الأوراق المطلوبة لتسجيل ذوي المهن الطبية في سجل وزارة الصحة:
1- طلب تسجيل يُلصق عليه طابع مالي بقيمة 3 ليرات ويسجل في ديوان وزارة الصحة. (تحصل على الطلب من وزارة الصحة في دمشق)
2- وثيقة اللياقة الطبية تُعطى من مديرية الصحة وتوضع عليها صورة شخصية مع طابع مالي بقيمة 4 ليرات.
3- مصدقتي تخرج من دائرة شؤون الطلاب بالجامعة.
4- صورة طبق الأصل عن الشهادة الثانوية مصدقة من مديرية التربية المختصة.
5- سجل عدم (لا حكم عليه) لم يمضِ على استخراجه ثلاثة أشهر.
6- إخراج قيد نفوس أو (صورة البطاقة الشخصية على وجه واحد) مع طابع مالي بقيمة 4 ليرات وبالنسبة للفلسطينيين يحضر إخراج قيد باسمه وإخراج آخر باسم والده.
7- مصنف سحاب (للأطباء وأطباء الأسنان) كلاسور عرض 4سم (للصيادلة).
8- صورتين شخصيتين.
9- صورة عن الإقامة للأجانب مصدقة حسب الأصول.
10- وثيقة عدم التزام بالمناطق النامية تعليمياً من الجامعة الّتي تخرج منها خريجو الجامعات السورية.
11- تعهد بضرورة الحصول على الترخيص المناسب قبل البدء بممارسة العمل بصفة مقيم للاختصاص ملصق عليه طابع مالي بقيمة 32 ل.س.

سألت عن الرقم 10 ووجدت أنّ المحتوى المطلوب يُكتب على مصدّقة التّخرّج ... وبالتالي المطلوب هو التأكد من وجودها فقط ...

سيتم التعديل على هذه المشاركة كلما تجمعت لدينا معلومات أكثر

طيب من وين بدي جيب كل هالأوراق؟

رح أحكي عن حلب:

1- من دمشق .. مبنى وزارة الصحة .. الطابق الأول.
2- من مبنى مديرية الصحة في الجميلية .. وبعدها بتروح بتختمه في مسنوصف قرب سوق الهال ..
4- إذا ما عندك نسخة مصدقة .. بتمر على الكلية وبتسحب شهادتك الثانوية .. وبعدها بتصورها وبتروح على الامتحانات قرب كراجات هنانو مشان التصديق.
5- من الجنائية .. قرب مشفى ابن رشد ومشفى السلام .. وراهم تماماً .. قرب نادي السكك الحديدية ..
إذا ما عرفت .. الحاق سيرفيس الأشرفية وهو نازل من الدوار الأول في الأشرفية .. بمر أمام المفرق .. عند نادي السكك بتلاقي وبتلاقي مكاتب عندهم لوحات كبيرة مكتوب عليها .. لاحكم عليه بتروح .. وبتصور هويتك .. وبتدخل محل اللاحكم عليه .. بالصدر غرفة فيها مساعد بيختملك على صورة هويتك .. وبيطلب منك 25 ليرة (لا تخاف مو رشوة) .. وبقلك رجاع بعد ساعة ونص .. بتستنى .. كل شوي بيطلع موظف وبصيح بالأسماء .. بس صاح اسمك بتاخد وراقك وبتمشي .. أنا أخدت ورقتي لما طلع تاني مرة .. يعني خلال نصف ساعة .. في ناس بضلوا طول النهار وما بياخدوها .. إذا تأخرت ورقتك اسأل عليها الموظف اللي بصيح ..
7- مركز التصوير التحتاني جانب الامتحانات في الكلية.
10- بالنسبة لجامعة حلب: هالعبارة حسب ما فهمت مكتوبة على وثيقة التخرج .. للي ما استفادوا من علامات المناطق النامية لما سجلوا في الكلية ..
11- يمكن في وزارة الصحة لما بدك تسجل ... ؟؟؟؟؟

لكن شو محسبين... لازم الواحد يعمل كل هل أوراق... ضروري... لنفرض انك اتخرجت من الطب وما جنيت.. هيك بيضمنو انك جنيت... وعلى فرض خلصتن وما جنيت.. . أنا متأكد انو عندن خطط احتياطية...
يعني لنفرض انو الواحد ما عندو لياقة طبية.. واتخرج ما بيحسن يشتغل؟؟؟؟ عادي روح ادرسلك شغلة تانية؟؟؟

شكرا كتير على التوضيحات يا شنكول