كل سنة، في منحة تقدمها الحكومة اليابانية، بهدف الدراسة في اليابان . أسمها (MEXT) أو منحة (Monbusho).
ممكن أي طالب من سورية و من أي أختصاص أنه يقدم عليها، في للدراسة قبل التخرج أو بعد التخرج (أو قيد التخرج، يعني سنة أخيرة و متوقع تخرجه قبل بداية العام التالي ). عادة و في السنين الماضية عدد الطلاب اللي بياخذو المنحة قبل التخرج (1-2)، و بعد التخرج (5-6).

هون رح تلاقو كل المعلومات بشكل مفصل كتير للمنحة هي السنة.

عادة بيتم تقديم الطلبات للسفارة اليابانية أو في المركز الياباني في جامعة حلب. وأنا بنصحكم، إذا حابين تقدمو عليها، تطلعوا على المركز الياباني في جامعة حلب رح تلاقو دعم كبير هنيك.
عادة في السنين الماضية، في مثل هذا هالوقت بيكون التقديم للمنحة بس لازم تعجلو لأنه على ما أظن أنه قرب يخلص.

إذا حدا ضل عندو أي سؤال أو في شي مو واضح ، عم أستنى أسألتكم.

بالتوفيق..

شو الحد الأدنى المطلوب من اللغة؟ وما هو مجال الاختصاص؟ هل يمكن أن أختص ما أريد؟

بالتوفيق ومشكور

المشاركة الأصلية بواسطة Shankool

وما هو مجال الاختصاص؟ هل يمكن أن أختص ما أريد؟

الجواب لازم يكون هون

1. FIELDS OF STUDY
Fields of study must be subjects which applicants will be able to study and research at Japanese universities.
Keep in mind, however, that a student who majors in medicine, dentistry or welfare science will not be allowed to engage in clinical training such as medical care and operative surgery until he/she obtains a permit from the Minister of Health, Labour and Welfare under applicable Japanese laws. Majors in traditional entertainment such as Kabuki and classical Japanese dances, or in subjects that seek practical training in specific technologies or techniques at factories or companies are excluded.

فعلا ما يبدو أنه لسبب قانوني ما بتقدر تدرس شي بيحتاج تدريب سريري(فيه تعامل مع المريض بشكل مباشر). وهذا الشي بينطبق حتى على اليابانيين المتخرجين من كلية الطب في اليابان، يعني مافي تعامل مع المريض حتى تأذن وزارة الصحة بذلك.
وبالتالي ما بيقدرو يعطوك منحة على أساس دراسة ما بتقدر تقوم فيها.

المشاركة الأصلية بواسطة Shankool

شو الحد الأدنى المطلوب من اللغة؟

إذا منقرأ هون

5. SELECTION AND NOTIFICATION
② Written examination: Must show that the applicant obtained scores better than a certain level either in Japanese or English.

يعني يا أما كويس بالأنكليزي يا أما بالياباني، بعبارة أبسط، أنا بعرف ناس ما بيعرفو ولا كلمة ياباني و أخذو المنحة، وفي ناس بيعرفو ياباني كتير كويس وما قدرو ياخدوها. إذا بتعرف الأثنين فرح يكون أحسن.
على كل حال، هي مسألة اللغة بتجي كخطوة ثانية، وإذا كان الواحد كويس بالأنكيزي فيمرق منها. في عندك قبل فحص اللغة، الأوراق( اللي فيها حقل الدراسة و خطة البحث، يعني فكرتك اللي على اساسها رح يتم تقديم المنحة) كمرحلة أولى وبعدها فحص اللغة، والمرحلة الأخيرة هي المقابلة، لحتى تاخذ ترشيح السفارة للمنحة، و بعدها بتجيب قبول من شي جامعة باليابان. وبعدين السفارة بتبعت أوراقك مع الترشيح بعدين بيجي القبول النهائي للمنحة من اليابان( عمليا، بس السفارة بعتتك وراقك، ما بيجي رفض من اليابان، يعني بس السفارة رشحتك معناها تقريبا أخذت المنحة).


لازم أضيف، أنه هي المنحة هي الأفضل على الأطلاق إذا حدا بدو يدرس باليابان!!

طيب شو ممكن نختص؟ انت شو عم تختص؟

وحصراً لازم تعمل بحث؟

يسلمو ..

المشاركة الأصلية بواسطة Shankool

طيب شو ممكن نختص؟ انت شو عم تختص؟

وحصراً لازم تعمل بحث؟

عند التقديم على المنحة، من أهم الأوراق اللي بتقدمها هي أنك تحكي عن حقل الدراسة اللي أنت بدك تعمله و خطة البحث. أنا جيت على أساس طالب باحث (research student) بدون درجة(non degree) وهي تاخذ عليها منحة لمدة سنتين، طبعا السبب أنه ما بتقدر تاخذ كورس بطلب شهادة (مثلا PHD degree، كخريج كلية الطب وعندك MD ما بتحتاج تاخذ Master dgree ) لأنه هيك كورس بيحتاج أنه تعمل فحص لتعطيك الجامعة قبول، بس وقت اللي بتطلب قبول على أساس طالب باحث (non degree) بتقدر تعطيك الجامعة القبول بدون مشكلة. إلا إذا قدرت تدبر قبول بأنه رحت لهنيك لحالك و عملت فحص ونجحت، بيعطوك المنحة على أساس القبول اللي أنت جايبه. بس تقريبا مستحيل (ماديا أولا). وهون رح تلاحظ هذا الشي.

3. TERM OF SCHOLARSHIP
The term of scholarship will differ as follows depending on the course a grantee takes in Japan:
(1) In a case where Grantee will enroll as a research student, non-degree student, or auditor, etc. (hereinafter referred to as “Research Student”) after coming to Japan: ① If Grantee comes to Japan in April 2009, his/her scholarship will be payable for 24 months from April 2009 through March 2011; ② If Grantee comes to Japan in October 2009, his/her scholarship will be payable for 18 months from October 2009 through March 2011. (In either case, the above-mentioned term of scholarship includes a 6-month Japanese language training period for grantees who require such training)
(2) If Grantee enrolls in a master's course, doctoral course, or professional graduate course after coming to Japan, regardless of the time of his/her arrival in Japan the scholarship will be payable for a period necessary for Grantee to complete his/her regular course (standard course term). (Plus a 6-month Japanese language training period for Grantee who needs such training.) If Grantee desires to proceed to a regular graduate course from a Research Student course, or to a doctoral course from a master’s course or a professional graduate course, he/she may have the term of his/her scholarship extended upon successful examination by MEXT provided that he/she has outstanding academic achievement that meets certain criteria. (Grantee as Research Student cannot have the term of his/her scholarship extended, but he/she may proceed to higher education or continue with his/her study as a privately-financed student.)
Please note, however, that proceeding to a regular graduate course from a Research Student course is subject to period- related restrictions. Application for extension of stay will not be accepted in the following cases: ① Grantee desires to move on to a master’s course in a Natural Science field, but is unable to proceed to a regular course by the
last day of the 24th month counted from the month of arrival in Japan;

معناها، بعد أستثناء الدراسة السريرية (clinical training courses)، مثل ما حكينا بالأول، فأنت رح تجيب قبول على أساس بحثي في أي مجال. من أي قسم، الداخلية،العصبية، القلبية، الأشعة،الدموية،البيولوجي، ..... بس مو في القسم السريري للقسم، لأ، في القسم المتعلق بالأبحاث.

هلأ، أنا بعد ما جيت لهون على اساس طالب باحث، عملت فحص الدخول في كلية الطب (entrance exam) لطلب درجة الدكتوراة(PHD) ، وقدرت أنجح فيه، و بعدين طلبت تمديد المنحة تبعيتي، فتمددت لحتى أخلص دراستي، يعني لمدة 4 سنين من هلأ.

حقل الدارسة اللي عم أدرسه هو: المناعة (haematology) وتحديدا البحث اللي عم أشتغل عليه هو علاقة المناعة بالجينات...

هون النظام مختلف شوي من عنا بسورية، هون في عندك مجالات كتير لمتابعة الدراسة غير الدراسات السريرية اللي تعتبر كأختصاص بعد التخرج.
بصراحة، ممكن نقول أنه بتقدر أنه تكمل دراسة في اليابان لطلب درجة الدكتوراة، مو لأختصاص سريري، بالمعنى اللي عنا ياه بسورية. فهي المنحة والدراسة في اليابان، ممكن تكون ملائمة للبعض، وممكن تكون غير ملائمة.

عم حاول أفيدكم بالشي اللي بعرفه، أو الطريقة اللي أنا فهمان الأمور فيها وبحسب خبرتي. بس ممكن أنكم تقرأو تفاضيل المنحة، او تطلعو على المركز الياباني و تسألو مدير المركز (الدكتور أحمد منصور، رئيس قسم في كلية الميكانيك)عن هالنقطة، ورح تلاقو الجواب الشافي. لأنه هو درس في اليابان لمدة 7 سنين، فممكن يكون صدف تجارب ثانية خلال وجوده في اليابان. و أكيد رح يتقبل أسألتكم بصدر رحب كالعادة.

بالنسبة إلى أنا عم فكر أعمل أختصاص سريري بعد ما أخذ الدكتوراة. ولذلك الأمور بتختلف حسب الشخص و الوضع.

بالتوفيق، وجاهز لأي سؤال..

طيب شو بالنسبة للجنسية ؟ هل بالإمكان الحصول على جنسية يابانية؟

المشاركة الأصلية بواسطة Shankool

طيب شو بالنسبة للجنسية ؟ هل بالإمكان الحصول على جنسية يابانية؟

بهالرابط رح تلاقي كل المعلومات عن الجنسية اليابانية. حسب القانون والدستور.

بس في عندي ملاحظتين:
1- في القانون الياباني لا يمكن لشخص أن يملك جنسيتين بنفس الوقت، يعني في حال حصولك على الجنسية اليابانية لازم تتخلى عن الجنسية السورية. أو العكس بالنسبة لليابانيين، إذا أخذو جنسية من دولة ثانية فرح يفقدو جنسيتهم اليابانية.
2- في تشدد كتير كبير في منح الجنسية، و تعتبر اليابان من أكثر الدول تشددا في ذلك، يمكن تلاحظ هذا الشي من الشروط الحاطينها. أنه ربما يتم منح، وبالتالي حتى ولو أستوفيت جميع الشروط، ممكن ما يتم منح الجنسية. وبصراحة خاصة لألنا نحنا..

لأ مو لدرجة إني استغني عن جنسيتي الأساسية ..

يسلمو

السلام عليكم :
انا بتخرج هالسنة و أريد تخصص جراحة عظام ، هنا السؤال كيف أتخصص باليابان مع منحة ؟
أتمنى الرد بلا روابط أذا تفضلت ، تحياتي إلك

المشاركة الأصلية بواسطة Abusbia

السلام عليكم :
انا بتخرج هالسنة و أريد تخصص جراحة عظام ، هنا السؤال كيف أتخصص باليابان مع منحة ؟
أتمنى الرد بلا روابط أذا تفضلت ، تحياتي إلك

وعليكم السلام، ما بتقدر تاخذ المنحة اللي أنا حكيت عنها قوق على هلأختصاص اللي بدك ياه. السبب مكتوب فوق.

شو مشكلتك مع الروبط(ما عم يفتحو معك ولا ما عندك وقت تقرأ)؟ مثلا، بالرابط الأول كان في معلومات بشكل مفصل عن المنحة من مصدرها. وبالتالي مافي أكثر من هيك موثوقية، وبيختصر معظم الأسئلة اللي ممكن تنسأل. لازم تعرف أنه مو أنا اللي بقدم المنحة!! بالرابط الثاني الموقع للمكان اللي بيتم تقديم المنحة فيه(في حلب)، الثالث عن الجنسية. ولا بدك أترجملك الحكي للعربي، أو أعمل نسخ ولصق للمعلومات الموجود بالروابط و أحطها هون من شان تصير المشاركة 10 صفحات؟!؟!

بالتوفيق