بسم الله الرحمن الرحيم

الحمد لله رب العالمين وأفضل الصلاة وأتم التسليم على حبيبي محمد النبي الأمي الطاهر الزكي وعلى آله وصحبه وسلم ، أما بعد :

لعلها كانت أكبر مصيبة عندما بدا ستاجي في UTMB وهي أنه طلب مني أن آخذ قصة سريرية لمريض في المشفى ، وأنا كنت قد غبت عن العمل السريري لمدة تقارب السنتين تقريباً لانشغالي في فحص step، ولكن هنا يجب أن أسأل باللغة الإنكليزية أيضاً ، ولكن بعد عمل متواصل وقراءة بعض الكتب المفيدة استطعت أن أتجاوز هذه المشكلة والحمد لله وأصبحت أتناول القصة السريرية بشكل جيد .

إن أهم ما يميز القصة السريرية هو طريقتك في سؤال المريض وعن الأشياء التي يجب أن تسألها وعن الأشياء التي يجب تفحصها ، وهذا مختلف بشكل كبير من اختصاص إلى آخر . لكني سأحاول هنا أن أعرض الطريقة التي يستخدمها الطلاب في عرض القصة السريرية في قسم الأمراض الهضمية فقط حالياً .

أدعكم حالياً مع الكتاب الذي يدرسه طلاب الطب في جامعة UTMB في مادة الأ‘راض والتشخيص :
Bate's Guide to physical exam

لا أنصحكم بشرائه فسعره قد يكون مرتفع والأفضل تنزيله من النت عن طريق اللينك التالي :

http://www.ebookee.com/Bates-Guide-t...ng_118724.html

ملاحظة هامة : قد لا تجدون أبداً أي كلمة download في الصفحة هذه ولكنكم ستجدون رابط مكتوب أسفل صورة الكتاب وهو تحميل من موقع الرابيد شير .

تستطيعون تنزيله إذا لم يكن لديكم اشتراك في الموقع من خلال الزر free ولكن حجمه 11 ميغا تقريباً ، فيفضل الذهاب إلى الكافي نت مشان ما تسبوا علي ............

استمتعوا بالكتاب إلى أن أعود لكم بتفاصيل القصة الهضمية ............

في حال عدم القدرة على التنزيل من الرابيد شير فقولوا لي حتى أحمله لكم على موقع آخر ................

بسم الله نبدأ ..............

أول شي لازم نتعرف على عناصر القصة السريرية وبعدين راح نشوف شلون بدنا نرتبها بالشكل الصحيح .

العناصر :

1- بيانات التعريف : تعتبر هالبيانات مهمة جداً من ناحية التواصل مع المريض ، أكثر من أهميتها في معرفة التشخيص . تتضمن البيانات كل من اسم المريض ، وجنسه ، وعمره ، ومهنته وحالتة العائلية . أحياناً بنحتاج إنو نضيف مصدر المعلومات لهذه المعلومات والسبب إنو يكون المريض أصيب من قبل بأكثر من stroke وبالتالي ما بيتذكر شو صار معه مزبوط .



2- الشكاية الرئيسية : وهاي اسمها بالإنكليزي Chief Complaint CC وهون لازم نحكي عن أكثر شي بيشتكي منه المريض وهاي بتصير لما بنسأل المريض السؤال التالي : شو اللي جابك على المشفى ؟ وبيبلش المريض بيعطينيا أكثر شكاية تأثر فيه ، وهون لازم ننتبه إذا المريض ما حكى عن شكاية مفهومة وواضحة ، مثلاً قال إنو شكايته : تعبان ( وهاي شكاية عامة غير محددة ) فلازم نسأله : في عندك مشاكل تانية ؟ فبيصير المريض بيحكي مثلاً : عندي قباض ( أي لدي إمساك باللهجة الحلبية ) ، هاي تعتبر شكاية واضحة وبنحسن نسأل كتير أسئلة عن هالشكاية .



3- تفصيل الشكاية : History of Complaint بتتضمن كل التفاصيل اللازمة عن الشكاية الرئيسية ، ولازم ننتبه إنو المريض أحياناً بيحكي عن شكاية جديدة أثناء السؤال عن التفصيل وهيك لازم نضيف هالشكاية الرئيسية لمكانها الصحيح وبنرجع نفصل فيها مرة تانية .

4- القصة المرضية السابقة : Past Medical History ولازم نذكر هون كل الأمراض اللي يعاني منها المريض سابقاً قبل الشكاية الحالية ، ونسأل عن كل العمليات الجراحية اللي أجريت للمربض خلال حياته ، وفي حال شككنا بوجود مرض مرتبط بأمراض الأطفال بنسأل عن اللقاحات وعن الأمراض اللي نصاب فيها المريض أثناء الطفولة .

5- القصة العائلية : Family History وبنسأل المريض هون عن الأمراض اللي إلها انتقال وراثي مثل ( أمراض القلب ، الاورام ، السكري ، ارتفاع الضغط ، إلخ ) ، ولازم ننتبه على عمر الأقارب لما انصابوا بهذه الأمراض ، فمن الممكن استنتاج أن العائلة لديها أمراض احتشائية في القلب إذا كان الوالدين لديهما أمراض قلبية في أعمار صغيرة نسبياً .

6- القصة الشخصية والعائلية : تتضمن كل من الحالة المعيشية للمريض ، ومن يعيش مع المريض والتأكد من وجود اشخاص قادرين على الاهتمام به في حال عودته إلى منزله . كذلك تتضمن كل من استخدام المريض للتبغ والكحول والمخدرات بشكل غير ملائم وهو ما يسمى abuse لذلك يجب أن نسأل عن البدء والمدة ووقت الانقطاع إن وجد .




7- نظرة عامة على الأجهزة : وهي أهم الاسئلة والاستفسارات التي تساهم في إعطاء تشخيص كافي ووافي عن المرض في بعض الأحيان بغض النظر عن الموجودات المخبرية .
سنقوم بالتفصيل فيها بعدين .........


في هذه اللحظة وبعد أن نكون قد سألنا عن كل ما يتعلق بتلك الأمور راح ننتقل لمرحلة أخرى مختلفة تماماً عن الاتصال الشفوي مع المريض ، وبنصير هلأ نتقارب مع المريض من الناحية الجسدية ......

لا تفهموا غلط ...............ولا يروح فكركم لبعيد ..............راح نبلش بالفحص الفيزيائي للمريض وهيك بنتواصل مع المريض جسدياً ..............





8- الفحص الفيزيائي : وهو المرحلة التانية من مراحل التواصل مع المريض حيث نبدأ بفحص أجزاء جسم المريض بطريقة مفصلة كما سيرد أيضاً في تفصيل لاحق .


بعد ما تواصلنا مع المريض شفوياً وجسدياً صار لازم ندخل على المرحلة الجديدة التانية واللي هي التواصل من خلال الأجهزة التسخيصية ، يعني خلص التواصل الإنساني الإنساني في هذه اللحظة ونبلش نتواصل مع المرييض من خلال الأجهزة على اختلافها .


9- الموجودات المخبرية :
هون نبلش نتواصل مع المريض بطريقة تانية عن طريق أجهزة التحليل المخبري ونتعرف هيك على حالة جسد المريض بشكل أعمق .





10 - الموجودات الشعاعية : وهاي العبارة أصبحت قديمة نسبياً لأنها صارت تتضمن مو بس الأشعة السينية وإنما الأمواج فوق الصوتية والطبقي والرنين ..............وهيك بيكون لازم نفصل كل واحدة على حدة ونذكر دائماً انطباع الطبيب الشعاعي عن الموجودات في الصور ، ومو ضروري نتعرف على تفاصيل نحنا بغنى عنها وتكون خاصة بالشعاعيين أكتر من طلاب الطب .


يتبع ...........

بس بدي اسألك بعد ما ضغطت على الرابط تحت الصورة نقلني على رابد شير .. لما قلتله فري عطاني
An error has occured؟؟؟ شو اعمل؟

أخي الكريم drahmad ..............الرابط شغال تمام ، بس بدي أقللك شغلة إنو بعد ما تكبس على free بيطلعلك عداد وقت بتستنى حتى يخلص العداد وبعدين بتطلع صورة أرقام وحروف وعليها صور قطط وكلاب وهون بدك تكتب الأحرف والأرقام اللي عليها صورة قطط فقط وعددها أربعة بس .

يمكن العملية معقدة شوي بس بيمشي الحال ..............

وإذا كتبلك إنو ما راح يحمل فيكون السبب إنك مستخدم الرابيد شير لتنزيل ملفات أخرى من قبل وانتهت كمية التنزيل المجاني من الموقع .................

راح حاول نزله على موقع تاني كرمالك .............

شكرا كتير... ...أنا الأن أنزله .. ومن البيت... أي من الاتصال العادي....... يحتاج 3 ساعات تقريبا...
ولكن لا تخف.. لن أسب عليك.. بل سأدعي لك... سلام...

done... 2.15 min. salam