قال مدير صحة طرطوس خيرالدين السيد لـسيريانيوز إنه تم تسجيل نحو 74 حالة إصابة بالتهاب الكبد الإنتاني في ريف طرطوس.

وأضاف السيد أنه تم إبلاغ مديرية الصحة عن وجود حالات التهاب كبد إنتاني في قرى يحمور وخربة المعزة والقبيبة وسهل ميعار شاكر وبيت نور الدين حيث تم تشكيل فريق من دائرة الأمراض البيئية في مديرية الصحة لتقصي الحالات.

وتابع السيد أنه تبين وجود تسعة حالات في قرية يحمور و13 حالة في تجمع خربه المعزة وحوالي 19 حالة في قرى الدريكيش, قبل أن يتم تسجيل 33 حالة أخرى لدى المركز الصحي في يحمور من القرى المجاورة ليحمور ومعظمها في سن المدرسة ورياض الأطفال.

وأشار مدير الصحة إلى أن تحليل العينات المأخوذة من مياه الشبكة العامة والخاصة بين وجود بعض الآبار الخاصة غير النظيفة, ولاسيما في تجمع خربه المعزة, كما تبين عدم وجود الكلور في شبكة بيت نور الدين ووجود ارتفاع في النترات في مشروع ضخ مزرعة الأمل وبئر خاصة في المنطقة.

ولفت السيد إلى أن على التربية ومؤسسة المياه إيلاء التعقيم والنظافة كل الاهتمام ونشر الوعي الصحي والبيئي وصولا لمنع انتشار هذه الحالات.

وكانت منطقة قطنا في ريف دمشق شهدت انتشارا مماثلا لالتهاب الكبد بين طلاب المدارس.

هيثم يوسف – طرطوس - سيريانيوز

أنا بعرف إنو التهاب الكبد الإنتاني هو التهاب B ...............

وهاد النوع ما بينتقل بالمياه ..............

يمكن معلوماتي مشكوكة ....................

المقصود بالمقالة غالبا التهاب الكبد A

بالنسبة للمصطلحات "التهاب كبد إنتاني" "التهاب الكبد الوبائي" وغيرها ما بعرف مدى دقتها بس بظن هي مصطلحات عامية

سمعت كتير حالات عن حالات التهاب كبد A من جديد...وكلن اعمارن بين ال15 والعشرينات....وكلن عايشين بسوريا....وبياكلو كتير من السوق....ومن محلات مشكل ملون....
يعني معقول لهلأ ماصار عندن الانتان تحت السريري وصار عندن مناعة متل أغلب هالناس...ولهلأ حتى صابتن العدوى....؟
او انو الفيروس ممكن صار في منو موديل جديد!

يا شباب ....................نحنا عنا بسوريا بنختلف عن بقية دول العالم بإنو بنعطي تمنيع فاعل لكل أطفالنا بطريقة خاصة

ليس عن طريق الحقن ولا الحبوب

وإنما عن طريق أقراص الفلافل ..............

وهاي تعتبر أفضل طريقة للتمنيع ضجد السلمونيلا والكوليرا والإنتانات الهضمية الأخرى ومنها كمان فيروس A

وعلى فكرة شلون بدكون تقنعوني إنو سكان القرى ما بينصابوا بالالتهاب A أثناء الصغر وعم ينصابوا من شرب المي ونحنا عنا بالمدن إصابات بشكل منتشر جداً ..............

أهل القرى لازم ينصابوا بنسبة تقارب 100 % .............وبيصير عندهم مناعة لأغلب الجراثيم والطفيليات ...........

أنا برأيي في غلط بالمقالة والتهاب الكبد الإنتاني قصدهم فيه B وليس A ................و b ما بينتقل بالمي

لأ أخي شكازولو، عالأغلب المقصود فيه A، خاصة إنه عميقولوا إنه معظم المصابين في سن المدرسة ورياض الأطفال..
أخي نائل؛ لا تستغرب من عدم إصابة الناس خلال طفولتهم بالتهاب الكبد A.
أنا مثلاً؛ ما انصبت فيه أنا صغير أبداً، لحتى انصبت فيه قبل شهر وعمري 23سنة!! يمكن لأني قضيت طفولتي بالسعودية، وكانت الظروف الصحية من حولي جيدة جداً..

غريب....حكيك مزبوط تمام....
وانا كمان متلك...كنت عايش بالسعودية وقت اللي كنت صغير....وصار معي التهاب الكبد A خلال زيارة بالصيف....وكان عمري شي عشر سنين....
وكمان صار مع اخواتي...وقت اللي انتقلنا على سوريا...وكلياتنا كان معنا عرضي...وبأعمار كبيرة نسبيا....
وحتى صار مع كذا شخص من اللي بعرفن كانو عايشين برات سوريا....

بس المشكلة انو عم شوف من جديد انو عم بيصير مع عالم من سكان سوريا...وماكانو عايشين طفولتن برا...
وكلن عم بيصير معن على كبر نسبيا...