مرحبا

تُعلن إدارة الملتقى الطبي السوري عن رغبتها بتعيين مشرفين جدد للأقسام الطبية.

يُمكنك طلب الإشراف على أي قسم (1 أو 2 على الأكثر) مع تقديم رؤية وتصوّر حول الكيفية الّتي سيتطوّر القسم خلال إشرافك عليه ..

كما أنّه يُفتح باب التطوّع (لكل من الأعضاء والمشرفين الحاليين) للإشراف العام على الموقع .... للحلول مكاني في الأمور الإدارية .. وسأبقى متابعاً فقط في الأمور التقنية .. على المتطوّع أن يمتلك رؤيا جادة للموقع ... والتعهّد بالعمل عليه كما كنتُ أعمل عليه عندما كنتُ متفرّغاً .. والقدرة على العمل ضمن فريق عمل واحد .. والأمانة مطلوبة جداً هنا. والمزيد يتم الحديث عنه في الوقت المناسب ...

يُرجى تقديم الطلبات الجادة فقط .. والمراسلة والتّداول عن طريق بريد الموقع.

بالتوفيق للجميع

:أنا بقترح TURBO كمان ,

باعتباره عضو نشيط و مميز و علاقاته منيحة مع الكل ....

ولساه سنة رابعة , يعني تفرغه للإشراف رح يكون منيح إن شاء الله.....

بتمنى TURBO يوافق....

]أما أنا رح فكر بالإشراف على قسم الجلدية

شو هاد يا جماعة صايرين عم تخططوا من ورا ظهري ................

أنا ما عندي أبداً أي اعتراض على توربو وعلى العكس أنا بفضل إنو يكون اللي يستلم الموقع يكون من السنوات الأصغر لأنو هيك بيكون عندو عقل منفتح أكبر وخطط جهنمية ورائعة أكيد للموقع ...............

بس طولوا بالكم بدي أحجز دور بالإشراف لشي شغلة .................شو بعمل شنكول ..............مشان صير مشرف ............جيب شهادة حسن سلوك من المختار وحط عليها طوابع مالية

ولا بدك طابع أبو الألف ليرة تبع الإيدز ,,,,,,,,,,,,,,,,,,,

سلام

أبعث سلاماتي وتحياتي وقبلاتي واشواقي وهمساتي وشعاراتي النابعة من القلب إلى جميع أعضاء الملتقى الطبي وجميع المشاركين ..... كل الاحترام والتقدير للجميع ...زز المحب لكم بلقبه محمد خال ..... ألامارات

:ros: هذه الورود إالى جميع اعضاء الملتقى من إداريين ومستخدمين واخص [الذكر الجنس اللطيف اللي دايما نسعد بشوفته .

والله ماعرف شقولك قرار مفاجئ ولكن معاك في السراء والضراء لاحياء هذا الموقع وهوة موقع الجميع



تحياتى لك اخوك: الدكتور فهد الخليفي

السلام عليكم

تمنياتي بالتقدم والنجاح للموقع
بتمنى تقبلوا اقتراحي بإضافة قسم يهتم بالطب الفيزيائي

أخوكم سامر

المشاركة الأصلية بواسطة صانع القرار

السلام عليكم ورحمه الله وبركاته

كيف الحال وش الاخبار

أنا أرى أنه قرار ممتاز

وأنا أرغب بإلإشراف على قسم يتم إنشاءه بإسم ركن تخطيط القلب

أخي لدينا قسم الفيزيولوجيا .. وقسم الأمراض الداخلية .. يمكن الحديث فيهما عن قراءة تخطيط القلب ...
إذا كنتَ راغباً وقادراً على أداء عمل كهذا فأرجو مراسلتي برؤيتك للمشروع عن طريق البريد الإلكتروني للموقع

بالتوفيق

من المشرفين الحاليين ...

توربو مرشح قوي .. لكنه ما أعلن رغبته بالإشراف العام .. لازم يكون عنده رغبة وقدرة وخطة عمل .. ما عندي مشكلة إذا هو بده ..

كمان في عنا flower مرشحة منيحة .. بس ما فيها تشتغل ميدانيّاً (في الكلية يعني) لبعدها .. مع ذلك .. ممكن نعيّنها مع مشرف عام تاني ميداني ...

The King منيح كمان ... بس ما بعرف كيف ممكن يوفق بين ملخصاته اللي بنزلها ومهامه في الموقع ..

باقي المشرفين يا إما صايرين كسلانين .. يا أما عندهم تخرج ...

على كل حال الموضوع مو مقتصر على المشرفين وبس .. الباب مفتوح للأعضاء كمان ..

والمشرفين ممكن يستفيدوا من الخبرة اللي اكتسبتها على مر السنين ...

سلامة

المشاركة الأصلية بواسطة GENIUSSAM

بتمنى تقبلوا اقتراحي بإضافة قسم يهتم بالطب الفيزيائي

إذا كنت تقصد قسم للعلاج الفيزيائي .. فالفكرة جميلة جداً ... ولكن لن نفتتح قسم جديد .. دون وجود حركة فيه .. أي مواضيع تُكتب فيه + قرّاء ..

إذا كان لديك أي اقتراح فأعلمني ...

بالتوفيق

شكرا لكل اللي رشحوني بس بصراحة ما بحس عندي الكفاءة والقدرة القيادية الكافية لاستلام هيك منصب
وبفضل اضل متل ما انا

كمان منصب المشرف العام بده تفرغ كبير وبخاف اقصر فيه او بالعكس اقصر بدراستي