| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
 |
| | LinkBack | أدوات الموضوع |
|
#1
Apr, 03 2008, 21:13
| |||
| |||
 اعتصام الفئة الثامنة مرحبا يا شباب كيفكم و شو أخباركم ..... اليوم الفئة الثامنة ( الفئة المحمدية ) صنعت المستحيل و قدرت إنها تأجل مذاكرة التشريح ... بس أنا يللي خايف منه إنه هالاعتصام يللي صار اليوم ( على حد قول الدكتور وحيد ) يرسب نص الفئة بالتشريح .. أنا بأيد الدكتور وحيد إنه اليوم روحنا علينا فرصة ذهبية بالتشريح لأنه أنا عملت المذاكرة ( قبل ما تلتغى ) و شفت الأسئلة ... عن جد يللي مو دارس شي بيجيب 3 من 6 على المرتاح و بيجوز يجيب 4 كمان  أنا اليوم عن جد انزعجت كتير  لأنه عند جد حاسس إنه صار فينا متل ما صار ببراقش بالمناسبة أنا ما كان بدي مذاكرة و بنفس الوقت ما كان بدي تتأجل من شان نخلص منا و للأسف الظاهر إنه هالمذاكرة ما رح تعدي على خير على الرغم من أنه الدكتور قبل اعتذار الفئة ....   |
| قال العضو التالي أسمه شكراً لك يا Nightmare على هذه المشاركة المفيدة: | ||
|
#2
Apr, 03 2008, 21:28
| |||
| |||
| طول بالك يا كابوس,,,يس انا ما فهمت الموضوع منيح ,,,,و فيك توضحلي يا؟؟؟؟ |
|
#3
Apr, 03 2008, 21:38
| |||
| |||
| أي اعتراض على مادة الجنين ... يتم تقديمه في مقهى صباح مسا ... بعد الساعة عاشرة ليلا ... هنيك بتلاقي الدكتور طوني قاعد وعميفتها تركس للصبح  |
|
#4
Apr, 03 2008, 22:12
| |||
| |||
| القصة و ما فيها إنه اليوم كان عنا مذاكرة تشريح ( و أنا كنت متأكد من هالشي ) بس باقي طلاب الفئة كانوا متفقين إنه يعملوا حالهم مالن خبر من شان تتأجل للأسبوع الجاي ..... بس وقت يللي قال الدكتور وحيد دقاق إنه فيه مذاكرة ... قامت الفئة و ما قعدت و في اتنين كانوا رح يدبحوا بعضهم واحد بده مذاكرة و واحد تاني ما بده  المهم خالصنا الشباب ... بعدين ما بشوف غير طلاب الفئة بيهجموا على الدكتور على حسن من شان يقله للدكتور وحيد إنه يلغي المذاكرة ( على اعتبار إنه الدكتور علي حسن مستلم فئتنا كمان ) لكن محاولة الطلاب باءت بالفشل .. بعدين و وقت الدكتور فتح باب المخبر ليدخلوا الطلاب قام لقى نص الطلاب بالطابق التاني و قلن ينزلوا و ما كانوا ينزلوا ( و من هون اعتبر الدكتور وحيد إنه هاد الشي اعتصام ) المهم بعد دقيقتين بينزلوا الطلاب و معهم واحد من شباب الهيئة الإدارية و بيحكي مع الدكتور وحيد و كمان ما بيمشي الحال .... ( وكل هالاحكي صار و في جزء من الطلاب عم يدخل من شان يعمل المذاكرة ) بعدين إجا دوري و دخلت عملت المذاكرة و كانت الأسئلة سهلة بس بتفاجأ بعد دقيقتين و أنا واقف مع الشباب إنه الدكتور لغى المذاكرة و قللنا إنه المذاكرة (بطلب من الدكتور عدنان قناطري) رح تكون الأسبوع الجاي و قال إنه الأسئلة رح تجي شي مرتب ... بس والله الدكتور وحيد طلع كتير أكابر و بيقدر شعور الطلاب و نحن والله ما منستاهله لهالدكتور لأنه هو المنيح و نحن العاطلين ... و اعتذروا منه الشباب و قال الدكتور ( بعد ما اعتذروا الطلاب ) إنه الأسئلة يللي إجت اليوم أسهل من الأسئلة يللي رح تجي بنسبة 20% و انا هيك اتطمنت ..... و هي هي كل القصة يا (ملاك العتمة) |
| قال العضو التالي أسمه شكراً لك يا Nightmare على هذه المشاركة المفيدة: | ||
|
#5
Apr, 04 2008, 00:41
| |||
| |||
| شو ابو شريك.............لا تخاف......... الدكتور وحيد ما في منه ..........و هي من عندي اعتذار............ وعلى كل حال وضحنا الامر لاله ..........لانو كان فاهمنا خطا......... فلما طلعنا للطابق التاني.........مش عشان نعتصم .........وانما مشان تستدعي رئيس الهيئة ......... بس الظاهر انو الدكتور سامر رستم قدر يمون على الدكتور وحيد دقاق ويلغي المذاكرة........ يالله ..........هي .......هي ......رح ناكلها .......  وعن جد نحن ما منستحق دكتور متل وحيد دقاق......... يا خيو هالدكتور بشرح من كل قلب وضمير ..........  |
|
#6
Apr, 10 2008, 20:33
| |||
| |||
| شفت يا كينغ ... متل ما قال الدكتور وحيد ( الأسئلة يللي اجت اليوم أسهل من يللي بدها تجي الأسبوع الجاي بنسبة 20%) و هاد فعلا يللي صار معي ... الأسبوع الماضي كنت باخد 5 و هالأسبوع يمكن 4 أو 3.5 |
|
#7
Apr, 11 2008, 01:49
| |||
| |||
| ذكرتوني بأيام الفئة السادسة المحمدية ................. نحنا على أيامنا كنا ما بندخل على المذاكرة غصب عنا ، لازم تكون المذاكرة بالوقت اللي بدناياه ومو على كيف الدكتور . وكنا أحياناً نعمل اتفاقات على إلغاء المذاكرة رغم إنو الكل بيعرف إنو في مذاكرة والله كانت أحلى أيام بحياتي .  |
|
#8
Apr, 11 2008, 13:16
| |||
| |||
 المشاركة الأصلية بواسطة Nightmare والله ........بالنسبة الي......انا ماقدمت هداك الخميس..........
لانو متل ما بتعرف كنت مع التحالف.........  بس........... حسب ما شفت النموذج ب اسهل من النموذج ا.......... يعني علامات النموذج ب بين 4 و  6اما النموذج ا فبين 3 و 5  |
|
#9
Apr, 16 2008, 22:03
| |||
| |||
| و أنا كنت كمان نموذج ( أ ) الله وكيلك محضر القلب ما عرفت شو بده والله أنا شفت في خيط ... و جاوبت على أساسه تاري بدي يللي معلم بدبابيس و هيك طارت علامة لأنه ما قريت السؤال منيح |
|
#10
Apr, 16 2008, 22:04
| |||
| |||
| و من مضاعفات الاعتصام إنه الدكتور قرر إنه يمكن كمان يعمللنا مذاكرات شفهية .... يا حبيبي كملت معي  بكرة ال 4 بتصير 2 و ال 2 بتصير 0 و هيك برجع متل ما كنت عند طوني إيد من ورا و إيد من قدام |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| اعتصام أمام رئاسة الجامعة دعماً للطبيبة التي تعرضت للإهانة والضرب والتهديد بالسلاح | Shankool | الإخباري | 11 | Jan, 01 2007 08:33 |
كل الأوقات حسب GMT +2، والوقت الآن 06:58.
