السلام عليكم
القصة تبدأ تخرجت هالفصل من الادب انكليزي والمشكلة اني كنت ادرس ووقفت اي اني جالسة بالبيت ؟ ومن هنا ازداد وزني قليلا وحابة نزله قبل ما تتفاقم القصة
انا طولي 165 ووزني 65 وبدي نزل 5 كليلو جرام بس المشكلة كل ما بدا برياضة و برنامج بيجي روحة مع رفقاتي او مناسبة وبضطر لاكل حلويات وما شابه اللي بيضرب بالرجيم عرض الحائط المهم مباركة كنت بمعرض وشاهدت فيه دواء للتخسيس وقال بيعمل عالمعدة وانا اعرف ان اللي بيعمل عالمخ غلط بس عالمعدة امن بس محتارة استعمله ولا لآ اسمه اورليكال orlical 120 mg
thanks

الاخت الكريمة علا
انتي لا تعانين من أي سمنة فوزنك مقارنة بطولك ضمن الحدود الطبيعية
و انصحك بشدة الابتعاد عن أي ادوية للتنحيف اياً كانت فأنت لا تحتاجينها عدا انها للحلات المستعصية
لكن ان كنت ترغبين بمزيد من المعلومات عن كيفية اتباع نظام غذائي مناسب راجعي الموضوع التالي:
البدانة في حلقات
و أيضاً هذا الموضوع : القواعد العشر للتغذية الصحية

شكرا جزيلا الك اخت flower بس اذا بتريدي بالتاكيد انا اقتنعت معك بس من باب حب الفضول اسأل لماذا هذه الادوية والتي تعتمد على منع الامعاء من امتصاص الدسم غير مرغوبة وقد عملت بحث عالنت ولم اجد لهم اي تأثيرات جانبية ؟؟
اما انا الله يعيني على تنزيل هالخمسة اعلم ان وزني ضمن الطبيعي ولكن اريد اقل حتى احافظ على سوية معينة
وشكرا

اختي علا
اول الشي كقاعدة شبه معممة يمكنني القول مافي دواء الا و له آثار جانبية!
اول الشي بالنسبة للبحث عن دواء بالنت لازم تعرفي بأي اماكن عم تبحثي لانو غالباً رح تطلعلك صفحات شركات الادوية يلي همها تروج للدوا و تحقق مبيعات و ما رح يذكروا الكثير من التأثيرات الجانية هي اذا ذكروها اصلاً...
بالنسبة للدواء اورليكال (orlistat) يا ستي بيربط بأنزيم معين (lipase) نحن منحاتجة لتفكيك الشحوم الثلاثية و الشكل المفكك هو يلي بتم امتصاصه...بقى لما ما بيتفكك ما رح يمتصه جسمنا و رح ينطرح متل ما هو
طبعاً لما بتنطرح الشحوم رح يصير البراز دهني و ممكن كمان اسهال دهني و افرازات الجسم ستصبح دهنية كذلك ستزداد عدد مرات التبرز لانه يحرض حركة الامعاء عدا عن تطبل البطن (يعني غازات معوية)
و عند عدم امتصاص الدهون ستضيع معها الفيتامينات الذوابة بالدهون (E,D,K,A) و ممكن ان يتطور الامر الى عوز هذا الفيتامين
و هي المصدر

بشكل عام ادوية التنحيف يصفها الاطباء عند سمنة مفرطة و بدانة و غالباً بكون فشلت عمليات التنحيف و هل نوع من المرضى ما بساووا رياضة و لا شي...و في كتير من الاحيان بكون عندون كذا مرض متل السكري او القلب او ما بيقدروا مثلاً يمارسوا الرياضة...

بنصحك اذا كان مشان هل 5 كيلو يلي عم بتقولي عليهون فيكي بكل بساطة تتخلصي منهم لكن الشغلة للأسف ليست بالسرعة نفسها يلي اكتبستيهون...يعني شوية صبر...
اذا حبيتي تعملي رياضة و بنصحك بهل شي اختاريها بوقت من اليوم تضمني انو دائماً تقدري تساويها مثلاً صباحاً او اذا سجلتي بنادي عندو مواعيد محددة..
اما بالنسبة للأكل بكل بساطة اذا عزموكي قولي لأ...بدها شوية ارادة (خاصة ارادة على تخجيل العالم)
بس شوفي عملي برنامج سهل و مو extreme بحيث اذا بلشتي فيه و وصلتي بعد فترة للوزن يلي بدك ياه ما تتخلي عنه...يعني خليه صالح لكل زمان و مكان...مشان تقدري تحافظي على وزنك ثابت حتى وإن اختل توازن البرنامج مرة او مرتين

بشكل عام ادوية التنحيف يصفها الاطباء عند سمنة مفرطة و بدانة و غالباً بكون فشلت عمليات التنحيف و هل نوع من المرضى ما بساووا رياضة و لا شي...و في كتير من الاحيان بكون عندون كذا مرض متل السكري او القلب او ما بيقدروا مثلاً يمارسوا الرياضة...

بس حبيت نوه لشغلة ....

هي الأدوية تستخدم كخافضات للشحوم ......يعني مو ضروري يكون المريض بدين حتى نوصفها

وهالشي متل ماحكت فلاور ....عند مرضى السكري ....ومرضى التصلب العصيدي اللي عندن خطورة عالية للتطور لأمراض شريانية انسدادية ......وبيكون الهدف منها مو التنحيف .....وإنما الحفاظ على مستويات الشحوم ....وخاصة LDL ضمن الحدود الموصى بها حسب العمر والحالة المرضية


تحياتي

السلام عليكم
جزاك الله الف خير على هذه المعلومات القيمة
اما بالنسبة للدواء كما قلت الدعاية لها اكبر دور كنت بمعرض في فندق الشيراتون وتكلموا عن الدواء باسلوب جعلني اعتبره هو اقصر وافضل الطرق ولكني لم اجرب حتى سالت((فأسلوا اهل الذكر ان كنتم لا تعلمون )) اما بالنسبة للرجيم فقد قرأت هنا عالموقع مقالة عن الرجيم والسمنة واسبابها وطرق علاجها وبدأت منذ 3 ايام تقريبا ووضعت هدف كيلو بالاسبوع واعلم انها افضل ((اللي بروح بسرعة بيرجع بسرعة )) اما طريقة الرجيم فهي تعتمد على تنظيم الحياة من خلال الابتعاد عن الدهون والاعتماد على الخضراوات والطبيعي اي لم اغير نمط حياتي بالكامل حتى لا تصبح نوع من العذاب للجسم مما يجعله يعمل تخزين "وانا بالاصل مالي صحبة مع الحلويات اما اصدقائي فانا الان بلغت الكل اني برجيم ولا يتاملوا باي طلعة تحتوي ممنوعات من كريب وبيتزا وووجبات سريعة اما الرياضة
للاسف لم اجد نادي جيد وانا اسكن في منطقة قصر الضيافة"اذا بتعرفوا نادي ياريت" اكتر رياضة اتبعها هي المشي قدر الاستطاع واحاول ان امارس رياضة بالبيت بس المشكلة انها غير منتظمة لانها بالبيت ممكن فجأة تجدي شي يلهيك عنها المهم اني وضعت خطة وبدأت بالتنفيذ وهو انه خلال شهر وبهذا الاسلوب ساتخلص من 5 كيلو{قد تكون مضحكة ولكن لان تصلح الغلط من اوله اسهل من بعدين والمراقبة مهمة حتى لو اللي حولي مو حاسين فيهم بكفي انا حاسة }
اعتذر طولت عليكم شكرا كتيرررررررررررررررررررر على استجابتكم

طلب ليس فقط لي
مجتمعنا بحاجة لتوعية طبية عن كل شيء هل تعلموا اني اعرف عدد كبير من البنات في الاداب والاغلب لا يوجد اي معلومات طبية ولو صفيرة واعتقد انه دروكم في نشر التوعية الطبية
sorry طولت عليكم

كان الرد رائع و مقنع و جميل .
اتمنى انّ يصبح هذا المُنَْتدى أكثر حرفيةً .

شكرا جزيلا لك اخي alibrikaواتمنى ان تتولوا التوعية الصحية لان الاعلام يعمل بشكل كبير على خديعة الناس مثلا انا قناعتي السابقة عن الدواء الذي يعمل على العمدة شبه مؤكدة لاني سمعتها من طبيب عالتلفزيون ويمكن لولا ان كلهم 5 كليات كنت ما دخلت عالمنتدى وسألت طيب اذا حدا تاني استعمل الدواء واصيب باثار جانبية على من يقع اللوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟وشكرااااااااااااااا ااااا

((حضرتك بالامارات وين بالامارات والدي هناك))

الطبيب هو انسان قبل كل شيء ، يخطئ و قد يغش وقد وقد ....
و الأعلام دخل ميدان الطب منذ أمدٍ بعيد .
أما السياحة الطبية فلم تدخل إلا مؤخراً.
الحاجة الى التسويق مهمة و اساسية .

و هناك طريقتين يتم فيها تقديم الاطباء على وسائل الاعلام :
1- و هي الاشيع ، ان يقوم الطبيب بدفع مبلغ من المال مقابل المقابلة معه ، على التلفزيون او مجلة او ..... . و هي الطريقة الشائعة و الاكثر حدوثاً.
2- ان تدفع شركة الاعلان مبلغ مقابل ان يقبل الطبيب اجراء مقابلة معه ، و هذا يحدث في حال اكتشاف دواء جديد ، طريقة علاجية جديدة او او ....الخ . أي انجاز فريد .
المستفيد الأول و الأخير هو شركة الأعلان . و الخاسر الدائم هو المواطن .

كيف يجب ان يتثقف المريض او الأنسان العادي ؟
عادةً لا يكون الذي يُذاع بوسائل الأعلام خطأ . و لكن الحقيقة تُطمس ، بهدف أظهار الوجه الابيض لاي واقعة طبية يتم تسويقها ، مثل مع أدوية تخفيض الوزن .
الأنترنت وسيلة ذات حدين . اول ما تراه عينك عند طلب البحث عن اي كلمة او دواء ، بلتأكيد ستجد الصفحات الدعائية أولاً ؟ لأن محركات البحث مثل غوغل و غيرها تسعى الى الربح بالتأكيد، و بالتالي سوف تقوم بتفنيد النتائج حسب تواتر يتوافق مع مقدار دفع المال . و عادةً الصفحات الطبية التخصصية ، تكون ليست الأكثر مشاهدةً و بالتالي ليست الأكثر عرضاً.
هناك طريقة لتفادي الوقوع في مثل هذه المغالطات الصفراء :
عندما تريد البحث عن مرض ما أستعمل كلمات علمية و ليست شائعة عامية .و افتح الصفحات الرسمية official ، و لا تفتح صفحات البلوج او الصفحات الشخصية او المنتديات الاجتماعية .
ارجو ان يكون هذا الرد ملائم و مناسب .

انا اعمل في مشفى داون تاون في دبي . و لكن الان تركته و سوف التحق بالعمل في عيادة متخصصة بالجراحات الوريدية و الليزرية بشكل خاص في مارينا دبي .

مع تمنياتي بالراحة .

شكرا جزيلا على هذه المعلومات بالتاكيد استفدت منها وبالذات البحث على النت لاني من هواة البحث كتيرررر وبكل الامور وذلك لاني اجد نتائج كتيرة بس بصراحة هذه اول مرة ابحث عن نوع دواء يمكن لذلك النتائج ما كانت مفيدة فعلا
اما حكاية الاعلام صح بس اكيد لازم الضمير او شي بحياتنا اما اذا لنا حسابات اخرى فهذا كلام اخر وبالتأكدالطبيب انسان بالمقام الاول وكل المهن بلا ضمير مشكلة لكن اللي يميز الطب انه انساني اكتر من اي مهنة اخرى لانني اتعامل مع انسان تعبان يتألم واذا ارتاح من الالم الطبيب بيكسب رضا وثواب من الله بالدرجة الاولى لكن المشكلة بصراحة ان لازم الاطباء مع دراسة الطب تتقوى الناحية الروحانية لان ممكن على كثرة الممارسة يفقد احساسه بالمريض الذي كان يشعر به اول عمله بهذه المهنة
بعتذر طولت
شكرا مرة تانية وموفق بالعمل بدبي دبي جميلة والحياة فيها ظريفة (( ممكن سؤال بصراحة انا فضولية وبحب اعرف لو كان الاختصاص لا يمس لي بصلحة ((شو يعني الجراحة الوريدية " بعتذر مرة تانية اذا عم ضايقك او اخد من وقتك)))