لقاء مع Mr.Sam

Aug, 31 2005, 14:42

سنبدأ هذا الأسبوع مع ضيف جديد
بدون أية مقدمات ولمفاجأة تامة
ضيفنا هذا الأسبوع هو عمو المستر سام Mr.Sam
مسترنا سام تفضل وعرفنا عن نفسك (وبطاقتك الشخصية حسب ما بتحب) قبل ما نبدأ ونسألك
تحياتي

#81 Sep, 04 2005, 00:55

مستر سام

خليني أقلك إنك رئيس دولتك
شو بتعمل؟
اليومين دول نعيش ثورة في المنتدى وهي التطبيب
ما رأيك بخطوات التطبيب؟

سؤال خارجي هل أنت عادةً مع أم ضد؟ أي شيء
أي هل تكون معارض عادةً وحجر عقبة أم تكون مساير؟

بالنسبة لصورتك الرمزية، ماذا تعني لك؟

#82 Sep, 04 2005, 01:52

المشاركة الأصلية بواسطة Shankool

خليني أقلك إنك رئيس دولتك
شو بتعمل؟

بستقيل فوراً.....

المشاركة الأصلية بواسطة Shankool

اليومين دول نعيش ثورة في المنتدى وهي التطبيب
ما رأيك بخطوات التطبيب؟

رائعة جداً.... وتسليم RWTH زمام الأمور كان اختياراً موفقاً.... الله يعطيكم العافية!

المشاركة الأصلية بواسطة Shankool

سؤال خارجي هل أنت عادةً مع أم ضد؟ أي شيء
أي هل تكون معارض عادةً وحجر عقبة أم تكون مساير؟

حسب.... هو غالباً أنا مع.... ولكن أحياناً بكون ضد.... حسب الموقف...

المشاركة الأصلية بواسطة Shankool

بالنسبة لصورتك الرمزية، ماذا تعني لك؟

هون بدي أنا أسال سؤال... أنت لعبان Final Fantasy VIII شي؟ إذا لعبانها بتعرف الجواب لحالك، إذا ما لعبانها لح قلك....

صورتي الرمزية هي لشخصية Irvine وهو واحد من Good Guys... اخترتو لما شفتو لأنو في شغلات مشتركة بيني وبينو.... (لا تضحك... أوعك إذا ضحكت بدي أزعل):

هو شخص ظريف ومهضوم وجذاب
هو قناص (وأنا أحب من الأسلحة القناصة)
رفقاتو بيحبو
ولما غلط باللعبة كانت غلطو بكفرة (اللي بيصير معي بالعادة)
بالإضافة لأنو حياتو بسيطة وحلوة (متل ما بتمنى أني عيش)

منيح هيك؟ لبقا تعيدها!

#83 Sep, 04 2005, 15:45

المشاركة الأصلية بواسطة Mr.Sam

.....

رائعة جداً.... وتسليم RWTH زمام الأمور كان اختياراً موفقاً.... الله يعطيكم العافية!

!

أخجلتم تواضعنا يعني حاج ياجماعة بعدا بيكبر راسي و ما بيطلع معي شي

المهم مستر سام سؤال؟ كيف يستطيع الانسان أن يكون بسيطاً؟ لا بمعنى ساذج بل بأن يخرج نفسه من جميع الأقنعة التي يحيط بها الناس أنفسهم المليئة بالنواقص
ثانياً عندما ينجح إنسان بهذا هل سيستطيع العيش و التأقلم

تحياتي
حازم

#84 Sep, 04 2005, 16:05

المشاركة الأصلية بواسطة rwth

كيف يستطيع الانسان أن يكون بسيطاً؟ لا بمعنى ساذج بل بأن يخرج نفسه من جميع الأقنعة التي يحيط بها الناس أنفسهم المليئة بالنواقص
ثانياً عندما ينجح إنسان بهذا هل سيستطيع العيش و التأقلم

سؤال كتير حلو (متل صاحبو)......

كيف يكون الانسان بسيطاً...... هي بتجي مع الأيام... لما بتلاقي العالم يلي تحبها وتحبك... يعني شلة الأصدقاء يلي بتكون معهن على طبيعتك وهنن على طبيعتهن، وهن بيحبو فيك هالشي وبدن ياك لها الشي.... بالتأكيد ما فيك دوماً تكون هيك.... ومتل ما قلت من قل "لكل مقام مقال".... يعني لما بتكون بالمجتمع ما فيك دوماً تكون على سجيتك وتأسقط كل الأقنعة.....

بالنسبة لي.... عندما أضع كافة الأقنعة وأجهزة التشويش والمحسنات و.....إلخ....(كما أفعل الآن).... يمكن أن يعجب فيني أغلب الناس (وهذا اللي بيصير)... ولكن عندما تزول كل هذه ال"ملحقات" لأبقى على طبيعتي.... لا يبقى من هؤلاء سوى الربع.... وهذا هو عيب أن تكون على سجيتك......

بتمنى تكون وصلتك الإجابة.....

#85 Sep, 04 2005, 18:40

عيون لاحت من الأفق
رقص القلب لها وخفق

خضر كحيلة ترمقك
بنظرة حب تدفئك

هذه الكلمات المتواضعة مهداة إلى Mr. Sam
أما عن الأسئلة التي أرجو منك الإجابة عنها بصدق :
1. ماذا تعني لكَ الصداقة؟وهل وجدت الصديق على مقاعد الدراسة بالجامعة؟
2. من هو قدتك في هذه الحياة؟ وهل تأثرت به؟
3. هل تعتقد بأن المال هو سبب السعادة أم هو وسيلة؟

#86 Sep, 04 2005, 19:14

مرة اخرى اخي السيد سام عندي سؤالين لعيونك

س1: ما هي الشخصية التي تحب أن تكون بمن حولك؟ وتختار صاحبها ليكون صديقك الصدوق؟
س2: ما هي الشخصية التي تكرهها وتحاول ان تتجنب التعرف اليه اصلا؟؟؟

#87 Sep, 04 2005, 19:44

المشاركة الأصلية بواسطة TURBO

س1: ما هي الشخصية التي تحب أن تكون بمن حولك؟ وتختار صاحبها ليكون صديقك الصدوق؟
س2: ما هي الشخصية التي تكرهها وتحاول ان تتجنب التعرف اليه اصلا؟؟؟

هو بصراحة ومن تجربتي الشخصية.... نفس الشخصية ممكن تكون موجودة عند أكتر من شخص... بس نتيجة للتربية والمعتقدات والتجارب عم تتظاهر هالشخصية بأشكال وصور متعددة..... أنا صادقت وسواسيين، هستريائيين (ذكور طبعاً)، اعتماديين، انطوائيين.... أكتر شخصية ما تأقلمت معها الاعتمادي بس اللي بيكون حالتو مستفحلة.... الاعتمادي الخفيف كتير ظريف ومهضوم ومساير.... الوسواسي أحياناً بيجلطك.... الهستريائي بيعقد سماك (بس بتتضحك كتير عليه)... الانطوائي بيكون كتير حساس وما بيلقى كتير..... بصراحة وبقلك ياها، إذا الشخص ولا وحدة من الشخصيات المرضية بيكون أريح شي بالتعامل (بس المشكلة لما بيعاملك بحسم ممكن تنزعج أحياناً...)....

أما بالنسبة للشخصية التي أكرهها....... إذا حالة أي شخصية مستفحلة فهي لا تطاق..... أبداَ...

المشاركة الأصلية بواسطة TURBO

مرة اخرى اخي السيد سام عندي سؤالين لعيونك

الخضر؟؟؟

#88 Sep, 04 2005, 20:09

أنا لم أسمع بحياتي أرق وأعذب وأصفى وأرقى من هذه الكلمات....

جعلتني أشعر بتفاهتي... ووضاعتي.... لأنني لا أستحق كل هذا الإطراء منك

.... شكراً لك....

المشاركة الأصلية بواسطة han

أرجو منك الإجابة عنها بصدق

.................. سأضطر للكذب بعد ما قلتيه عني!

المشاركة الأصلية بواسطة han

ماذا تعني لكَ الصداقة؟وهل وجدت الصديق على مقاعد الدراسة بالجامعة؟

الصداقة.... بشكل عام العلاقات الاجتماعية أمر أساسي بالنسبة لي..... فما بالك بالصداقة.....
إلا أنني لم أجد على مقاعد الدراسة في الجامعة أي صديق..... ولكنني وجدت أخوة لم أتعرف عليهم من قبل....

المشاركة الأصلية بواسطة han

من هو قدتك في هذه الحياة؟ وهل تأثرت به؟

سأجيبك كما أجبت عاشق الغزالي.... أتمنى أن يكون قدوتي رسول الله محمد صلى الله عليه وسلم... ليس فقط في العبادات... فلا يكفي أن نصلي أو نصوم أو نحج كما حج هو عليه الصلاة والسلام... بل يجب أن يكون قدوتنا أيضاً في المعاملة والأخلاق والسلوك.... وكل حياتنا....

المشاركة الأصلية بواسطة han

هل تعتقد بأن المال هو سبب السعادة أم هو وسيلة؟

بالتأكيد المال ليس سبباً مطلقاً للسعادة.... المال يجلب الرفاهية، والرفاهية قد تجلب السعادة..... السعادة الحقيقية تكمن في المصالحة مع الذات...... هنا يكون الانسان سعيداً (الله يجعلنا من السعداء).....

أعود وأعتذر لقلة لباقتي.... وأرجو أن تقبلي اعتذاري....

#89 Sep, 04 2005, 21:22

إي والله هان.. حرام عليكي دوبتي الزلمة..
وخليتيه محل حسد كل شعب المنتدى هون..
نيال قلبك على هالكلمات يا أبو السوم..

والله يبعتلك يا شنكول شي يوم هيك نحطك وننزل فيك.. كلمات من عسل..

بسألك.. سؤالي..
من وين بيجي الملل؟؟
ليش في ناس ملولة أكتر من ناس؟.
ليش أنا مثلا ما كتير بستحمل حدا يقللي شو رايك بالندورة المعفنة .. ع سبيل المثال.. وبفرض جدلي إنو هالسؤال عم يتكرر لكل مطرب وممثلة ..
يعني إذا كل ما بيطلع حدا رقاص مثلا. بيسألوه شو رايك بالبندورة المعفنة ويا ترى لسا عم نشوف منها بالسوق؟؟
طيب ما بمل الواحد..؟
طيب.. سؤال تاني..
دقت إحساس الملل من النفس.. ؟
أنا من الأشخاص يللي بتنازق من حالي..
ومن خيالي.. ومن الحوالي.. ! ليش؟؟
برأيك ..

يا ترى الحياة فيها شي هيك.. تقدر تتصبح بوجهه وتقعد معه.. ,تاكل منه.. بدون ما تشبع.؟
وللا مقدر على كل الأشياء إنو تحسها بعد فترة متل الهوا.. !

جاوبني.. وأسعفني..

#90 Sep, 04 2005, 22:09