شنكول ... يتنفس حرية ...
يدور هذا النقاش حول شنكول ... يتنفس حرية ... في قسم لقاءات في الملتقى الطبي السوري; قصة ملخبطة
مابتعرف منين تبداها ...
وأحيانا بتشك انها ابتدت
قصتنا بتحكي عن أشيا غريبة ..
بقصد جعل الملتقى الطبي السوري أكثر تلاؤماً مع الأعضاء نفكر بإنشاء قسم جديد لاحتواء
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 27 2008, 22:03
| |||
| |||
 شنكول ... يتنفس حرية ... قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة ..
تسمعلك تحذير .... من كتر التحشيش
المشاركة الأصلية بواسطة Shankool وأحيانا غنية 
المشاركة الأصلية بواسطة Shankool بس بدك ما تواخزنا
قصتنا معها انحراف طرب المشاركة الأصلية بواسطة Shankool
وإذا ما كنت بتعرف بالموسيقا والطرب .... المشاركة الأصلية بواسطة Shankool
بس اذا بدك نعلّمك ... فلازم تكون طالب مجد وشاطر ... لأنو نحن منعصب ...وممكن نطلع عن طورنا  بس حتى لو حبينا نطلع عن طورنا ... فنحن مؤدبين ومنستأذن  المشاركة الأصلية بواسطة Shankool
وحتى لو عصبنا وطلعنا عن طورنا ... بيضل قلبنا حنون  ... ويمكن نسونجي المشاركة الأصلية بواسطة Shankool
والقلب الكبير الحنون .... بيسأل عن راحة اللي حواليه المشاركة الأصلية بواسطة Shankool
بس هالقلب الكبير ... دبلوماسي كمان فإنت إذا سمت شبيك لبيك المشاركة الأصلية بواسطة Shankool
فهادا مابيعني انو في شي رح يكون بين ايديك  المشاركة الأصلية بواسطة Shankool
لأنو نحن مامنجبر حدا على شي ... ولا منحب حدا يجبرنا على شي ومنرفع شعار ... "إني أتنفس حرية" وبدنا الكل يتنفس حرية ... الكلللللللللل لازم يتنفس حرية ولك غصب العنكم بدكون تتنفسو حرية  قصتنا فيها دموع ودم المشاركة الأصلية بواسطة Shankool
وحب كبير وذكريات ما بتنتسى .... لدرجة بتحس انو الرومنسية بقصتنا هية اللي خلقت الأبدية في الحب بس لا تتفاجئ إذا شفت الرومانسيكي عميحكي عن انو الحب هو مجرد تفريغ لكبت ... وبينقلك لمرحلة من الحسابات والجمع والطرح في الحب ... لدرجة بتصير اذا بدك تحب لازم تعمل بورصة قصتنا هيك فيها تناقضات فيها كر
وفر المشاركة الأصلية بواسطة Shankool
فيها فرح وخفة دم وروح رياضبة ... المشاركة الأصلية بواسطة Shankool
بس هالروح الرياضية مابتعني انو نقبل يدخل غوول بإنفنا .... عفوا ... قصدي بمرمانا المشاركة الأصلية بواسطة Shankool
شنكول .... نحن بانتظارك تتنفس حرية بصوت عالي تكر وتفر وتتقبلنا بروح رياضية  بانتظار البطاقة الشخصية |
|
#41
Mar, 30 2008, 03:12
| |||
| |||
| مللود الغالي! ما بعرف إذا هلأ فيني أحكي عنك يا ميلاد. إلي شهور ما حكيت معك، وهلأ بسرعة عم حاول أقرأ شو كتبت بآخر فترة.. وإذا بدي أحكي عنك، بكون عم أحكي عن شخص عمره أصغر منك بأربع سنين.. وما بعرف شقد ضل منه فيك! يمكن بيتفقو كل يلي عرفوك إنك تغيرت، وهدا شي طبيعي.. ومنيح.. يلي بشوفه بالتغير يلي صار معك، إنو صار في صقل أكتر للفكرة عندك، ووضوح أكتر .. أو يمكن أخد لمواقف أكتر حدة من قبل.. فبدل التوفيقية يلي كنت تشتغل ع مبدأها، بتقول هلأ أنا علماني.. وبدك الموقف السياسي الغير منتمي لشي صرت لبرالي... وبدل المابدنا نزاعل حدا، بتعرفهن إنهن هيك وهيك، بس ما بدنا نخسر حدا.. صرت تقول يلي بدو يتدايق ما يقرأ... بالمختصر صرت أقوى، واوضح، و.. صرت ميلاد أكتر.. .... برجع... |
| قال العضو التالي أسمه شكراً لك يا سنفور على هذه المشاركة المفيدة: | ||
|
#42
Mar, 30 2008, 04:35
| |||
| |||
| المشاركة الأصلية بواسطة subzero شخصيتي ... متل ما بشوفها من جوا .. بحبها كتير .. كتير كتير ...
أما من برا .. عندي مآخذ على ذاتي ... بس بتغاضى عنها ... لأنّها غير قابلة للتغيير ... وثانوية بالمقارنة مع جوهري ... أكتر شي بيعجبني بحالي ... كل شي  بجد أكتر .. بظن إني ذكي اجتماعياً .. سريع وقابل للتكيّف ... ممكن أكذب على العالم .. بس ما بكذب على ذاتي ... يعني ممكن ما أعترف للعالم على خطأ فيني ... بس جواتي ما بنكره .. من الأشياء المنيحة فيني .. إني بحاول غير الخطأ فيني .. إذا لقيت حالي غلطان .. وتأكدت إني غلطان .. شو بدي أقعد أعدلّك يا رجل .. بتخلص المقابلة وما بخلص مدح في نفسي ... سؤالك بده مجلّدات! بتمنّى إني كون حر ... المشاركة الأصلية بواسطة subzero ما بنكر في إشيا ناقصة ... بس مو من طبيعتي اتفرج .. بشتغل على تحقيق النواقص ...
عموماً ... بحسد حدا .. إذا ارتكبت خطأ ... واكتشفت إنه اتفادى الخطأ قبلي ... وعلى هذا قِسْ .. بحسد الأحرار ... المشاركة الأصلية بواسطة subzero الحزن: كبت وتجاهل ... أحياناً استسلام ...
الغضب: سيطرتي عليه لا بأس فيها .. أظن إنّي من النّوع اللي فيه يتحكم بغضبه ... خصوصاً في إذا في حدا غاضب في الموقف .. الفرح: إطلاق ... متل الولد الصغير ... ما بعرف إذا شفتني لما صرت نط في الكلية يوم نجحت الداخلية في التخرج ... أو يوم اللي تخرجت .. المشاركة الأصلية بواسطة subzero بسيطة .. لما بكون غير قادر على اتخاذ قرار .. رغم إنه كل شي في إيدي .. وأنا صرت مؤهل لاتخاذ القرار ... بس أحياناً الخوف بجمّدنا ... ومنحتاج إلى مراقب خارجي ينصحنا ...
بلجأ لأي شخص ممكن يساعدني .. مهما كانت درجة قربه أو بعده .. عموماً بلجأ إلى الأشخاص الأقرب أوّلاً ... المشاركة الأصلية بواسطة subzero مو من حقي غير إنّي احكي عن أُنثى وحدة ...
باختصار انت قلتها ... أنوثتها .. مو بس المهم يكون شكلها أنثوي .. المهم تكون حاسة بأنوثتها .. اللي لازم تشع منها إشعاع .. الرّوح الحلوة ... بتحَلّي حتّى البشع ... وبدونها الحلو ما بينحب ... الذكاء والفهم ... لدرجة إنها تتلعّب فيني .. الجمال ... لدرجة إنها تجنّني .. الثقافة ... لدرجة إنها تسكتني .. وتخَرّسني .. الإبداع .. الأُنثى المبدعة بتدبح .. بحبها تمارس عليّ سُلطتها .. تماماً متل ما بمارس سُلطتي عليها .. يعني فيك تقول .. سُلطة ومُلكية متبادلة .. والسُلطة والمُلكية .. ببرّرها بالتّوحّد ... بمقابل الندّيّة .. بحبها تكون ند لإلي ... مو تابع .. وبحبها تنتزع حقوقها منّي انتزاع .. وما تسمحلي اغلط معها ... يعني تكون شرطية نفسها .. التّسامح الديني .. وكتير إشيا ما فيني رتّب ... كلّه مهم عندي ... رح كون صادق معك .. بس بيني وبينك ... إذا وحدة ما عجبتني شكليّاً .. ما بعذب حالي .. وبستكشف الباقي ... يعني فيك تقول الشكل شرط لازم غير كافي ... وبالنسبة للاستشهاد .. ماني حافظ كتير شواهد أدبيّة ... مشيلنا ياها .. المشاركة الأصلية بواسطة subzero ممكن تحتل أي مكانة .. حبيبة وزوجة وأخت وأم وصديقة ورفيقة وزميلة وجارة ..
بس أغلى مكانة هي الزوجة والحبيبة .. ويمكن للبنت الابنة اللي ما جربتها ... مدري ليش بحس إنه الأُنثى الحبيبة والزوجة .. بتكون أغلى من الأنثى الأم عندي .. يمكن ارتباطي العاطفي مع إمي ضعيف ... دورها هو تشاركني ... تكمّلني .. أصلاً لولا الأُنثى .. أنا بضل ناقص .. حاجزلها مقعد جنبي .. على طول الطريق ... ما فيني حدّد الحجم .. بجوز جنبي مقعد .. كبير أو صغير .. وبجوز ما في مقعد .. يمكن اضطر احجزلها في حضني .. ويمكن في عيني ... المشاركة الأصلية بواسطة subzero نعممممممممممممم ...
الحب متل الانفلونزا ... ساري ... المناعة منه ما بتفيد لأنه بيجي بأشكال مختلفة .. علاجه عرضي .. والزّمن كفيل فيه .. إنذاره متنوّع حسب الشخص ... بس عموماً جيّد .. بنصح الكل يحبوا .. فيك تقرا الحب في مجتمعاتنا المكبوتة - الدوافع والجوانب النفسية حبّوا ... أسئلتك حلوة  |
|
#43
Mar, 30 2008, 05:43
| |||
| |||
| أهلاً أهلاً أبو الزوز .. رجاع كذا صفحة .. د. موفي كان عم يحكي على مفتاح جدك بالعاطل ... المشاركة الأصلية بواسطة d.zf
المشاركة الأصلية بواسطة d.zf ضاع .. كما يضيعُ الصَّوتُ في صمتِ الأُفق ...
المشاركة الأصلية بواسطة d.zf ميلاد صار أنضج ... أكثر تنبّهاً ووعياً ... أقوى .. أقدر على الأخذ بالحياة ...
المشاركة الأصلية بواسطة d.zf طبعاً للأحسن .. له يا أبو الزوز ... اكتساب صفتي النضج والهدوء .. يعني أحسن ...
أبو الزوز ركّز معي أكتر لما بدك تسأل المرة القادمة المشاركة الأصلية بواسطة d.zf المنتدى واللي فيه .. من كل نوع ولون ... ناس مختلفين .. ومصالح عديدة متضاربة .. علّموني حبّك علّموني.. على حبّك فتّحولي عيوني ..
الدبلوماسية ... التفاوض .. التوفيق ... ضبط الغضب .. القيادة .. الإدارة .. صارت عندي مسؤوليات وواجبات تجاه الموقع .. بتحملها أمام الأعضاء .. كتير إشيا .. وتنمت موهبة الدهاء عندي  شفت المجتمع على حقيقته .. غريب إنه هيك احكي .. بس هذا الواقع .. إنه في كتير اشياء ما تعرضت الها غير لما دخلت على الانترنت ... هذا بيطرح علامة استفهام كتير كبيرة حول مجتمعنا والخبرات الهزيلة اللي ممكن يمنحا لأبنائه ... يعني معقول ما شوف الاتجاهات الفكرية لأبناء مجتمعي غير على الانترنت؟ مدري ليه .. يمكن في شي غايب عني .. يمكن في شي خطأ فيني .. أو في أهلي .. أو فعلاً في المجتمع ككل .. ما بعرف .. |
|
#44
Mar, 30 2008, 05:46
| |||
| |||
| المشاركة الأصلية بواسطة zoro إي زورو .. حباب قلن ما يتآمروا علي مرة تانية
|
|
#45
Mar, 30 2008, 06:03
| |||
| |||
| المشاركة الأصلية بواسطة Ahmad Bsata أهلاً أحمد .. كيفك؟
طبعاً طبعاً لا شك .. يسلمو .. الله يبارك فيك وعقبال عندك .. المشاركة الأصلية بواسطة Ahmad Bsata أسئلة حلوة كتير ..
طبعاً رح احكي عن الأفكار بشكل عام .. وبدون تحديد .. سواءً كانت الأفكار فكرية دينية أو سياسية أو اجتماعية أو حتى على مستوى التجربة الشخصية ... كل الأفكار تحتمل الخطأ والصواب عندي .. وما هو صائب اليوم قد يكون خاطئ غداً .. وبميل للجانب اللي بريّحني وبيقنعني وبيتوافق مع مصالحي أنا وعائلتي .. لم أصل إلى الحقيقة .. ولا زلت أبحث عنها .. وسأبقى في حلقة تعلّم مستمر .. بصراحة بخاف قول .. وصلت وضل في مكاني .. والزّمان يسبقني بعدها .. أظن بطبيعتي ... بتّخذ قراري للمضي قُدماً ... وبجاري الزّمن ومتطلباته ... إذا عرفت إني مخطئ .. ممكن أصحّح الخطأ .. وهذا الصح اللي لازم يصير .. نظريّاً على الأقل ... وممكن ما أصحّح الخطأ لأنه تصليحه بيتعارض مع مصلحتي .. وممكن ما يكون في إيدي اعمل أي شي ... وعموماً لدي الشجاعة والصدق الكافيين للقول بأنّي مخطئ .. وطبعاً هيك خطوة بتكون مناسبة لمصلحتي كمان .. ورجاع لمشاركاتي القديمة .. رح تلاقي أفكار مختلفة ومتنوعة ومتناقضة مع اللي أنا فيه حالياً .. وكلامي هون بيجي يوم بقراه وبضحك عليه |
|
#46
Mar, 30 2008, 06:14
| |||
| |||
| المشاركة الأصلية بواسطة سنفور أهلين مرهف .. بعد زمان ..
ما بذكر إني كنت بموقف سياسي غير منتمي ... كنت قومي عُروبي .. ولما فقدت الأمل .. قرّرت إنه جهدي لازم يكون موجه في الوطن وبس .. وبعدها .. قرّرت إنه يكون جهدي موجّه لمستقبلي وهون الجدوى أعلى ... نعم صرت أقوى .. وصرت ميلاد أكتر ... |
|
#47
Mar, 30 2008, 06:22
| |||
| |||
| شنكول...و ميلاد يا ترى هل شخصيتين متطابقتين؟ ام بيختلفوا عن بعضون؟ و لأي درجة الاختلاف ، إن وجد؟ هل شنكول هو الاكثر دبلوماسية لان المنتدى يتطلب ذلك...ام ان الشخصية الشنكولية تصب في صفاتها بشكل مباشر بشخصية ميلاد بحيث لا نجد فارق بين الشخصية الالكترونية و تلك التي على ارض الواقع؟ و في حال وجود الاختلاف..أي الشخصيتين تفضل اكثر او دعنا نقول...تحب ان تعيشها اكثر؟ Shankool..من أين جاء هذا الاسم؟ ما بدي اصلو الاغريقي او الياباني..يعني ليش خطرلك تمسي حالك عل منتدى هيك؟ و لو ماكان شنكول...فأي اسم كنت اخترت سواه؟ شنكول و الأدب: شو آخر كتاب قرأتو (عدا كتبك الطبية)؟ عندك كتاب او رواية مفضلة؟ هل من كاتب مفضل؟على مستوى الادب العربي و غير العربي؟ و هل يوجد كتاب أثر فيك بحيث قلت هاد غيرلي حياتي او نظرتي للعالم...او شخصيتي؟ هل برأيك التثقيف الأدبي ضروري؟ ام مثلاً الحياة كفيلة بتعليم المرء ما يحتاجه؟ شنكول و الشعر: شفنا لشنكول بعض الاشعار يلي كتبها...و مرة من المرات على ما اذكر قلت بأنك تركت الكتابة (او مو تركت بس ما عدت تكتب متل الاول..ما بذكر تماما يمكن الذاكرة خانتني)...يا ترى متى بدأت؟ ولماذا تركت؟ و ما هو اجمل ما كتبت؟ ( اطلعنا عليه اذا مافي مانع - هلق بقلي موجود عل موقع- ) عندك شاعر مفضل؟ في حال الايجاب...من؟ و لماذا هو بالذات؟ و هل لديك بيت او ابيات شعرية مفضلة بتحبها اكتر الشي؟ شو هي في حال وجودها؟ اثناء ما عم بكتب هل اسئلة...يعني وش الصبح...اذ بطفل الجيران يبدأ بالبكاء (لسع ما فاقت البناية على صواتو..بس انا سمعتو) ياترى بالمستقبل...ان شاء الله و صار عندك عيال..و بلش ابنك يبكي  ..وش الصبح وقت بتحلى النومة...شو بتعمل؟ بتسب عليه؟ بتقلها لمرتك قومي سكتيه؟ ام مستعد انت تقوم تسكتو و تخلي حرمتك نايمة بهدوء؟ يالله مبدئياً بكفي..مشان ما نتقل عليك... |
| قال العضو التالي أسمه شكراً لك يا flower على هذه المشاركة المفيدة: | ||
|
#48
Mar, 30 2008, 09:25
| |||
| |||
| المشاركة الأصلية بواسطة flower متطابقتين غالباً .. وما أظن في فرق بين الشخصيتين ... ما عندي شي خبّيه أو اخجل منه على أرض الواقع .. لحتى كون على الانترنت شخص تاني ...
طول وجودي على الانترنت ... كنت ميلاد الحقيقي .. بدون أي تزييق وتحوير .. شنكول مجرّد اسم ثاني لا أكثر ... القريبين واللي احتكوا معي .. بيعرفوا إنه ما في فرق .. بتوقع بس إني بظهر هون أقوى ... بس إني اظهر بشكل مختلف غير إني أتصرف أو أغير من نفسي ... المشاركة الأصلية بواسطة flower أول ما فتح المنتدى كان اسمي master .. اسم بايخ ..
دخل بعدي مرهف وسما حاله سنفور .. عجبتني الفكرة .. وسميت حالي شنكول ... بكل الأحوال ما كنت بدي اكتب ميلاد ... ولو ما كان شنكول كنت اخترت ميلاد المشاركة الأصلية بواسطة flower آخر كتاب قرأته كان في أواخر الصيف .. وما خلصته .. اسمه "موسى والتوحيد" لسيغموند فرويد ... هذا على صعيد الكتب ..
طبعاً يمكن بديان بقراءة 10 كتب بدون ما أخلص ولا واحد .. أدبيّاً .. كنت بالصيف عم اقرأ مجموعة روايات مترجمة لعزيز نيسن (تركي الجنسية) .. الترجمة ما كانت منيحة ... فيها أخطاء لغوية كتيرة .. عموماً ما كتير بحب الروايات .. بحب الشعر أكتر .. ما كتير إلي صحبة مع الروايات .. وما قريت شي عالمي ... والقراءات التقنية أخدت من وقتي أكتر بكتير ... قريت منيح .. وباللغة الإنجليزية .. كتير من الكتب والملخصات التقنية .. المشاركة الأصلية بواسطة flower ما في كتاب أو مؤلف لوحده غيّرني ...
من سنوات عديدة .. ركزت على الدراسات والبحوث السياسية ... وهي اللي غيّرتني .. بدون ما يكون في كاتب محدّد .. المجموع هو اللي غيّرني وأثر فيني .. المشاركة الأصلية بواسطة flower ضروري ... بس ما بيغني عن الحياة .. ولا الحياة بتغني عنه ...
المشاركة الأصلية بواسطة flower بلّشت بصف التاسع ..
اشتغلت على صقل موهبتي بالعاشر .. بعد ما تعلمت العروض وأتقنته .. وكان أستاذ العربي أحمد جغل .. يحبني .. ويدعمني .. ونتناقش كتير بمسائل الشّعر .. وكان يشوف كتاباتي وينصحني .. تركت لأنّي ما عاد إلي بال اكتب متل أوّل ... وما عدت فاضي .. فضلاً عن إنه ذوقي الأدبي تغيّر وما بقى حب شِعْري .. وإذا بدي ارجع لازم ارجع بشي جديد .. بيرضيني .. لحد هي اللحظة بدي ارجع اكتب .. بس ماااااااااااااااااانييييي ييييي فاااااااااااضيييييييييي .. وما لي خلق .. أجمل ما كتبت بيت من 3 - 4 سنين .. وكمّلته ببيت من عدة شهور .. وهذا النمط اللي بحبه .. قالبه كلاسيكي ... بس فيه شي جديد: أَنْصِتْ .. فَقَدْ آنَسْتُ مِنْكَ هَديلا وَلِروحِكَ النَّشوى طَرِبْتُ طَويلا أَنْصِتْ وَقَد أَشْعَلْتَ نايَكَ بالرُّؤى وَصَبَبْتَ وَجْدَكَ، في المَسامِعِ، نيلا من الشّعراء: بحب الصّوفيّين .. متل الحلاج .. ومولانا جلال الدين الرومي ... عم دوّر على المثنوي وما عم لاقيه في سوريا ... وبدي اقرا لابن عربي .. قريت المعرّي ... بحب جميل بثينة ... شاعر رقيق ... بحب المرحوم أمل دنقل ... الشاعر الجاهلي في العصر الحديث ... بحب الكلاسيكي القديم .. متل المعلقات .. بس مو الكلاسيكي الحديث ... بحب نزار ببعض قصائده .. المغناة تحديداً .. لأني ما قريت إله شي غير مغنّى ... وعلى الانترنت في مبدعين كتار ممكن يقرالن الواحد ... بمواقع عديدة ... أكثر شيء بحب الصوفيّين .. لأنهم أصحاب تجربة مميّزة ومدرسة فلسفيّة عميقة ... ما عندي أبيات مفضلة .. أشياء مبعثرة في رأسي .. هنا وهناك ... مثلاً من عند الحلاج: وأيُّ الأرضِ تخلو مِنْكَ حتّى تَعَالَوْا يَطْلُبونَكَ في السَّماءِ؟ تَرَاهُمْ يَنْظُرونَ إليكَ جهْراً وهُمْ لا يُبصِرونَ مِنَ العَماءِ! المشاركة الأصلية بواسطة flower بقله يا ابن الـــ ... وبقلها لحرمتي .. قومي يا حرمة شوفي شغلك
إيوااااااا |
|
#49
Mar, 30 2008, 10:29
| |||
| |||
 كملن مرة ...... أول شي تحية لأبو الميل  .....أجوبتك لديدة كتير so far so good طيب ....... بتتدكر أليس ؟؟ ......مو آنسة الانكليزي هه ....أليس في بلاد العجائب  كانت تاكل البسكوتة .....وتصغر ...... وتعدي من الباب السري .....وتروح على عالم خيالي حلو ...ساحر فيو أرانب ...وجنود من ورق الشدة ....وملكة سمينة كل واحد فينا عند بابو الخاص ....اللي بيفوت منو على عالمو الخاص ..... حكيلنا عنك ....وصفلنا عالم الخيال الشنكولي ..... شو فيه ؟ .....مين سكانه ؟ ......بتحب تروح لهنيك و تسرح فيه كتير ؟ ......بتهتم فيه وبتحدثو باستمرار ؟ ....... والأهم من هيك برأيك هي الظاهرة سيئة ولا مفيدة ....يعنني حلو أنو يكون عنا واقع افتراضي بيرضينا وبيشبع تطلعاتنا نهرب لعندو لما منتعب ...ولا لازم نكزن دائما على أرض الواقع ونواجه كل الظروف بدون اللجوء إلى الخيال ......؟ تحياتي |
| قال العضو التالي أسمه شكراً لك يا subzero على هذه المشاركة المفيدة: | ||
|
#50
Mar, 30 2008, 11:38
| |||
| |||
| هي انا مرة تانية --اذا رح تتعلم لغة جديدة ...اينا لغة بتختار? بتوقع تقلي تركية --كم ساعة يوميا بتقعد ع النت ? --اذا عطوك هديتين و قالولك اهدين لمين ما بدك ...لمين بتهدين ( غير شنكولة ..مين ) --ع اي اساس بتعتبر انو يومك كان حلو و مميز : 1-كان ترفيهي 2- كان مردودو المادي كويس 3- كان مردودو الثقافي كويس 4- انت ابدعت شغلة جديدة بعرف كلن ...بس بدي ترتبلي ياهن ..اينا خيار بيبسطك اكتر شي --لنتخيل هلء شنكول بعد مدري كم سنة ...المهم مستقر ماديا و معنويا ..عندو عيلة وولاد و كل شي تمام ان شاء الله بعد ما تتفرغ ....عندك شي مشروع مميز و لا عادي انو بتعيش عبتشتغل شغلك و بتمارس هواياتك و متابع اسرتك ? --شو بتنصح اي شب لساتو باول المشوار ..سواء بكلية الطب او بغيرا ? و يسلمو ع ترجيع الجاكيت الاخضر...هكذا عهدناك يا بابا شنكول ...بتزعلك يومين و بترضى لحالك |
| قال العضو التالي أسمه شكراً لك يا amarel على هذه المشاركة المفيدة: | ||
| Bookmarks |
| Tags |
| مقابلة, ميلاد, شنكول |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منظمة العفو تدين تهديد حرية التعبير على الانترنت | Article Bot | مقهى الملتقى | 8 | Dec, 21 2006 16:47 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
| أنا بتنفس حرية .. جوليا بطرس | zorba | الموسيقى | 1 | Nov, 26 2005 19:52 |
كل الأوقات حسب GMT +2، والوقت الآن 05:49.
