كل سنة، في منحة تقدمها الحكومة اليابانية، بهدف الدراسة في اليابان . أسمها (MEXT) أو منحة (Monbusho).
ممكن أي طالب من سورية و من أي أختصاص أنه يقدم عليها، في للدراسة قبل التخرج أو بعد التخرج (أو قيد التخرج، يعني سنة أخيرة و متوقع تخرجه قبل بداية العام التالي ). عادة و في السنين الماضية عدد الطلاب اللي بياخذو المنحة قبل التخرج (1-2)، و بعد التخرج (5-6).

هون رح تلاقو كل المعلومات بشكل مفصل كتير للمنحة هي السنة.

عادة بيتم تقديم الطلبات للسفارة اليابانية أو في المركز الياباني في جامعة حلب. وأنا بنصحكم، إذا حابين تقدمو عليها، تطلعوا على المركز الياباني في جامعة حلب رح تلاقو دعم كبير هنيك.
عادة في السنين الماضية، في مثل هذا هالوقت بيكون التقديم للمنحة بس لازم تعجلو لأنه على ما أظن أنه قرب يخلص.

إذا حدا ضل عندو أي سؤال أو في شي مو واضح ، عم أستنى أسألتكم.

بالتوفيق..

السلام عليكم:
أولا :تقبل أعتذاري الشديد على الأزعاج الذي سببته لك
ثانيا : قصدت بجملة من غير رابط :
هو لأني أتصفح المنتدى عبر الجوال ، وذلك لتواجدى بالمشفى هنا بأوكرانيا . و عدم توفر الوقت لذهاب لمقهى أنترنيت .
ثالثا : مشكور على حسن الرد

السلام عليكم ورحمة الله
شكرا على المعلومات اخي واعدروني على التطفل على منتداكم لان تخصصي ليس طب
فقط اتمنى لو تجيبني على بعض الاسئلة المتعلقة بمنحة MONBUKAGAKUSHO:MEXT
انا الان طالبة في سنة التالثة في مدرسة مدة الدراسة بها 4 سنوات,,يعني ساحصل على الدبلوم في يوليوز 2009 واطمح ان احصل على المنحة لاتمم الماستر هناك في اليابان

علما اني تاخرت في بدء الاجراءات,,اريد ان اعلم

هل الاتصال بالجامعة التي تريد الالتحاق بها سيتم بعد قبول الملف في بلدك ام قبل,,لكي ارى هل يكفيني الوقت
وهل لنقاط سنوات الدراسة تاتير في قرار المنح( لاني معدلاتي في السنة الاولى والتانية كانت متوسطة)

انتظر اجابنك وشكرا
في امان الله

الأجوبة كلها هي عن اللي كان يتم حتى السنة الماضية ، و للحصول على المنحة عن طريق الترشيح من قبل السفارة اليابانية. لأنه ممكن حتى في بعض الأحيان أنه بتم الحصول على المنحة عن طريق الترشيج من قبل جامعة يابانية (ترشيج السفارة هو الأقوى والأفضل و الأسهل، ترشيح الجامعة بيحتاج التسجيل بالجامعة وبعدين طلب للمنحة وغالبا ما بيمشي الحال).

المشاركة الأصلية بواسطة hasa

انا الان طالبة في سنة التالثة في مدرسة مدة الدراسة بها 4 سنوات,,يعني ساحصل على الدبلوم في يوليوز 2009 واطمح ان احصل على المنحة لاتمم الماستر هناك في اليابان

علما اني تاخرت في بدء الاجراءات,,اريد ان اعلم

منحة المتخرجين بيقدم عليها المتخرجين و من في حكمهم(يعني سنة أخيرة و بيرفق مع الطلب ورقة من عميد الكلية بيكتب فيها أنه الطالب يتوقع تخرجه في حال تجاوز جميع الأمتحانات) وبالتالي السنة القادمة بس تصيري سنة أخيرة، بتقدري تقدمي عليها حتى قبل التخرج(في حال ما تخرجتي في نفس السنة اللي قدمتى فيها على المنحة رح تلغى المنحة، يعني إذا قدرت تاخذي الترشيح من السفارة فرح يكون مشروط بتخرجك)
عادة بتم التقديم على المنحة من شهر نيسان أو أخر أذار و بيستمر لأول أيار.
المنحة عبارة عن مراحل(بيصير فيها تصفية المتقدمين حتى بالنهاية يصير 5-6 بس)
بيصير تقدمي على المنحة أكثر من مرة إذا ما مشي الحال من المرة الأولى، مافي مشكلة.

المشاركة الأصلية بواسطة hasa

هل الاتصال بالجامعة التي تريد الالتحاق بها سيتم بعد قبول الملف في بلدك ام قبل,,لكي ارى هل يكفيني الوقت

طبعا مو أمر لازم، بس من الأفضل أنه تكوني مقررة جامعة أو اثنين و إذا بالأمكان تبعتي ايميل للبرفسور و تخبريه أنك رح تقدمي على المنحة، لأنه إذا مشي الحال و أخذتي الترشيح المبدئي من السفارة فرح يطلبو تقدمي قبول من جامعة واحدة أو حتى ثلاث جامعات على الأكثر، ورح يكون عندك حوالي الشهر فقط. وبالتالي وقت اللي بتطلبي قبول من البرفسور رح يكون تجاوبه معك سريع(حتى البرفسور يعطي القبول لازم تبعتي ورقة تثبت حصولك على الترشيح للمنحة).

المشاركة الأصلية بواسطة hasa

وهل لنقاط سنوات الدراسة تاتير في قرار المنح( لاني معدلاتي في السنة الاولى والتانية كانت متوسطة)

في حدا أدنى مطلوب من المعدل مو كتير، يعني بالستينات، بس أكيد هو رح يلعب دور بالأختيار على الأقل في المرحلة الأولى، وهي تقديم الطلبات. يعني أهمية المعدل أنه ما يعمل مشكلة.


بالتوفيق

الشكر الجزيييل لك اخي على ردك الواضح,,,بارك الله فيك وجزاك خيرا

لكن بقية نقطة لم افهمها جيدا,,,كيف لا استطيع ان اقدم الطلب هده السنة علما ان بداية الدراسة هناك تكون اما في شهر 4 او شهر 10 ,,والمنحة الحالية هي لسنة 2009,,انا سوف اتخرج في شهر 7 من 2009 ,,يعني ساقدم هده السنة كي التحق بفوج شهر 10 من 2009 ان شاء الله
اما ان انتظرت حتى السنة القادمة,,فساكون مضطرة للانتظار 9 اشهر حتى الحق بفوج ابريل 2010,,هدا ان تم قبولي

المشاركة الأصلية بواسطة hasa

لكن بقية نقطة لم افهمها جيدا,,,كيف لا استطيع ان اقدم الطلب هده السنة علما ان بداية الدراسة هناك تكون اما في شهر 4 او شهر 10 ,,والمنحة الحالية هي لسنة 2009,,انا سوف اتخرج في شهر 7 من 2009 ,,يعني ساقدم هده السنة كي التحق بفوج شهر 10 من 2009 ان شاء الله
اما ان انتظرت حتى السنة القادمة,,فساكون مضطرة للانتظار 9 اشهر حتى الحق بفوج ابريل 2010,,هدا ان تم قبولي

لأنه حتى تاخذي المنحة تبعت 2009 و تطلعي على اليابان لازم تكون من خريجين عام 2008 أو قبل، يعني في السنة اللي بتقدمي فيها على المنحة. مو مقعولة يعطوك المنحة و أنت لسا عم تدرسي بالجامعة. أو أنه يستنو حتى أنو تخلصي الفحص و تاخذي المنحة و مباشرة تسافري.
إذا جوابي مو واضح، لو سمحتي تكتبي الخطة اللي حاططتيها في بالك، قصدي بالشهر و السنة. و الأهم من هيك شلون رح تاخذي ورقة من العميد أنه متوقع تخرجك و لسا بدك سنة ونص لتتخرجي؟؟!

قرأت طلب المنحة كويس؟ لأنه في شي هو الأهم في الطلب و هو مجال الدراسة و خطة البحث اللي لازم تكتبيهم. إذا حابة تقدمي على المنحة لازم تهتمي بهالنقطة.

بالتوفيق، و جاهز لأي أسئلة