اسئلة حول امكانية الحمل مع وجود....

السلام عليكم ورحمة الله وبركاته

اولا جزاكم الله خيرا على الموقع...وان شاء الله في ميزان حسناتكم
وبس عندي اكم سؤال...اذا ما في مانع
اولا انا متزوجة من تقريبا سنتين..وانا حملت في ابني الاول بعد الزواج بشهر...وولدتو في الشهر السابع..وتوفي بعد نصف ساعة...(كان معو هايدروبس فيتالس) الله يعافي الجميع يا رب

المهم انجبته بعملية قيصرية...ومنعوني من الحمل الا بعد سنة كاملة...وانا قبل انتهاء السنة بشهرين حملت لكن اجهضت بعد شهر...

بعدين كملت السنة...ولما حاولت انا وزوجي نحمل اول شهر...ما صار حمل..( على علم انو باسم الله ما شاء الله ربنا بفضله وكرمه..مسهل امر الحمل...يعني بفضل الله كل مرة حاولنا نحمل ربنا يسرها وحملت...)

سؤالي...
هل ممكن انو شدة رغبة المراة في الحمل...انو يمنع الحمل...يعني هل هادا اللي بيسموه ..التوتر النفسي اللي بمنع الحمل؟؟؟
مع اني حسيت باعراض الحمل كلها قبل الدورة

وهل من الاحتمال يكون هرمون الحليب ارتفع...وهل اذا ارتفع لازم لازم من علاماته يخرج شي من الصدر؟؟ علما انو ما خرج مني هيك..بس كاني توسوست وخفت شوي...

وصحيح ..اخر سؤال وعذرا عذرا للاطالة...انا زمان وانا صغيرة كانت دورتي الشهرية قوية جدا..جدا..
اما الان فهي ضعيفة جدا...يعني زمان كان لليوم السادس(هي 7 ايام) تكون قوية...اما اليوم ..فقط اليوم الاول وباقي الاسبوع تكون نقاط بسيطة....
على شو بيدل هاد؟؟؟ هل في مشكلة؟؟؟ هل يؤثر هذا على الحمل؟؟؟ وهل له علاقة بالعملية القيصرية؟
انا الان 22 سنة

اسفة على الاطالة...وارجو الرد على كل تساؤل...ليس امرا وانما خدمة...جوزيتم عني خيرا