بسم الله الرحمن الرحيم

هل من مقترحات لتطوير دراسة الصيدلة في الوطن العربي


في أمريكا ومنذ ما يقرب من 30 سنة أو ربما أكثر بدأت عندهم مادة أو علم الصيدلة السريرية والتي تدرس تحت هذا الاسم أو تحت اسم العلاجيات
وهذا العلم عندما ادخل إلى الصيدلة رفع من شأن هذه المهنة أكثر وأكثر و زاد من فرص العمل كما زاد بالتأكيد من المعلومات التي يجب على الصيدلاني الناجح أن يعرفها ولكي يتصدى بقوة لكل مشكلة أو حالة تواجهه في الصيدلية أو المستشفى

أيضا هناك مواد تسمى بال (المعلومات الدوائية ) (drug information ) مما زاد في الخبرة الدوائية وانشأت مراكز تمسى بمراكز المعلومات الدوائية والتي تعمل كمرجع لكل من الأطباء والصيادلة والمهتمين بهذا المجال

ولكن التسؤال هو ما مقترحك أنت العضو المحترم لاجل رفع مستوى التعليم الصيدلاني ؟

أنا بالنسبة لي

أرى أن هناك كثير من الهدر في الوقت وفي الطاقة ( طاقة الطالب ) في بعض كليات الصيدلة في الوطن العربي

يعني على سبيل المثال

دراسة علم النبات ( هذا كولنشيمي , وهذا بارانشيمي وهذا وعائي وهذا لا أدري .... إلخ )
فيها كثير من التدقيق الذي في النهاية لن يفيدك لا في الصيدلية ولا في المصنع ولا في المستشفى ولا في المندبة الدوائية , طبعا هناك فائدة بالنسبة للمصانع العملاقة التي تستخرج الدواء من النبات مباشرة ولكن نسبة مشاركة مادة (علم النبات ) حتى في هذه المصانع سطحية حيث تستولي كيمياء العقاقير على نصيب أكبر


أيضا

مادة ( العقاقير )
التركيز الهائل على ( تشرشر أو تفصص حواف الأوراق و على وجود ( glandular hairs ) الشعيرات الغدية ( لا ادري اذا كانت ترجمة صحيحة ) وعلى ما نوع (stomata) الثغور وعلى عدد الخلايا المحيطة فيها و إلخ )
عبارة عن تعقيد في وجهة نظري صحيح له فائدة ولكن لو كان الإهتمام الاكبر على استخدام النبتة الفلانية و تأثيراتها الجانبية و تعارضها مع بعض الإغذية و الأدوية والعقاقير النباتية الأخرى كانت ستكون المادة أجمل بكثر وكانت دراستها أسهل


أيضا الإستفاضة في كل من الحاسوب والتسويق والإحصاء الحيوي أرى أنها من الأفضل أن تختصر قليلا


ولكن مع كل هذه المطمطة في بعض المواد نجد أن الصيدلة السريرة عبارة عن مادة إما سنة واحدة أو فصلية فقط
أيضا نرى أن علم الأدوية مع أنه المادة الأكثر تطبيقا عمليا في الوطن العربي حيث هي المادة التي ستنفعك في الصيدلية وهي مجال عمل الغالبية من الصيادلة نرى أنها لا تحظى بنفس القدر التي تحظى به مواد حتى مثل الكيمياء العضوية على سبيل المثال أو العقاقير



هذا رأيي الشخصي و أتمنى مشاركة كل أعضاء المنتدى و إضافة آرائهم النيرة



للأمانة فكرة عمل الموضوع أخذتها من أحد المنتديات
ولكن بالتأكيد كل الموضوع من كتابتي و تعليقي

الحقيقة في كتير ملاحظات على المواد والمناهج اللي عم تنعطى عننا بسوريا ..
يعني في استفاضة بمواد بحس انها مالها صلة ابدا بأي شي ممكن نمر فيه بحياتنا المهنية
سنة اولى: نبات وحيوان وفيزيا ورياضيات ..... طيب انا كصيدلانية شو بيهمني نوع بيوض الضفدع عديم الذنب وللا مرحلة المعيدية عند الهيدرا وغيرا وغيرا ؟!
قلنا ماشي الحال نحن لسا سنة اولى وهدول مبادئ المفروض نمر عليهن

جينا عالسنة التانية تسويق وحاسوب واستفاضة بالعضوية بشكل مو طبيعي لدرجة انو كرهنا المادة ....
بالحاسوب طالب مننا الدكتور مشروع بدو شغل اسبوع مشان نتدرب على برامج الوورد والبوربوينت .. انو انا بشو رح استفيد من هيك مشروع؟ لو بدي طور مهاراتي عالكومبيوتر بعمل دورة بأي معهد بالشي اللي انا فعلا محتاجته وخلصنا ....

بالعقاقير بتجي شي معيدة بتقول لازم تدورلي على العنصر الفلاني بالمسحوق الفلاني تحت المجهر وطبعا بدك ترسملي ياه عالدفتر واذا مالقيتو انقل الرسمة من النوطة !! منحوص بحالنا لندورعلى العناصر مشان نشوف شكلا ويحصللنا الشرف بمعرفتا ومننسى الشي المهم وهوو المواد الفعالة بالمسحوق وللا تأثيراته الفيزيولوجية وغيرن من الامور اللي فعلا بتنفعنا بعلم العقاقير

هي الملاحظات طلعت معي لهلأ .. ومابعرف شو في بعدين بالمواد الجاية .. بس اذا على هالمنوال معناتا الخير لقدام

انا بشوف انو هالحشو بهيك مواد مالو طعمة وماعم يعمل غير انو يشتتلنا افكارنا عن الامور العلمية اللي بتلزمنا وعم يخلي كتير من الطلاب يدوروا عالخبرة برات الجامعة .. يعني وقت طالب بيداوم بصيدلية بيكون عم يدور عن معلومات الجامعة عاجزة انها تقدمها الو واذا تقدمت هالمعلومة ..فبتكون كتير مختصرة وماعم تنعطى حقها .. نحن هون مستحيل نتخرج من الجامعة بخبرة تكفينا لازم نكون عم نشتغل على حالنا برا لحتى يكون معنا معلومات تكفي انو نكون قد الشهادة اللي اخدناها من الجامعة

أولا بشكرك كتير JouDi على هالمشاركة الحلوة

طبعا بتفق معك في كتير شغلات

منها قال الضفدع عديم الذنب وما بعرف ايش و بالذات كمان في العقاقير لو لاحظت انا قلت نفس الكلام يعني العقاقير لو درست على شكل ثأثير-دوائي كانت كتير حلوة

يعني مثلا عنا نبات النعناع ليش منستخدموا وما هي الأدوية الي بيتاخد معها وبيقويها وما هي الأدوية أو الأغذية الي مابيصير ينعطى معها وماهي المواد الفعالة وكيف تستخرج هذه المواد و لمحة من وجهة نظر صيدلاناتية ( مادة الصيدلانيات ) يعني على كيفية صياغة مستحضرات صيدلانية لهذه النبتة وصلى الله وبارك على سيدنا محمد
وما في داعي والله لتفصص الأوراق وتحور الجذور و ما بعرف ايش الساق و تبرعم و إلخ ...

أما بالنسبة لمادة علم النبات فهي عبارة عن مادة تعطى أكثر من حقها بعشر مرات يمكن على هادا كولنشيمي وهادا بارانشيمي و تحورات الأجزاء النباتية و ما بعرف ايش وكلها على الفاضي آخر شي

كمان العضوية فيها توسع و كانو عمندرس بقسم الكيمياء كلية العلوم

وإن شاء الله تتطور هالمناهج للأفضل

عفكرة في دول فيها الصيدلة لمدة 4 سنوات فقط و بيجوز بيتأهلوا احسن كمان
وفي دول فيها الصيدلة 6 سنوات ولكن بيصير برتبة pharmD يعني بيشتغل حتى كصيدلي سريري مباشرة


وشكرا لكم

وأهلا بكل المشاركات

معاك حق والله انا من ساعة ما تركت الكليه لم اسمع كلمة stomataوف حاجات كتير ع الفاضى
احنا فعلا لازم نعرف شىء عن كل شئ و نعرف كل شئ عن شئ وهو طبعا مجالنا الصيدلة
ولكن الكلام الكتير مابيثبت منه بعد كده الا القليل

أهلا بك dr tahany
وشكرا لك على المشاركة الحلوة معنا

ولو وقفت المشكلة بس على ال stomata كانت نص مصيبة

بصراحة في ألف ألف شغلة مالها لزمة وعبارة عن تعقيد وكلام على الفاضي
ومتل ما قلتِ انو بعد الواحد ما يتخرج مين هادا يلي بدو يجي على الصيدلية ويقلو بالله عليك شفلي هالورقة ال stomata index تبعها كم ؟

طبعا متل ما قلت في البداية

لا بد من الكيمياء العضوية وخاصة للصيدلة ولا بد من العقاقير و من علم النبات

بس لايكون على حساب المواد الاكثر اهمية بالنسبة للطالب في الصيدلة

أيوة يا دكتور هى ما جاتش على stomata بس انا أول ما شوفتها ف المشاركات الأولى افتكرت أيام زمان

طيب ما في اقتراحات منكم ايضا