| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Mar, 12 2008, 09:07
| |||
| |||
 هل من مقترحات لتظوير دراسة الصيدلة في الوطن العربي بسم الله الرحمن الرحيم هل من مقترحات لتطوير دراسة الصيدلة في الوطن العربي في أمريكا ومنذ ما يقرب من 30 سنة أو ربما أكثر بدأت عندهم مادة أو علم الصيدلة السريرية والتي تدرس تحت هذا الاسم أو تحت اسم العلاجيات وهذا العلم عندما ادخل إلى الصيدلة رفع من شأن هذه المهنة أكثر وأكثر و زاد من فرص العمل كما زاد بالتأكيد من المعلومات التي يجب على الصيدلاني الناجح أن يعرفها ولكي يتصدى بقوة لكل مشكلة أو حالة تواجهه في الصيدلية أو المستشفى أيضا هناك مواد تسمى بال (المعلومات الدوائية ) (drug information ) مما زاد في الخبرة الدوائية وانشأت مراكز تمسى بمراكز المعلومات الدوائية والتي تعمل كمرجع لكل من الأطباء والصيادلة والمهتمين بهذا المجال ولكن التسؤال هو ما مقترحك أنت العضو المحترم لاجل رفع مستوى التعليم الصيدلاني ؟ أنا بالنسبة لي أرى أن هناك كثير من الهدر في الوقت وفي الطاقة ( طاقة الطالب ) في بعض كليات الصيدلة في الوطن العربي يعني على سبيل المثال دراسة علم النبات ( هذا كولنشيمي , وهذا بارانشيمي وهذا وعائي وهذا لا أدري .... إلخ ) فيها كثير من التدقيق الذي في النهاية لن يفيدك لا في الصيدلية ولا في المصنع ولا في المستشفى ولا في المندبة الدوائية , طبعا هناك فائدة بالنسبة للمصانع العملاقة التي تستخرج الدواء من النبات مباشرة ولكن نسبة مشاركة مادة (علم النبات ) حتى في هذه المصانع سطحية حيث تستولي كيمياء العقاقير على نصيب أكبر أيضا مادة ( العقاقير ) التركيز الهائل على ( تشرشر أو تفصص حواف الأوراق و على وجود ( glandular hairs ) الشعيرات الغدية ( لا ادري اذا كانت ترجمة صحيحة ) وعلى ما نوع (stomata) الثغور وعلى عدد الخلايا المحيطة فيها و إلخ ) عبارة عن تعقيد في وجهة نظري صحيح له فائدة ولكن لو كان الإهتمام الاكبر على استخدام النبتة الفلانية و تأثيراتها الجانبية و تعارضها مع بعض الإغذية و الأدوية والعقاقير النباتية الأخرى كانت ستكون المادة أجمل بكثر وكانت دراستها أسهل أيضا الإستفاضة في كل من الحاسوب والتسويق والإحصاء الحيوي أرى أنها من الأفضل أن تختصر قليلا ولكن مع كل هذه المطمطة في بعض المواد نجد أن الصيدلة السريرة عبارة عن مادة إما سنة واحدة أو فصلية فقط أيضا نرى أن علم الأدوية مع أنه المادة الأكثر تطبيقا عمليا في الوطن العربي حيث هي المادة التي ستنفعك في الصيدلية وهي مجال عمل الغالبية من الصيادلة نرى أنها لا تحظى بنفس القدر التي تحظى به مواد حتى مثل الكيمياء العضوية على سبيل المثال أو العقاقير هذا رأيي الشخصي و أتمنى مشاركة كل أعضاء المنتدى و إضافة آرائهم النيرة للأمانة فكرة عمل الموضوع أخذتها من أحد المنتديات ولكن بالتأكيد كل الموضوع من كتابتي و تعليقي   |
|
#2
Mar, 12 2008, 09:10
| |||
| |||
| طبعا ارجو من الأعضاء ألا يكتفوا بقول شكرا ومشكور ارجو ابداء الرأي من الجميع حتى أخواننا الأطباء و أطباء الأسنان |
| قال العضو التالي أسمه شكراً لك يا كليم على هذه المشاركة المفيدة: | ||
|
#3
Mar, 12 2008, 23:07
| |||
| |||
| في كتير معلومات مناخدها منقول مالها لزمة .. بس انت كصيدلي .. مو مطالب تعرف الأمور المتعلقة بالصيدلة بس .. لازم تحيط بالعلوم اللي دارسها .. حتى بأتفه معلوماتها .. بعرف شعورك كطالب ... |
|
#4
Mar, 13 2008, 04:57
| |||
| |||
| المشاركة الأصلية بواسطة Shankool مع الأسف ... معك حق انو في كتير معلومات رح يكون الها لزمة ... بس بظن مو بهالكثافة ... وبظن انو قبل ما تنعطى النا أي معلومة لازم يندرس فيما اذا كنا رح نحتاجها ولا لأ ... يعني ببساطة ... طبيب عام مو بحاجة يعرف من الدكتور طالب أشقر ما يزيد عن ال100 صفحة عن اعتلال الأعصاب .. بينما اذا بتفتح كتاب أجنبي موجه للطلاب فما بتلاقي أكتر من 5 إلى 10 صفحات عمتحكي عن الموضوع ... واذا بتفتح مرجع موجه لطبيب داخلية عامة فما بتلاقي أكتر من عشرين ل 30 صفحة عن الموضوع 
اغراق وتفاهة وتشتيت مؤذي بالنهاية ... كطالب بيبقى براسك كم محدد من المعلومات لايمكن أن تزيده إلا باختصاصك وكل ما هو فوق ذلك سيكون مجهود ستنساه بعد شهر مالم يكن أقل ... والممارسة العملية للشيوع هية اللي بتعمل اصطفاء للمعلومة اللي بدها تضل براسك والدليل على حكيي ... كل دكتور عنا بالكلية بيحسب انو مادته هية أهممممم مادة بالكلية ... وكل التركيز لازم ينصب عليها ... ولازم يتوسع فيها لأبعد الحدود ... ولازم الطالب يكون مطلع على أشيا خارجية بعد كل هاد لحتى تنحل معو أسئلة الفحص |
|
#5
Mar, 13 2008, 08:58
| |||
| |||
| مرحبا أولا شكرا شكرا للأعضاء الي شاركوا معي بهالموضوع بس عندي تعليق على كلام السيد shankool بعرف يجب على الصيدلي انو يعرف امور أخرى غير المواد الصيدلانية وهاي مو خاصة فقط في الصيدلة يعني منها ما يجي تحت باب الثقافة والمعرفة حتى يكون انسان فهمان ولكن لما يكون في مواد رح تهلكك هلاك وفي الأخير رح ما تستفيد منها إلا بجزء جدا طفيف هاي المواد لما انت عبتدرسها عبتاخود وقت غير مواد وانا في كلامي ما قصدت انو لازم يلغوا اي مادة خارج نطاق الصيدلة لا بس قصدت في مواد عبتنظلم فعلا بسبب هاي المواد الي مالها كل هالأهمية وضربت انا بعض الأمثلة مثل مادتي الكللينيكال فارمسي و علم الأدوية بصراحة هدول مواد كتير تطبيقية وتطبق بشكل اوسع حتى في الدول غير الصناعية يعني مثلا الصيدلي يجتاج في الصيدلية إلى مادة علم الأدوية حتى يعرف الجرعة والتأثير و التداخلات وغيرها طبعا مادة الكلينيكال فارمسي أو الصيدلة السريرية تزود الشخص بنفس المعلومات و أكثر أيضا حتى تأهله لمسك عملية الخطة العلاجية في المستشفى ويصير الطبيب عليه التشخيص والفحص والصيدلي بيختار الدواء المناسب والجرعة والوفت و بينتبه لقضية التداخلات الدوائية فلما تشوف انت انو الكلينيكال فارمسي عبارة عن مادة فصلية أو بالكاد سنوية أشو بدك تلحق تاخد فيها لحتى تاخد وغير عن هيك لن تكون مؤهل للعمل كصيدلي سريري على خلاف ما يجري في بعض الدول الأخرى وبعدين في هالحالة خلي علم النبات ينفعو لهالصيدلي المسكين ولشوف مين هالمريض الأعجوبة زمانو يالي بدو يجيب شي ورقة ويقلو بالله عليك كصيدلي شفلي كيف تفصص هالورقة و هل هاي ورقة مركبة أم هالنسيج كولنشيمي ولا بارانشيمي ولا ما بعرف أيش يا دكتور shankool في مواد قد لا نرى انها تطبق في الواقع في الوطن العربي بهداك الشكل الكبير بس ما منحكي عليها ولا حرف بالعكس الله يوفقنا بدراستها خود على سبيل المثال مادة التفانة الحيوية في الصيدلة أو علم الأحياء الجزيئي الصيدلاني مثلا والله مواد ما بتتطبق بالوطن العربي ولكنها تبقى اصل من اصول الصيدلة و طرق من طرق التصنيع الدوائي الحديث والواحد بيقول مهما كان بتبقى معلومات للشخص حتى إذا تقدمت الصناعة في الوطن العربي ( ان شاء الله ) بيستفيد منها أو إذا طلع للاختصاص في الخارج أو العمل في الخارج وشكرا لك السيد No Body بتفق معاك كتير كتير بالفعل تعال شوف جامعات في دول متقدمة بتشوف بعض المواد الي نحنا مندرسها ما بعرف كم سنة أو على الأقل سنة واحدة كاملة بتشوفها عندهن مادة فصلية أو مختصرة ومدمجة مع غير مادة على الرغم من انو هنو متقدمين اكتر من الوطن العربي بهالمجال كمان قصة المواضيع في الكتب نعم بتلاحظ في أشياء موسعة بشكل إرهاق و تعب و إيذاء للطالب بينما بتشوف في المناهج الأخرى ان الموضوع مختصر أكتر و أكتر شكرا على المشاركة وبدي اعرف ليش ما في ولا صيدلي ما دخل هالموضوع وشارك فيه كأنو الموضوع ما بيخصن  |
|
#6
Mar, 13 2008, 23:21
| |||
| |||
| شكرا اخي كليم ع الاختيار الموفق بالموضوع هلء الصيدلة بحد ذاتا هيك بتفرض لأنو الصيدلي المفروض عندو كذا ميدان يشتغل فيو مو متل عنا بس يفتح صيدلية و بالتالي في تنوع كبير بالمواد اللي مندرسا ...يعني مطالبين نعرف فيزيولوجيا الجسم و الية الأمراض و أعراضا السريرية و العلاج مشان نعرف نجاوب ع شكوى المريض و نوجهو ..و طبعا كل ما يتعلق بالأدوية اللي هي ع أساس شغلتنا من جهة تانية لازم الصيدلي يكون ملم بعلوم الكيميا لأنو بيحتاجا بالصناعة الدوائية ...غير التقنيات المخبرية لتشخيص الأمراض .. المشكلة اللي عبتصير انو في شغلات بتاخد اكبر من حجما يعني النبات مندرسو بالسنة الاولى و التانية و التالتة بالمقابل الادوية بس بالتالتة و الرابعة ... لسا درسنا بالسنة الاولى حاسوب ...طيب صيدلي اش بدو ليتعلم برمجة الالغوريتم و الباسكال  برأيي في كتير شغلات بدا اعادة نظر ...و المفروض يعملو فروع يعني برابع سنة ينقسمو الطلاب لاختصاصين ...يا اما صيدلي ممارس بصيدلية و هون بهالسنة بيتدرب ع كل الحالات اللي ممكن تصير معو بالصيدلية ...يا اما صيدلي صناعي يا اما صيدلي مختص في مختلف الاختصاصات متل الصيدلة السريرية طبعا بعد اجراء فحص دراسة الصيدلة حلوة و فيا عدة مجالات متنوعة بس مو بالوطن العربي حيث كل الصيادلة عندن خيار واحد هو فتح صيدلية  شكرا مرة جديدة ع الموضوع  |
| الأعضاء الـ 5 التالية أسماؤهم قالوا شكراً لك يا amarel على هذه المشاركة المفيدة: | ||
|
#7
Mar, 14 2008, 00:23
| |||
| |||
| السلام عليكم amarel : شكرا لك على المساهمة الطيبة اتفق مع كلامك تماما من حيث 1 - انو الصيدلي له مجالات عمل كبيرة و كثيرة الصناعة الدوائية الأبحاث الصيدلة السريرية الصيدلية المشفاتية الصيدلية المجتمعية علوم الصحة التدريس الأكاديمي العمل في المصانع الغذائية الرعاية الصيدلانية الصحية المتقدمة تحليل المياه وغيرها كثير 2 - انو الصيدلي لازم يكون عندو فكرة عامة عن كتير مواد بس amarel ايضا لازم الواحد يخصص المعرفة في جزء اكتر من غيرو يعني متل ماقلت انو الأدوية والصيدلة السريرية كتير مظلومين بنما العضوية والنبات كتير زيادة عن الحد المطلوب والحاسوب والتشريح والأنسجة وغيرها انا ما قلت يلغوهن بس يعني في أولويات وفي كماليات سأضع في موضوعي القادم إن شاء الله تعالى خطط دراسية متنوعة لدراسة الصيدلة في الوطن العربي بس بدي التأييد من الأعضاء يعني تقريبا اعضاء الصيدلة نيام ما حدا بيشارك وشكرا لكل من شارك |
|
#8
Mar, 15 2008, 13:56
| |||
| |||
| يا جماعة الخير انا كاتب الموضوع في قسم الصيدلة ولا في قسم الفيزياء الفلكية  وين الأعضاء والله هاد قسم الصيدلة يعني نحنا طلبنا آراء مو منشان تقولولي شكرا |
|
#9
Mar, 22 2008, 22:24
| |||
| |||
| والله معك حق انت حط الخطط الدراسية وشوف التأييد اللي بصير من طلاب كلية الصيدلة  |
|
#10
Mar, 30 2008, 15:43
| |||
| |||
| والله ان شاء الله يصير في تأييد بس ما تظنوا انو هاي الخطط من راسي لا انا بدي جيب خطط جامعات في الوطن العربي أو خارجه إن شاء الله بس بدي الأعضاء يتفاعلوا يا جماعة لو كاتب الموضوع في قسم المطبخ والديكور كان لقيت ردود اكتر  |
| قال العضو التالي أسمه شكراً لك يا كليم على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| دراسة تظهر امكانية الشفاء من مرض تليّف الكبد | maxcool | آخر المستجدات الطبية | 0 | Dec, 30 2007 00:21 |
| دراسة الطب البشري او الصيدلة في جامعة حكومية في ماليزيا | abd plus | قبل أن تدرس الطب أو الصيدلة | 3 | Nov, 06 2007 06:53 |
| استفسار عن التحويل من الكيمياء إلى الصيدلة.... | zoro | الصيدلة | 4 | Oct, 16 2007 12:41 |
| نسينا الوطن يا سيدي فلم نعد بحاجة لنخونه | محمد أبيض | اجتماعيات | 4 | Dec, 02 2005 00:09 |
كل الأوقات حسب GMT +2، والوقت الآن 08:16.
