شنكول ... يتنفس حرية ...
يدور هذا النقاش حول شنكول ... يتنفس حرية ... في قسم لقاءات في الملتقى الطبي السوري; قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة .. بقصد جعل الملتقى الطبي السوري أكثر تلاؤماً مع الأعضاء نفكر بإنشاء قسم جديد لاحتواء
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 27 2008, 22:03
| |||
| |||
 شنكول ... يتنفس حرية ... قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة ..
تسمعلك تحذير .... من كتر التحشيش
المشاركة الأصلية بواسطة Shankool وأحيانا غنية 
المشاركة الأصلية بواسطة Shankool بس بدك ما تواخزنا
قصتنا معها انحراف طرب المشاركة الأصلية بواسطة Shankool
وإذا ما كنت بتعرف بالموسيقا والطرب .... المشاركة الأصلية بواسطة Shankool
بس اذا بدك نعلّمك ... فلازم تكون طالب مجد وشاطر ... لأنو نحن منعصب ...وممكن نطلع عن طورنا  بس حتى لو حبينا نطلع عن طورنا ... فنحن مؤدبين ومنستأذن  المشاركة الأصلية بواسطة Shankool
وحتى لو عصبنا وطلعنا عن طورنا ... بيضل قلبنا حنون  ... ويمكن نسونجي المشاركة الأصلية بواسطة Shankool
والقلب الكبير الحنون .... بيسأل عن راحة اللي حواليه المشاركة الأصلية بواسطة Shankool
بس هالقلب الكبير ... دبلوماسي كمان فإنت إذا سمت شبيك لبيك المشاركة الأصلية بواسطة Shankool
فهادا مابيعني انو في شي رح يكون بين ايديك  المشاركة الأصلية بواسطة Shankool
لأنو نحن مامنجبر حدا على شي ... ولا منحب حدا يجبرنا على شي ومنرفع شعار ... "إني أتنفس حرية" وبدنا الكل يتنفس حرية ... الكلللللللللل لازم يتنفس حرية ولك غصب العنكم بدكون تتنفسو حرية  قصتنا فيها دموع ودم المشاركة الأصلية بواسطة Shankool
وحب كبير وذكريات ما بتنتسى .... لدرجة بتحس انو الرومنسية بقصتنا هية اللي خلقت الأبدية في الحب بس لا تتفاجئ إذا شفت الرومانسيكي عميحكي عن انو الحب هو مجرد تفريغ لكبت ... وبينقلك لمرحلة من الحسابات والجمع والطرح في الحب ... لدرجة بتصير اذا بدك تحب لازم تعمل بورصة قصتنا هيك فيها تناقضات فيها كر
وفر المشاركة الأصلية بواسطة Shankool
فيها فرح وخفة دم وروح رياضبة ... المشاركة الأصلية بواسطة Shankool
بس هالروح الرياضية مابتعني انو نقبل يدخل غوول بإنفنا .... عفوا ... قصدي بمرمانا المشاركة الأصلية بواسطة Shankool
شنكول .... نحن بانتظارك تتنفس حرية بصوت عالي تكر وتفر وتتقبلنا بروح رياضية  بانتظار البطاقة الشخصية |
|
#101
Apr, 09 2008, 22:31
| |||
| |||
| مرحبا كيفك ابو الشناكل ،،، يعني لا تزعل مني بس انا قرأت ردودك ،، حسيت بكتير من الأجوبة عب تلف وتدور ،،، يعني ما بدك تجاوب او ما عبتجاوب بصراحة ،،، بدي اسألك عن الغرور ،، شو بيعني بالنسبة لإلك ،،،؟؟؟ ووين هو بشخصيتك ،،،هل انت مغرور ،، ؟ ما بتظن انو الواحد لما يكون عبيحكي عن حالو ،،، ممكن يبين مغرور ،،، او ممكن يتصف بالغرور ؟؟ ببعض ردودك السابفة ،، معلش ولا تزعل مني كان في نزعة، وكتير تمسك بالرأي بجوز انت ماحسيته بس اذا رجعت وقرأت الحوار وكأنيتك مو شنكول ،، ممكن تحسه ،،، برأيك هالشي غلط ولا صح ؟؟ هلق انت وبدون مجاملة ،،، عند كتيييرافكار حلوة وانا سبق وقرأتلك كتييير من مشاركاتك وكتير من أفكارك على موقعك ،، وفعلا بتدل على عقلية متفتحة جدا وفهمانه كتييير منيح ،،،بس بالحوار ما كنت انت نفس الشخص اللي كان كاتب المقالات الممتازة اللي على موقعك ،،، يعني بصراحة ،،، انت بهالمقابة غير هنيك ،،، مو انت ميلاد ؟!!!!!! وهالشي مو بس انا حسيت في ،،، في كتير من الشباب حسو في... شو تعليقك !!!!؟؟؟ اذا حدا قلك انا كنت محسبك شي ،،، وهلق وبعد هالحوار انت شي تاني اطلاقا ؟؟ بتعتقد شافك للأحسن ولا للأسوء ... اذا كان للأحسن ،،، شو بتعتقد الشي اللي انت هون عبرت فيه وحسيته كان شي كتير معبر عنك وكتيير مميز وكتير كان لصالحك ؟؟ طيب واذا كان للأسوء ؟؟ شو يعنيلك رأي الآخرين فيك ؟؟ شو بيعنيلك الانطباع اللي بتحب تتركه عنك ؟؟ وشو هو ؟؟ شوية اسئلة // ش بيعنيلك اللون الأسود ،، شو بيعنيلك الياسمين .... وشو بيعنيلك (على قولة نزار قباني ) الفستان الأسود المكشوف من كتفيه ؟؟؟ اذا اكتشفت انو شخص انت كتيييير بتعزه وبتحبه ،،، انو غدرك ،،، شو بتعمل بتعاقبه ،، ولا بتلتمسله عذر ،،، ؟؟ طيب اذا اعتذر منك ؟ّ سلامه ابو الشناكل ومبروك التخرج مرة تانية ( انا بنصحك تنتحر وترتاح من هالمقابلة  ) |
|
#102
Apr, 10 2008, 13:05
| |||
| |||
| يا جماعة حاجتي أسئلة .. رح حاول جاوب على أسئلتكم وسكّر بعدها المقابلة  |
| قال العضو التالي أسمه شكراً لك يا Shankool على هذه المشاركة المفيدة: | ||
|
#103
Apr, 11 2008, 02:08
| |||
| |||
| مرحبا شنكول وين بدك تروح مني .....................بدي اسئلك يعني بدي أسئلك ........... أصلاً المقابلة كانت وقتها غير مناسب بالنسبة إلي لأنو كانت المقابلة بعد فحصي بيومين وبالتالي كنت عم جهز حالي عالسفر . وهلأ صار فيني أكتب بالعربي على رياحة . فاستلم الأسئلة التالية : 1- ما هو مقدار الثقة التي يمتلكها عقلك تجاه نفسك ؟ إذا كنت تفرق بين النفس والعقل . 2- هل تعتقد أن هذا الكون الذي نعيش فيه يمتلك نظاماً معيناً يسير فيه ، أم أنه يسير إلى اللا نهاية ، أم أن الاحتمالات والصدفة هي التي تمتلك زمام الأمور ؟ وإذا كان الكون في نظرك لا يتبع أياً من هذه الثلاثة أو بعضاً منها فأرجو الإيضاح ؟ 3- هل تعتبر أن الإنسان هو مخلوق أم خالق ؟ مع الشرح لو سمحت ......................( سؤال بدرجتين )  4- إذا تحقق أحد أحلامك ، إلى من يعود الفضل في تحقيقه أولاً ؟ وهل لديك أحلام مستحيلة التحقق ، وهل لديك حلماً تسير ورائه دائماً مهما كانت الظروف والأوقات والأماكن ؟ أم لا ؟ 5- سؤالي الأخير : على اعتبار أنك مواطن سوري ...............ما المدة التي تتوقعها كي تستطيع أن تتنفس الحريةفي بلدك حسب رأيك ؟ حيث أنك تعيش في سورية وتختنق لأنك لا تتنفس الحرية ، وما هو أهم حدث قد يساهم بشكل كبير في تنفسك الحرية في بلدك ؟ هذه أسئلتي فأرجو منك الرد ....................وأتأسف لأني لم أشاركك إياها من قبل وقد أوضحت السبب ..........  إلى اللقاء  |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#104
Apr, 11 2008, 15:15
| |||
| |||
 دق دق .. احم .... ممكن أدخل بعرف ما ضل محلات لذلك رح أضل عالواقف، وحتى ما أتقل دم عندي بس كم سؤال صغير حابب أسألك ياهن قبل ما ترفع الجلسة ... شنكول شو رأيك بإنجازاتك في الحياة، هل أنت راضٍ عن نفسك؟ (ما بعرف إذا انسأل قبل هيك) [الإجابة بالتفصيل مع التعليل] طيب .. سؤال نفسي :رتب الألوان التالية حسب حبك إلها: color.bmp وسؤال فني  ما قررت تتعلم الناي؟ لحتى نبلش الدروس |
| قال العضو التالي أسمه شكراً لك يا ElectroDoc على هذه المشاركة المفيدة: | ||
|
#105
Apr, 12 2008, 17:55
| |||
| |||
| المشاركة الأصلية بواسطة محمد أبيض من قبل كنت أعتقد إني متصالح مع ذاتي ..
من فترة سنة تقريباً .. بعد سقوط المثالية في شعبة التجنيد .. اكتشفت وجود ثغرة عندي في هالموضوع .. وتحديداً في التناسق بين القول والفعل .. وعم اشتغل عليها .. وقطعت شوط منيح كتير .. أهم نتيجة للاكتشاف هاد .. إني تخليت عن المثالية .. وانتقلت للبراغماتية .. والعمليّة .. ما بدّي أكذب على حالي وأكذب على النّاس واحكي في أشياء ما فيني ألتزم فيها .. الآن أنا أكثر تصالحاً مع ذاتي من قبل .. وأكتر من تصالحي مع الآخرين .. وثباتية التّصالح هذا متغيّرة .. لأني في تطوّر دائم مع الوقت .. وإن كان بطيء .. ميلاد حالياً غير ميلاد قبل التخرج .. وميلاد قبل التخرج غير ميلاد اللي قبل قبل التخرّج .. ولو بأشياء صغيرة .. صدقني كتير صعب إنك تكون متعلّم دائم .. رغم إيجابيات الموقف هذا .. المشاركة الأصلية بواسطة محمد أبيض نعم .. ما فيني أنفي كوني شرقي ... ولو بجزء منّي ..
في أشياء في الرّجل الشّرقي من المهم إنّك تحافظ عليها .. مثل الشّهامة والكرم .. وفي أشياء لازم ترميها في الزّبالة .. مثل الأفكار المتخلّفة الّلي بتتمحور حول الثأر والعشائرية مثلاً .. |
|
#106
Apr, 12 2008, 17:56
| |||
| |||
| المشاركة الأصلية بواسطة Kliopatra الأمرين متداخلين .. يعني اللي بحبها .. وخططي لتكوين عائلة معها .. هي جزء هام من أحلامي .. وأحلامي بحد ذاتها .. لازم تتحقّق لحتّى أوفّر أفضل الظّروف من أجل الارتباط المنشود ..
مين أهم؟ ما فيني حدّد بسهولة ... متل ما قلت .. الارتباط مع اللي بحبها جزء هام من أحلامي .. بس مو الجزء الوحيد .. عندي أحلام تانية .. طبعاً انتِ بتعرفي إنّه أحلامي تضمن السّفر والاختصاص في "بلاد برّا" .. إذا كانت اللي بحبها مستعدة إنّها تتحمّل تبعات بقائي في البلد .. فممكن آخد الموضوع بشكل جدّي .. طبعاً كل شيء في الكون بقول إنّي لازم سافر .. لحتّى أكوّن نفسي وأبدأ حياتي بشكل أسرع .. لحتّى ضل في البلد .. لازم كون لاقيت البديل عن السّفر .. وعوّضت عنه .. مثلاً على الأقل شغل ومستقبل مضمون هون ... وإلّا حتى اللي بحبها ما فينا ارتبط معها وأأمن الظّروف المناسبة لإلها .. ففيها مثلاً تتحمل وضع مادي لشاب في أوّل حياته؟ إذا كان لأ .. فلازم سافر .. ولازم تقبل بسفري .. ما فيني أعطيكِ جواب نهائي .. كل كلامي نظري .. وعمليّاً ما وقعت بهيك حالة .. وما بتمنى .. فما بعرف مين رح اختار بالضبط .. إذا الخيار كان بينها وبين أهلي .. كمان خيار صعب .. طبعاً هي أغلى عندي منهم .. ولكن أهلى بضلوّا أهلي .. وجود أهلي هام بالنسبة إلها كمان من منطلق مصلحة شخصية .. مين بده يروح يخطب لي ياها؟ أهلها ما بيرضوا روح لعندهم بدون أهلي .. ما هيك؟ لازم الواحد يشتغل على إيجاد توازن .. وعلاقة طبيعية بينها وبينهم .. بحيث ما يصل لهيك مرحلة .. الأكيد إني بحبها أكتر من أي شيء في الكون .. بس كمان وجود علاقة سليمة مع أهلي .. أمر بصب في مصلحة وخير الجميع .. المشاركة الأصلية بواسطة Kliopatra حتّى يكون الجواب منطقي .. فاسمحيلي ارفع القدسية عنه .. لأنه مع القدسية ... ما فيني أقلك غير 100%
أما بعد رفع القدسية عنه .. فرح تصير مصداقيته .. مثل مصداقية أي رجل في التّاريخ .. يا ترى شو مصداقية داروين عندك؟ فولتير؟ إنشتاين؟ ماركس؟ جان لوك؟ بس الأكيد إنّه مصداقيته عندي أفضل من مصداقية أتباعه .. المشاركة الأصلية بواسطة Kliopatra شو بيفرق الوأد عن التفجير الانتحاري في سوق؟ والسؤال الأصح .. الأول أبشع من التاني بشو؟
اليوم في ناس بيجبروا بالقوة الناس على الدّين .. متل ما كان في مُلّاك يجبروا العبيد على الكفر .. في الجاهلية ما كان حدا يقتل باسم الله .. ولا حتى باسم الأصنام .. أنا بفضّل أيّامنا هي .. مع إنّنا في عصر انحطاط ظلامي شبيه بعصور الظّلام اللي مرت فيها أوربا من مئات السنين ... |
|
#107
Apr, 12 2008, 17:56
| |||
| |||
| المشاركة الأصلية بواسطة TURBO المزعج: تجنّب ...
الكرّار: أنا كرّار كمان .. إذا كنت رايق بنسجم معه .. وإذا كنت مو رايق .. بقله خراس! حسب الموانة طبعاً. الصّامت: بقله احكي شي كلمة أحسن ما تجيني شي جلطة .. الاستغلالي: بحب الاستغلاليين .. بس ما بحب حدا يستغلني .. تجنّب طبعاً. الأناني: بحب حافظ على حدودي مع العالم .. بس إذا وقعت مع شخص كل همّه نفسه .. ومو مشكلة عنده إنه يتوسّع ليتجاوز حدوده مع النّاس .. فأنا بتصرف معه بنفس الأسلوب .. البسيط (عالبركة): إذا كان ودود .. فبحب اتعامل معه .. لأنه هيك شخص بكون لذيذ ... أما إذا كان عدواني بتجنّبه طبعاً .. المتكبر: ببعّد عنه .. أفضل شيء .. الخبيث: طبيعي إني بدي كون حذر منّه .. المشاركة الأصلية بواسطة TURBO ما عندي قدوة في حياتي .. في أشخاص عجبوني .. واستفدت منهم بأشياء محدّدة .. بس ما عندي قدوة .. أنا قدوة نفسي .. عقلي قدوتي ..
المشاركة الأصلية بواسطة TURBO عميد الكليّة: حكيت من قبل .. أ- تغيير المناهج .. واعتماد كتب عالمية .. حتى ولو بدها ترجمة ... ب- تغيير بعض الأساتذة .. ج- منع تكرار أسئلة الدورات
 .. د- الحضور الإجباري ..مدير مشفى الجامعة: من وجهة نظر طالب .. رح ركّز على نظافة المشفى .. والتزام العاملين .. التزام الأطباء (وهي بخة كبيرة) .. الحد من الهدر .. وزير الصّحة: شو بعرفني؟ العمل على إيجاد نظام ضمان صحي .. مع إنه هذا كتير صعب في بلدنا .. توسّع أفقي وعمودي في البنى التحتية الصّحيّة .. محاربة انتشار أمراض كالسل والتهابات الكبد .. الأمراض اللي بشوفها أخطر من الإيدز في بلدنا .. رئيس دولة عربية (لا على التعيين!!!!): أول شي أكيد لا على التّعيين؟ لأنه إذا كان على التّعيين ما بدي كل هالمنصب .. أما إذا كان لا على التعيين .. كرئيس عربي .. من واجبي إني أنتحر! (طبعاً بعد ما أأمن مستقبل أولادي وأحفادي .. وأولاد أحفادي). رئيس دولة عظمى: بحتل كم بلد .. بنهب ثروات الشّعوب .. وبرفع دخل الفرد في بلدي على حساب باقي الشّعوب .. بعمل شركة نفطية وشركات تانية لاستخراج الثروات المتنوعة في أرجاء المعمورة ... المشاركة الأصلية بواسطة TURBO يا سيدي الخيار صعب بصراحة ... على كل حال رح أختار subzero (وبتمنى إنك ما تكون اخترته .. وإلا رح نشد شعور بعضنا) .. لأنه ظريف .. ومزوق .. والتّعامل معه أسهل من باقي الشّباب
|
|
#108
Apr, 12 2008, 17:57
| |||
| |||
| أهلين إلكترون .. المشاركة الأصلية بواسطة electron شو بيعني إلي الغرور؟ ما بيعني لي أي شيء ..
هل أنا مغرور؟ هل أنا إذا عم احكي عن حالي في مقابلة بيّن إني مغرور؟ أو حتى كون فعلاً مغرور؟ أوّلاً خلينا نفهم شو يعني مغرور .. المغرور .. هو من ينغرّ أي ينخدع بذاته .. ويؤدي هذا إلى أن يعتد بأشياء غير موجودة فيه .. هل أنا مخدوع بذاتي؟ هل أتكلّم وأمتدح ذاتي بأشياء لا أملكها؟ إن كانت إجابة أحد هذه الأسئلة نعم .. فأنا مغرور .. وإن لم تكن "نعم" فهذا أفضل .. الإجابة أتركها لكم .. المشاركة الأصلية بواسطة electron ما في زعل ..
إذا كنت بعرف بيني وبين ذاتي إنه رأيي غلط .. وأنا لا زلت متمسّك فيه .. فهذا بلا شك .. كذب على الذّات .. وخطأ بالتأكيد .. أما إذا ما اقتنعت بوجهة نظر أي من المحاورين .. وبقيت متمسّك برأيي .. فهذا مو خطأ .. ليه بدي غيّر رأيي أو وجهة نظري إذا ما حدا أقنعني بالأفضل؟ المشاركة الأصلية بواسطة electron نعم! أنا ميلاد!
أوّلاً في أمور ما حبيت اقترب منها .. في أشياء ما انسألت عنها .. شوف مثلاً ردي على إلوني أو على سنفور أو على نوبدي ... رح تلاحظ إنه ميلاد اللي عم يرد .. ما كل الأسئلة اللي انطرحت بتستفز ميلاد اللي شايفه على milado.net .. في أسئلة انطرحت لمجرد السؤال .. بضيق الوقت .. بتلاقي نفسك مضطر تجاوب عليها لمجرّد الإجابة .. يعين لما بجيني سؤال شو بتعنيلك الأشياء في القائمة التالية ... بتلاقي حالك أمام حجم هائل من الأسئلة اللي يمكن بعمرك ما فكرت فيها .. يا ترى شو بتعنيلي الشّمس؟ والله ما بعرف .. بحياتي ما فكّرت فيها .. وبكون السائل ما عذب حاله غير إنه كتب قائمة من الأشياء .. كبيرة وبشكل عشوائي ... طبعاً ما عم ارمي الحق على السائل .. ولكن مو كل المقابلة فيها أشياء بتستفز ميلاد متل ما استفزه سنفور أو إلوني أو نوبدي .. المشاركة الأصلية بواسطة electron بعتقد للأسوأ في نظر البعض ..
لأنه الناس عنا ما بيستوعبوا إنه شو معنى يكون الواحد براغماتي .. ويتخلى عن المثالية .. كمان أشياء كتبتها بالمقابلة .. بعرف منيح إنها مو مقبولة .. أفكار غير مثالية .. ولكنها واقعية .. متل حديثي عن المصلحة ... معظم العالم بينتقدوا إنه يكون الواحد مصلحـ(ـجـ)ـي .. بس المعظم بيتصرف على هالأساس .. فضلاً عن أفكاري الدينيّة العلمانية .. اللّي ما عبّرت غير عن جزء منها .. كيف لو حكيت كل شيء؟ وبعرف منيح إنه كتيرين ما بيعرفوا شو هي العلمانية .. بس بيكرهوها .. وبكفروها .. كل الشّباب والصّبايا اللي مروا بالمقابلات .. كتبوا كلام مثالي .. إي بس شو مدى مثاليتهم يا ترى؟ أنا ماني مثالي .. بس كنت أصدق .. ما بدي اكتب كلام مثالي .. وبعرف نفسي إني ماني قادر على الالتزام فيه .. أنا ماني مثالي .. وهذا الشي اللي بدي العالم يعرفوه .. وكان لازم اكتب هالشي أول المقابلة بس نسيت .. وميلاد بيبقى ميلاد .. المشاركة الأصلية بواسطة electron يعني .. إذا كان رأيهم منيح .. فبكون مبسوط بكل تأكيد ..
وإذا ما كان مو مشكلة .. لأني أنا اخترت كيف ميلاد لازم يكون .. واللي هو أنا .. وكوّنته تكوين .. ومبسوط فيه كتير .. الانطباع اللي بحب اتركه عند العالم هو الصّدق .. مع إني ممكن أكذب خاصةً على الأشخاص البعاد .. أسئلتك التالية أكيد ما بدك أجوبة عميقة عليها .. المشاركة الأصلية بواسطة electron بحب اللون الأسود .. بحسه نقيض واسع ومتنوّع .. ممكن تظهر معه كل الألوان .. عدا الألوان الهجينة ...
المشاركة الأصلية بواسطة electron يا أخي الياسمين .. إذا كنت ما بتعرفه .. عبارة عن نوع من أنواع الأزهار ذات الرائحة العطرة والمحبّبة ..
ما عندي أحداث مرتبطة بالياسمين .. لذلك ما بيعنيلي أكتر من شو هو .. المشاركة الأصلية بواسطة electron يا سلام! راجع كلامي عن اللون الأسود ..
باينتك قريان طوق الياسمين .. المشاركة الأصلية بواسطة electron غدرني؟
حسب أسلوب الغدر .. وحسب الشخص .. وحسب حجم الأذى اللي تعرّضت اله .. أفضل شيء ممكن يصير هو المسامحة .. وأبشع شي .. إني غادره ... واتركه .. الاعتذار والاعتراف بالذّنب ممكن يساعد كتير .. المشاركة الأصلية بواسطة electron أهلين الكترون .. وعقبالك مرة تانية ..
ومو مشكلة رايحة المقابلة تخلص |
| قال العضو التالي أسمه شكراً لك يا Shankool على هذه المشاركة المفيدة: | ||
|
#109
Apr, 12 2008, 17:58
| |||
| |||
| المشاركة الأصلية بواسطة shakazolo يا زلمة ليه ما حكيت من البداية .. كنا أخّرناها وحدّدنا موعدها بشكل يناسبك .. كنت تحكي من قبل ..
وعفكرة .. أنا بتمنى لو كانت المقابلة قبل أسبوع .. كانت ما بردت هيك .. لأني انشغلت بعدين .. ووصولي للانترنت .. بتواجه بعض الصعوبات .. المشاركة الأصلية بواسطة shakazolo عقلي يثق بنفسي بشكل منيح .. ووعيي بذاتي عالي .. وهذا سر إني قادر على التّغيير .. تغييري .. ونفسه سبب إني ما بكذب على نفسي ...
المشاركة الأصلية بواسطة shakazolo مممممممممممم ..
طبعاً الكون يبدو إنه بيخضع لنظام .. ونظام دقيق .. استطعنا تمثيله إلى حد بعيد بما يُسمى القوانين الفيزيائية ... بس هذا ما بيلغي دور الصّدفة والعشوائية .. وورود حدوثها .. ما بننسى أبداً إنه دائماً في تجارب كونية .. ولا تنتهي أبداً .. وبالتّالي احتمال حدوث أمر منظّم وارد في هذا العدد اللانهائي من التّجارب الكونيّة .. متل ما سميتها .. حتى أولى الذّرات لما تكوّنت .. بعد الـ big bang .. استغرقت وقت وجهد مضني لحتّى تكوّنت .. المشاركة الأصلية بواسطة shakazolo الإنسان .. ممكن يكون مخلوق .. وممكن لأ!
بس الأكيد إنه الإنسان خالق .. ولو بجزء صغير منّه .. بكل واحد منّنا في جزء إلهي اسمه أنا .. أنا = الله .. إذا بتقرا للحلاج .. بتفهم شو قصدي ... يقول الحلاج: رأيتُ ربّي بعيِنِ قلبي فقُلتُ: من أنتَ؟ قالَ: أنتَ فليسَ للأينِ منكَ أينٌ وليسَ أينٌ بحيثُ أنتَ؟! وليسَ للوهمِ منكَ وهمٌ فيَعلَمُ الوهمُ أينَ أنتَ؟ أنتَ الّذي حُزْتَ كُلَّ أينٍ بنحوِ لا أينَ فأينَ أنت؟ ففي فنائي فنا فنائي وفي فنائي وَجَدْتَ أنتَ في محو إسمي ورَسْمِ جسمي سألتُ عنّي فقلتُ: أنتَ أشارَ سرّي إليكَ حتّى فنيتُ عنّي ودُمتَ أنتَ أنتَ حياتي وسرُّ قلبي فحيْثُما كنتُ كنتَ أنتَ فمُنَّ بالعفوِ يا إلهي فليسَ أرجو سواكَ أنتَ انتهى ويمكن الإنسان هو اللي خلق الله ... مين بيعرف؟! المشاركة الأصلية بواسطة shakazolo يعودُ الفضل .. لي أوّلاً .. ولكل من ساعدني ودعمني ..
أكيد لجهدي الفضل الأوّل .. 1 + 1 = 2 مع الشّك طبعاً أحلامي تخضع للظروف والمصالح .. فما في شي دائم .. المشاركة الأصلية بواسطة shakazolo يحرق حريشك على هالسؤال ..
يا سيدي .. بشكل حر ومطلق .. بدنا 150 - 200 سنة .. والحدث هو بدء عصر الأنوار في الشّرق الأوسط .. |
|
#110
Apr, 12 2008, 18:01
| |||
| |||
| المشاركة الأصلية بواسطة ElectroDoc انسألت هالسؤال من قبل .. كمشتك .. ما قريت المقابلة منيح ..
روح جيب ورقة وقلم .. واكتب المقابلة عشر مرات عقاباً أنا راضِ عن نفسي ببعض الإنجازات .. وما ني راضي عن بعض الإنجازات .. مثلاً صحيح تخرجت .. بس لسه بدي أصير طبيب أكتر .. أكتر .. في إنجازات .. بدي أقول حاج .. لهون وبس .. حدا يشيل عنّي ... حكينا كتير عن أحلامي واللي حققته .. فيك ترجع تقرا من أوّل لجديد .. المشاركة الأصلية بواسطة ElectroDoc من ضمن الألوان اللي في الصورة:
الغوامق أوّلاً: كحلي وأسود أخضر وزيتي أصفر وبرتقالي ألوان بشعة: عنّابي فضي وبني  المشاركة الأصلية بواسطة ElectroDoc يا سيدي الأحسن إني ما أتعلم أي آلة موسيقية في الوقت الحالي ..
إذا بدي أعمل شي فنّي .. فهو تدريب صوتي .. والتّمكّن من الصّولفيج والمقامات .. وهذا الشي بكفيني حالياً ... |
| Bookmarks |
| Tags |
| مقابلة, ميلاد, شنكول |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منظمة العفو تدين تهديد حرية التعبير على الانترنت | Article Bot | مقهى الملتقى | 8 | Dec, 21 2006 15:47 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
| أنا بتنفس حرية .. جوليا بطرس | zorba | الموسيقى | 1 | Nov, 26 2005 18:52 |
كل الأوقات حسب GMT +2، والوقت الآن 00:33.
