف الإبداعات اللي عم تطلع هلا من البعض رح يفهم قصدي.

الله يكون بعون المنتدى و بعوننا عليهن . آمين .

بالنسبة لموضوع اقتحام الموقع أو الدخول باسم أعضاء آخرين أو الإخلال بالآداب أو ....
فأنا معكم بوجوب تصفية هكذا أعضاء....
أما موضوع الترفية.... غزيزي شنكول فهذا شيء نسبي تماما... فتقبل الدعابة أو النكتة ليس على نفس القدر لدى الجميع وموضوع اسفاف وتفاهة برأيي لا يجوز اسقاطه على مشاركات الآخرين
طالما أن هذه المشاركات محدودة جدا وطالما أن اصحابها تعبوا ولو قليلا في كتابة او تنسيق مشاركتهم (الجيدة برأيهم ورأي البعض والتافهة برأيك ورأي الآخرين ).
أخيرا اتمنى لو أن الرقابة الصارمة على اشتراك أعضاء جدد تكون في المستقبل على القادمين من خارج البلد
يعني على الأقل ابن الكلية قد ما كان ........ بتم فيو خجل من زملائه وزميلاته لانو غالبا سيكشف...
أما القادم من الخارج واللي مو سائل على كليتنا كلها...فممكن ييعمل اي شي بيخطر على باله ويرحل بعدها
وياسيدي الشخص المهم أو الطبيب أو الشخص الموثوق من قبل الادارة....بتعرف الادارة شلون تسجله...
والسلام

والله من زمان لازم نتوجه بالشكر لهيك اعضاء ونقولن فعلا نحن وقفنا حائرين امام ابداعتكم الخلاقة
المهم : ياشباب الموضوع ومافيه انو في بعض الأشخاص تعبانين ع حالهن وقريانين كم صفحة طورت ملاكاتهم العقلية الى حد اصبحنا عاجزين عن فهمهم او مجاراتهم لهيك انا بقول انو هالأشخاص حرام يضيعوا وقتون معنا هون في منتديات خاصة بتبادلهم الأراء والأفكار نفسها لأويمكن تضيف شيء جديد الن

انا حابب نبه لشغلة احيانا تصل مشاركات بعض الأشخاص الى حد الاستفزاز واللي بتخلي الواحد منا يخرج عن طوره وينجبر وينزل لمستواهم {طبعا هاد شي غلط} لهيك اقترح تبادل المهام بين المشرفين ع الموقع بحيث ما تمر ساعة الا ويكون في حدا الو الصلاحيات بالحذف { واللي انا معو مية بالمية وضمن القانون طبعا} موجود ع الموقع حتى ما نخلي هيك مشاركات موجودة فترة طويلة

على كل حال الأدارة براي لحد هلأ ناجحة بضبط هيك اشخاص والله يقويهم وياخد بيدهم

ان شاء ما نكون من هالقائمة ولا شو مستر سام