SIZE="2"][/size]
التدخين في الأماكن العامة(عامة)وفي المقاصف الجامعية(خاصة)
كيف تحل هذهالمشكلة؟؟؟؟؟؟؟؟؟؟؟؟؟؟؟
أو لاداعي لحلها!! (ولي بدو يدخن يدخن وما حدا إلو دخل بحدا)
أرجو من الجميع إبداء رأيهم في الموضوع لأننا كما يعلم الجميع للتدخين مضار لاتعد ولا تحصى وخصوصا على المدخن السلبي(غير المدخن)الذي يكون في بعض الأحيان هو الضحية(وخصوصي البنات)
بعض الحلول:
1-منع التدخين في المقاصف الجامعية منعا باتا مع تغريم الشخص المدخن
2-منع التدخين (مع التطبيق)دون غرامة
3-اختبار ذوق المدخن حسب اتساع المكان
4-خروج المدخن إلى مكان أوسع من المكان الموجد فيه(الهواء الطلق)
5-يمكن للمدخن التدخين متى شاء وفي المكان الذي يحب(خصوصي الشباب ولكن ليس الجميع)
أرجو أن يكو ن الموضوع قد نال إعجابكم
شكرا

سلامات ...


هذه "ثقافة" وليست "مشكلة بحاجة لحل ما" !
أوكي العالم كلو اعترف أن المدخن ما فيو يتخلى عن سجايرو .. ولكن بالدول المتحضرة، بيتبعوا طرقتين لهالمشكلة:
1. إبعاد المراهق أصلاً عن التدخين (حل جذري)
2. تقبل الأمر، وإنشاء أماكن خاصة في كل الدوائر والأماكن الحكومية والخاصة للمدخنين.
حتى إذا بالبيت .. يطلع يدخن عالبلكون أو خارج باب سآء ..
لما الإنسان بيكون متعود أصلاً بالبيت وبالشغل وبدائرة ما أنه ما يدخن، وإذا بدو فلازم يدور على مكان المدخنين، هالعادة بتنتقل لغير اماكن، مثلاً إذا راح لعند ضيوف وقبل ما يطالع سيجارتو يسألون : انتوا وين بتدخنوا ؟



للأسف بسوريا المدخنين (وخاصة الأوباش) بيطالعوا السجاير حتى بالأماكن المكتوب عليها ممنوع التدخين !
وإذا بنت طلبت منون يطفي السيجارة بيعمل حالو (بكل وقاحة) ما سمع

لك تفيه !!!


والسلام عليكم

علوّا الناس تلتزم بعدم التدخين في المرافق العامة المغلقة...مثلاً المشافي بحالها...بتلاقيهون عم بدخنوا فيها...و السرفيس على ضيقة المكان و الزحمة يلي بتصير فيه...بتلاقي شي مذوق الا ما يشعّل سيكارتو...طيب انت بدك تموّت حالك انت حر بس شو ذنب يلي حواليك؟ و اسوأ الشي السكاير الطويلة بتقول هلق بتخلص و بتتحملها بس ما بتخلص! و اذا خلصت صاحبها بشعل غيرها...

لازم الدولة تفرض عقوبات و تحارب التدخين متل عادة مو هيك بالاسم فقط ...ما بكفي التلوث بسبب دخان السيارات ناقصنا دخان السكاير ؟


أنت...يا مدخن يلي عم بتدخن...بطلب منك تبطل التدخين...و اذا ما بدك...انت حر...بس عل اقلية دخن بالاماكن المفتوحة بعيداً عن الاطفال

تطرق العديدون لهذا الموضوع وبالأخير علفاضي الي بدو يدخن بيدخن وين ما بدو والي ما عم يدخن عم يسكت ويبلعها متل ما قالت كليوباترة الموضوع متعلق بالثقافة والاحساس بالغير...
ويا سيدتي هزار عندكم بمقصف الصيدلة الجو نعمة قدام جو مقصفنا الي ما بيخلى من طلاب التعليم المفتوح ومداخنهم الي فوق راسهم وخصوصي بهي الايام (عندهم امتحان) ومن مداخن بياع الصندويش وما بعرف شو بستغرب كيف بياكلوا بالمقصف عنا؟؟؟؟يعني على الريحة؟؟؟
بس بحس ان التدخين أمر شخصي والشخص حر بيدخن او ما بيدخن وما من حق حدا يمنعوا والي عم يتدايق لا يوقف جنبوا ويحسسوا انه هو مشي بسبب السيكارة يعني يخيروا يا صحبتي يا السيكارة (انا شبه متأكد رح يختار السيكارة )ولو كل بنت بتشترط على خطيبها انو يبطل التدخين (وما يرجعله بعد الجازة) كنا بألف خير
ولا تحقدوا بس على الشباب لأنو مبارحة كان في حشاشة بالمقصف –كمان توربو شافها- بتنفخ قد عشر مدخنين .....
كليو عجبتني كلمة السآآآآء...بس ءلعيه لبعيد وما تدشريه يءف علبرطاش وويتبوجء ويلءش ءشعيني أنا برا الحوش.....(بس قلعيه لبعيد وما تخليه يقف علحجرة الي قدام الباب ويقول ليكني انا برا البيت)....
ما في أحلى من اللهجة الحلبية غير شكل

عندي اقتراح صغير و عملي، ليش ما بتحكو مع صاحب المقصف انه يخصص نص المقصف للمدخنين و النص الثاني لغير المدخنين. وكل واحد بيقعد في المكان اللي بيعجبو. هي الشغلة مو فعالة بشكل كامل بس ممكن تتزبط، ويحاول يفصل المكانيين او يبعد بيناتهم شوي. أحكو مع الهيئة الأدراية من شان ينفذو هالشغلة، خليهم يشتغلولن شغلة أحسن من قعدتهم، مع انه بعرف انه أغلب اللي بالهيئة بيدخن. بس فعلا مو مجبور اللي ما بيدخن انه يدخن مع المدخنين بشكل غير مباشر. على فكرة بتصير شغلة كتير حضارية. وممكن شوي شوي تنتشر بالمقاصف التانية.

إذا حدا اقتنع بالأقتراح، بجرب يعملوه ويعطينا النتيجة.

سلام

ذكرتوني بمقصف العلوم بحلب .. مع احترامي لطلاب الكلية
بس بيشبه كل شي إلا مقصف بكلية !!
كاباريه .. ملهى ليلي بس بيفتح بالنهار .. مرتع الحشاشية والراقصين

كل المقاصف الجامعية بحلب مليانة دخان ... فسواء جمعوا المدخنين عطرف أو فرقوهون ...... ما حتزبط لأن مافي شفاطات دخان وتهوية كافية

بشكر الجميع على آرائهم يلي أبدوها
وبالنسبة لإقتراح(kakkoi) شلون بدنا نحكي مع صاحب امقصف إذا كان هو نفسو عبيدخن ورفيق الشباب يلي عبيدخن
على كل حال إنشاءالله تنحل المشكلة عما قريب ويكون قرار منع التدخين قرار بالجامعة كلها لأن الذوق انعدم عند غالبية البشر

المشكلة سهلة الحل بشكل يفوق تصوركم

الحل هو كما للكثير من المشاكل الاخرى عن طريق القانون !
الناس - بصفة عامة - كالقطيع تحتاج الى راعٍ .
سوف اذكر لكم هذه الواقعة التي حدثت معي .
عندما ذهبت للاختصاص في احد مشافينا ، كنت اتصور انها سوف تكون مناسبة جيدة كي اتوقف عن التدخين .
و لكن كان المشفى كله يدخن ، الزوار و المرضى و الاطباء .....
اتذكر عندما يتم شطف جناحنا صباحاً ، يمكنك رؤية أعقاب السجائر طافية باعداد لا تُحصى على سطح مياه الشطف مع مايرافق ذلك من مظهر غير مُستحب و روائح كريهة .
-مع اني ادخن - صرت اقرف من التدخين عندما ارى هكذا مظهر .
و كل المحاولات باءت بالفشل . و استمر هذا الامر حوالي سنتين و نصف ، الى ان تغير مدير المشفى و جاء طبيب يتمتع بالصفات التالية : غني جداً - مشهور - حازم . و منذ اول يوم طبق النظام . غرامة 500 - مع اجبار الشرطة على متابعة الامر عند حدوث مخالفة .
و صدقوني خلال 24 ساعة ، لم يعد هناك مدخنين داخل المشفى .

ببساطة ، لا مشاكل مع تطبيق القانون . و بحزم . ومع الكل بدون استثناء .و هنا تكمن اكبر مشكلة لدينا !
و بدون رشوى .

الناس - بصفة عامة - كالقطيع تحتاج الى راعٍ .

لا اتفق معك ابدا في هذه النقطة

اين ذهبت الصفات الانسانية ( الارادة - التصميم - العزم - مقاومة الاغراء - الرغبة.....)
هذه صفات انسانية لا تحتاج قانون لكي تظهر او راع لكي ينشأها
يلي بدو يبطل تدخين بيقدر اذا كان عندو ارادة و تصميم

السلام عليكم


عفكرة كلام alibrika جداً منطقي.

في شي اسمو "إدارة الجموع" ، التعميم ما حلو، بس في صفات بتنطبق على "أكثر" أفراد المجتمع.
وإذا في حدا غير هيك، وتحديداً جاي من جو تاني، ما فيو غير إن يصير متلون أو يرجع عالجو تبعو .. أو ما بعرف يعني.

فعنا الجموع (من ناحية التدخين) خلص هيك تعودت، حتى لو إنسان كويس ومنيح وما بيمارس التدخين بأي مكان، لما ما بيشوف أماكن مخصصة للتدخين حيدخل محل ما الكل عم يدخنوا ! يعني أي محل. وللصراحة هادا مو ذنبو.

الراعي هو المسؤول.

بس ما فهمت

و جاء طبيب يتمتع بالصفات التالية : غني جداً - مشهور - حازم

شو دخل الغنى ؟


****************

تذكرت جامعتي ومقاصفها ......... الطريقة يلي كانوا بيتبعوها عنا من هالناحية:
1. ممنوع بيع السجائر أو المشروبات الكحولية في الحرم الجامعي (طبعاً ممتد لكيلومترات طويلة)
2. في الكليات التدخين مسموح فقط في باحات السلم الداخلي (طبعاً قليلين يلي بيطلعوا وبينزلوا عالدراج الداخلية، غالباً الدرج الأساسي أو الأصانصير).. أو بالشارع طبعاً.

وما قط بعمري شفت حدا عم يدخن غير هيك .........بعيد أن الموضوع موضوع "ثقافة". يمكن لو واحد دخّن بممر بالكلية عنا لما ما بيكون في حدا موجود ما كان حدا كمشو أو حكا معو، بس الكل متعود أن ما بصير هيك وخلص.


والسلام عليكم