سنبدأ هذا الأسبوع مع ضيف جديد
بدون أية مقدمات ولمفاجأة تامة
ضيفنا هذا الأسبوع هو عمو المستر سام Mr.Sam
مسترنا سام تفضل وعرفنا عن نفسك (وبطاقتك الشخصية حسب ما بتحب) قبل ما نبدأ ونسألك
تحياتي

مرحبا....:
بعد كل هل الاسئلة ( الدسمة) بعتقد اجا دور اسئلة" التحلية"...
لذا...سؤالي هو : شو هو نمط الافلام المفضل عندك؟ الاجتماعية؟الكوميدية ؟الرعب ؟
الخيال العلمي ؟ وليش بتفضل هالنوع؟ واذا قلتلك تسميلي اكتر فلم اثر فيك...شو بتختار؟ وكمان ليش؟
(بعرف انو سؤال كتير صعب.... )

سؤال عل ماشي...شو هو الفصل المفضل عندك بالسنة ؟( ما قصدي الفصل الاول ولا التاني... قصدي فصول السنة )
سؤال تاني عل ماشي... في عندك يوم او شهر معين مفضل عندك.؟ وليش؟

خلصو اسئلتي هلأ... سنعود...

المشاركة الأصلية بواسطة sunshine

شو هو نمط الافلام المفضل عندك؟ الاجتماعية؟الكوميدية ؟الرعب ؟
الخيال العلمي ؟ وليش بتفضل هالنوع؟ واذا قلتلك تسميلي اكتر فلم اثر فيك...شو بتختار؟ وكمان ليش؟

الأفلام.... بصراحة... لما كنت صغير كنت حب الخيال العلمي... بس شوف مركبة فضائية يا لطيف... تقولي مستر سام كان هون.... .... هلأ بحب الأفلام الاجتماعية الهادية، والكوميديا إذا في من وراها مغزى...

فلم أثر فيني... ما فيني سمي واحد.... فيكي تقولي Hitch مثلاً... ممكن كمان Pay it forward.... (هذا الفيلم بكاني... )

المشاركة الأصلية بواسطة sunshine

سؤال عل ماشي...شو هو الفصل المفضل عندك بالسنة ؟

الفصل المفضل.... أكيد مو الربيع.... (بالربيع تسجل أعى نسبة انتحار بين كل الفصول).....
ولا الخريف..... الجو كئيب والبني يطغى على الساحة البصرية.....
الشتاء..... جميل، لكن فيه عواصف وأمطار غزيرة، وغالباً ما أمرض فيه......
الصيف..... هذا هو، وكما أقول "الصيف.... كيف! "

المشاركة الأصلية بواسطة sunshine

في عندك يوم او شهر معين مفضل عندك.؟ وليش؟

بصراحة فاجأتيني بهالسؤال.... يوم معين.... طيب...
الجمعة.... لا
السبت.... آخر يوم بالعطلة....كمان لا
الأحد.... أول يوم دوام.... لا
الاثنين.... يعطل فيه الحلاقون..... لا
الثلاثاء..... منتصف الاسبوع.... كمان لا
الأربعاء..... نعم! تضامناً مع أصدقائي الحماصنة!
بقي الخميس.... نهاية الاسبوع..... لا

الأشهر، أحب شهر شباط... لأنني ولدت فيه... ولأنني أتلقى فيه الهدايا في عيد ميلادي....


طيب..... عندك صحن حلويات تاني؟ لأني كتير بحب الحلويات!

بالنسبة للأفلام... في فلم رائع لجون ترافولتا اسمو Phenomenon.... كمان كتير أثر فيني....

مممم....كان قصدي باليوم المفضل مثلا يوم عيد الام... او يوم عيد الشجرة...او يوم
عيد ميلادك....او يوم البتعطل فيه وبتخلص فحص...يعني بشكل اخر.. شو اليوم اللي
فيه مناسبة مفضلة عندك؟( سبقت اوبتمستو بالفزلكة...!!! )
سلااااام...

المشاركة الأصلية بواسطة sunshine

في عندك يوم او شهر معين مفضل عندك.؟ وليش؟

طيب.... يوم بالمفهوم الجديد.... يوم عيد ميلادي... لأنو بتجيني هدايا (آخر هدية كانت لابتوب! )

أول يوم برمضان بشكل خاص، وشهر رمضان بشكل عام (الروحانية العالية في شهر رمضان أحبها كثيراً)...

أحب أيام العيدين (الفطر والأضحى)، سبحان الله كيف يدخل السرور إلى قلبي فيهما....

.......


على فكرة..... مع أنو من أكتر الأمور إثارة للجدل فيني هي "الألعاب القتالية"... بس لهلأ ما حدا سألني عنهن.... غريبة!

أخي سام :

يمكن مبكر شوي بالمشاركة باللقاء معك .......ولكن كان ذلك بسبب ظروف تقنية بجهاز الكومبيوتر عندي ..

على كل حال أول ما عرفت هذا الشخص عرفته من خلال ملخصات اللغة الانكليزية التي كانت مميزة وقيمة بكل ماتعنيه الكلمة ......

وازدادت معرفتي بهذه الشخصية من خلال هذا المنتدى وتعرفت على براعته في علم النفس وفي جميع المواضيع واكتر ما يعجبني بهذا الشخص هو اعتداليته في النقاشات المصيرية ...

أما القنبلة التي فاجأني فيها هي حبه الشديد لحلب واعتبارها بلده الأول .........الله محيي أصلك وأهلا وسهلا فيك في حلب الشهباء التي تفتح ذراعيها العريضتين مرحبة بكل من يحترم حضارتها ....

أهلا بك أخي سام أخا عزيزا وأتمنى أن تجمعنا الايام اكتر ونعرف بعضنا اكتر ونكون اخوة اعزاء في الله....

أخوك
أبوعبدو الاصيل

اي خيو

بدي أسألك شي كم سؤال .........

الحقيقة عندي فضول كتير كبير أعرف كيف ما هي الوسائل التي اتبعتها حتى صرت فذا لهذه الدرجة باللغة الانكليزية.....
سمعت من فترة بأنك ستتقدم لفحص التوفل فهلا اخبرتني باختصار عن ملاحظاتك حول هذا الفحص ورأيك فيه.....


بما أنك شامي دوماني شو رأيك بالاختصاص بدمشق وهل الفرق الجوهري بينه وبين الاختصاص بحلب ؟؟؟؟؟؟

اما عن self improvement فبصراحة صار عندي فضول اعرف عن هذا المجال فاذا بتبعتلي كمان ال pdf رح كون من الشاكرين.....


وفي النهايه وفقك الله حبيب قلبي و رزقك السعادة والراحة النفسية

تحياتي
أخوك
أمين
أبوعبدو الاصيل

ولا يهمك الخضر

مادامك فتحت سيرة العيون والالوان عطينا خلفية عن شكلك (الطول - الوزن- اللون-الخ)

مستحيل حدا يسبقني بالاسئلة المفذلكة!!! (سنشاين )

مستر سام..
ليش اشتريت كنزة برتقالية (تبع stefanel مو عرفتا؟؟) هل الاورانج بيعنيلك شي معين
لأنو انا بصراحة مثلا ما بحب البرتقالي ابدا!!! ولا حتى البرتقال!!!!!!!

معقولين انتو؟
بدال ما تتسابقوا مين سؤاله أصعب
قاعدين مين سؤاله مفزلك أكتر؟
عجبي