شنكول ... يتنفس حرية ...
يدور هذا النقاش حول شنكول ... يتنفس حرية ... في قسم لقاءات في الملتقى الطبي السوري; قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة .. بقصد جعل الملتقى الطبي السوري أكثر تلاؤماً مع الأعضاء نفكر بإنشاء قسم جديد لاحتواء
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Mar, 27 2008, 22:03
| |||
| |||
 شنكول ... يتنفس حرية ... قصة ملخبطة مابتعرف منين تبداها ... وأحيانا بتشك انها ابتدت قصتنا بتحكي عن أشيا غريبة ..
تسمعلك تحذير .... من كتر التحشيش
المشاركة الأصلية بواسطة Shankool وأحيانا غنية 
المشاركة الأصلية بواسطة Shankool بس بدك ما تواخزنا
قصتنا معها انحراف طرب المشاركة الأصلية بواسطة Shankool
وإذا ما كنت بتعرف بالموسيقا والطرب .... المشاركة الأصلية بواسطة Shankool
بس اذا بدك نعلّمك ... فلازم تكون طالب مجد وشاطر ... لأنو نحن منعصب ...وممكن نطلع عن طورنا  بس حتى لو حبينا نطلع عن طورنا ... فنحن مؤدبين ومنستأذن  المشاركة الأصلية بواسطة Shankool
وحتى لو عصبنا وطلعنا عن طورنا ... بيضل قلبنا حنون  ... ويمكن نسونجي المشاركة الأصلية بواسطة Shankool
والقلب الكبير الحنون .... بيسأل عن راحة اللي حواليه المشاركة الأصلية بواسطة Shankool
بس هالقلب الكبير ... دبلوماسي كمان فإنت إذا سمت شبيك لبيك المشاركة الأصلية بواسطة Shankool
فهادا مابيعني انو في شي رح يكون بين ايديك  المشاركة الأصلية بواسطة Shankool
لأنو نحن مامنجبر حدا على شي ... ولا منحب حدا يجبرنا على شي ومنرفع شعار ... "إني أتنفس حرية" وبدنا الكل يتنفس حرية ... الكلللللللللل لازم يتنفس حرية ولك غصب العنكم بدكون تتنفسو حرية  قصتنا فيها دموع ودم المشاركة الأصلية بواسطة Shankool
وحب كبير وذكريات ما بتنتسى .... لدرجة بتحس انو الرومنسية بقصتنا هية اللي خلقت الأبدية في الحب بس لا تتفاجئ إذا شفت الرومانسيكي عميحكي عن انو الحب هو مجرد تفريغ لكبت ... وبينقلك لمرحلة من الحسابات والجمع والطرح في الحب ... لدرجة بتصير اذا بدك تحب لازم تعمل بورصة قصتنا هيك فيها تناقضات فيها كر
وفر المشاركة الأصلية بواسطة Shankool
فيها فرح وخفة دم وروح رياضبة ... المشاركة الأصلية بواسطة Shankool
بس هالروح الرياضية مابتعني انو نقبل يدخل غوول بإنفنا .... عفوا ... قصدي بمرمانا المشاركة الأصلية بواسطة Shankool
شنكول .... نحن بانتظارك تتنفس حرية بصوت عالي تكر وتفر وتتقبلنا بروح رياضية  بانتظار البطاقة الشخصية |
|
#71
Apr, 01 2008, 21:12
| |||
| |||
| شنكول ولا ميلاد ؟؟؟ .......... وليش؟ يا ترى إذا بيصير عندك (أو صار - ما بعرف أنا) "بنت حبّوبة" : بتدخلها عالمنتدى ؟  |
| قال العضو التالي أسمه شكراً لك يا Kliopatra على هذه المشاركة المفيدة: | ||
|
#72
Apr, 01 2008, 22:24
| |||
| |||
| أهلين كليو  المشاركة الأصلية بواسطة Kliopatra انسألت سؤال سابق إذا في فرق بين التنين .. وكان ما في فرق يُذكر ..
لما بدي أختار فبختار على أساس مقارنة ... بالنهاية بختار ميلاد لأنه هذا أنا .. شنكول غالباً جزء مني .. وليس شخصاً مستقلاً بذاته ... المشاركة الأصلية بواسطة Kliopatra ما فهمت المقصود تماماً ..
قصدك بنت ابنة؟ وشو يعني " بتدخلها عالمنتدى"؟ أعزمها ... أما أسمحلها؟ إذا قصدك ابنة ... والسماح .. فما عندي مشكلة .. إذا كانت عزيمة .. فهذا بيتوقف على اختصاصها ... وبيتوقف على معرفتها للغة العربية .. |
|
#73
Apr, 01 2008, 23:05
| |||
| |||
 طيب ......خلينا نشعللها باعتبارك بابا تبع الموقع  .....عبر في ثلاثة أسطر على الأقل ( ,وبصراحة شنكولية فائقة ) عن كل من أولادك التاليين : nobody dr.mohi turbo the king dzf flower amarel abd.farah keane subzero .........أمري لله ...س لاتحكي كل شي هه  وسام غريب صادقلي  |
| قال العضو التالي أسمه شكراً لك يا subzero على هذه المشاركة المفيدة: | ||
|
#74
Apr, 01 2008, 23:47
| |||
| |||
| يالله يارب لك تضرب بمنظرك عهالأجوبة وقسما بالله اذا بتجاوبني عأسئلتي بهالدبلوماسية المكشوفة بدي أ... شنكول ليه عبتجاوب هيك؟ برأيك قديش نسبة العمق بأجوبتك؟ طبعا عبحكي عن الأسئلة اللي بتقترب من العمق؟ في تعليمات من فوق (من الداخلية ) إنو ما يطلع المخبا؟ ليش عبتهرب من الاشيا اللي عمتقرب منك وبتحول الاجابة لرد مازح بطريقة بايخة ومكشوفة وعبتبين تهرب؟ مو ميلاد هو اللي بيقول أنا مابخجل من شي موجود فيني ومابخبي شي وانا صريح وماعندي شي اخجل منو؟ ميلاد عميحكي عن الكتابة وانقطاعو عنها ورغبتو اذا رجع بالانتقال لمستوى أكبر بكتير من اللي كان عليه ... برأيك مو الكتابة عند شخص (غير محترف= مو مهنتو) هي عبارة عن رسم لصورة او حالة عم يحسها ... وهالرسم بيطلع على قد مهارة ايد الرسام ... وبالتالي وكونك بتكتب وإن لم تنتقل بمستواك إلى الامام ... فانت لما بتوقف عن الكتابة فبتكون بس عمترجع لورا بعدم الممارسة؟ يعني الانسان بيتطور على أي صعيد (والكتابة أحدها) بالممارسة ... فانت عبتستنى نقلة ربانية تنقلك باتجاه الافضل ؟ عمحس بحكي شنكول صيغة جديدة عمتقول أنا بهالمكان بكون على قدر ما بهالمكان (شوف ردك على هايل ستون) وبمكان أخر بيطلع مني جزء بيناسب هالمكان ... برأيك هالحجب لجزء من شخصيتك واللي متعلق بمجموع فكر الاشخاص اللي عميحيطو فيك بلحظة معينة مابيمثل ولو بدرجة بسيطة رياء؟ استخفاف بالاشخاص الموجودين حواليك بانو هدول ماضروري اتعامل معهون وتظهر مني هالجوانب هي من شخصيتي كونهون ممكن مايتقبلوها كتير... أو هنين أغبى من انه يتفهموها؟ وهادا بينقلني لسؤال... شنكول إلى أي درجة مصلحجي وحرباء بأي شي عبيعملو ؟ شنكول بدو يتنفس حرية ... ولما حكا شنكول بمناسبات عدة عن الحرية اللي بدو ياها واللي راكد انو يتنفسها ... طلعت هالحرية ... وبصراحة ... كتير تنفسها سهل بمجتمعنا .... بتكلفك اشيا بسيطة لحتى تتنفسها ومابدها اكتر من شخص قوي بنسبة بسيطة ليقدر يتنفسها بما فيها من تبعات مابتشكل اكتر من غبار بيدخل مع أي نفس بتاخدو لصدرك ... انا اكيد لهون عبفترض اني ماعبفهم شو الجوانب اللي عميختنق شنكول بدونها فيما يتعلق بالحرية ... عطيني بعض جوانب الحرية اللي بتشكلك ازمة اذا ما تنفستها ... حابب شوف وين عميختق شنكول وبهالدرجة العظيمة ... ولا شعار الحرية والمطالبة فيها هو عند شنكول مجرد بريستيج بيتخبا وراه متل ما بيتخبو كتيرين ورا شعار القومية وحب الارض والوطن والقضية بس ليقولو أنا هون وبصوت أعلى شوي من غيرهون ...؟ وبعد ماتعطيني جوانب هامة بحياتك انت عبتختنق فيها لانو محجوبة عنك الحرية ... عطيني لكل جانب من هالجوانب المدى اللي بيشكل فيه أهمية لاستمرار حياتك ... اكيد هالجوانب هية كتير مهمة ... وإلا شنكول ماكان عمل شعار حياته فيما يتعلق بالبحث عن هالجوانب ... وبعدين قللي قديش بيكلف كل جانب من الجرأة لانك تتنفس فيه الحرية ... و ورجيني كل جانب قديش صعب ومعقد انك تتنفس فيه الحرية وبراحتك ... وحتى لو كان بدك تتنفسها بمنعزل لحالك ... حتى لو غيرك قللك مابيصير تتنفسها ؟ ومنضل بالحرية ... شنكول اللي بدو العالم تخليه يتنفس .... إلى أي درجة بيخلي هالعالم تتنفس حرية ... وبصراحة مشان مصداقية الجواب ... كم مسبة ممكن ياكلها شخص متطرف (دينيا) مثلا عميحكي عن مبادءه منك ... شنكول ما بيعتبره مابيفهم وحمار لانو بيخافه الرأي؟ وين التقبل للرأي الأخر؟ هلأ بتقلي أنا بتقبله اذا مابيلغيني ... ليش انت مو عبتنادي باءلغاءه لانو متطرف بعكس اتجاه تطرفك؟ انت مالك متطرف يساري؟ شنكول عميحكي عن تغيراتو وتقلباتو والشي اللي وصله على الصعيد الفكري والسياسي ... وشنكول تغيراتو الفكرية والسياسية ليست لتحسين المستوى الداخلي الشخصي فقط ... وإنما هية كمان للتبجح والتنظير وارتداء بريستيج المفكر اللي قريانلو كم كتاب ومقالة وعلى أساسها بعد سنة او سنتين تحول من المجموعة أ إلى المجموعة ب ... والشي اللي وصلانلو شنكول فكريا هو للطرح والنشر والاذاعة ... ويتم الحديث عنه والدفاع عنه بعد اعتباره انه الأفضل ... وممكن شنكول يعمل موقع شخصي (طبعا هو عامل وخالص) لنشر افكاره لتشاركينيها طيب ابو الشناكل ... برايك مو لو بشوية تفكّر ممكن تلاقي انو الصواب بيقول لشخص غير مستقر (وأنا ماعماقول انو المفروض الانسان يصل لسكينة مطلقة فكرية وإنما لاستقرار بعيد عن تغيرات جذرية) انه لازم يستنى لحتى يستقر وبعدين يتبجح باللي هو وصلانله ... ولا منضل على مبدأ كلما جاءت أمة لعنت سلسفين ابو اللي قبلها؟ فكلما وصل شنكول لتغيير جديد بفكرو بينسف القديم وبيبلش بيخانق (مجازيا) في سبيل القضية الجديدة ؟ ولا موضة العصر هية الانتماء والسفسطة فيما يتعلق بفكر هالانتماء ... وانت حابب تمارس هالموضة؟ ياريت بأخر سطر من ردك تكتبلي كم ضعف كان ممكن تطلع المشاركة اللي فيها الرد لو رديت بدون ماتحسب الف حساب وبدون ما تمحي أسطر متل ما عمحس من بعض مشاركاتك السابقة بانتظار الرد للتقدم بعد ذلك مشاركة للامام مالم تزهق دبلوماسية شنكول وتحنّكه المصطنع المكشوف المشاهدَين حتى اللحظة هذا التقدم ... |
|
#75
Apr, 02 2008, 01:45
| |||
| |||
 مرحباً بعد زمان مساء الخير أكيد بعد زمان شو أخباركم اشتقنا للمنتدى استغربت أنو ادخل عل منتدى و تكون مقابلة شنكول  يعني و أخيراً حسنتوا تحطوه على كرسي الاعتراف لهيك خطر على بالي كم سؤال ليش شنكول ما رضي يقعد على كرسي الاعتراف لحد الآن يلي مر عليه كتيرين ؟؟ خوف و لا رغبة برسم هالة و غموض و شو يلي خلاك تطلع هلأ ؟؟و مين؟؟ و ليش؟؟ إذا حدا تابع الأخبار الفرنسية و شاف قصص الرئيس الفرنسي و مرته الجديدة , الصحافة عم بتابعه كانه نجم ستار أكاديمي و هو عم يشجعها على هل شي و كيف تغيرت الصورة و راحت الهالة يلي كانت للرئيس و كان ممنوع يفرجوا حياته الخاصة.................... برايك شو الأصح ؟؟؟ انو يحوط الرئيس حاله بهالة و لا يكون قريب من الشعب بتصرفاته و قصصه مفتوحة للكل بشكل عام بتعتبر حالك من مستخدمي الاقنعة لأسباب ديبلوماسية او تأقلمية ......... , و لا بتخلي وجهك مفتوح و بتعبر عن نفسك و يلي عجبه عجبه و يلي ما عجبه ما بيهمني المهم يلي متلنا يجوا لعندنا شو بدي بالباقي ماحسنت أقرا كل الصفحات بس قريب هل جواب لهيل ستون ( أنا عندي سياسة في التعامل مع العالم .. ما بكشف كل شي .. وصار كذا شخص قال إني غامض رغم إنه قريب .. وأنا متفاجئ .. كنت فكّر نفسي واضح ومكشوف .. يعني حتى القريبين .. عم يعانوا .. من غموضي .. مع إني مو قاصد هالشي ..) برأيك شو سبب هل شي ؟؟ ليش كان تقديرك غلط لظاهرك ؟ نقصت من التعمق بشخصيتك , و لا تعمقت زيادة فما عدت حسنان تشوف الظاهر يلي عم يشوفوه يلي حواليك بتعتبر عندك ضعف بالتعبير عن نفسك ؟؟ ياترى عدم اهتمام انو تعبر للقريبين منك عن نفسك و أحساسيسك و لا عندك حب انو تكون غامض , لانو بيخليك تطوي جزء من نفسك و تحميه من العوامل الخارجية و لا الغالبية العظمي قاصرين على ان يفهموا شخصيتك لأنو الغالبية ما بيشوفوا أو بيفكروا غير بالسطحي و إذا يوم من الأيام شريكة حياتك شكتلك من بعدك و غموضك شو رح تعمل ؟ رح تعتبر هي ما بتفهمك و أنت أعمق من أنو نتفهم و لازم تبذل جهدها أكتر و لا في شي لازم تغيره , و لا الوضع هيك أحسن مافي داعي تعرف كل شي براسي خليني عم أخطط و أفكر على رواق و إلا بتروح قيادتي للامور كتير ناس بيحكوا شي عن نظرتهم للأمور و كيف مفكرين يتعاملوا و بصدق ما قصدهم يكذبوا بس على الواقع هل شي بيختلف ( طبعاً الحكي عن الامور يلي بالإيد ) , و السبب الرئيسي عدم فهمهم لحالهم و لشو بدهم حتى يعبروا صح عنه و قلة تجربة انت وين بتعتبر حالك من هل حكي؟ قديش نسبة فهمك لحالك؟ ياترى بتعبر شخصيتك و أفكارك عم تتغير وو تتطور بشكل سريع و لا ثابتة و ماشية ببطء للامام ( طبعاً كل انسان إله أمام خاص فيه ) و لا ( ما بظن ) لساتك بمرحلة تحديد الذات , ياترى لسا في شغلات ما بتفهمها من حالك ليش عملتها هيك و ليش رضيتها هيك !!!!!! و شو هي هل شغلات؟ قديش درجة مسايرتك و تأقلمك بالأمور المهمة بالنسبة لإلك بس فيها طرف تاني بيهمك أمره ؟ العلاقات العامة يلي حكيت عنها بردودك ياترى قديش قدرتك على الاستغناء عنها إذا كان وقتك ضيق وعندك صعوبات و إذا كان بحياتك هدف كبير و بده تكريس قديش قدرتك على الاستغناء عن المنتدى شو بتعمل إذا مسار حياتك تغير فجأة و كنت انت السبب بتغيره , متل شيارة رح تفوت حادث و عندك بإيدك الكونترول وغيرتلها طريقها بعد جهد جهيد , شو بتعمل بعد هل تجربة ؟ بتصف على جنب و بتتحمد ربك و بتتأمل باقي السيارات المارة زعلان عليهم و بتقول بكرا في حوادث كتير و لا بتضل عم بتسوق مباشرة لتكمل طريقك حتى لو انكسر بلورك و ظروف السواقة صارت اصعب و لا ما بتحس بشي....... عادي كل يوم حادث جاي و حادث رايح انت قدها و قدود....... و لا بتترك السيارة و بتاخد تكسي عل بيت بطلت السواقة كلها لبينما الله يفرجها عليك بقرار جديد الشخصيات يلي ما بتعجبك و ما بتعجبك ردودها و مضطر ترد عليها , كيف بتتصرف ؟ بتقرا الرد و بتمخمخ فيه و بتجي بتكتبله رد المسوية خوفاً من التغليط بالحكي و رعبة بانو يكون ردك متقن لأنو هدول ناس واقفينلك على دقرة و غلطة الشاطر ( يلي هو انت ) عندهم بالف و لا بترد عليه لأنو بتحس عندك قدرة الرد السريع و قبلما تهرب الافكار و ما تعود مشتهي تكتب رد المسا و لا بلا الرد كله على بعضه بيجوز شي يوم من الأيام ارد ما رح يموت قهر اصلاً ما ما بتهمي هل شخصية و لا شو رايها بردي , مافي نتيجة تناقشنا كتير عل فاضي خلينا نحكي عن المنتدى باعتبار صلي زمان ماني داخلة فما في أحسن أخد الاخبار من شنكول نفسه شو تقيمك للمنتدى بالوقت الحالي و شو تغير فيه لهل وقت بالنسبة للسنة الماضية؟ بهل سنة قديش مشي المنتدى لقدام ؟ سنة و لا أكتر و لا رسب سنة شو تقييمك للعلاقات بالمنتدى , خصوصاً العلاقات التعسية , تحسنت و صار في صيغة متفاهم عليها للتعامل و لا المشاكل زادت و تعمقت إذا انهديت أنو تختار رنة بغنية لموبايلك فشو الغنية يلي رح تختارها و شو رح يكون مبدأك باختيار الأغنية ؟؟ رح تختار غنية تعبر عن حالتك النفسية بهل فترة ولا تختار غنية يحبوها رفقاتك حتى ينبسطوا لما يخبروك و لا عشوائي إجتني هدية خليني احط شي غنية عل تيسير المهم غنية بحبها , و بتسأل شخص مقرب ينقيلك غنية على ذوقه حاج هيك  كانت شوية أسئلة خطرت على بالي انشالله ما يكون فيها شي مزعج بس مو كل يوم مقابلة المشرف العام |
| قال العضو التالي أسمه شكراً لك يا Elloni على هذه المشاركة المفيدة: | ||
|
#76
Apr, 02 2008, 15:00
| |||
| |||
| 1. بحب رحب كتير كتير بإللوني اللي كانت حاجبة نورها فترة طويلة بس ضلت بقلوبنا وبحب قلها ((منورة )) ووصلتي بالوقت المناسب !2. ميلاد ...... لا قصدي يعني  .......... يعني ............ يعني  3. لو انت ولدت من 1400 سني ... لما كان في 3 جماعات : -المؤمنين وأصحاب الرسول (صلى الله عليه وسلم) - شلة كفار قريش .. واللي منون استوحيت هالسؤال !- عصابة ابن سلول بتتخيل نفسك مع مين كنت صرت ؟ ولو هالشي انعاد بهالزمن ....... مع مين بتشوف نفسك ؟ |
|
#77
Apr, 02 2008, 17:48
| |||
| |||
| أنا بضم صوتي لصوت نو دبي.. وبصب غضبي الشديد ع ميلاد. هي ماي مقابلة،.. هي لف ودوران!!! .... مشاركات الناس والأفكار يلي عم يطرحوها بالأسئلة أكتر من الأجوبة، وبتخلي الواحد يتساءل ويستمتع أكتر من الأجوبة، يلي غالبا عم تحط حد للسؤال بكلمة أو كلمتين جواب!!.. ما بدي قول ما هدا ميلاد، لإني ما عدت أعرف مين ميلاد.. .. فيك تتجرد شوي عن موقعك السياسي كمدير منتدى، ولتنزل بصفتك الشخصية كميلاد صاحب فكر فردي مستقل؟؟ فيك تبطل شوي ع الأقل لمدة أسبوع (دبلماسية) ع حد تعبير نو بدي، وتحكي عن حالك إنت..؟ في أزمة حقيقية لما بتتماهى شخصية الفرد مع الموقع يلي عم يحتلله، .. لحتى يصير الموقع لابسه تماما.. بقللك الوزير الفلاني (أي وزير) أنا ما بوافق شخصيا ع أي شي من هالخطة.. بس لما بيحكي كوزير بقول الخطة احلى منها ما في وهي مفتاح المستقبل..! هلأ، دائما الوضع المثالي إنو يكون الموقع منسجم مع الشخص، يعني هذا الوزير لكونه بفكر بطريقة معينة صار وزير والخطة يلي بيحكي فيها هي بنت أفكاره.. هدا الوضع أحسن شي.. الوضع الأسوأ شي.. إنو بعد ما يكون عنده أفكاره، بصير وزير، وبصير بيحكي حكي مختلف، وبتصير أفكاره بتتقولب مع الموقع يلي هو فيه وبصير بمعنى تاني .. "بيكدب الكدبة وبصدقها..".. .. سؤالي، إلى اي مدى إنت هيك..؟ .. وإذا اتهمتك إنك هيك إلى حد كبير، وباعترافك... فالسؤال.. شو بربح إذا كسبت اجتماع الناس من حولي وخسرت حالي؟؟؟ ..... السؤال التاني.. (كل شوق يسكن باللقاء لا يعول عليه).. إنت شو بتقول؟... (قبل 1400 سنة، كان محمد داعيا للمستقبل، وكان أهل قريش عبدة للماضي.. اليوم مجتمع الإسلام هم كفار قريش، والذين يكسر الاصنام هم محمديون..) شو رأيك بهدا التعريف الجديد للدين والكفر؟؟ بمعنى.. في ناس اليوم بتشوف إنو التدين التقليدي هو الكفر بعينه، بينما اللاإنتماء هو طريق الهدى!!!.. إنت وين؟؟؟ بتجيك احيانا حالات من الرضى الذاتي والشعور بالاكتفاء لحتى تقول بينك وبين حالك.. أنا الكون؟؟ أو أنا أعظم من عليها؟؟ صارت معك إنو شفت واحد عم يقول أنا أعظم من عليها، فعملت معه متل ما عمل عمر بابنه (رأيته أعجبته نفسه فاردت أن أحقرها في عينه)؟ بفلم هورتن هيرز اهو... بقول المايور لمرته، صار معك شعور إنو حدا عم يراقبك؟ وإنو هدا يلي عم يراقبك هو.... فيل؟؟ وإنو الكون يلي نحنا فيه هو غبرة؟؟؟؟ (الفلم للأطفال بس كتير حلو، بكون فيه الفيل هورتن شايل الغبراية يلي عليها كل عالم الهوفيل، ورايح يوصلهن لمكان آمن.. ) المهم.. شو رأيك بوجود عوالم متوازية؟؟؟ إنت هون، وفي ناس هناك.. وفي ناس ع مستوى تالت.؟؟ حكيت عن حلمك وأهدافك هلأ.. ليش صرت هيك؟؟؟ وإذا تحققت أحلامك شو بصير؟؟ شو رح تعمل بعد؟؟؟ ... لو كنت إله لكون صغير، بتعمل العالم الجديد على صورتك؟؟ بتعمل الناس كلهن مؤمنين فيك؟؟ وللا بتعملهن أشكال وألوان؟؟ وإذا كنت إنت النبي يلي "انتظر" سفينته في مدينة أورفليس.. وعند الوداع اتقدت المشاعر، وبديت تعطي تعاليمك النهائية.. وتجاوب ع أسئلة التابعين.. (حدثنا عن المحبة).. (حدثتنا عن الزواج..) (حدثنا عن الأولاد..) ... |
| قال العضو التالي أسمه شكراً لك يا سنفور على هذه المشاركة المفيدة: | ||
|
#78
Apr, 02 2008, 18:05
| |||
| |||
| شو هاد يا شباب ...  أنا ما عم جاوب بدبلوماسية .. بس ما عم احكي كل شي .. ما بدي أحيك كل شي .. ما بدّي صرّح بأية أفكار سياسية أو دينية ..  أكتر من إني قول: secular & liberal ما فيني .. عكل حال رح اقرأ أسئلتكم ... وشوف شو فيني جاوب .. عم تضغطوا علي كتير ...  |
|
#79
Apr, 02 2008, 18:53
| |||
| |||
| مفكر يعني بتنجو بجلدك إدا قلت لبرال وعلماني؟؟ ما هو أضمنلك وأكثر سلامة لو بتقول شو معنى كل وحدة منهن وتقول أنا ماني لبرال وماني علماني!!!! الناس بتحاسبك ع التسمية قبل ما تحاسبك ع معناها.. ويمكن يكون كتير من الناس يلي ضد كل واحد "علماني" بيتقبلو كتير من الأفكار العلمانية وبشوفوها كويسة.. بس لما بيسمعو كلمة علماني.. بقولو استغفر الله، علماني حقير كافر!!.. بس من جهة تانية، لو ما سميت حالك لبرالي وعلماني.. بسموك شيوعي وملحد!.. أحسنلك تكون لبرالي من شيوعي، وعلماني من ملحد.. ع كل حال، عند بعض الشباب كله واحد.. اللهم اسحق الكافرين، واللبراليين والشيوعيين والعلمانيين والملحدين.. !!.. كله بطاطا.. فأحسنلك إنك تحكيلنا شوي.. وتعترف.. |
|
#80
Apr, 03 2008, 13:14
| |||
| |||
| أهلين علاء .. كتبت كذا مشاركة ... وحكيت عن كل واحد منكم ... والحكي كان عن كل واحد .. حباب .. لطيف .. منيح .. عاطل .. ما تعاملت مع حدا منكم بشكل يخليني أعرفه بعمق وأحكي بثقة عنه .. لذلك سحبت مشاركاتي .. واكتفيت بهذا الرد .. ما رح أحكي عن أي شخص ما بعرفه منيح .. بعتذر منك |
| Bookmarks |
| Tags |
| مقابلة, ميلاد, شنكول |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| منظمة العفو تدين تهديد حرية التعبير على الانترنت | Article Bot | مقهى الملتقى | 8 | Dec, 21 2006 15:47 |
| صفحات مطوية من أجل حرية الشعب السوري | سوري أصيل | اجتماعيات | 0 | Apr, 14 2006 22:24 |
| أنا بتنفس حرية .. جوليا بطرس | zorba | الموسيقى | 1 | Nov, 26 2005 18:52 |
كل الأوقات حسب GMT +2، والوقت الآن 00:05.
