شلون التحاليل المصلية ممكن تشخص التهاب الكبد B ؟

ها السؤال راح نجاول نجاوب عليه مع بعض وما راح أنفرد بالإجابة ، بس لازم أول شي أشرح كم شغلة مشان نعرف شو هاد الفيروس الخاص بالتهاب الكبد B .

مقدمة : فيروس التهاب الكبد B واسمه ( HBV ) من فصيلة ( hepadnaviridae ) ، ويعتبر من الفيروسات التي تمتلك على DNA وهو الفيروس الوحيد من فيروسات التهاب الكبد المشهورة ( A, B, C, D, E ) الذي يحوي على DNA أما بقية الفيروسات السابقة الذكر فهي تحوي على RNA . المميز أيضاً في فيروس هذه الحلقة هو أنه يمتلك جاكيت مصنوع من الفرو الأصلي ومبطن بطبقتين ، فهو يمتلك محفظة خارجية تحوي على مستضد اسمه HBs Ag وكذلك لديه مستضد داخلي محيط بالـDNA هو المستضد HBc Ag ، والشغلة الحلوة إنو المستضد HBc Ag ما راح يطلع برا الفيروس وهيك فهو يظهر في مصل المريض على شكل مستضد آخر اسمه HBe Ag ولهذا تذكر المراجع أنه : ( يعتبر HBe Ag هو الشكل القابل للدوران في مصل المريض من المستضد HBc Ag ) . ضل في شغلة واحدة بس لازم نعرفها عن هذا الفيروس إنه بيملك DNA Polymerase ( ما راح نفصل فيه هلأ لأنه ما راح يفيدنا بالتشخيص المصلي بس ممكن نفصل فيه بحلقات قادمة ) .

أكيد مقدمة سخيفة وبايخة ، بس شو لازم نعمل كل موضوع بيلزمو مقدمة ..............يلا شكراً لأنكم تحملتوني هالمرة ..........

تعوا هلأ بنحكي عن كل واحد من المستضدات اللي ذكرتها بالمقدمة مشان نعرف كل واحد وعلاقته بالفيروس وشو أهمية كل واحد وعمله .

1- HBs Ag : طبعاً بتعرفوا هلأ وين مكان هالمستضد . هاد هو اللي بيغطي الفيروس ونحنا ممكن نتعرف على الفيروس من خلال جاكيته بس لأنو ما حدا من الفيروسات عندو نفس المستضد هاد . طيب شلون بدنا نشوف هالمستضد ؟ أكيد ما راح نشوفوا بعيونا المجردة لأنو الفيروس كتير صغير ، طيب شو العمل ؟ بنستخدم طريقة اسمها ( Radioimmunoassays RIA ) وهي طريقة المقايسة المناعية الإشعاعية ، يعني نحنا ممكن نسلط أشعة على هذا المستضد بعد ما نعزله من الفيروس ونشوف إذا كان موجود ولا لأ . وفي كمان طريقة تانية شوي أسهل غير الإشعاعات ، وهي ( enzyme immunoassays EIA ) وهي طريقة المقايسة المناعية الأنزيمية وهيك نحنا بنحط أنزيمات مع المستضدات فإذا كانت المستضدات موجودة راح تحول الأنزيمات لون السائل إلى لون مختلف وبنحسن نقول إنو المريض عنده هالمستضد .

يمكن البعض بيقول إنو في طريقة اسمها ELISA ممكن نستخدمها ؟ ....بس EIA هي نفسها ELISA ولا تخربطوا بهاي الشغلة .

طيب إيمتا ممكن اكشف وجود المستضد هاد عند المريض بعد تعرضه للخمج ؟ بعد ما بيتعرض المريض للخمج بأسبوع لعشرة أسابيع بنقدر نكشف عن هاد المستضد حتى قبل أن تظهر الأعراض والعلامات على المريض وحتى قبل ما يرتفع ALT. فتخيلوا شقد مفيد هالاختبار في الكشف عن الفيروس بعد التعرض لإبرة ملوثة بهذا الفيروس . فلازم نعمل الاختبار بعد أسبوع على الأقل من التعرض مشان نكشف وجود الفيروس أو لأ .......

2- Anti-HBsAg antibody : ببساطة هاد هو الضد للمستضد السابق واختصاراً بيسموه ( Anti-HBs ) وهاد الضد قادر بشكل قوي على أن يحطم المستضد HBs Ag ويخلي الفيروس من دون جاكيته وهيك بيموت الفيروس من البرد وبنقضي عليه تماماً .

3- HBc Ag , Anti-HBcAg antibody : هدول هني المستضد والضد بس هدول صايرين حبايب وما حدا بيزعل التاني أبداً . كمان مرة تانية الضد ممكن نسميه ( Anti-HBc ) ، بس هون الأضداد إلها نوعين . الأول هو من النوع IgM والتاني من النوعIgG ، وكل واحد بيظهر بفترة مختلفة عن الآخر .

4- HBe Ag , Anti-HbeAg antibody : خلونا نتذكر إنو المستضد HBe Ag هو الشكل الدوراني من المستضد HBcAg وبالتالي هاد المستضد أنا ممكن أكتشف وجوده بالمصل أما HBcAg فما ممكن أكتشف وجوده أبداً بمصل المريض . بس المستضد HBe Ag بيعبر عن إنو الفيروس فعال وعم يسبب مشاكل داخل جسم المريض وبالتالي فالمريض ممكن ينقل الفيروس للآخرين وبيصير معدي . أما المستضد Anti-Hbe فوجوده يقضي على المستضد HBe Ag وهيك بتتوقف المشاكل الداخلية عند المريض وبترجع صحة المريض تتحسن . بس لازم ننتبه إنو المستضد هاد ممكن يرجع يغلب الضد تبعه وبترجع الحالة السيئة للمريض ، أما بالنسبة للمستضد HBS Ag وضده Anti-HBs فهذا الشي ما راح يصير لأنو بس ظهر الضد Anti-HBs فما راح يرجع يظهر المستضد HBs Ag أبداً بعدها حتى لو شو ما صار ..............يعني لو اتصل بأمريكا تجي تساعدو ما راح يقدر يعمل شي .

5- HBV DNA : وجود الـ DNA الخاص بالفيروس في مصل المريض هو أكبر دليل على وجود الخمج ونحنا ممكن نكشف عن الـDNA بواسطة PCR ، وطلاب جامعة حلب صاروا بيعرفوا شو هاد PCR من شي 3 سنين بس لأنوا ما كان عنا منه بس هلأ موجود ومتوافر بأسعار خيالية جداً ( 6000 ليرة للتحليل الواحد فقط لاغير ) .





بعد ما حكينا عن كل مستضد وشو شغلته وشلون بنكشف عنه خلينا نفهم شو أنواع الخمج بالفيروس HBV .

أنواع الخمج بالفيروس HBV :
1- التهاب الكبد الحاد : تقول الدراسات أن أكثر من 90 % من المرضى يتعرضون لالتهاب حاد يتلوه شفاء كامل من المرض .

2- التهاب الكبد المزمن : تنخفض النسبة إلى 1 – 2 % تقريباً من المرضى ، وهنا يبقى الفيروس موجود لدى المريض دون أن يشفى شفاء تاماً وبالتالي يصبح المريض حاملاً للمرض Carrier وهي حالة مزنة قد تنتهي بالشفاء في قليل من الحالات والأشيع هو كمون المرض بعد المعالجة ، ومن مخاطر الإزمان هو الإصابة بالتشمع وهو مؤهب أيضاً إلى الإصابة بسرطان الكبد ، علماً أنه لا داعي لحدوث التشمع في الكبد نتيجة HBV كي يحدث السرطان وإنما يكفي وجود الفيروس مهما كانت مرحلته للإصابة بسرطان الكبد ( أرجوكم أن تذكروني أن أشرح هذه النقطة بالتفصيل أثناء مناقشة الموضوع ) .

نترككم الآن مع مقطع فيديو يشرح فيه المنظر النسيجي عن التهاب الكبد المزمن B ، حجمه كبير نسبياً 3.12 ميغا ولكن الفائدة عظيمة . يمكنكم مشاهدة المقطع على real player فقط .

http://daveproject.org/quickstuff/DAVE_Clip286_Real.zip

أرجو لكم المتعة والفائدة ، وسنعود بعد الفاصل ................الموضوع لسا ما خلص وسنتابع بإذن الله .............

ماهو لُقاح التهاب الكبد البائي ؟
كيف نفرق بالحالة المصلية بين اللقاح ، و الاصابة الفعلية ؟
متى يصبح المصل سلبي بعد اللقاح؟

في البداية أريد أن أشكر alibrika على أسئلته الجيدة ............وراح أحاول أن أغطي الإجابات من خلال المناقشة التالية ..........

أتمنى أن تكونوا قد استمتعتم بمقطع الفيديو الذي عرضته في المرة الماضية ..............والآن نعود لمناقشة الحالات السريرية في التهاب الكبد B وكيفية تشخيصها مصلياً ............

بما إنو الصور أفضل طريقة لتقريب المعلومات فراح أحط هون مخططات تبين الفواصل الزمنية لكل مستضد او ضد متعلق بالتهاب الكبد B ، راح نبلش أول شي مع :

التهاب الكبد الحاد :



المخطط موجود بالمرفقات رقم الصورة هو ( 001 ) .....

تعالوا نشرح المخطط ...............( إذا كان المخطط غير واضح فاكبسوا عليه مشان تشوفوه منيح أو افتحوه بنافذة أخرى )

خلونا أول شي ننظر على أسفل المخطط راح نلاقي مستطيلين ملونين باللون الفضي العلوي يعبر عن مستوى ALT غير طبيعي يعني مرتفع ، والمستطيل السفلي يعبر عن ظهور الأعراض ..........طبعاً وفو هذين المستطيلين بنشوف مسار الزمن ومرقم حسب الأشهر .........

إلى الآن بنستنتج إنو ALT بيرتفع بعد شهرين من التعرض للخمج ، أما الأعراض فبتظهر بعد هالارتفاع وهيك ممكن نعتبر إنو ALT اختبار جيد في الكشف عن التهاب الكبد B قبل ظهور الأعراض بس راح نشوف إنو فيه أحسن منه .............

هلأ خلونا نشوف المستضد HBs Ag ..............مساره عبارة عن قبة تبدأ بالظهور بعد الخمج بأسبوع إلى 10 أسابيع كما ذكرنا من قبل ، ولكن المهم هو أنها ستختفي قبل 6 أشهر حصراً .

ملاحظة سريرية : إن بقاء HBs Ag لمدة تويد عن 6 أشهر هو دلالة أكيدة على تحول التهاب الكبد الحاد إلى الطور المزمن .

كمان نحنا ممكن نلاحظ إنو الأضداد الخاصة بالمستضد HBs Ag واللي سميناها Anti-HBs تبلش ترتفع بعد ما انخفضت المستضدات إلى درجات قليلة جديداً ......وهاي الأضداد عم تزيد إلى حد معين وتضل موجودة إلى فترة زمنية طويلة .


هلأ بدنا نشوف المستضد HBe Ag والضد Anti-HBe .............هدول كمان ما بيلتقوا مع بعض متل الجوز السابق بس لازم نتذكر المعلومة التالية :

ملاحظة جزيئية : إن الضد Anti-HBs يستطيع أن يعدل عمل المستضد HBs Ag الخاص به وبالتالي إلغاء عمله ووجود الضد هذا يمنع ظهور المستضد HBs Ag بشكل نهائي .....................أما الضد Anti-HBe فهو قادر على تعديل المستضد HBe Ag ، ولكن ليس بشكل نهائي ، لأنه من الممكن ظهور المستضد HBe Ag من جديد وبالتالي سينخفض بالمقابل الضد إلى مستويات منخفضة .



نعود إلى المخطط الآن لنرى شيئاً آخر ......................


إذا نظرنا إلى ذلك المسار المنقط فهو يدل على Anti-HBc وهو يرتفع بعد ارتفاع HBs Ag وبالتالي فهو سيء للكشف المبكر للمرض في هذه المرحلة ............وكما ذكرنا سابقاص فهذا الضد يتألف من نوعين ، أحدهما IgM وهو الذي يظهر باكراً في المرض ، وهناك IgG والذي يظهر بشكل متأخر .

ملاحظة مخبرية: إن ظهور IgM في مصل المريض يدل على مرض حديث ، أما ظهور IgG فهو يدل على مرض قديم . وسنأتي بتفصيل ذلك فيما بعد .


قبل ما نخلص من هذا المخطط ......تعالوا نشوف أعلى المخطط شو في عنا ................

في عنا مستطيل مقسم فيه الاختبارات التشخيصية لكل فترة زمنية ..........حلو معناها راح نقدر نشخص الالتهاب من خلال المصليات فقط .................وأخيراً وصلنا لهذه النقطة ...........


مراحل التهاب الكبد الحاد بالفيروس B :
أول شي incubation period فترة الحضانة : وفي هذه الفترة لا توجد أي أعراض وبالتالي يتم الكشف عن المرض من خلال وجود HBs Ag ، وهو كافي لتشخيص الخمج بفيروس التهاب الكبد B مهما كانت الظروف وفي أي حالة كانت .

ثانياً : بوادر المرض الحاد prodrome acute disease وهي المرحلة التي تلي ظهور الأعراض ، يعني إذا ما قدرنا نكشف عن المرض في أول مراحله قبل الأعراض ( بسبب إنو المريض تعرض لخمج دون أن يدري ) فنحنا راح نأكد التشخيص بعد ظهور الأعراض من خلال وجود HBs Ag وكذلك نحتاج لوجود Anti-HBc من النوع IgM مشان نأكد التشخيص ..............

طيب ليش بنحتاج لـ Anti-HBc من النوع IgM مشان نأكد التشخيص و HBs Ag كافي لتأكيد الخمج ؟

الجواب ببساطة إنو نحنا بدنا نتأكد من إنو الخمج حديث وليس قديم ويتم هالشي من النوع IgM للضد Anti-HBc .

ثالثاً : فترة النقاهة Convalescence .............والمقصود بها فترة الشفاء من المرض الحاد ويتم التشخيص من خلال الكشف عن Anti-HBc وهنا نميز حالتين :

الحالة الأولى : أن يظهر Anti-HBc لوحده دون إيجابية لأي اختبار مصلي آخر ........وعندها نسمي هذه الفترة بفترة النافذة window period .

فترة النافذة Window Period : كما ذكرت من قبل إن الضد Anti-HBs قادر على تعديل عمل المستضد HBs Ag ولكن هذا لن يتم مباشرة فعندما ترتفع تراكيز الضد وتبدأ تراكيز المستضد بالانخفاض فإن كلاً منهما سيصل إلى درجة من التوازن مع الآخر قبل أن يستطيع الضد التغلب على المستضد ، وفي الفترة التي يحدث فيها هذا التوازن فإننا لا نستطيع الكشف عن أي ضد أو مستضد ، وبالتالي يصبح المشخص الوحيد في هذه الفترة هو Anti-HBc ، وهو كما قلنا سابقاً أنه يعبر عن أضداد ضد مستضد موجود في لب الفيروس .

ملاحظة على جنب : إن وجود Anti-HBc هو مشخص لوجود خمج من قبل فيروس التهاب الكبد B بالتأكيد ، ولكن ظهوره المتأخر يجعل منه اختباراً سيئاً للكشف المبكر عن الخمج .

بعد أن تنتهي فترة النافذة تظهر الفترة الأخيرة من التهاب الكبد الحاد : وفيها سنجد Anti-HBc IgG وكذلك Anti-HBs معاً وهذا مميز جداً لحدوث شفاء للمريض بعد حادثة التهاب كبد حاد ................لماذا؟

إننا نعتبر أن المريض قد شفي تماماً من مرضه عندما نكتشف ارتفاع أضداد Anti-HBs في مصله وبالتالي فهو دلالة أكيدة على الشفاء من المرض بغض النظر عن التحاليل الأخرى .



وهيك بنكون شفنا المراحل اللي يمر بها التهاب الكبد B الحاد .............فترة الحضانة - بوادر المرض الحاد - فترة النافذة - فترة النقاهة .

وهلأ بناخذ استراحة كمان وبنرجع في المرة القادمة مع تشخيص التهاب الكبد B المزمن في المشاركة التالية .....................

انتظرونا لا تقلبوا المحطة ...................راح نحطلكم إعلانات حلوة كتير ، فيها بنات حلوين ........بس دخيل الله لا تقلبوا عن محطتنا ...........

دعايتنا هالمرة هي عبارة عن محاضرة من الدكتورة Fiona M. Graeme من جامعة هارفارد والمحاضرة كانت عام 2007 ، وهذا هو الرابط :

http://daveproject.org/media/present...TOKEN=91746802


كما عودناكم دائماً .................الأمراض الداخلية معنا أحلى ................خلونا نشوف استفساراتكم وآراءكم لأنها أفضل وسيلة للتواصل معكم .................ونحن نرحب بأي سؤال أو أي معلومة قد تغني الموضوع ...........

حكينا المرة الماضية عن التهاب الكبد الحاد الخاص بالفيروس HBV

ونحنا هلأ بنعرف معظم المعلومات المطلوبة لتشخيص التهاب الكبد الحاد B ، بس لازم نعرف كمان عن الالتهاب المزمن مشان إذا أجانا مريض عندو التهاب مزمن ، نقدر نعرف التشخيص وراح نعتمد هلأ على التشخيص المصلي كالعادة .

قبل ما نبلش بالالتهاب المزمن خلونا نتذكر مخطط التهاب الكبد الحاد وهذا هو :



المخطط موجود بالمرفقات باسم (Acute hep B ) ......

بعد هذه التذكرة الملونة ......................نبلش مع إزمان المرض...............

التهاب الكبد المزمن :

إن المرض المزمن ما بيجي هيك مباشرة أبداً وإنما لازم يكون أول شي في عند المريض مرض حاد وهذا المرض الحاد مثل ما قلنا من قبل إما إنو يتحول إلى الشفاء أو يتحول إلى الإزمان ، بالمرة الماضية حكينا عن تطور المرض الحاد إلى الشفاء ، والشفاء صار لما تشكلت عند المريض Anti-HBS استطاعت القضاء على HBsAg ............أما هلأ راح نحكي عن تحوله إلى المزمن ............

هذا هو مخطط هذه الحلقة ....................ملون أحلى مو هيك ؟



هذا المخطط موجود بالمرفقات باسم ( chronic hep B ) ......

شو رأيكون بهذا المخطط ...............بيختلف عن السابق ولا لأ ؟

أكيد في اختلاف ..............

أول شي صاحبنا المستضد HBsAg ما انخفض مستواه في مصل المريض خلال 6 أشهر وهيك بدنا نقول عن المريض إنو المرض صار مزمن ، وشغلة مهمة كمان إنو المضاد إله Anti-HBs مو مبين على المخطط والسبب إنو Anti-HBs لما يظهر معناها إنو المرض راح يشفى أما عدم ظهوره يعني إنو المرض يتطور نحو الإزمان .

نظرة ثانية على Anti-HBc اللي كنا ميزنا بين نوعين إله المرة الماضيه IgM و IgG ، راح نشوف إنو Anti-HBc الكلي أو الإجمالي شكل مخططه مشابه تقريباً لشكله في الالتهاب الحاد ، يعني أول شي بيتشكل IgM وبعدين بينخفض الM وبيظهر بعدها IgG وهيك بيضل Anti-HBc الإجمالي مرتفع ولكن المرض ما بينشفى لأنو متل ما قلنا من قبل إنه الضد Anti-HBc ما بيقدر يزعل المستضد تبعه HBcAg .

من كل الحكي السابق بنقدر نقول إنو الالتهاب المزمن أسهل بالتشخيص من الالتهاب الحاد ، ويتم التشخيص بالشكل التالي :

1- بعد التعرض للخمج بـ 6 أشهر أو أكثر بنعاير HBsAg فإذا كان مرتفع ولا يوجد أي ارتفاع في الأضداد Anti-HBs فهذا دليل أول على المرض المزمن .

2- لازم نتحرى وجود Anti-HBc الإجمالي بغض النظر عن نوعه لأنه بعد 6 أشهر على الأغلب يكون النوع هو IgG ، فالإجمالي راح يكون مساوي للنوع IgG .

بعد هالدليلين راح نشخص المرض المزمن .....................شلون مو أسهل من الحاد ؟

بس طولو بالكون شوي كأنوا نحنا نسينا صاحبنا HBeAg والضد تبعه Anti-HBe ....................لأ إذا إنتوا نسيتوه أنا ما نسيته ................لأني بحبوه كتير هاد الملعون .

المستضد HBeAg ما بيلتقي مع الضد تبعه Anti-HBe بنفس الوقت ووجود المستضد دون وجود الضد يعبر عن إنو المرض فعال وعم يسبب أعراض ومشاكل بداخل المريض أما وجود الضد دون وجود المستضد فيعبر عن إنو المرض كامن والفيروس قاعد مؤدب من دون مشاكل ................

هاي المعلومة إنتو بتعرفوها لأنكون قريتو المشاركة السابقة ، بس أنا ذكرتها هون لأنو المستضد HBeAg والضد تبعه Anti-HBe في المرض المزمن مستوياتهم مرة بتطلع ومرة بتنزل وبشكل تعاكسي ..........

المرض المزمن يتميز إنو الفيروس موجود عند المريض وما عم يقدر الجهاز المناعي يتغلب عليه وهيك بدها تدور معارك بين الفيروس والجهاز المناعي بشكل مستمر فمرة بيربح الجهاز المناعي ويتم إنتاج Anti-HBe ومرة يقدر الفيروس إنو يتغلب على الجهاز المناعي وبيصير الفيروس ينتج HBeAg أكثر ......

طيب أكيد هلأ فهمتوه شو صارت أهمية المستضد HBeAg والضد Anti-HBe في المرض المزمن ؟؟؟؟؟


شو باينتكم ما فهمتو .................يلا راح أشرح ...............

بالمرض المزمن المريض بيتعرض لفترات من دون أعراض نهائياً وبهي المرحلة بيكون الفيروس كامن وعقلان وما عم يعمل شي ، أما في الفترات اللي بيصير الفيروس متل المجنون وبيقدر يتغلب على الجهاز المناعي فبينتج HBeAg وبيظهر هذا المستضد في مصل المريض.

وهيك بنقدر نشخص علاقة الجهاز المناعي مع الفيروس من خلال HBeAg والضد Anti-HBe .


أتمنى إنو فهمتو هالفكرة الهامة جداً .....................



طيب نعطيكم استراحة كمان .......بس هلأ راح أترككم مع صورة توزع التهاب الكبد B المزمن في العالم ....( راجعوا شوية جغرافيا )

الخريطة موجودة بالمرفقات باسم (hep B world map ) ........




يمكن ذكرتكم هاي الخريطة بالنشرة الجوية ................وإنتو بتعرفوا إنو المسلسل اليومي بيطلع بعد النشرة الجوية ..............فانتظروا المسلسل القادم لأنو راح نحكي عن أهم شي بالتشخيص المصلي لالتهاب الكبد B ...............وراح تكون فيه مخططات وجداول تساعد بشكل رئيسي على التخلص من كل العلاك اللي حكيته أنا من قبل وبتصيروا بتقروا الجداول وبتتركوا موضوعي إلى الأبد ...........

راح تكون الحلقة القادمة هي الأخيرة والأكثر إثارة ...............انتظرونا .............

وهلأ يا جماعة الخير بدنا نعرضلكون الحلقة الأخيرة من تشخيص التهاب الكبد B مصلياً ..............

ولكن الشي الحلو بهاي الحلقة إنها مميزة كتير ..............ليش يا حزركون ؟

لأنو ببساطة هلأ راح نحط جداول راح تساعدكون بالتشخيص من دون ما تعتمدوا على الكلام الفاضي اللي كنت عم بحكيه من قبل .............

يعني بتفتحوا هالجدول وبتقارنوا النتائج وبتعرفوا التشخيص على السريع ..............

ولهيك أنا أخرت الحلقة الأخيرة .................وعلى فكرة لهلأ صار في للموضوع حوالي 360 قراءة ، و46 عضو بالتحديد حتى الآن

وفعلاً بداية مشجعة يا شباب ..............بس أنا كنت حابب أسمع آراءكم على الموضوع وأي تعليقات مشان نحاول نفتح نقاشات واسعة حول هذا المجال .

مالنا بهالكلام خليني أعرضلكم أول جدول ................




إشارة ( + ) تعني إيجابية وجود .............أما ( - ) فتعني سلبية وعدم وجود ..........ولما ما بنشوف شي بالمريع فهذا يعني إنو هذا الشي غير مهم بتشخيص هذه المرحلة .

الجدول موجود بالمرفقات باسم ( table 001 ) ........


شو فهمتو من الجدول .............................ولا شي ؟؟؟

خلوني أشرح شوي ............

الأعمدة من اليسار إلى اليمين بتبين التحاليل المصلية اللي ممكن نعملها واللي راح تفيدنا بالتشخيص .

ونحنا بالحلقات الماضية حكينا عن كل هالأنواع المصلية ونحنا هلأ بنعرف كل واحدة منهم شو فائدتها وشو ضها وشو مستضدها وكمان شو فائدتها السريرية

بس إذا شفنا العمود اللي على اليسار فهذا يا حبايبي بيعبر عن التشخيص السريري .

يمكن أنا فصلت بشكل كافي عن التهاب الكبد الحاد ، وحابب هلأ أشرح شوية معلومات عن الالتهاب المزمن وعن مراحله :

1- replicative phase وهذا يعني طور التكاثر : هذا الطور راح يتكاثر فيه الفيروس بشكل كبير وبالتالي راح نشوف إنو كمية HBV DNA كبيرة كتير وهيك نحنا بنميزوه عن بقية أطوار المرض المزمن . بس وجود IgG راح يفرق بين المرض المزمن والمرض الحاد ، وكمان وجود HBe AG يعبر عن الطور التكاثري للفيروس .

2- الطور غير التكاثري non-replicative phase : هون الفيروس ما بيتكاثر وبالتالي راح نشوف HBV DNA قليل جداً وممكن يظهر شوي وقد يكون سلبي ............

والسؤال اللي بيطرح نفسه .............زشلون بدي أميز هذا الطور عن بقية الأطوار المزمنة ؟

الجواب : إذا شفنا كمية HBV DNA قليلة أو حتى سلبية بنطلع على Anti-HBe فإذا كان إيجابي معناها هذا الطور هو غير تكاثري ، بس إذا كان Anti-HBe سلبي فمعناها هذا هو طور الوهيج ( حسب المعجم الطبي الموحد ) أو ممكن نسميه طور التوهج ، يعني الفيروس بيرجع بتفعل من جديد بعد أن كان كامن ويتفعل بسرعة وبقوة شديدة


طيب كمان السؤال بيقول .............شلون بدي أميز هذا الطور غير التكاثري عن طور الشفاء تبع المرض الحاد ؟؟؟

الجواب : هاي الشغلة كتير بسيطة ............إذا طلعنا على Anti-HBs فهذا بسرعة راح يدلنا على إنو نحنا بطور الشفاء مباشرة بس إذا كان هذا سلبي فبدنا نرجع ونشوف Anti-HBe مشان نأكد تشخيص الطور غير التكاثري

3- طور التوهج flare phase : في هذا الطور يعاد تفعيل الفيروس من جديد وبيصير يتكاثر بشكل قوي وسريع ونسميه بإنه طور التوهج وليس الطور التكاثري لأنو هذا التوهج صار بعد كمون ، أنا لو كان هالتكاثر من أول شي لكان سميناه الطور التكاثري وليس طور التوهج .

هذا الطور بيتميز بوجود IgM ولهيك مشان ما نخربط بينو وبين المرض الحاد مهما كان الطور ...........لازم نشوف وجود IgM وكمان وجود IgG مشان نقول إنو هذا المرض هو من طور التوهج

أما إذا كان IgM لحاله فقط ...فالمرض حاد ولسا ما دخل بالمزمن ..............وإذا كان IgG فهذا المرض مزمن على الأغلب وبدنا تحاليل أخرى مشان نميزه بأي طور من الأطوار السابقة .

4- الطور الأخير ما راح أحكي عنه لأنه بدو تفصيل كتييييييييييييييييييير وبدو موضوع لحالو ...........إذا حبيتو ممكن أخصصله موضوع جديد ونحكي عن هذا الطور مع إنه نادر الحدوث .

طيب بعد كل الشرح خلونا نستعرض مخطط آخر معقد شوي أكتر وهو خاص مشان نعرف شو وضع كل شخص بيريد إنو نعطيه لقاح لالتهاب الكبد B ..........

فأول شي لازم نعرف شو وضع هذا الشخص وبعدين بنقرر إنو بيلزمه لقاح ولا لأ .

هذا هو المخطط :



الجدول موجود بالمرفقات باسم ( table 002 ) ......

بهذا المخطط راح نشوف تحاليل معينة على اليسار في حال غيجابيتها أو سلبيتها راح نقدر نحدد وضع المريض .

أول شي المريض لما يكون susceptible وهذا يعني إنو هذا الشخص قد يصاب بالمرض وهو لم يصب من قبل وغير ممنع أبداً ضد الفيروس .

وبعدين في عنا immune due to natural infection فهذا الشخص يعني إنو قد أصيب بالتهاب كلد حاد من قبل والآن قد حصل لديه شفاء من المرض وبالتالي فهو ممنع ضد الفيروس .

والحالة اللي بعدها immune due to HB vaccination وهذا يعني إنو المريض قد تلقى لقاح ضد هذا الفيروس وبالتالي فهو لن يصاب بالمرض بسبب هذا اللقاح .

وبعدين في عنا acutely infected وهذا الشخص بيعبر عن مريض بالطور الحاد من التهاب الكبد فما بيصير نعطيه لقاح أبداً ..............لأنه مصاب بالمرض حالياً .

أما المريض chronically infected فهذا المريض المزمن كمان ما نقدر نعطيه اللقاح لأنه مصاب بالمرض .

أما آخر حالة ............فراح أشرحها بالتفصيل حالياً :

اسم هذه الحالة هو :

Isolated Anti-HBc positive :
إيجابية Anti-HBc المعزولة :

وهذه الحالة هي إيجابية هذا الضد وسلبية بقية التحاليل المصلية تماماً ..............وهي حالة قد تحير الكثيرين ..........بس إنتو اللي عم تقروا هالشي حالياً ما راح تستغربوا السبب لأنو راح أشرح هلأ كل شي عن هذه الحالة

أنا أفضل إنو قبل ما تكملوا قراءة للتفسير إنو تعملوا اختبار لحالكم ولو لخمس دقايق وتحاولوا تعرفوا شو هي الحالات اللي ممكن يكون فيها Anti-HBc إيجابي لوحده دون بقية التحاليل .




لا تناموا ...................قلنا فكروا بالإجابة ..............



خلصت الخمس دقايق .............وراحح أعطيكون التفسير :

1- قد يكون هذا الشخص في فترة النافذة اللي حكيت عنها بالمشاركات السابقة ، وهاي الفترة تتميز بسلبية Anti-HBs وسلبية المستضد HBs Ag . وما راح يطلع عنا إلا إيجابية الضد Anti-HBc

2- أو قد يكون هذا الشخص قد أصيب منذ فترة تتجاوز العشرين سنة بمرض التهاب الكبد الحاد B وشفي منه دون دخوله بالمرض المزمن أو أنه قد تلقى لقاح منذ مدة زمنية طويلة ، وتقول الدراسات إنو بعد عشرين سنة قد تنخفض نسبة Anti-HBs إلى درجة منخفضة جداً إلى حد لا تستطيع فيه الأجهزة الحالية كشف هذه الأضداد في مصل المريض . وبالتالي إيجابية Anti-HBc هي الدليل الوحيد على إصابة المريض من قبل .

3- أو قد يكون المريض قد أصيب منذ فترة زمنية طويلة بالفيروس وهو حالياً بطور الإزمان ولكن الفيروس قد نقصت كمية HBsAg إلى درجة منخفضة جداً لا تستطيع الأجهزة الحديثة اكتشافها عند المريض وبالتالي فهو سلبي لكل الأضداد والمستضدات ما عدا Anti-HBc .

4- قد يكون السبب هو إيجابية كاذبة للـ Anti-HBc ...............وهاي الشغلة فاجئتني إنو حتى بهاي ممكن يكون في إيجابية كاذبة وبالتالي بنحتاج إنو نجري الاختبار مرة تانية إذا نفينا الأسباب السابقة .

بإيجابية الضد Anti-HBc المعزول ننهي كلامنا الحالي عن تشخيص التهاب الكبد مصلياً ..............

وبالفعل كنت قد استمتعت أثناء كتابتي لهذه المعلومات التي نقلتها لكم من موقع UPTODATE.COM وهو أفضل موقع متخصص في مجال المعلومات الطبية حالياً في العالم

وعلى فكرة الجدولين سحبتها من الموقع نفسه ..............وما أعتقد إنو تقدروا تدخلوا على الموقع uptodate مشان تشوفوا الموضوع المصدر لأنو بيحتاج لاشتراك ومصاري ..............

بس حبيت أشارككم هذه المعلومات ...................وأنا أتقبل حالياً أي أسئلة تعرضوها علي وإن شاء الله راح أجاوب على كل الأسئلة بما لدي من معلومات وبما أبحث عنه في النت .

وما راح أنسى أسئلة الأخ alibrika ................وراح جاوبك عن قريب بإذن الله .


أرجو إنو تستفيدوا من الموضوع وبالتوفيق في موضوع جديد ............

ونفتح باب الأسئلة

ليش ما في أسئلة يا شباب ؟؟؟؟؟؟؟؟؟؟؟؟؟

تفضلوا أنا جاهز لفتح باب النقاش

المشاركة الأصلية بواسطة shakazolo

شلون التحاليل المصلية ممكن تشخص التهاب الكبد B ؟

ها السؤال راح نجاول نجاوب عليه مع بعض وما راح أنفرد بالإجابة ، بس لازم أول شي أشرح كم شغلة مشان نعرف شو هاد الفيروس الخاص بالتهاب الكبد B .

مقدمة : فيروس التهاب الكبد B واسمه ( HBV ) من فصيلة ( hepadnaviridae ) ، ويعتبر من الفيروسات التي تمتلك على DNA وهو الفيروس الوحيد من فيروسات التهاب الكبد المشهورة ( A, B, C, D, E ) الذي يحوي على DNA أما بقية الفيروسات السابقة الذكر فهي تحوي على RNA . المميز أيضاً في فيروس هذه الحلقة هو أنه يمتلك جاكيت مصنوع من الفرو الأصلي ومبطن بطبقتين ، فهو يمتلك محفظة خارجية تحوي على مستضد اسمه HBs Ag وكذلك لديه مستضد داخلي محيط بالـDNA هو المستضد HBc Ag ، والشغلة الحلوة إنو المستضد HBc Ag ما راح يطلع برا الفيروس وهيك فهو يظهر في مصل المريض على شكل مستضد آخر اسمه HBe Ag ولهذا تذكر المراجع أنه : ( يعتبر HBe Ag هو الشكل القابل للدوران في مصل المريض من المستضد HBc Ag ) . ضل في شغلة واحدة بس لازم نعرفها عن هذا الفيروس إنه بيملك DNA Polymerase ( ما راح نفصل فيه هلأ لأنه ما راح يفيدنا بالتشخيص المصلي بس ممكن نفصل فيه بحلقات قادمة ) .

أكيد مقدمة سخيفة وبايخة ، بس شو لازم نعمل كل موضوع بيلزمو مقدمة ..............يلا شكراً لأنكم تحملتوني هالمرة ..........

تعوا هلأ بنحكي عن كل واحد من المستضدات اللي ذكرتها بالمقدمة مشان نعرف كل واحد وعلاقته بالفيروس وشو أهمية كل واحد وعمله .

1- HBs Ag : طبعاً بتعرفوا هلأ وين مكان هالمستضد . هاد هو اللي بيغطي الفيروس ونحنا ممكن نتعرف على الفيروس من خلال جاكيته بس لأنو ما حدا من الفيروسات عندو نفس المستضد هاد . طيب شلون بدنا نشوف هالمستضد ؟ أكيد ما راح نشوفوا بعيونا المجردة لأنو الفيروس كتير صغير ، طيب شو العمل ؟ بنستخدم طريقة اسمها ( Radioimmunoassays RIA ) وهي طريقة المقايسة المناعية الإشعاعية ، يعني نحنا ممكن نسلط أشعة على هذا المستضد بعد ما نعزله من الفيروس ونشوف إذا كان موجود ولا لأ . وفي كمان طريقة تانية شوي أسهل غير الإشعاعات ، وهي ( enzyme immunoassays EIA ) وهي طريقة المقايسة المناعية الأنزيمية وهيك نحنا بنحط أنزيمات مع المستضدات فإذا كانت المستضدات موجودة راح تحول الأنزيمات لون السائل إلى لون مختلف وبنحسن نقول إنو المريض عنده هالمستضد .

يمكن البعض بيقول إنو في طريقة اسمها ELISA ممكن نستخدمها ؟ ....بس EIA هي نفسها ELISA ولا تخربطوا بهاي الشغلة .

طيب إيمتا ممكن اكشف وجود المستضد هاد عند المريض بعد تعرضه للخمج ؟ بعد ما بيتعرض المريض للخمج بأسبوع لعشرة أسابيع بنقدر نكشف عن هاد المستضد حتى قبل أن تظهر الأعراض والعلامات على المريض وحتى قبل ما يرتفع ALT. فتخيلوا شقد مفيد هالاختبار في الكشف عن الفيروس بعد التعرض لإبرة ملوثة بهذا الفيروس . فلازم نعمل الاختبار بعد أسبوع على الأقل من التعرض مشان نكشف وجود الفيروس أو لأ .......

2- Anti-HBsAg antibody : ببساطة هاد هو الضد للمستضد السابق واختصاراً بيسموه ( Anti-HBs ) وهاد الضد قادر بشكل قوي على أن يحطم المستضد HBs Ag ويخلي الفيروس من دون جاكيته وهيك بيموت الفيروس من البرد وبنقضي عليه تماماً .

3- HBc Ag , Anti-HBcAg antibody : هدول هني المستضد والضد بس هدول صايرين حبايب وما حدا بيزعل التاني أبداً . كمان مرة تانية الضد ممكن نسميه ( Anti-HBc ) ، بس هون الأضداد إلها نوعين . الأول هو من النوع IgM والتاني من النوعIgG ، وكل واحد بيظهر بفترة مختلفة عن الآخر .

4- HBe Ag , Anti-HbeAg antibody : خلونا نتذكر إنو المستضد HBe Ag هو الشكل الدوراني من المستضد HBcAg وبالتالي هاد المستضد أنا ممكن أكتشف وجوده بالمصل أما HBcAg فما ممكن أكتشف وجوده أبداً بمصل المريض . بس المستضد HBe Ag بيعبر عن إنو الفيروس فعال وعم يسبب مشاكل داخل جسم المريض وبالتالي فالمريض ممكن ينقل الفيروس للآخرين وبيصير معدي . أما المستضد Anti-Hbe فوجوده يقضي على المستضد HBe Ag وهيك بتتوقف المشاكل الداخلية عند المريض وبترجع صحة المريض تتحسن . بس لازم ننتبه إنو المستضد هاد ممكن يرجع يغلب الضد تبعه وبترجع الحالة السيئة للمريض ، أما بالنسبة للمستضد HBS Ag وضده Anti-HBs فهذا الشي ما راح يصير لأنو بس ظهر الضد Anti-HBs فما راح يرجع يظهر المستضد HBs Ag أبداً بعدها حتى لو شو ما صار ..............يعني لو اتصل بأمريكا تجي تساعدو ما راح يقدر يعمل شي .

5- HBV DNA : وجود الـ DNA الخاص بالفيروس في مصل المريض هو أكبر دليل على وجود الخمج ونحنا ممكن نكشف عن الـDNA بواسطة PCR ، وطلاب جامعة حلب صاروا بيعرفوا شو هاد PCR من شي 3 سنين بس لأنوا ما كان عنا منه بس هلأ موجود ومتوافر بأسعار خيالية جداً ( 6000 ليرة للتحليل الواحد فقط لاغير ) .





بعد ما حكينا عن كل مستضد وشو شغلته وشلون بنكشف عنه خلينا نفهم شو أنواع الخمج بالفيروس HBV .

أنواع الخمج بالفيروس HBV :
1- التهاب الكبد الحاد : تقول الدراسات أن أكثر من 90 % من المرضى يتعرضون لالتهاب حاد يتلوه شفاء كامل من المرض .

2- التهاب الكبد المزمن : تنخفض النسبة إلى 1 – 2 % تقريباً من المرضى ، وهنا يبقى الفيروس موجود لدى المريض دون أن يشفى شفاء تاماً وبالتالي يصبح المريض حاملاً للمرض Carrier وهي حالة مزنة قد تنتهي بالشفاء في قليل من الحالات والأشيع هو كمون المرض بعد المعالجة ، ومن مخاطر الإزمان هو الإصابة بالتشمع وهو مؤهب أيضاً إلى الإصابة بسرطان الكبد ، علماً أنه لا داعي لحدوث التشمع في الكبد نتيجة HBV كي يحدث السرطان وإنما يكفي وجود الفيروس مهما كانت مرحلته للإصابة بسرطان الكبد ( أرجوكم أن تذكروني أن أشرح هذه النقطة بالتفصيل أثناء مناقشة الموضوع ) .

نترككم الآن مع مقطع فيديو يشرح فيه المنظر النسيجي عن التهاب الكبد المزمن B ، حجمه كبير نسبياً 3.12 ميغا ولكن الفائدة عظيمة . يمكنكم مشاهدة المقطع على real player فقط .

http://daveproject.org/quickstuff/DAVE_Clip286_Real.zip

أرجو لكم المتعة والفائدة ، وسنعود بعد الفاصل ................الموضوع لسا ما خلص وسنتابع بإذن الله .............

اهنئك بصدق على هذا الموضوع المهم وارجو ان تكتبى عن الانترفيرون ودوره الفعال في علاج التهاب الكبد B و C

أهلا وسهلا عدنان ...........

شي حلو إنو نكمل موضوع تشخيص المرض بعلاجه ...........بس أنا كنت مستني حدا من طلاب الصيدلة ينزل هيك موضوع ، وراح حاول نزل موضوع عن الإنترفرون ودوره بالمعالجة إضافة لبقية أنواع الأدوية ...........في حال كان لدي الوقت الكافي ......

شكراً لمرورك ........

شكراً عل موضوع شكازولو , ماصحلي أكمله كله هلأ ,

بس يلي شفته انو عرضه كتير حلو و سلس , و بيركز معلومات درسناها بأسلوب حشو

التهاب الكبد بده شوية ( مخمخة ) لأنو محود ناصر عم يسأل أسئلة فهمية

موفق

thank you for your efforts