| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
Mar, 05 2008, 13:29
| |||
| |||
 المرأة التي لم ترى وجهها أبدا.... المرأة التي لم ترى وجهها أبدا توم وجيري.jpg هي الشغاله السوداء اللي بتوم وجيري واللي ماعمرنا شفنا غير رجليها اسمها مامي وهي مظلومه إعلاميا ياحرام طلع وجهها لأجزاء من الثانية فقط في حلقة واحدة من حلقات توم وجيري ولا يمكن ملاحظة وجهها إلا بإيقاف الحركة كان حلمي في الطفوله اني شوف وجهها وكبر معي هالحلم وأخيراً مع التطور التقني والعلمي تمكنت من تحقق حلمي (وصلتني بالايميل ولي في نقلها غاية أخرى)  
 |
|
#11
Mar, 08 2008, 12:18
| |||
| |||
 مممممم ,أول شي الموضوع كتير حلو ومهم كمااان , فعلا في أفكار كتير غلط عمتنزرع باذهان الصغار وحلو نركز عليها .... (هادا الشي أنا عمبلمسو عمليا باعتباري خالة و عمة ل 19 حفيد-ما شاء الله- روضة ) -تاني شي الله يعافيكم وشكرا كتير ساد و shakazolo و حبابة شام منيحة هلأ .......الحمد لله والله يشافي كل مرضى المسلمين ... بس شو دخل شام بالموضوع هلأ يا ساد !!!! |
|
#12
Mar, 08 2008, 13:12
| |||
| |||
| فعلاً الموضوع كتير مهم...بصراحة انا ما عندي اطلاع عل افلام الكرتون يلي عم تطلع بالفترة الأخيرةلاني منقطعة عنها من سنين بس يلي بعرفو انو كتير اشوف اولاد خالي الصغار على طول ملزوقين بالتلفزيون عل سبايستون... نقطة مهمة انو شو عم يشوفو الأولاد و الاهل لازم يوجههون بس المشكلة حالياً مو هون بالذات...هل نقطة بعد شوي برجعلها... اول غلط هو وجود قناة سبايستون...ما بعرف كتير عنها بس بظن انها بتطالع افلام كرتون على مدى 24 ساعة...و الغلط انو بهل حالة ما عم يتعود الولد عل نظام...على زماننا كان في فترة الظهريات بيطلع فيها برامج اطفال...وبس من انتهت خلص الولد بقوم بيلعب شي تاني او بيعمل وظائف او بيقرا او هيك..بس توفر افلام الكرتون 24 ساعة ما عم بيخلي الولد يتعود على نظام معين...ايمتى ما بدو بشوف تلفزيون...و هاد غلط تاني الشي...الاهالي...بالذات الامهات...بدّون يدفشوا الولاد من وشون...بفتحولون التلفزيون و تفرج يا ابني...المهم تحل عني...و هاد الولد اذا قعد ساعات ما حدا بحس عليه المهم الماما مرتاحة من نقو...و هاد غاط كمان تالت شي...كتير عم بيتوجهوا الولاد عل تلفزيون و الكمبيوتر...ماعاد حدا يقرا مجلات الاطفال او يلعب او يتعلم شغلة..متل العزف او رياضة او يطلع يلعب بالحديقة و يتحرك...طول النهار بلا حركة امام الشاشة...لك و ياريت حدا منتبه عليهون...بتلاقيهون مستلقين عل ارض و ملزوقين بالتلفزيون...ما حدا بقلون انو يقعدوا متل عادة و على بعد معين من الشاشة.. و على زماننا كان في مجلات اطفال...متل ماجد و مدري شو كان اسمهون...بشجعوا الولاد على القراءة و فيها الغاز بيشجعوا عل تفكير و مسابقات ممكن واحد يربح فيها...الولد كتير بيفرح لما بيربح بمسابقات و لو اشياء رمزية... ما بعرف كتير تغير الزمن... يتبع.. |
|
#13
Mar, 08 2008, 13:12
| |||
| |||
| بحيييك ساد على هذا الموضوع المهم انا بسمي هدا الحكي برمجة العقول هذا الشي مو بس بافلام الكرتون موجود حتى بالمناهج المدرسية عن طريق افلام الكرتون و المناهج المدرسة ممكن تزرع اي افكار و حتى لو كانت خاطئة (هذا طبعا يمكن يكون مقصود او غير مقصود) وبالتالي عندما يكبر هذا الطفل الفكرة سوف تبقى حتى لو لم يتذكر المصدر او الشيئ الذي ادى الى تطور هذه الفكرة في تفكيره  |
| قال العضو التالي أسمه شكراً لك يا maxcool على هذه المشاركة المفيدة: | ||
|
#14
Mar, 08 2008, 13:27
| |||
| |||
| اما بالنسبة لشو عم يشوف الولد...اكيد الاهل ما قاعدين 24 ساعة فوق راسو متل ما سبق و حكينا....بس الام (بالدرجة الرئيسية) اذا شافت شي عليه القيمة ممكن تخلي ولادها يشوفوه...بتتذكروا كان يما كان الحياة او مدري شو كان اسمو...شقد هاد فائدتو عظيمة؟ نحن ما كنا نروّح ولا حلقة منو...الولد هون بيتعلم اشياء جداً اساسية و بياخدها معو للمستقبل ممكن بدون ما يدرك... و متل ما قال ماكس كول الولد وقت بيكبر الفكرة بتبقى...يعني الاطفال ما بيعرفو شي...لازم يتعلمو شو هو الخير و شو هو الشر و هيك اشياء مثلا...لازم يفكروا مع بطل الفيلم الكرتوني و يعرفو شلون عم بفكر او شلون ممكن يتوصل لحل..لازم يتعلموا في تصرفات غلط لازم تتعاقب والصح تتكافأ..لازم هنن يشتغلوا كمان بتفكيرون مو بس عم بيتلقوا... ونقطة تانية كتير مهمة: المسلسات يلي عم تطلع بالتلفزيون عم تتطور ما شاء الله...و فيها اشياء مو كتير مناسبة للأطفال...بس عنا و الحمد لله...الطفل بيقعد بالسهرة لنصاص الليالي و ما حدا سائل عليه شو عم يشوف و شو عم يتعلم ...لك هاد طفل...لسعتو صغير لشو يتابع مثلاً اسياد المال؟ لو ليش لتاخدوه معكون على مسرحية همام حوت يلي ما تألفت خصيصاً لهل طفل؟ ليش ليسمع هيك اشياء و يتعلمها؟ ما وقت عليه بهل عمر؟ و ليش اصلاً تخلوا الطفل يسهر لبعد نص الليل؟ مو بدو نظام يتعود عليه؟ ما بعرف في كتير كتير شغلات غلط... (آسفة خرجت شوي عن الموضوع الاساسي) |
|
#15
Mar, 08 2008, 16:00
| |||
| |||
| أنا شايف الموضوع عفوي كتير .. ولو بدك تفكر بهالطريقة .. بإمكانك تطالع عيب وخطأ .. ودسائس في كل مسلسل .. وكل برنامج .. وكل كلمة بتنحكى .. بعدين السود جزء من حياتنا .. وبتصدف إنه تكون الخدامة من العرق الأسود .. وبتصدف يكون مدير عملك من العرق الأسود .. ليه أنت أصلاً عم تفترض إنن لازم يكونوا فوق .. لحتى ما يتعرضوا للتمييز العنصري .. متلن متل غيرن .. اللي بيشتغل بيطلع لفوق .. |
| قال العضو التالي أسمه شكراً لك يا Shankool على هذه المشاركة المفيدة: | ||
|
#16
Mar, 08 2008, 16:34
| |||
| |||
| السلام عليكم الموضوع حلو ...... وأنا شخصياً حليتو عندي من زمان بلا تلفزيون بلا شي الحمد لله عنا دي في دي وحيصير في بلو ري ... يعني النظارة على لأطفال وما تستقبله عقولون لازم تكون قوية وشديدة. يعني هيا من جملة الإشيا المهمة يلي رح طبقها على أطفالي. لاحظوا أن كل الأفلام الحديثة، سواء كرتون أو أفلام عادية، كلها عنيفة جداً ودم وقتل وما بعرف شو. لاء ويا ريتها تكون مواقف حقيقية ! ما اختلفنا وجود العنف بالحياة ............. بس مو هيك ! وبعتقد التفرج على هيك إشيا بالعكس ممكن تهيّج الوحشية اللي بيكبتها الانسان .. وتتطور كمان فما بالكم الأطفال !!!!!!
 كنت اقرأ بس مجلة أسامة وما فوتت عدد، وحتى كان عندي أعداد قديمة اجتني بالوراثة من أخواتي من بداية التمانينات  بعتقد الجيل القادم رح يتوجه عالانترنيت أكتر ........... وهون الطامة الكبرى، ما فينا نعمل نظارة عالانترنيت. غير التوعية العلمية النفسية فلاور ........ عقبال ما نشوف ولادك يا رب. ما عندي شك انون رح يرفعوا راسون بأفكار هيك أم والسلام عليكم |
|
#17
Mar, 08 2008, 22:48
| |||
| |||
| [QUOTE] بس ياريتني ما شفتها كنت متوقعها احلى شوي [/QUOTE] [QUOTE]يا عيني على الشغالة ............................كأنو اللي ساكنين توم وجيري عندهم ما عندهم مصاري مشان يجيبو فليبينية حلوة[/QUOTE] تم تشويه صورتها حتى بآرائكم ولكن هل قدر الزنوج خدمة البيض الأمريكيين ؟!لا بل وقططهم...!!!! نحن بعيدين كل البعد عن العنصرية في ماضينا وحاضرنا لكن هل هم بعيدين عن ذلك؟؟؟ نرى فرخ البط الصغير البشع الأسود القبيح وعندما يكبر يصبح ابيض اللون كبير جميل يحبه الجميع!!!! والأمثلة كثيرة شوهوا فيها صور الزنوج والهنود الحمر (حتى في أفلام هوليود سخروا كثيرا من الجميع حتى من اوربا الشرقية تذكرت مقطع من فيلم رحلة أوربية ما بعرف اذا شايفينه-عند بيكون بالفندق-؟) وفي إحدى حلقات توم وجيري أيضا ينصر جيري بعد حرب مضحكة جدا مع توم يتبادلون فيها الالعاب النارية والقنابل وفي النهاية يرفع جيري علم السلام علم نشر المحبة العلم الذي ينتصر دائما في أفلامهم العلم المرفوع عاليا بين النجوم لا بل انه السماء التي تحوي النجوم؟؟؟!!! في اشارات كتيرة بتدخل افكار منشوفها بسيطة بس مع المستقبل بتيصير كبيرة وبيتقبلها الجيل كشي عادي |
|
#18
Mar, 09 2008, 19:17
| |||
| |||
| شنكول ليش المرأة البيضة لما بيكون في مشهد الها(مثلا لما سافر توم على اسبانيا مشان يمسك الفأر الي مشيب القطط الاسبان )كانت الست حلوة ومرتبة وكتير أنيقة وسيدة مجتمع!!!هاد مو عدل يعني اذا كان ولا بد أنو تكون الخدامة سودة فيحسن صورتها على الأقل... هلء انا كنت عم اضرب كمثال شايفه غلط ولو أنه بسيط بس بيبقي شي من الرواسب متل ما ذكرنا سابقا أنا وماكس كول.... رح اطرح المزيد من الامثلة بس بالتتابع .... فلور طلعت عن الموضوع بس ما بعدت يمكن كنا رح نصل لهاد المحور بس بعد فترة فلا تهتمي بقيت ضمن الاطار العام... حكيت عن شي كتير مهم اهمال الاهل للأولاد أو بالأحرى اهمال الاهل لمسؤولياتهم بتربية الأولاد وعدم تعوديهم على شي اسمه نظام (وما بتوقع حلب تتنظم لا بجيلنا ولا بالجيل الي بعدنا طالما السهرة بتبدا عشرة او 11 بالليل)... طيب بما أنك ما عم تشوفي أفلام كرتون الجديدة فهي كلها عن طلاب مدرسة ابتدائية واحد بيحب زميلته ومشانها بيصير بطل خارق وفي شب مشاكس دائما بدو يخرب ..او حرب بين مخلوقات غريبة عجيبة بيتحكم فيها أطفال(طبعا بعد فترة بينزل على السوق ألعاب بتشبه هديك المخلوقات العجيبة وبييشتريها الأطفال وبيبلشوا يمثلوا فيها المسلسل –يعني تجارة ورابحة كتير مو بس عنا وبالخليج لأ بانكلترا كمان-) او مجموعة بنات حلوين (طبعا لازم الأبطال دائما يكونوا حلوين) بيكون عندهم حب المغامرة وبيعملوا شغلات كبيرة، ومعظم الافلام بيكون البطل فيها عم يعمل كل شي مشان حبيبته أو البطلة مشان حبيبها ،هاد ماعدا أفلام الحروب والكروب وفناء البشرية والفضاء والخيال العملي يعني وغيره كتير من الأفكار المحروفة يعني ما عاد في شي موجه للأطفال بصراحة ما بعرف يمكن نحن بهديك الفترة كان أفلام الكرتون تبعنا غير وجيل هي الايام غير فلذلك أفلامهم غير؟!... يعني كونان أو سلام دانك(كمان مشان حبيبته حسان بيلعب وبيتعب) أو بسيط أو ما بعرف شو ما عاد في كتير منهم... بالنسبة لمجلات الاطفال صار الاهل يشوفوها عبأ ،التلفزيون أرخص بس لو يشوفوا على المدى البعيد بيعرفوا أنهم عم يدفعوا ثمن أكبر... وحكيت عن متابعة الاطفال لمسلسلات الكبار هي مشكلة تانية وهون في شغلات وأفكار أكبر من الي حكيت عنها بتوم وجيري أو ميكي ماوس او هوليود لأنو هون بيكون التخريب من عنا بايدينا وهدم لطفولة الطفل... بس بالنسبة للمسرح في حركة حلوة خلال هي السنتين لمسرح الطفل ابتليت مرة وأخدت ولاد عمي بس كانت المسرحية هادفة وحلوة وصاروا بكل عطلة يروحوا يحضرولهم شي مسرحية حلوة للاطفال... وفعلا وعي الأم بيلعب دور كبير بهاد الموضوع ومتل ما قال حافظ ابراهيم: من لي بتربية النساء فإنها *******في الشرق علة الإخفاق الأم مدرسة إن أعددتها********أعددت شعبا طيب الأعراق... (طبعا تربية النساء قصده تعليمهن وتنويرهن وتثقيفهن وليس شيء آخر )...... الله يطعمكم ولاد حلوين وكتاكتيت متل ننوس وأحلى (حتى هون عم قول أحلى يمكن متأثر بأفلام كرتون) وتربوهم تريبة صالحة ونافعة للمجتمع والامة والانسانية جمعاء (وهاد الاهم)... طبعا للجميع شباب وبنات... |
|
#19
Mar, 09 2008, 22:46
| |||
| |||
| لو كان توم وجيري معمول عنّا .. كانوا عملوا الخدامة من العرق الأصفر .. لأنّه هذا الشائع في مجتمعنا ... وكان طلع واحد قال إنه هذا تمييز عنصري ضد الفليبينيات .. حدا منكم شاف فليبينية فاتحة شركة تجارية في سوريا؟ نفس الشي في الخليج .. بكون الهندي أو الباكستاني غالباً في موقع الخادم .. وفيك تشوف "طاش ما طاش" مثلاً .. هل يا ترى في طاش ما طاش تمييز عنصري ضد الهنود؟ وفي أمريكا .. الـ nanny هي غالباً سوداء على ما يبدو ... نقطة تانية .. أنا شفت توم وجيري متلي متلك .. وطول عمري ظانن إنه هي الخدامة هي صاحبة البيت .. وما بذكر إني شفت صاحبة بيت غيرها .. وعلى كل حال توم وجيري عبارة عن أجزاء عديدة seasons يعني ممكن تدخل شخصيات جديدة بين جزء وتاني .. ومخرج وآخر .. طبعاً كل جزء إله theme خاصة فيه .. غير الموسيقى .. |
| قال العضو التالي أسمه شكراً لك يا Shankool على هذه المشاركة المفيدة: | ||
|
#20
Mar, 10 2008, 00:08
| |||
| |||
| في نقطه مهمه ذكرها شنكول كنت حابب احكي عنها.. وهي انه هالبرامج مو معموله عندنا..لذلك عم نشوف فيها اشياء ما بتناسبنا (التمييز العنصري وعلم امريكا ووو) فما بنقدر نلومهم على شي عملوه هنن لاطفالهم....لازم نلوم حالنا لاننا عم نستورد برامج جاهزه وندبلجها ونعرضها لاطفالنا بدون تنقيح او تعديل ما رح اقول نعمل نحن برامج اطفال لانه قدراتنا متواضعه بعرف (مع انه ما بتحتاج الى تقنية عالية!!) بس عالاقل ننتقي شو نعرض لاطفالنا ونحاول نوجهه بشكل يناسب اخلاقنا ومجتمعنا وديننا بس حبيت اذكر هالنقطه وبتفق مع فلاور عاللي ذكرته بخصوص التربية والاهل... وشكرا مستر ساد عالموضوع الحساس تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| المرأة التي لا تُنسى | TURBO | اجتماعيات | 5 | Sep, 17 2007 05:00 |
كل الأوقات حسب GMT +2، والوقت الآن 15:48.
