السلام عليكم ورحمه الله وبركاته

اخواني انا فتاه سوريه تمت دراستي الجامعيه في تركيا لكليه الصيدله

بدات دراستي بعد تعلم اللغه التركيه بمده 4 اشهر فقط (مده قصيره جدا) دخلت الجامعه سنه 2002

وتخرجت سنه 2006 يعني رغم اني درست ياللغه التركيه كنت ناجحه ولم اضيع ولا سنه

لكن ما اعاني منه الان هو الامتحان الوطني دخلت عليه السنه الماصيه مره وما نجحت فيه

السبب ان الدراسه باللغه العربيه لا استطيع التركيز فيها ( يعني بدرس وبكتب اللي درسته وبلخص) لكن بعد

زمنيه الاحظ ان المعلومات قد تبخرت . اسماء الامراض. الاعراض. بعض الاعضاء في الجسم .كلها غريبه علي مثال غلى ذلك اني pnomonia اعرف اعراضها وما يستعمل من دواء لكن لم اكن اعرف بانها ذات الرئة بالعربي ... وكذلك بالنسبه للكثير من الامراض

مثلا الانزيمات الصغائريه الكبديه / karaciğer hepatik enzimleri
يعني فرق شاسع


ولا اجد اسلوبا لحفظها كلها .... فكل ما تعلمته في 4 سنوات في تركيا من اسماء لاتينيه وغيرها علي ان اتعلمه في عده شهور

بالاضافه الى اني لا امارس مهنتي وهذا ما يجعلني انسى حتى ما تعلمته باللغه التركيه

ماذا علي ان افعل؟؟؟؟؟

السلام عليكم

أولا الله يكون بعوننا وعونك كمان

ثانيا أنا من زمان كتبت رد هون في موضوع واحد كتبو انو بدو كتب باللغة العربية فأنا كتبت اني بدي كتب من الي تدرس في جامعة حلب أو دمشق حتى ولو كانت منسوخة بالسكانر
ولكن للأسف لحد الآن ما في ولا عضو حطلنا كتب تدرس في هاتين الجامعتين


ثالثا ممكن تحطيلينا موضوع بتشرحيلنا فيه عن دراستك في تركيا وعن المواد الي أخذتيها وعن الإختصاصات الموجودة هناك


رابعا أهلا بك في هذا المنتدى

هل اعتمدت أسئلة الدورات بعض الشيء؟ انصحجك بها لكي تجتازي الامتحان ومع الممارسة يتكتسبين هذه المصطلحات العربية العظيمة

و الله معك حق...الله يكون بعونك
بس مو ع اساس بيراعو ذكر المصطلحات باللغة الانجليزية
بس يمكن شو بدن يراعو ليراعو ...دراسة خمس سنين بدن الواحد يعيد دراستا بغير لغة
متل ما ذكر الاخ نوبدي حاولي تحصلي ع اسئلة الدورات ..هاي طريقة عملية و كمان انا بعرف انو في دورة مكثفة بتعملها الوزارة
حاولي كمان تتعرفي ع اشخاص سبق و عملو الفحص و ما نجحو فيو ..ممكن يعطوكي فكرة ادق ع شو لازم تركزي
بتمنالك كل التوفيق و الصبر ...و اذا حصلت ع معلومات ادق اكيد رح نزلا و انتي كمان خبرينا شو بيصير معك

ما قدرت احصل على اسئله دورات سابقه اخذت كتب كليه الصيدله من منشورات جامعه دمشق ودرست منها بس متل ما قلتلكن فرق شاسع بين المصطلحات
بيراعو المصطلحات الانكليزيه في معظم الاسئله لكن انا درست بالتركي المصطلحات اللي بعرفها كلها بالتركيه في تشابه بس نادر وقليل كتير
بالنسبه لاسئله الدورات انا مقيمه خارج القطر السنه الماضيه دخلت الامتحان بنيسان وما رجعت دخلته مفكره ادخله مره تانيه بايلول
وماني عارفه شو اساوي


اذا فيكن تدلوني او تخبروني انتو شو طريقه الدراسه معكن .يعني شو الطريقه اللي بتدرسوا فيها

دمتم بود

اخ كليم تكرم انا رح اكتب هون بشكل مفصل عن الدراسه بتركيا والاختصاصات اللي هون بشكل مفصل باقرب وقت انشا الله

شكرا و الله يعطيك العافية ونحنا مستنين