لقاء مع Mr.Sam
يدور هذا النقاش حول لقاء مع Mr.Sam في قسم لقاءات في الملتقى الطبي السوري; سنبدأ هذا الأسبوع مع ضيف جديد
بدون أية مقدمات ولمفاجأة تامة
ضيفنا هذا الأسبوع هو عمو المستر سام Mr.Sam
مسترنا سام تفضل وعرفنا عن نفسك (وبطاقتك الشخصية حسب ما بتحب)
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | من هم الأشخاص الواجب التحري عن إصابتهم بالتهاب الكبد B : | القرحة القلاعية Aphthous Ulcers |
| تخفيض خدمة العلم إلى 21 شهرا اعتبارا من بداية 2009 | ||
| | LinkBack | أدوات الموضوع |
Aug, 31 2005, 14:42
| |||
| |||
 لقاء مع Mr.Sam سنبدأ هذا الأسبوع مع ضيف جديد بدون أية مقدمات ولمفاجأة تامة ضيفنا هذا الأسبوع هو عمو المستر سام Mr.Sam مسترنا سام تفضل وعرفنا عن نفسك (وبطاقتك الشخصية حسب ما بتحب) قبل ما نبدأ ونسألك تحياتي  |
|
#71
Sep, 02 2005, 23:22
| |||
| |||
| أوبتيميستو... وأسئلته ال"مفزلكة"..... المشاركة الأصلية بواسطة Optimisto هل أحب فيروز.... عادي... يمكن كرهوني ياها بمعسكر التدريب الجامعي لارتباطها مع فيقة الصبح بكير، مع صوت الضابط "الظريف" يلي بيفيقنا بكل "أدب ولباقة"....
شو بحب أغاني لفيروز... هي بشكل عام أغانيها بيسلو... أنا ما بسمعها، بس بحب من أغانيها "زعلي طول"، و"يا جبل البعيد".... ليش أنا الشامي الوحيد اللي حب حلب.... يمكن لأنو أنا الوحيد اللي حلب حبتني!  بعدين، يمكن يكون في عدة أسباب... أنا بتصور من الشوام القلائل اللي "انخرطو" بالمجتمع الحلبي... بالإضافة إلى أنو ستي (من بيت مرعشلي، يعني حلبية) وجدي الكبير (من بيت الشلبي، ويقال أنو من جسر الشغور) ... بتعرف... العرق دساس! أما دوما... سأفرد لها بعد قليل مشاركة خاصة... ولو أوبيميستو، ولك تكرم! أما تشارمد.... سؤال غريب... القدرة على التجميد، أم القدرة على التخاطر وقراءة المستقبل، أم القدرة على تحريك الأشياء عن بعد..... بتصور بختار الثانية.... التخاطر! |
|
#72
Sep, 02 2005, 23:45
| |||
| |||
| دوما... مسقط رأسي P: دوما، مركز محافظة ريف دمشق، وتبعد عن مركز دمشق حوالي 15 ك.م. إلى الشمال الشرقي (إذا ما خانتني الذاكرة) دوما.. مدينة تاريخية مغرقة في القدم... قبل أكثر من 2100 سنة كان هنالك قائد روماني له ابنة أحبها كثيراً... وحباً بها بنى مدينة أسماها باسمها.... عرفتو عن أنو مدينة عم أحكي؟ برافو... عم أحكي عن دوما! حالياً... دوما فقدت طابعها التاريخي، ولكنها لا تزال تحافظ على مكانتها الاقتصادية والاجتماعية كواحدة من أهم مدن محافظة ريف دمشق.... دوما تشتهر بالزراعة... وأشهر ما تشتهر به هو "العنب"... والعنب الدوماني، الصغير الحجم، أحمر اللون حلو الطعم... لن تعرفوا طعم العنب الحقيقي ما دمتم لم تتذوقوا العنب من دوما.... مجتمع دوما مجتمع محافظ (بالمقارنة مع مجتمع دمشق العاصمة)... الشعب هنا طيب، متواضع، وظريف! (متلي يعني )....يكفي الآن حديثاً ولنعد إلى أسئلتكم..... |
|
#73
Sep, 03 2005, 03:48
| |||
| |||
| سام مرحبا كان بدي أسألك احكيلنا بشوية تفصيل أكتر عن الself improvement وشو قدملك من سنتين لحتى الآن ؟؟يعني شو كنت قبل وشو صرت بعد؟؟؟ سام إذا بدك ترد بموضوع منفصل على راحتك . كمان سؤال كيف ترى مستقبل الطب البديل –وليس طب العطارين – في بلدنا و ما هي نظرتك لهذه الصرعة القديمة الحديثة في عالم الطب . كمان بدي أسألك إلى أي مدى بتآمن بمقولة "الإنسان ابن بيئته " طيب كمان احكيلنا عن مثلك العليا في الحياة –غير ملزم – طيب أخيراً شو نظرتك للحوار بين المذاهب أو بين الأديان أوبين الإيديولوجيات المتعددة؟؟ خود راحتك .. سلمات سام ...  |
|
#74
Sep, 03 2005, 12:46
| |||
| |||
| آآآآآخ منك يا عاشق الغزالي! المشاركة الأصلية بواسطة عاشق الغزالي طيب... بلشنا بالأسئلة المحرجة....
شو قدملي ال Self-Improvment... توتر أقل، ثقة أكبر، مثالية أقل (لأنو مثاليتي كانت كتير ولادية)، مصالحة (إلى حد ما) مع الذات، بالإضافة للتخلص من رهاب (لن أذكر ما هو مطلقاً)..... مستقبل الطب البديل.... لا بأس فيه.... بس بتصور أنو بيضل الطب الإحصائي التقليدي (تبعنا يعني) هو السائد.... والطب البديل برأيي.... متل ما قلت ل Wiseman_a مرة... "الطب متل جسم فراغي ننظر له نحن (أصحاب الطب التقليدي) من منظور خاص بنا،و ينظر له أصحاب الطب البديل من منظور آخر، كل منا يرى شكلاً مختلفاً عن الآخر، ولكن يجب ألا ننسى أبداً أننا ومنذ البداية ننظر للجسم نفسه!"... الإنسان ابن بيئته.... قصدك بالبيئة المجتمع؟ إذا هيك... فأنا ما كتير مع هالمقولة.... الإنسان هو ابن خبرتو وتجاربو وأفكارو ومعتقداتو قبل ما يكون ابن "بيئته".... إذا قصدك غير هيك خبرني..... مثلي الأعلى في الحياة.... سؤال محرج جداً.... سأتهرب وأقول أتمنى أن يكون مثلي الأعلى خير الخلق رسول الله محمد صلى الله عليه وسلم...... الحوار بين المذاهب والأديان..... أنا أكره ما عليي (كمسلم) أنو تفرق بيناتنا المذاهب (وللأسف هذا يحدث كثيراً).... برأيي لازم كل واحد فينا يحترم الآخر ورأيه (ضمن حدود طبعاً) وما يخلي شغلة صغيرة متل (المسح على الجوارب) نقطة خلاف كبيرة (متل ما صار مع أحد أصدقائي).... بالنسبة للحوار بين الأيديولوجيات والأديان... إن كان الحوار متل "الحمام المقطوعة ميتو" (وبالمناسبة هذا اللي عم يصير عادة بالمنتدى، بيجي س بيزت فتيشة، وبينبحتو علي ش، ص، ض، وبيصف معو ط، ظ، ع) فأنا ضد هذا الحوار.... خلي كل واحد على دينو الله بيعينو.... ولكن إذا كان الحوار ناضج وعقلاني ومتفهم، لا يهدف لا للشتيمة أو للاستهزاء.... فيا حبذا.... لأن الإنسان يجب أن ينفتح على كل جديد.... (لا أقول أن يحول دينه بالضرورة، ولكن قد يستفيد من التعرف على أيديولوجية الغير...)..... طيب.... عم أنتظر أسئلة تانية (بس مو محرجة!  ) |
|
#75
Sep, 03 2005, 14:09
| |||
| |||
| الحوار مع أبو السوم.. بمنتهى المتعة.. يعني يمكن من المرات القليلة... ما بطف أسطر كتير.. (عم أمزح قريته 5 مرات.. وكل كلمة..) كمان عم أمزح.. مرة وحدة وحاج..بس قريته كله.. برايك.. الحب شو هو؟؟ يعني لما إنت بتلاقي أم السوم .. شو بكون صار..؟ وليش بتدور عليها هلا.. برايك الحب بزيد وبينقص؟؟ طيب.. ممكن يكون عندك أم سوم1 وأم سوم2 وأم سوم 5؟ طيب بلا 5.. أم سوم وأم سوم..؟ برأيك لحتى توصل لأنثاك لازم تكون مجرب الحب أكتر من مرة.؟ طيب.. إذا حبيبتها.. ممكن تتركو بعض؟ .. إذا بدنا نسأل ع التقيل.. بتقلك فيروز.. الله يطول بعمرها.. فيكن تنسو صور حبايبكن.. لكن.. وشو ما صار.. لا تنسو وطنكن..! لا تنسو وطنكن.. وطنكن!!! شو هو الوطن بالنسبة إلك؟ لقيته بسوريا.؟ وللا بتآمن بوطن من نوع مختلف .. يعني بحلم عربي؟ أو بيوتوبيا إسلامية..؟ برأيك كيف الواحد هلأ.. فيه ما ينسى وطنه..؟ .. شو رأيك بمقولة.. "كلنا للوطن.. صح كلنا للوطن.. بس لازم كمان يكون الوطن إلنا كلنا..! الوطن إلك.. خده" .... إذا قدرت تهاجر.. وصار عندك ظروف مناسبة.. ممكن ما ترجع.؟ على مبدأ حيث ما تكونو أنتم في أرض الله..؟ ...... لو عملوك رئيس هيئة إدارية بكلية الطب.. شو بتعمل؟؟ ...... |
|
#76
Sep, 03 2005, 14:13
| |||
| |||
| إذا إجتك امرأة.. ورايدة تجهض.. بتساعدها..؟ إذا كلن إبنها غير شرعي.. ؟ بتساعدها..؟ إذا كانت مغتصبة.. ؟ ؟... الاستنساخ لأغراض علاجية شورأيك فيه.؟ .. طيب..سؤال كتير معقد.. وما وصلت البشرية لجاوب شافي.. وأغلب الأجوبة هي عقائدية.. أكتر منها علمية.. خلق أم تطور؟؟.. يعني هل خلق الإنسان هكذا..؟ أم تطور من كائنات أقل رقيا عبر ملايين سنين.؟ ......... والبقية تأتي |
|
#77
Sep, 03 2005, 15:32
| |||
| |||
| عودة إلى صديقي.... اللدود! المشاركة الأصلية بواسطة سنفور الحب.... هو عبارة عن شعور غريب يتحرض عن طريق افراز ال (PEA (Phinyl Ethyl Aminفي الجملة العصبية المركزية نتيجة لمحرض يكون مرتبط عادة بتجارب الشخص غالباً في سن الخمس سنوات..... (فهمت شي؟)
لما بلاقي Mrs.Sam.... بيكون حققت أحد أهم أحلام حياتي... (بس بشرط هي تلاقيني كمان!)... وطبعاً عمدور عليها هلأ لعدة أسباب... أهمها أنو صرلي عمدور من خمس سنين ولسا ما لقيتها (ولما بفكر حالي لقيتها، هي ما بتلاقيني..... كمان فهمت شي؟).... الحب يزيد وينقص.... بالتأكيد.... إذا كلب بافلوف شطت ريالتو عالجرص.... كمان الإنسان (اللي جملة التعلم عندو أعقد وأكبر) بيكتسب معلومات وخبرات حتى شعور من التجربة... فالحب متل أي سلوك آخر متعلم.... بيزيد كل ما زادت المكافآت وبينقص كلما زادت العقوبات..... (لا تقلي... أكيد فهمت!).... أم سوم ن (هي ن هي ال index).... هلأ ممكن يكون في "مشروع" Mrs.Sam واحد واتنين..... بس Mrs.Sam واحدة فقط.... (هي بسيطة!) لحتى وصل لأنثاي لازم جرب الحب أكتر من مرة.... لا مو شرط.... لأنو لن أحب سوى Mrs.Sam بإذن الله.... قد أعجب بغيرها... لكنها حب حياتي..... إذا حبيتها ممكن نترك بعض.... ليه يا شيخ! مو حرام عليك؟ المشاركة الأصلية بواسطة سنفور طيب.... سؤال حلو!..... هداك اليوم سافرت على الأردن.... بصراحة ما فيك تتصور شعوري وأنا عالطريق.... حبيت كل حجر وكل سيارة وكل رملة وكل "عنزة" شفتها عالطريق.... وما صدقني طول الطريق عم غني بقلبي (ديرتنا الأردنية ديرة كبيرة وقوية.....)..... بعدين فتت على عمان... حسيت حالي عم شوف أخواتي اللي ما بعرفهن! وقلت لحالي... يا الله... نحنا ليش صاير فينا هيك؟ قديش ظالمين حالنا... نفس اللغة، نفس العادات، نفس الطباع، نفس الجوامع والكنائس، ليش نحنا هيك مفرقين حالنا.... صدقني على قد ما كنت مبسوط على قد ما انقهرت..... (إنشالله تكون وصلت الإجابة!)....
الواحد فيو ينسى وطنو.... أي.... إذا صار معو فقدان ذاكرة! المشاركة الأصلية بواسطة سنفور طيب... اللي فهمتو أنو المقولة تشمل الأسطر الثلاثة.... هي مقولة سمعتها من أناس لا يمتون للوطنية بصلة (مع أنهم يدعون ذلك).... حتى يكون الوطن لي يجب أن أشعر أنا أنه لي... أنني في "وطني" وعلى سجيتي، دون أن يعترضني أحد أو يعلق علي أحد.....
المشاركة الأصلية بواسطة سنفور يمكن.... مو مشان شي.... بس لأني حابب أبعد.... فقط!
المشاركة الأصلية بواسطة سنفور يمكن ما أحسن ساوي شي لأنو رئيس الهيئة منصب "شكلي".... إذا أطلقت يدي وأعطيت كافة الصلاحيات.... ممممم.... طيب... اعتبر هي لائحتي:
1_ سأنزل برنامج الفحص في أول الفصل الدراسي... 2_ سأقوم بفتح المكتبة 12 ساعة يومياً منذ بداية العام الدراسي.... 3_ .................. (بقلك ياها بس شوفك )4_ أشرف وبشكل شخصي على تنزيل ملخصات المواد لكافة السنوات.... هدول اللي حسنت فكر فيهن.... المشاركة الأصلية بواسطة سنفور هون أنا مالي رأي.... الشغلة فيها أخلاقيات المهنة، بالإضافة للرأي الطبي والشرعي.... فبعتذر منك!
المشاركة الأصلية بواسطة سنفور راجع الإجابة السابقة.....
المشاركة الأصلية بواسطة سنفور طيب..... هيك شغلة نحنا ما فينا نعطي إجابة علمية عنها.... ببساطة الشغلة صارت من ملايين السنين.... فما فيك تحدد... بس في أقوال بالموضوع، واحد بيقول أنو جدي قبل ما كون بني آدم كنت سعدان، والتاني بيقول أنو رب العالمين خلق جدي بيده (دون تشبيه أو تمثيل... سبحان الله).... فبتصور أنو التانية أحلى، موهيك؟
يالله... إنشالله كون أشبعت فضولك.... في انتظار بقية الأسئلة! عكلٍ... الحوار معي كتير عادي.... أسئلتك أنت وبقية الشباب هي اللي مخليتو ممتع! |
|
#78
Sep, 03 2005, 22:01
| |||
| |||
| نصحتك ما تتواضع يا أبو السوم بالسنبة للأخلاق الطبية.. أنا معك إنو الطبيب مجبر يلتزم بالقانون.. بس عم أسألك عن فلسفتك للأخلاق الطبية.. يعني ما ضروري إذا كنت موافق على الإجهاض إنك تجهض شي حدا.. ! بس يعني كفكرة. .إنت موافق على حق المرأة في الحمل والإسقاط متى تشاء؟ طيب. .في الشروط الخاصة.. ما بدي تجاوبني. .روح اسآل الشيخ! ما كان شنكول اختارك للحوار.. لو بدك تحيلنا للسلطات الدينية. والتشريعية.. والتنفيذية.. قللي شو رايك بالاستنساخ.. بكلام واضح.. يمكن بتفق معك إنو الحوار بين الأديان هو أحسن من التدبيح.. بس ما بتلاحظ معي إنو كتي رمن هي الجلسات عم تكون فزلكة وتمسيح دقون.. ومن شان ياخدولهن كم صورة .. وينقال عن الوحدة الوطنية..؟ يعني ما عم يصير حوار عميق.. ودايما الخلاصة هي هي.. شو هالحوار إذا بنطلع منه دايما بنفس النتيجة.. وبنحكي فيه نفسي الحكي.. بس أنا ما فهمت شو حدود وطنك.؟ يعني سوريا والأردن واحد!! وللا الله واحد والعالم واحد يعني أممي.؟ ولللا وطن عربي كبير.؟ وللا سوري |
|
#79
Sep, 03 2005, 23:15
| |||
| |||
| عودة إلى سنفور..... مجدداً المشاركة الأصلية بواسطة سنفور بالنسبة للحوار بين الأديان... هدا اللي أنت عم تحكي عليه مو حوار بين الأديان.... أنت اللي سميتها فزلكة وتمسيح دقون.... الظاهر ما بتعرف أنو في جلسات حوار بين الأديان توصلت لنتائج كتير هامة... (أكتر من جلسة صارت بين علماء مسلمين ومسيحيين بأوروبا بالسبعينات وطلعت بقرارات مثيرة للجدل....ابحث عنها إن شئت)......
المشاركة الأصلية بواسطة سنفور بس كتعقيب بسيط... أنا أكره تعقيد الأمور وتحميلها ما لا تحتمل.... (أي أكره فلسفة ما لا يحتمل الفلسفة برأيي)....
المشاركة الأصلية بواسطة سنفور بالطبع أنا ضد قتل أي إنسان.... مهما كان هذا الانسان..... أما في الشروط الخاصة... فهدا أمر تاني حسب هذه الشروط.... وبعيد أنو الشغلة شغلة أخلاقيات ورأي شرع وطب... وهون المخ مالو شغل......
المشاركة الأصلية بواسطة سنفور وطني حدوده بتنتهي عند منتهى أحلامي.....
وبالفعل يا سنفور..... موضوعي بلا أسئلتكن كان عادي....... |
|
#80
Sep, 03 2005, 23:22
| |||
| |||
| نسيت......... المشاركة الأصلية بواسطة سنفور بصراحة.... أنا بسنفور واحد مالي مخلص.... شلون إذا استنسخوا وسلطوا هو ونسخو عليي؟
 |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| التواصل مع المريض | zorba | طب الفم | 1 | Dec, 23 2005 01:46 |
| لقاء مع ملك الهراء .... drfiras007 !!!!!!! | Shankool | لقاءات | 88 | Aug, 06 2005 20:16 |
كل الأوقات حسب GMT +2، والوقت الآن 05:23.
