منذ فترة كنت أريد أن أشارك بهذا الموضوع ... لكنني أردت أن أجرب البرامج فترة قبل وضع المشاركة..
هذه البرامج تحتاج إلى بروكسي من نمط سوكس 4 أو سوكس 5 .......أو بدون بروكسي وهو ما توفر أخيراً في مخدم آية ....
برامج الـpeer to peer هي برامج مميزة ... الفكرة هي أنك تستطيع الحصول على أي ملف موجود على جهاز شخص آخر يستخدم نفس البرنامج بعد أن يضعه ضمن البرامج التي يرغب بمشاركتها للآخرين ...
هناك الكثير من البرامج أشهرها kazaa lite لكنه لم يعمل عندي... لذلك سأتحدث عن برنامج Ares وهو برنامج لا يقل عن سابقه ....
ستتفاجأ بكمية المعلومات التي يمكنك الحصول عليها بمجرد كتابة ما تريد البحث عنه وضغط ابحث..
خطورة هذه البرامج هي أنك معرض للفيروسات الموجودة على الجهاز الآخر ... و خاصة عند تحميل البرامج من الأجهزة الأخرى ... لذلك يجب فحصها ببرامج فحص الفيروسات ...
هناك سيئة في هذه البرامج هي أنك ستنتظر الكثير من الوقت حتى يتم الإتصال بالجهاز الذي تطلب التحميل منه ..... ويجب أن يكون الجهاز غير مشغول بتحميل شيء لشخص آخر وإلا فإنه ستظهر لك كلمة Queue وبجانبها رقم يدل على ترتيبك في الصف ...
لذلك هذه بعض النصائح من خبرتي المتواضعة في هذه البرامج:
انتبه عند تحميل الـ Software من الفيروسات
اطلب العديد من الملفات .... ولا تنتظر الكثير من الوقت ضمن الدور ... كلما دخلت إلى الإنترنت شغل البرنامج فإذا رأيته بدأ بتحميل أحد المطلوبات أو وضعت على الدور لعدد قليل فانتظر.... وإلا فلا تتعب نفسك كثيراً بالإنتظار ...
أخيراً هذا صفحة فيها البرنامج مشروحاً مع موقع التحميل ...
http://www.arabs-eyes.com/vb/showthr...threadid=32778

تعرفت على برامج تبادل الملفات عن طريق كليوباترا، وخبرتني إنه في برنامج اسمه emule وهو أفضل البرامج وأشهرها وفيه ملايين المشتركين، وبانتظار كليوباترا ريثما تمر وتشرح لنا القليل فهي لها خبرة في تجربة هذه البرامج في روسيا.

فعلا اخي شكنول برامج تبادل الملفات من اجمل مزايا الانترنت
تصور اني وجدت الكثير من الكتب الطبية ونزلت مرجع هاربرز بالكيمياء الحيويه من هذه البرامج !!!

انا شخصيا استخدم برنامج اسمه Lime Wire وهو من اشهر البرامج في هذا المجال وكذلك اسرع برنامج جربته حتى الآن ونتائج البحث به كثيرة جدا واهم شئ انه خالي من ملفات التجسس

انصح الاخوة والاخوات انهم ما ينزلوا اي برنامج مشاركة حيث انه الكثير من هذه البرامج مرفق معها برامج تجسس وتفتح منافذ بالجهاز مما يعرضه للاختراق

لذلك نزلوا البرامج المعروفة والمضمونه مثل Kazaa lite - Edonkey - LimeWire - Ares
والبرامج السابقة كلها مجانية
وتجدوها في هذا الموقع
www.download.com (استعمل محرك البحث الموجود بالموقع لإيجاد البرنامج المطلوب)

وشكرا لك شنكول على فتح الموضوع
تحياتي

وايز مان اللي فتح الموضوع
الشكر لوايز مان

آه عفوا اخي وايز مان ما بعرف ليش كأني قرأت اسمك شنكول!!!

السلام عليكم


بعد ما جربنا العنزة Kazaa

والحمار edonkey

والبغل eMule

نزل برنامج ((الدب)) bear share




لكن لسه ما جربتو


عم بيقولوا أسرع وأحسن .. مع أن الاحصائيات بتدل أن البغل بيضم عشر ملايين يوزر .. الشي يلي بيزيد من احتمال وجود الريسور ... ما بظن يكون في شي يضاهيه لحد الآن ....... خصوصي بعد تراجع شعبية الكازاا والحمار ..



والسلام

كليوباترا بتنصحين أدل على الإيميول ؟
ولا أتعرف على باقي الشبكات
كمان في توحّد بين الشبكات؟ ولا حصراً كل برنامج بيعمل sharing مع أفراد مستخدمينه فقط؟

السلام ...

أنا جربت الكازاا (ضليت معها سنتين من عمري للأسف)) قبل ما اتعرف عالاميول .. لكني كنت خونو وجربت عدة برامج منها (MX) يلي مملينو الصينيين ... !!!

من تجربة شخصية .. ومراقبة لشبكة الاميول .. فالمستخدمين فيها زادوا خلال فترة الصيف من 8.5 مليون يوزر للـ10.5
الشي يلي طبعا بيدل على انتشاره الأوسع ..

وهو حسب يعني ... الكازاا كانت الرائدة في مجال الملفات الموسيقية .. وطبببببعا البغل كان الأشهر للسوفت وير ..

الام إكس .. كان فيه كتير ملفات باللغة الصينية مدري اليابانية ما بظن حدى بيستفيد منها كتير !

الحمار .. في تراجع ملاحظ ...... من كام يوم قريت هالمعلومة في عدة مصادر ...........

والاميول فيو ميزة .. هو البحث عن (اليوني كود) .. يعني فيك تبحث بالعربي بالروسي .. بالصيني ..... الشي يلي ما بيتواجد بكل برامج الـP2P

اذا بدك من تجربة شخصية .. ... فطبعا البغل !! ... ما بعمري بحثت عن شي إلا لاقيتو .. حتى كتب اقتصادية استفدت منها بدرساتي !!! ... ومجموع حجوم الملفات المنزلة من سنتين لهلئ عن طريئه عندي تعدت الـ 60 غيغا !

الحلو فيو .. كترة الريسورسات .... كمان الشي الغير موجود بأماكن تانية ..........

وفيو ميزات كمان مو موجودة بغيرو : مثلا انك تطلب ينزل من الملف بدايتو ونهايتو بعدين ينزل النصاني ... هالشي بيخليك تكون قادر انك تتفرج على جزء من الملف وهو عم يتنزل مشان تقرر: هاد هو المطلوب ولا لاء !!!

طبعا كمان فيك تتأكد من شعبيتو .. بكترة المواقع يلي بتقدم وصلات بمواضيع مختلفة .. وصلات للميول أكتر من غيرو .

في طريقة لإضافة سيرفرات من الدونكي مثلا عالاميول .. لكن أنا ما تأكدت من صحتها

وبالأخير في ناس بتحب القهوة .. وناس بتحب الشوكولا الساخنة .. وناي بتفضل المي .....

لكن اذا حدى لسه ما جرّب .. فأكيد ما مننصحو غير بالاميول ...

والسلام

نسيتي تذكري الليمونة LimeWire


يمكن يكون عدد المستخدمين اقل من الاميول لكنه سرييييييع جدا جدا وغالبا سرعة الداون لود عندي ما تقل عن 3 ك.ب\ث

يعني برنامج منصوح به جدا

تحياتي

السلام من جديد

زميلي توربو انا ماني مجربة اللايما (على فكرة ثمرة اللايم تختلف عن الليمون ولو ان تنيناتهم من فصيلة الحمضيات)

-----------------------------------------

سرعة نقل الملفات في الاميول تعتمد بشكل مباشر على الرانك للمستخدم .. والرانك في الاميول بينتمي للـID

- لما بيكون بيمستخدم جديد (أول ما بينزل البرنامج بينوجد ملف اسمو: سيرفر يلي بيسجل حركاتك ورانكك, الملف موجود في config) فالــ ID عندو بيكون Low .. بس تتعلى مرتبو بيصير High ID وبيصير عندو ميزات تنزيل وسرعة أكبر . تعلاية المرتبة لا تعتمد فقط على الوقت يلي قضاه بالبرنامج (لود آب - لود داون) , اليوم وبعد بحث طويل قدرت لاقي طريقة مباشرة للانتقال للـ High ID
- أول الشي ... قل وداعا للفايروول (لأنها بتبطئ التنزيل) ولحتى تتعلى اجباري لازم تشيلها.
- بعدين .. تأكد من البورتات بالاميول :
TCP = 4662
UDP = 4672
وفيك تطالعهم من: Options ---> connectio
- وبطريئك بنفس النافذة .. حط الآب لود عن ما لا يقل عن 4 كيلوبت/ثانية

هدول الخطوات الأساسية لتعلي رانكك ...

كمان أنا ما بعرف كيف البرنامج بيشتغل بسوريا !! لذلك يمكن رح يلزمكون فترة (إذا الكونكشن بطيء) لحتى تنزلوا كمية معينة عن طريئ البرنامج.

High ID بيتميز : أن بيعملك كونكشنز مع يوزرات أكتر من low لأن لما low مع low صعب يتكنكشوا .
وبيورجيك بالبحث نتائج أكتر ..
وكمان .. لما بيوقف الرانك الأعلى بالدور على ملف معين .. بيكون في عندو أولوية من الرانك الأوطى .. لذلك احتمالية السرعة وكترة السورسات بتصير أكتر .
وطبعا السيرفرات يلي فيك تتصل فيها بتكون أكتر برانكك الأعلى !

الرانك ما بيعتمد فقط على Low-High ID .. في كمان أرقام .. لكن للصراحة أنا ما بعرف حدود الأرقام لـLow يلي من بعدها بيصير High

شو ضل ؟؟


كمان !! .. في شبكتين .. أو خلينا نقول سيرفرين أساسيين بالاميول يلي لازم تكون متصل فيهون لنتائج أفضل :

kad
eD2K

والبرنامج أوتوماتيكي بيورجيك اذا انت متصل فيهم ولا لاء في السطر التحتاني من البرنامج.

كيف بتعرف الــ ID تبعك ؟؟

تحت .. بشريط المعلومات (أسفل أسفل البرنامج) في إشارة كرة أرضية .. فيها سهمين متعاكسين .. كل سهم بيدل على سيرفر من المذكورين سابقاً.
إذا كان السهم : أصفر .. فانت LowID
واذا كان أخضر .. فحضرتك صرت HighID وألف مبروك
وبدبل كليل عليهون .. فيك تاخد معلومات وافرة عن السيرفر وعن معلوماتك فيه كيوزر.

أنا قرأت أن السيرفرين نفسهون مستخدمين بالحمار الالكتروني edonkey لكن وبما اني ما بستخدمو فما بعرف مدى صحة هالشي ..
واذا صحيح ... معناها يوزرات الدونكي متحدين مع يوزرات البغل ... فبالتالي بيكتروا الملفات المتبادلة .. بالتالي السورسات .. بالتالي السرعة والاحتمالية ........ إلخ


لنا عودة إن شاء الله وإذا في أي تصليحات لمعلوماتي فأنا برحب فيها واعذروني


والسلام عليكم


--------------------------------------

متل ما قلتلكون : كل واحد بيفضل شي معين ... لذلك ما رح قول أن الاميول منصوح فيه كتير رح قول: جربوه وشوفوا بنفسكون.