شنكول ... يتنفس حرية ...
يدور هذا النقاش حول شنكول ... يتنفس حرية ... في قسم لقاءات في الملتقى الطبي السوري; قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة .. بقصد جعل الملتقى الطبي السوري أكثر تلاؤماً مع الأعضاء نفكر بإنشاء قسم جديد لاحتواء
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 27 2008, 22:03
| |||
| |||
 شنكول ... يتنفس حرية ... قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة ..
تسمعلك تحذير .... من كتر التحشيش
المشاركة الأصلية بواسطة Shankool وأحيانا غنية 
المشاركة الأصلية بواسطة Shankool بس بدك ما تواخزنا
قصتنا معها انحراف طرب المشاركة الأصلية بواسطة Shankool
وإذا ما كنت بتعرف بالموسيقا والطرب .... المشاركة الأصلية بواسطة Shankool
بس اذا بدك نعلّمك ... فلازم تكون طالب مجد وشاطر ... لأنو نحن منعصب ...وممكن نطلع عن طورنا  بس حتى لو حبينا نطلع عن طورنا ... فنحن مؤدبين ومنستأذن  المشاركة الأصلية بواسطة Shankool
وحتى لو عصبنا وطلعنا عن طورنا ... بيضل قلبنا حنون  ... ويمكن نسونجي المشاركة الأصلية بواسطة Shankool
والقلب الكبير الحنون .... بيسأل عن راحة اللي حواليه المشاركة الأصلية بواسطة Shankool
بس هالقلب الكبير ... دبلوماسي كمان فإنت إذا سمت شبيك لبيك المشاركة الأصلية بواسطة Shankool
فهادا مابيعني انو في شي رح يكون بين ايديك  المشاركة الأصلية بواسطة Shankool
لأنو نحن مامنجبر حدا على شي ... ولا منحب حدا يجبرنا على شي ومنرفع شعار ... "إني أتنفس حرية" وبدنا الكل يتنفس حرية ... الكلللللللللل لازم يتنفس حرية ولك غصب العنكم بدكون تتنفسو حرية  قصتنا فيها دموع ودم المشاركة الأصلية بواسطة Shankool
وحب كبير وذكريات ما بتنتسى .... لدرجة بتحس انو الرومنسية بقصتنا هية اللي خلقت الأبدية في الحب بس لا تتفاجئ إذا شفت الرومانسيكي عميحكي عن انو الحب هو مجرد تفريغ لكبت ... وبينقلك لمرحلة من الحسابات والجمع والطرح في الحب ... لدرجة بتصير اذا بدك تحب لازم تعمل بورصة قصتنا هيك فيها تناقضات فيها كر
وفر المشاركة الأصلية بواسطة Shankool
فيها فرح وخفة دم وروح رياضبة ... المشاركة الأصلية بواسطة Shankool
بس هالروح الرياضية مابتعني انو نقبل يدخل غوول بإنفنا .... عفوا ... قصدي بمرمانا المشاركة الأصلية بواسطة Shankool
شنكول .... نحن بانتظارك تتنفس حرية بصوت عالي تكر وتفر وتتقبلنا بروح رياضية  بانتظار البطاقة الشخصية |
|
#21
Mar, 28 2008, 16:30
| |||
| |||
| تأخرت ما..... أنا بعتذر.... بس ان شا الله يكون في كراسي لأني تعبان من الوقفة عند الزاوية بعد ما عاقبني الاستاذ... ثواني لنرجع بقا للصفوف الاخيرة... يالله شو هلزحمة ما في محلات أبدا.... بس بعد اذنك ممكن تزيحي هيك، قعدني جنبك... شكرا هي لقينا محل رح أحجزه واحط وردة على الكرسي لا حدا ياخدها بس ميلاد.... وهي وردة  (يا ريت تعذرني على تأخري وكمان اليومين الجايات يعني ملتهي شوي بالاخبار لنشوف شو بدو يصير وعلى اساسها منصيغ أسئلتنا)... |
| قال العضو التالي أسمه شكراً لك يا Mr.sad على هذه المشاركة المفيدة: | ||
|
#22
Mar, 28 2008, 17:46
| |||
| |||
| رح أحجز مقعد بس المشكلة ما عندي أسئلة يلي قرأته بكفي وبوفي |
| قال العضو التالي أسمه شكراً لك يا zoro على هذه المشاركة المفيدة: | ||
|
#23
Mar, 28 2008, 18:08
| |||
| |||
| ابو الشناكل اول شي شكرا على اللون الاحمر الجديد (والله طلع بيلبقلي )  تاني شي...الاسئلة: 1-شنكول وعالم الانترنت...شو قصتك مع الانترنت؟ من ايمت بلشت؟ 2-الكل بيعرف شنكول وبراعته ببرمجة المواقع وانجازاته المنتشره بالمواقع العالمية. ايمت بديت تتعلم البرمجه وشو كان دافعك؟ هل كان من البدايه الكسب المادي ولا هالشي بعدين صار هدفك؟ شو هي اهم انجازاتك في عالم برمجة المواقع؟ 3-شنكول وبشري حلب...او سيريان ميدس حاليا...كيف خطرت على بالك هالفكره؟ وكيف كانت توقعاتك وقتها؟ باعتبارها تجربة جديدة وفريدة من نوعها عالاقل على مستوى كليات حلب. 4-المنتدى مرّ بمحطات عديدة وعاصره شلل كتيره...وكل شلة كان الها نكهة بالمنتدى...برأيك شو هي الفترة الذهبية اللي مر فيها المنتدى وبتتمناها ترجع؟ بيكفي هدول مبدئيا...تحياتي |
| قال العضو التالي أسمه شكراً لك يا TURBO على هذه المشاركة المفيدة: | ||
|
#24
Mar, 28 2008, 19:55
| |||
| |||
| المشاركة الأصلية بواسطة amarel غالباً بسمع تركي ... أهم 3 مرطبين بالنسبة إلي
Bülent Ersoy  Kibariye  Zeki Müren  سعاد مسّي ..مهمة كتير .. وبدي أسمعلها .. بس ما فيني دبّرت شي إلها ... كانت كليو واعدتني بمجموعتها .. بس مدري شو صار معها المشاركة الأصلية بواسطة amarel القانون - البزق - الكلارينيت - الكمنجات
المشاركة الأصلية بواسطة amarel بالتأكيد بدي أنمي موهبتي الغنائية بالتدريب والتعلّم .. بس الطب إله أولوية عندي ... لذلك ماني مستعجل كتير ..
بجوز تسمعي شي يوم مني .. بس مو أكيد .. المشاركة الأصلية بواسطة amarel المناهج ... معايير القبول في الكلية .. الستاجات في المشفى ... بعض الأساتذة
 المشاركة الأصلية بواسطة amarel بغيّر الجهل ... الأخلاق ... الكذب ...
ما كتير بنظر بعين الرضى للمجتمع .. لذلك ما عم لاقي اشيا لازم تضل .. يمكن بس الوجوه .. المشاركة الأصلية بواسطة amarel كان فيني كون طبيب أشطر ... تخرجت وماني رضيان عن نفسي كطبيب .. ولسه بدي اشتغل عحالي .. ما برضى كون متل أي شخص ..
بتمنى كون درست أكتر .. وكان معدلي أعلى ... كان لازم أثقف حالي أكتر .. وكان لازم بلّش أبكر ... كان لازم اقرا تاريخ وفلسفة .. المشاركة الأصلية بواسطة amarel غالباً ما بدي ارجع ... بدي أخدم حالي وعائلتي ..
|
|
#25
Mar, 28 2008, 19:59
| |||
| |||
| المشاركة الأصلية بواسطة dr.mohi مبسوط ع حالك حبيبي؟
ياي شقد بدي اضحك يوم اللي بدي ردلك ياها |
|
#26
Mar, 28 2008, 20:07
| |||
| |||
| اطلعت على اول كم إجابة ويبدو أنو في حرب قادمة صحيح أني ما رح كون طرف فيها -رغم بعض الاختلاف بالآراء- رح أكون مسالم -يعني رح آخد من اسمي -بس في أعضاء رح تكفي وتوفي.... هي وردةرح أسألك عن الورد وشو بيعنيلك وشو بيعنيلك زر الورد الي رح يفتح وشو بيعنلك أنو حدا يقدملك وردة؟! شو أكتر وردة بتحبها؟ في وردة بتكرها؟ شو بيعنيلك شوك الورد؟ شو بتعنيلك الشمس؟ شو بيعنيلك: القمر؟ البحر؟ الجبل؟ الصحرا؟ التلج؟ الشجر؟ المطر؟ الظل؟ الظلام؟ ضوء النيون؟ ضوء اللمبة الاصفر؟ ألعاب الاطفال: الدباديب -الارانب -السيارات - البوبيات- الاقنعة....؟ إشارة المرور؟ بزر الجبس؟ بزر الشمس؟ الفستق؟ التخليطة؟ هاد السمايلي ؟وهاد السمايلي  ؟وهاد السمايلي ؟وهاد السمايلي  ؟وهاد السمايلي  ؟وهاد السمايلي ؟العطور: أي عطر بتحب(نسواني) أي عطر رجالي بتستخدم بالشتا- وأي واحد بالصيف -طبعا اذا بتغير بين الصيف والشتا؟ شو أكتر حي بحلب بتحبه؟ شو الحي الي بتحب تسكن فيه -طبعا غير الحي الا ربيت فيه-؟ شو رأيك بمستقبل الفوتبول السوري؟ دمشق عاصمة الثقافة العربية...شي حلو كتير شو رايك في هيك تظاهرة وبتستاهل سورية أنها تكون عاصمة ثقافية اسلامية ثم عربية -سواء حلب او دمشق؟ برأيك رح تنجح القمة العربية الحالية؟ طيب ليش غاب بعض الزعماء عنها؟ اطلع البعض على قيادتك الحكيمة للموقع وقالوا أنك شخص كفؤ لذلك رح يسلموك رئاسة لبنان ورضي الشعب اللبناني ؟أنت بترضى.؟... يمكن طولت شوي صغيرة رح حاول أطول أكتر بالمرة التانية فاعذرني.... ماضل سمايليات لذلك |
|
#27
Mar, 28 2008, 20:14
| |||
| |||
 السلام عليكم ممممم شو بدي اسألك شو بدي اسألك ؟؟؟!!!!!! المشكلة يا كلو بعرفو ........... يا كلو ما بينحكى ادام الكل. طيب ........... لو انت الصبح نايم، واندق الباب .. ماكو حدا غيرك بالبيت .... فتحت، لقيت الرسول صلى الله عليه وسلم واقف أدامك. بتقلي كيف عرفتو ؟ ... الله ألهم لنفسك أنه هو وورجاك شي من خوارقو ... ما مهم. انت تيقنت ان هاد هو. شو بتكون ردة فعلك أول الشي ؟ شو الأحاديث يلي بتحب يندار بينك وبينو ؟ يا ترى رح تجادلو متل عادتك معنا ؟  هلئ بس هيك. جايتك !!! والسؤال السابق ما كان من عندي وأصلا أنا نفسي وكبدت عليه !!!وَكبَدَ يُوَكبِدُ ويكيبيديةً فهو (...) <------ املأ الفراغ ولقيت هي الوصلة عن الحشاشين وتذكرتك يله إنطلق هلئ جاوب عهدول |
|
#28
Mar, 28 2008, 20:38
| |||
| |||
| وهي انا حجزت محل ،،،، ورح ارجع ،،،، الواحد مو كل يوم بيصحلوا يحقق مع أبو الشناكل |
| قال العضو التالي أسمه شكراً لك يا electron على هذه المشاركة المفيدة: | ||
|
#29
Mar, 28 2008, 21:05
| |||
| |||
| المشاركة الأصلية بواسطة TURBO بلّشت قصتي مع الانترنت منذ نعومة أظفاري ... وورثت هالموهبة أباً عن جد .. أصلاً عائلتنا هي عائلة انترنتية ..
يعني أبي كان يدخل على الانترنت وجدي كان يدخل على الانترنت وجد جدي كان يدخل على الانترنت وبتعرف فرخ البط عوّام قصتي مع الانترنت بلشت في السنة الأولى جامعة .. لما رحت مع رفيقي مشان يفتح إيميله ويعلمني .. عملي وقتها إيميل .. وعلمني ادخل على دردشة الياهو .. وغالباً ما بدخل مجال وببقى مستهلك .. بحاول دائماً أعمل شي وأقدم شي ... في صيف الـ 2003 .. أنشأت أول موقع لفرقة شباب (فرقتي الموسيقية في الجامعة) على استضافة مجانية على الـ geocities.com وبعدها انتقلت على دوماين خاص shababmusic.com في آذار 2004 وطبعاً كله كان تصميمي ... وبرمجتي .. وفي تشرين الأول 2004 بلشت بمنتدى صغير على shababmusic.com/bashari وهون كان في أعضاء كلهم بعرفهم .. عزمتهم بشكل شخصي عن طريق الإيميل .. حوالي 25 عضو ... بعد الفحص في الفصل الأول تعرفت على برمجية الـ vBulletin طورت المنتدى .. وأخدت له دوماين خاص basharialep.com ونشرت الإعلانات في الكلية وانطلقنا .. بشكل رسمي .. بحكي أكتر كإجابات على أسئلتك وأسئلة غيرك المشاركة الأصلية بواسطة TURBO بديت اتعلم برمجة الويب في صيف الـ 2003 .. رايح يصير لي 5 سنوات ..
طبعاً كنت بعرف من قبل Quick basic من الـ 1997 وبعها الـ Visual Basic في الـ 2001 تعلمت برمجة الويب بشكل أساسي لحتى أصمم موقع فرقة شباب ... بهداك الوقت .. ما كان فيني اطلب من حدا يعمل الموقع لأنه بكلف كتير كتير .. فعملته بذاتي .. وما كان هدفي الربح المادي .. بعدين شفت العالم عم تشتغل .. فصرت أنا اشتغل .. ودافعي كان الاستقلال المادي .. وحققت هذا الشي بنسبة جيدة جداً .. عملت مواقع عربية عديدة .. أهم إنجازاتي هي محوّل قواعد البيانات vCharset Converter كنت أنا صاحب الفكرة الأساسية .. وأول منفذ إلها .. على هذا الموقع تحديداً .. بعدها فتحت موقع vcharset.com وبنيت اسم عالمي .. وكل بيجيني شغل .. وكل زبايني ممنونين منّي ... وهذا شي كتير منيح .. تعاملت مع ناس في كندا وألمانيا وحتى فيتنام .. وحليت كتير مشاكل .. وحولت قواعد بيانات عديدة .. من إنجازاتي .. بعض الهاكات بتلاقيها منشورة هون http://www.vbulletin.org/forum/membe...username=Milad هذا عدا الهاكات اللي عملتها بشكل خاص للملتقى الطبي السوري .. أحياناً بعمل شي .. وبقول ليه أنشره في غير مواقع .. خلي يكون مقتصر على الملتقى متل القاموس الطبي الموحد .. هاك اللي بيعرض مدونة العضو في مشاركاته (هل زرت مدونتي) وكتير أشياء ما بتلاحظوها .. بتكون عم تشتغل بالكواليس ... في كتير أشياء وهاكات بتلاقيها بغير مواقع .. بس أنا بحب أعملها بطريقتي .. متل هاك آخر 10 مواضيع اللي فوق .. أنا عامله بنفسي وبطريقتي .. كمان ظهور حقول الملف الشخصي بالمشاركة (الجنس والدراسة والسنة) .. هذا معمول بطريقة كتير مميزة .. عم فكر نزله لأنه فعلاً مميّز عن غيره .. بس متردّد .. كمان المواضيع المهمة اللي بتلاقيها فوق .. هذا الصندوق بتلاقيه بغير مواقع .. بس المشرفين وحدن بيعرفوا شو قوته .. لأنه المشرفين بشيلوا أو بضيفوا الموضوع بكبسة زر .. وبدون ما يطلبوا مني ... وأخيراً أهم إنجازاتي بكل تأكيد .. هذا الموقع ... المشاركة الأصلية بواسطة TURBO الفكرة موجودة من قبل ..
كان في موقع اسمه بشري .. لطلاب الشام .. ومن هون أجا اسم بشري حلب عمستوى كليتنا كان في منتدى على استضافة مجانية .. بس مدري ليه ما اشتغل .. كنت مخلص سنة أولى لما فتح .. وبعدها فشل .. يمكن السبب كان غياب الاستراتيجية .. بالأخير حسب ما فهمت صاروا ينشروا عليه صور جنسية .. بحسب ذمة أحدهم وكان في موقع للدكتور حمدي نوفل .. بس ما كان فيه منتدى .. مدري ليه سكره بعدين .. فالفكرة موجودة .. وأنا كانت عبارة عن لمعة براسي .. نفذتها .. كتير أحياناً بكون قاعد .. بتخطرلي شغلة .. بوقف كل شي لحتى إعملها ... وهيك كانت بداية الموقع .. توقعاتي .. كانت منيحة .. خصوصاً إني عرفت أبدأ .. ما كان عندي خبرة بإدارة المواقع .. وحتى هداك الوقت كنت مبرمج غض العظام ... بس عموماً كان شغلي منيح .. وحصل تجاوب منيح من قبل الطلاب في الكلية ... المشاركة الأصلية بواسطة TURBO برأيي هناك فترتان ذهبيتان ..
الأولى .. أول ما فتح الموقع .. وكان شغلة جديدة .. وكان الجو حلو كتير ... ولسه ما حدا بيعرف حدا ... والناس يدخلوا ويتسلوا كتير ... الفترة الذهبية الثانية .. كانت من صيف 2006 حتى صيف 2007 لما كونّا فريق الموقع بشكل فعّال ... وصرنا نشتغل .. والفريق عبارة عن شلّة بحذافير المصطلح .. حالياً الفريق تعبان .. والهمة ضعفانة مو متل أول .. عم فكر أعمل شي جديد .. بتمنى ترجع الفترة التانية .. |
|
#30
Mar, 28 2008, 21:31
| |||
| |||
| يالله يارب ....يا فتاح يا عليم يا رزاق يا كريم .... رح نبدا أسئلة ... أول شي تعقيبا على سؤال أماريل ...علوا تحكيلنا قصتك مع الموسيقى من وقت ما بلشت ...شلون توجهت وشلون انصقلت .... حاليا ما في "تاني شي"
|
| قال العضو التالي أسمه شكراً لك يا dr.mohi على هذه المشاركة المفيدة: | ||
| Bookmarks |
| Tags |
| مقابلة, ميلاد, شنكول |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منظمة العفو تدين تهديد حرية التعبير على الانترنت | Article Bot | مقهى الملتقى | 8 | Dec, 21 2006 15:47 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
| أنا بتنفس حرية .. جوليا بطرس | zorba | الموسيقى | 1 | Nov, 26 2005 18:52 |
كل الأوقات حسب GMT +2، والوقت الآن 04:25.
