شنكول ... يتنفس حرية ...
يدور هذا النقاش حول شنكول ... يتنفس حرية ... في قسم لقاءات في الملتقى الطبي السوري; قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة .. بقصد جعل الملتقى الطبي السوري أكثر تلاؤماً مع الأعضاء نفكر بإنشاء قسم جديد لاحتواء
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 27 2008, 22:03
| |||
| |||
 شنكول ... يتنفس حرية ... قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة ..
تسمعلك تحذير .... من كتر التحشيش
المشاركة الأصلية بواسطة Shankool وأحيانا غنية 
المشاركة الأصلية بواسطة Shankool بس بدك ما تواخزنا
قصتنا معها انحراف طرب المشاركة الأصلية بواسطة Shankool
وإذا ما كنت بتعرف بالموسيقا والطرب .... المشاركة الأصلية بواسطة Shankool
بس اذا بدك نعلّمك ... فلازم تكون طالب مجد وشاطر ... لأنو نحن منعصب ...وممكن نطلع عن طورنا  بس حتى لو حبينا نطلع عن طورنا ... فنحن مؤدبين ومنستأذن  المشاركة الأصلية بواسطة Shankool
وحتى لو عصبنا وطلعنا عن طورنا ... بيضل قلبنا حنون  ... ويمكن نسونجي المشاركة الأصلية بواسطة Shankool
والقلب الكبير الحنون .... بيسأل عن راحة اللي حواليه المشاركة الأصلية بواسطة Shankool
بس هالقلب الكبير ... دبلوماسي كمان فإنت إذا سمت شبيك لبيك المشاركة الأصلية بواسطة Shankool
فهادا مابيعني انو في شي رح يكون بين ايديك  المشاركة الأصلية بواسطة Shankool
لأنو نحن مامنجبر حدا على شي ... ولا منحب حدا يجبرنا على شي ومنرفع شعار ... "إني أتنفس حرية" وبدنا الكل يتنفس حرية ... الكلللللللللل لازم يتنفس حرية ولك غصب العنكم بدكون تتنفسو حرية  قصتنا فيها دموع ودم المشاركة الأصلية بواسطة Shankool
وحب كبير وذكريات ما بتنتسى .... لدرجة بتحس انو الرومنسية بقصتنا هية اللي خلقت الأبدية في الحب بس لا تتفاجئ إذا شفت الرومانسيكي عميحكي عن انو الحب هو مجرد تفريغ لكبت ... وبينقلك لمرحلة من الحسابات والجمع والطرح في الحب ... لدرجة بتصير اذا بدك تحب لازم تعمل بورصة قصتنا هيك فيها تناقضات فيها كر
وفر المشاركة الأصلية بواسطة Shankool
فيها فرح وخفة دم وروح رياضبة ... المشاركة الأصلية بواسطة Shankool
بس هالروح الرياضية مابتعني انو نقبل يدخل غوول بإنفنا .... عفوا ... قصدي بمرمانا المشاركة الأصلية بواسطة Shankool
شنكول .... نحن بانتظارك تتنفس حرية بصوت عالي تكر وتفر وتتقبلنا بروح رياضية  بانتظار البطاقة الشخصية |
|
#11
Mar, 28 2008, 00:47
| |||
| |||
| مين .... ميلازيوس (الاسم اليوناني لميلاد) ... كبير الآلهة في الميثولوجيا اليونانية ...  !!!و أخيراً ... جيت لحضن امك و أبوك ...  و عزتك .. لحتى شرشحك و امسح فيك الأرض .. ثلاث سنوات .. و انت مستحكمنا .. و هلق إجا دورك ..  |
| قال العضو التالي أسمه شكراً لك يا محمد أبيض على هذه المشاركة المفيدة: | ||
|
#12
Mar, 28 2008, 08:12
| |||
| |||
| إعلان إداري .. تم منع أعضاء فريق الموقع بالإضافة إلى نو بدي بتهمة التآمر علي .. وتم استبدال الجواكيت الخضر بحمر ... قراراً وجاهياً غير قابل للطعن |
|
#13
Mar, 28 2008, 08:27
| |||
| |||
| أول مبارح كنت عم حاول اكتب تعريف عن ذاتي ... ومدري ليه ما طلع معي حكي كتير ... ما عرفت شو بدي أكتب! وفي كتير أشياء كتبتها وحذفتها .. يمكن لأنه ما كل شي بينحكى ... على كل حال بطاقتي الشخصية المختصرة هون ميلاد قواص بيسعدني إني كون معكم في هالمقابلة ... مع إنها أجت أبكر من اللازم ... يعني بدي شغل كتير عحالي لحتى اقعد معكم هيك قعدة .. رح حاول جاوب على كل أسئلتكم ... بس ما بوعدكم ... إذا سؤال تجاوزته .. معناها ما بدي جاوب عليه ... فما حدا يعذب حاله يقول .. ليه طفيت سؤال وشغلة مهمة .. حبابين ما تتعاملوا معي على أساس إني مدير الموقع ... أهلاً وسهلاً  |
|
#14
Mar, 28 2008, 09:01
| |||
| |||
| المشاركة الأصلية بواسطة Kliopatra يا لطيف شو هالسؤال
 ومين المتصل اللي مخبي حاله؟ .. يطلع يمد راسه حتى شوفه .. بكل بساطة ... سمو الأمير كريم أغا خان ... إمام الشيعة الإسماعيلية النزارية ... هو زعيم روحي لطائفة دينية .. توجد العديد من الأشياء اللي بختلف مع سموه فيها ... لا يقبلها عقلي كصاحب فكر علماني أقدّس العقل والمنطق والعلم ... ولدى سموه إشيا يُحترم لأجلها ... مثل: - عدم استخدام سموه للزعامة الدينية .. في خدمة مآرب سياسية (بمعنى أن سموّه لا يستخدم أتباعه في تنفيذ ضغوط سياسية). كما يفعل الزعماء الدينيّون في الشيعة الإثني عشرية ... حتى وإن تكلم سموّه في السياسية فإنه يدعو الى السلام دائماً ... مقابلة مع سموه في صحيفة شبيغل الألمانية: Part 1: "Islam Is a Faith of Reason" Part 2: What makes democracies fail? - التّسامح الديني لدى سموّه .. - الأعمال الّتي تقوم بها مؤسسة آغا خان .. وهي أعمال اجتماعية واقتصادية مفيدة .. دون التمييز على أسس دينية .. فقد يستفيد منها أشخاص غير اسماعيليين ...
والسبب الأخير وهو الأهم بالنسبة لي .. أعز وأقرب شخص إليّ ... ينتمي إلى الطائفة الاسماعيلية النزاريّة ... فيكي تقولي ... احترام سمو الأمير صار واجب في الحالة هي .. تحياتي .. ولا تصعبي أسئلتك هيك |
| قال العضو التالي أسمه شكراً لك يا Shankool على هذه المشاركة المفيدة: | ||
|
#15
Mar, 28 2008, 09:41
| |||
| |||
.........ليش؟ والله نحن بدنا مصلحتك...طيب رح نبدا بأسئلة خفيفة: بما انك تخرجت من كلية الطب البشري بحلب بأمان...شو كان أحلى / أبشع موقف؟ و كمان الموقف الأكثر فرحاً (ما تقلي لحظة التخرج..غيرو) و الموقف الأكثر حزناً؟ هلق بعد ما تخرجت...ندمان لانك دخلت كلية الطب؟ ليش؟ لو خيروك تدخل غير شي...يوم اللي نجحت بالبكالوريا...شو كنت دخلت؟ و ليش؟ برأيك...بس كلية الطب الها هل سيط يلي مطالعينو عليها طلابها (سيط من جميع النواحي..) ام باقي الكليات أيضاً؟ بعيداً عن الطب: شلون شايف وضعك (بتوجهاتك السياسية و الدينية و العلمانية) وسط مجتمع متل مجتمعنا الحلبي؟ يعني مثلاً بتحس بعيون ترمقك بنظرات الشر من بعيد..او بتسببلك هل توجهات مشاكل؟ ام عادي كل مين على دينو الله يعينو؟ يالله حاج هي استفتاحية...ما بدي اتقل عليك...  |
| قال العضو التالي أسمه شكراً لك يا flower على هذه المشاركة المفيدة: | ||
|
#16
Mar, 28 2008, 09:43
| |||
| |||
| تعليقاً على العنوان ... أنا لا أتنفّس الحرية .. وإنّما أريد أن أتنفّسها ... وفي الكثير من الأحيان أخاف ذلك .. |
|
#17
Mar, 28 2008, 11:20
| |||
| |||
| شششششششششششششششش أهلا بشنكول .................... جايك بالأسئلة قريباً ........................ |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#18
Mar, 28 2008, 11:35
| |||
| |||
| المشاركة الأصلية بواسطة flower الأكثر فرحاً:
(إذا غير لحظة التخرج) عندك وقت طلعت علامات مادة الجنين في السنة الأولى. كانت علامة عالية. الأبشع: وقت طلعت علامة التشريح 1 في الفصل الأول سنة أولى .. وكانت راسبة والأحلى: وقت نجحت المادة في الفصل الثاني الأكثر حزناً: لما رسبت الداخلية 4 في حزيران الماضي .. وعلى أثرها التكعت 6 شهور عن فحص التخرّج! طبعاً عم اتبايخ ... ما في مواقف عامة (الخاصة خاصة) محدّدة في بالي ... بصراحة السؤال غريب .. مدري شو بدي جاوب عليه ... إذا تذكرت شيء رح ارجع وقلك المشاركة الأصلية بواسطة flower ماني ندمان ..
أنا كتير ممنون من اللي وصلتله في حياتي .. على المتسويات الفكرية والاجتماعية والشخصية والنفسية. في كتير أشياء صارت معي لأني دخلت على كلية الطب .. وهالأشياء علّمتني وصقلت شخصيتي وعطتني خبرة .. بالإضافة إني تعرفت على أشخاص تعلّمت منهم .. وهذا مهم كتير بالنسبة إلي .. بخاف إذا ما دخلت على كلية الطب إني ما مر بنفس الظروف .. وما اتعرف على نفس الأشخاص ... وما صير ميلاد اللي أنا هو حالياً ... لذلك رح أختار الطب مرة ثانية لحتى مر بنفس الظروف مرة تانية .. حتى لو تعذبت .. لأنه كل شيء كان لصالحي ... المشاركة الأصلية بواسطة flower ما بعرف عن أي سيط عم تحكي .. (كليتنا مو سيئة من جميع النواحي)
وما طلعت على غير كليات لشوف شو فيها ... على كل حال ... ما شفت طالب من غير كلية مدح في كليته .. الكل عم يشكي ويبكي .. يمكن لأنهم ما اختاروا الكلية بملء إرادتهم .. يبدو إنه الوضع هذا غير محدّد بكلية الطب ... المشاركة الأصلية بواسطة flower مو مرتاح أبداً (لأنه كتير اشيا مو متل ما بتمناها) ... بس ما حدا بيزعجني بشكل مباشر ...
مشكلة مجتمعنا إنه الاختلاف فيه غير مقبول .. يعني يا إمّا بتكون متلنا يا إما انت مو منيح ... أو على الأقل بتنتمي لحدا غيرنا .. بس مو إلنا .. وفي مجتمعنا .. غالباً ما في شي اسمه "كل مين على دينو الله يعينه" بتحسي العالم عم يتدخلوا فيكي .. حتى ولو كان بشكل غير مباشر ... بغيابك مثلاً .. بساير المجتمع بإشيا قليلة ... بتحفّظ على ما يمكن أن يصدر عنّي من قول أو فعل ... وهذا حسب قرب أو بعد الشخص مني وحسب درجة وعيه ... وثقافته وتقبّله ... يعني إذا بقعد مع جارنا اللي عمره ستين سنة وعم يحكي بالدين أو السياسة (وواثق من حاله بإنه بيعرف الحقيقة بكل شي) .. ما بقعد بجادله .. وبناقشه .. بهز براسي وبمشي ... بمعنى توجّهاتي .. طالما ممكن تسبّب مشاكل .. فأنا محتفظ فيها لنفسي .. مو مهم يعرفوها الناس .. المهم إني مقتنع فيها ... بالنسبة لنظرات الشر .. مو مشكلة .. قليلة ... بالعكس بحس إني محبوب غالباً .. عموماً وضعي الاجتماعي منيح ... ومحقّق ذاتي بشكل كتير منيح .. |
|
#19
Mar, 28 2008, 13:28
| |||
| |||
| بلش القصف ...لكا هاي كم قذيفة ع الماشي 1-مين اكتر تلات مطربين و مطربات بتسمعلن لساتك بتسمع لسعاد ماسي ? - 2 تلات الات موسيقية بتحبا اكتر شي .. 3-موهبتك بالغناء ...بتتصور رح تحاول تنميها و شي يوم هيك نسمع بالمطرب العريق ميلاد 4-لو بايدك تغير ...شو الشغلات اللي بتغيرها بكلية الطب -كمان شو بتغير بالمجتمع ...و شو الشغلات اللي بتريدا تضل موجودة ( يعني بتحسها انو هاي ايجابيات بمجتمعنا ) 5-بتحس حالك انو كان فيك تكون احسن من هيك ....يعني كان فيك تعمل اشيا و مر الوقت و ما علمتا ? 6-ع فرض اختصيت بره ...و استقرت اوضاعك ...بتشيل حالك و بترجع ع البلد ع مبدأ بدك ترجع تخدم وطنك ? يا الله حاجة اليوم ...بس راجعين يا شنكول راجعين  |
| قال العضو التالي أسمه شكراً لك يا amarel على هذه المشاركة المفيدة: | ||
|
#20
Mar, 28 2008, 15:59
| |||
| |||
| أنا جيت أنا جيت .....نياهاهاهاهاهاهاهاها سب زيرو مو حجزتلي محل جنبك؟ ياي شقد ضحكت عليك يابابا شنكول بالقسم الاشرافي وإنت ولا حيسس بشي وكل المشرفين عرفانين إنو أنا عبحكي عنك وإنت مفكر الحديث عن حدا تاني  (على فكرة لما كان نوبدي ما عبيقدر يدخل عالموقع خفتك تكون عرفت بالمؤامرة وحلقتله )على كل راحت عليك هلق ...وعلى فكرة منظرنا بالأحمر أحلى .... يلا يا مشرفين قولوا وراي : الاتحاد الاتحاد الاتحااااااااااااااااد الاتحاد ..يا أهليييييييييييي الاتحاد يا أهليييييييييييييي  |
| قال العضو التالي أسمه شكراً لك يا dr.mohi على هذه المشاركة المفيدة: | ||
| Bookmarks |
| Tags |
| مقابلة, ميلاد, شنكول |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منظمة العفو تدين تهديد حرية التعبير على الانترنت | Article Bot | مقهى الملتقى | 8 | Dec, 21 2006 15:47 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
| أنا بتنفس حرية .. جوليا بطرس | zorba | الموسيقى | 1 | Nov, 26 2005 18:52 |
كل الأوقات حسب GMT +2، والوقت الآن 23:43.
