| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | (ادرس والقط صورة)خلونا مع بعض لنقوى .... |
 |
| | LinkBack | أدوات الموضوع |
|
#1
Mar, 16 2008, 20:25
| |||
| |||
| السلام عليكم حبيت اعرض عليكم حالة عرضها علينا الدكتور عوني عطية في ستاج الجراحة، وطبعا شكر كبير للدكتور عوني لانه سمحلنا بأخذ الصور والمعلومات المتعلقة بالحالة.  المريضة "هـ، ع" قبلت المريضة في الإسعاف الجراحي بتاريخ 27/1/2008 بعد استشارة من قسم التوليد الجامعي على اثر ولادة وموت محصول الحمل و تقيح سائل الرحم ( منذ عدة ايام ) , و تدهور الحالة الصحية مترافقة ب : §الم بطني معمم متوسط الشدة . §صدمة انتانية . §التهاب بنكرياس حاد . §قصور كلوي حاد . فقر دم . الفحص السريري: •بالتأمل: المريضة شاحبة – حالة صدمة – يوجد بقع جلدية تصبغية حول الفم و الأغشية المخاطية للفم . بالفحص : تسرع في النبض و التنفس – البطن ممض دون وجود لتصلب في جدار البطن – دون جس أي كتل في البطن . المعطيات المخبرية: •Wbc – 45,600 /mm . •Hb – 9 gm /100ml . •Amylase – 2168 /units100ml(Somogyl). •Creatinine – 2,7 /mg/100ml. •Urea – 79 /mg/100ml . •Albumin – 2 gm/100ml . •Calcium – 4 /mg/100ml . •PT – 13 , Activity – 83% صورة شعاعية بسيطة: نلاحظ بعض السويات السائلة-الغازية: وجدت كتلة غريبة (معلمة بالأسهم) op4.jpg هذه الكتلة حيرت الاطباء -حتى طبيب الاشعة- ولم تعرف هويتها تم معالجة المريضة بشكل محافظ مبدأيا حتى تتحسن الحالة العامة: •وضع NG.Tube - قثطرة بولية . تعويض السوائل والشوارد وريديا و تم فتحC.V Line تغطية المريضة بالصادات . •نقل دم و بلازما و البومين . •مضادات مستقبلات H2 (للوقاية من قرحات الشدة) اعطيت Atropen sulfate لكبح افراز المعثكلة . تم طلب استشارة داخلية وأمراض الكلية وطبقت التوصيات . تقييم حالة المريضة 31/1/2008 : •حالة عامة سيئة - ارتفاع حرارة – الم بطني مع جس كتلة في المراق الأيسر . استشارة نسائية :هلامة مدماة ذات رائحة كريهة – توصية بإجراء تنظير بطن استقصائي وإعطاء مقبضات للرحم . •استشارة داخلية:امكانية اجراء العمل الجراحي مع خطورة عالية . العمل الجراحي (فتح بطن استقصائي): تم فتح البطن بشق Upper midline . •وجد كمية من السائل العكر بالبطن حوالي 1000-1500 مل . •وجد ان الأمعاء الدقيقة متوسعة وجدارها متوذم . ووجد كتلة انغلاف صائمي – صائمي كبيرة تبعد بداية الأنغلاف حوالى 15 – 20 سم من رباط ترايتز , تم توليد كتلة الأنغلاف , وكان جدار الصائم متوذم بشدة مع تموت و تنخر في جدار كتلة الأنغلاف الخارجية , وتموت في القطعة الداخلية و يمتد التموت الى العفج . يتبع...  |
|
#3
Mar, 16 2008, 20:37
| |||
| |||
| تم اغلاق جذمور الصائم على طبقتين . op14.jpg •تم استقصاء البنكرياس وكان متوذم بشدة و متنخر . •تم استقصاء العفج وكان متموت في قطعته الرابعة و الثالثة . •تم تحرير العفج و الوصول لأقرب مسافة ترويتها مقبولة وكانت على بعد حوالي 2 - 2.5 سم من Papilla of Vater , تم استئصال القطع المتموتة من العفج و اغلاق الجذمور على طبقة واحدة . op15.jpg • •تم اجراء مفاغرة عفجية - صائمية Side to side anastomosi على طبقتين. •وجد عدد من البوليبات في العفج مما يتناسب مع Peutz-Jeghers syndrom op16.jpg op17.jpg •تم تحرير جدار المعدة الأمامي , وتم فتح الجدار الأمامي للمعدة لأجراء Gastro – jejunal anastomosis , تم اغلاق بواب المعدة بقبة Purse-string . •ثم اجري Anticolic Gastro – Jejunal anastomosis على طبقتين . op18.jpg • •تم وضع ثلاثة نوازح مدورة عند المفاغرات و جذمور العفج و في الحوض . •اغلق جدار البطن على طبقات . •وتم وضع المريضة في العناية المشددة مع مراقبة مستمرة . •وطلب استشارات لأخصائي ألأمراض الداخلية . |
|
#4
Mar, 16 2008, 21:09
| |||
| |||
| تعليقات على الحالة: -العملية تقنيا نجحت، لكن للاسف توفت المريضة بعد 20 يوم بسبب مضاعفات القصور الكلوي. -طبعا هذه الحاله قد تكون نادره ولذلك لم يستطع الاطباء تمييز الكتلة على الطبقي المحوري، لكن كونك عزيزي القارئ من متابعين الملتقى الطبي السوري فلا ريب انك قد رأيت هذه الحالة وهي تتحدث عن متلازمة Peutz–Jeghers ، وصورة الطبقي الموجودة بذلك الموضوع تشبه الى حد ما صورة الطبقي لمريضتنا هذه. -وتوجهنا لوضع هذا التشخيص بسبب وجود تصبغات حول الفم والاغشية المخاطية+بوليبات متعدده بالعفج -ومن المعروف انه وجود البوليبات يؤهب لحدوث انغلافات معوية. (كذلك من الاسباب المؤهبة الشائعة عند الاطفال خصوصا هو تضخم لويحات باير في الامعاء بعد الانتانات المعوية) -الاعراض السريرية في حالات الانغلاف المعوي هي: ألم بطني ماغص - اقياء - اسهال مدمى - كتلة بطنية مجسوسة بالاخير ان شالله تكونوا استفدتوا من الحالة واي استفسار انا جاهز تحياتي |
|
#5
Mar, 16 2008, 22:10
| |||
| |||
| برافو TURBO  ما شا الله , زر الشكر ما بيكفي  طيب الحالة حلوة و العرض كتييير مرتب ... بتمنالك التوفيق !!!  كانوا يعملوا استشارة للجلدية بيشخصوها بدون CT-scan بس من التصبغات حول الفوهات وعلى الأغشية المخاطية  ) |
|
#6
Mar, 17 2008, 01:21
| |||
| |||
| لقد تفوقت على نفسك يا توربو بعرض الحالة ............... ممتعة جداً .................. بس كل الأعراض اللي صارت مع المريضة ما استفادينا منها بالتشخيص واستفدتم بس من تصبغات حول الفم وبوليبات لم تشاهد من خلال التنظير إلا بعد العمل الجراحي ..............غريبة ما ؟؟؟؟؟؟؟؟؟؟؟؟ أنا بفضل نكون واقعيين بالتعامل مع المرضى والخربطة اللي عملوها الدكاترة بطلب الاستقصاءات هي اللي سببت موت المريضة طيب ..........ليش ما عملوا تنظير هضمي سفلي ............. وين الرنين المغناطيسي .................. كمان وأهم شي وين تقرير الإيكو ................... لأ واللي فزرني ...............إنو طلبوا أميلاز .................ونحنا بنعرف إنو لازم نطلب ليباز مشان نستقصي التهاب بنكرياس حاد مو أميلاز ........ لأن الأميلاز غير وصفي لالتهاب البنكرياس . والشغلة اللي طيرت نافوخي .................من مكانو إنو شلون طبيب الداخلية بيقول إنو التداخل الجراخي عالي الخطورة ويعملوا شق بالبطن ..............طيب ليش ما عملوا تنظير .....جراحي في مشكال كتيرة عم نشوفها بالدكاترة تبعنا ..................وبنحسب إنهم رائعين ............. والنتيجة للأسف تعليم خاطئ للطلاب ووفاة المرضى ..................... ابق توربو سلملي عالدكتور تبعك .............. تحياتي إلك يا توربو ..............وعن جد عرضك للحالة كان رائع ........بس المشكلة كانت بأداء الدكاترة وليس فيك أبداً. |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#7
Mar, 17 2008, 19:54
| |||
| |||
| ياسلام عليك ياتوربو اجت بوقتا  هادعنوان اطروحة تخرجي  شكرا كتير |
|
#8
Mar, 17 2008, 22:13
| |||
| |||
| المشاركة الأصلية بواسطة lune 
بس انتبهي يا lune لا تعتمدي كتير على معلومات دكاترتنا في إنجاز الأطروحة ............ اعتمدي على مراجع أجنبية أفضل ومواقع الإنترنت أفضل مصدر للمعلومات ........... بتمنالك التوفيق ............ |
|
#9
Mar, 17 2008, 22:28
| |||
| |||
| المشاركة الأصلية بواسطة shakazolo شكرا كتير يا شكازولو على ردك وتعليقاتك اللي بتدل على انك تمعنت بالحاله
طيب بالنسبة لباقي الاعراض...بظن هي اختلاطات صارت مع المريضه بسبب موت محصول الحمل وتقيح سائل الرحم... لكن كان اهتمامنا (كجراحين ) منصب على الكتلة في بطن المريضة.بالنسبة لتقرير الايكو...حقك علي هو موجود بس انا ما حطيته  لانه ما كان فيه شي مهمعلى كل تفضل هاد هو التقرير:
 ...لذلك الدكتور ما كتير بيوثق بالايكو!! بالنسبة للتنظير...اذا كان قصدك laparoscopy فقلناله للدكتور هالحكي...قال لو عملنا تنظير وشفنا الانغلاف ما رح نستفيد شي وما رح نقدر نتداخل عليه...ونضطر نفتح البطن....فبنفتحه فرد مره من الاول  اما بالنسبة للتنظير الهضمي السفلي....فما بعرف ليش ما عملوه  بشكرك مره تانيه على ملاحظاتك...واكيد بنستفيد من هالحاله من الاخطاء اللي صارت لانها حالة غير نموذجية وتدبيرها غير نموذجي ايضا (غير اللي بنشوفه بالحالات اللي بالمواقع الاجنبية!) تحياتي |
|
#10
Mar, 18 2008, 15:45
| |||
| |||
| ردك كتير حلو ...........بس كشف عن أخطاء الدكاترة أكثر .............. أول شي تقرير الإيكو .............مو موثوق أبداً ...............هاي تعتبر مصيبة كبيرة .............لأنو الإيكو مشخص في كتير من الحالات وبحالات تستدعي العمل الجراحي أحياناً مباشرة نتيجة فحص الإيكو . أما laparascopy ............فالدكتور قال هالحكي لأنو لساتو من عصر الجهلة المتخلفين اللي ما بيعرفو يشتغلو بالتنظير ......... أما دكتور نهاد محلي فكان من الجراحين اللي عم ينادوا بالتنظير بأغلب الأوقات لأنو يسبب أقل خطر على حياة المرضى . وبعدين مين قال إنو الانغلاف ما بيتصلح بالتنظير ...........هذا غباء ........... إذا كانوا بيستطيعوا استئصال كبد باستخدام التنظير ..............فالانغلاف أولى بهذا الشي . أما التنظير الهضمي السفلي .............فليس جميع الاطباء بيعرفوا يعملوا هالتنظير السفلي لأنو أصعب من العلوي وما حدا بيسترجي يعمل هالتنظير لأنو مخاطرو أكبر ............... أما لو كان التنظير علوي ...........فكان شفت كل الدكاترة مجتمعين عم ينظروا بالدور................واحد ورا التاني ..........أنا شفتهم بعيني كانوا عم يجربوا على مريض تنظير علوي ..........ويا عيني شي خيلة ولوز بتمنالك التوفيق يا توربو ................أنا آسف إذا كنت غيرت نظرتك للدكاترة بس هذا هو الواقع الأليم اللي بنعيشه بكليتنا المحترمة . |
|
| Bookmarks |
| Tags |
| انغلاف معوي, حالة سريرية |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| حالة سريرية - متلازمة Peutz–Jeghers | TURBO | مستشفى الملتقى (حالات سريرية) | 0 | Feb, 26 2008 22:06 |
| حالة سريرية - ارتفاع ضغط دم | flower | مستشفى الملتقى (حالات سريرية) | 5 | Sep, 02 2007 16:22 |
| حالة سريرية | أمل المستقبل | استشارات طبية | 10 | Oct, 04 2006 10:52 |
| حبيبات فوردايس حالة سريرية | Wesambassout | طب الفم | 3 | Nov, 14 2005 23:38 |
| حالة سريرية رقم 1: مريض قلبي | Shankool | مستشفى الملتقى (حالات سريرية) | 10 | Mar, 26 2005 06:37 |
كل الأوقات حسب GMT +2، والوقت الآن 04:33.
