ندااااء للمساعدة
ياريت حدا يفيدني باسلوب سهل عن الناهضات الكولينيرجية (الية عملها -اهم الأدوية وتأثيراتها)

اهلا فيكي بالمنتدى...رح حاول اختصر الموضوع و اذا خطر ع بالك اي سؤال لا تترددي
اول شي نبدأ بمراجعة سريعة للجهاز العصبي الذاتي ( او يسمى المستقل ايضا ) ...و الذي يختص بالتحكم بالوظائف الحيوية الذاتية اللاإرادية ، و وينقسم إلى جهازين ذوي مهام متعاكسة ندعوهما : الجهاز العصبي الودي( اللي موضحينو بالشكل بلون اخضر ) و الجهاز العصبي نظير الودي ( اللي باللون الزهري )

متل مو شايفة ...الاعصاب التابعة للجهازين موزعة تقريبا بكل الجسم و التحكم بوظائف الجسم يتم عن طريق تحرير مواد كيميائية نسميها نواقل عصبية تنقل النبأ العصبي من الخلية قبل المشبكية إلى اللواقط الحساسة المتواجدة علئ الخلية بعد المشبكية....و من ثم ينتج اثر معين حسب كل ناقل عصبي ...و هذه الاخيرة تختلف حسب الجهاز الودي او نظير الودي ...و ايضا حسب المستقبل لهذا الناقل العصبي
النواقل العصبية هنن الاستيل كولين و الادرينالين

حسب طبيعة الناقل يتم تصنيف الألياف العصبية إلى ألياف كولينية (تحوي الأستيل كولين) وألياف أدرينالية (تحوي أدرينالين و نورأدرينالين).

تشمل الألياف الكولينية

--جميع الألياف العصبية التلقائية قبل-العقدية preganglionic--متل مو موضح بالشكل -- (سواء كانت ودية أو غير ودية) : أي أن جميع اللياف التي تصل للعقد العصبية التلقائية تفرز الأستيل كولين لتنبيه الألياف بعد-العقدية .

--الألياف العصبية التلقائية التي تصل إلى غدة لب الكظر (تقع فوق الكلية .)

--جميع الألياف العصبية بعد العقدية في الجهاز نظير الودي .

--بعض الألياف العصبية بعد-العقدية في الجهاز الودي : و هي التي تصل إلى الغدد العرقية .

--الياف الأعصاب الحركية : التي تعصب العضلات الحركية الإرادية و هي أعصاب الجهاز العصبي الجسدي (الإرادي)

الألياف الأدرينالية التي تفرز في نهاياتها المشبكية نورأدرينالين و ادرينالين فتشمل جميع الألياف العصبية بعد-العقدية الودية (عدا التي تعصب الغدد العرقية.(

يعني فيكي تقولي الاسيتيل كولين هو ناقل عصبي فيالجهاز نظير الودي و الادرينالين ناقل عصبي في الجهاز الودي ..بس طبعاهالحكي بشكل عام مو بشكل دقيق

طيب شو معناتا ناهض كولينرجي ...معناتا انو هو مادة كيميائية بتعمل نفس الاثار اللي بيعملها الاستيل كولين
لذلك اول شي لازم نعرف شو بيعمل الاستيل كولين
اثار الاستيل كولين
طيب اذا بتلاحظي بالاول قلنا انو اثر الناقل العصبي يختلف حسب المستقبل لهذا الناقل ....فالاستيل كولين عندو نوعين من المستقبلات

1.المستفبلات الكولينية المركزية ...(التي تتوضع في العقد العصبية) تتنبه ايضا بالنيكوتين (حسب التركيز) سواء كانت في العقد أو في العضلات الإرادية لذلك تدعى مستقبلات نيكوتينية ...و هون الاثر بشكل عام ( لانو اذا منا نحكي بالتفصيل شوي بتصير القصة معقدة ) الاثر رح يكون نقل النبأ العصبي
2.و النوع التاني هي المستقبلات المسكارنية ...هذه تتواجد في نهايات الالياف العصبية بعد العقدية في الجهاز نظير الودي
هذه المستقبلات تنقسم الى عدة انواع ..م1...م2...م3...و حسب كل نوع رح يكون اثر معين لتواجد الاستيل كولين على هذه المستقبلات ...فعندك مثلا
--على مستوى القلب (يوجد مستقبلات مسكارنية م2 ) ...و تثبيت الاستيل كولين بواسطة هذه المستقبلات ينتج عنه بطء القلب bradycardia ( طبعا هذا الاثر حكيت عنو باختصار لانو في تفاصيل كمان هون )
--على مستوى الامعاء ( مستقبلات مسكارنية م3 ) ينتج تحفيز لتقلصات الامعاء ( لحد مثلا القيئ )
--ايضا مستقبلات م3 ع مستوى القصبات الرئوية لذلك ينتج تضيق قصبي
--على مستوى العين كمان مستقبلات م3 ...ينتج تقبض في حدقة العين
--ايضا من اثار الاستيل كولين هو زيادة الافرازات ..افراز اللعاب , العرق ...

الان سنأخد بعض الامثلة عن الناهضات الكولينرجية ...حيث تختلف هذه الاخيرة حسب نوعية المستقبلات التي تتثبت عليها
الأسيتيل كولين لا يستعمل الا على شكل قطرات للعين لاحداث تقبض سريع لحدقة العين
bethanechol ...هذا الدواء يحدث بشكل اساسي اثار مسكارنية لذلك فهو يستعمل في علاج Gastroesophageal reflux disease
Pilocarpine ..هو قلويد له اثار مسكارنية حيث يحفز الافرازات حيث يستعمل في علاج جفاف الفم الناتج عن العلاج الاشعاعي...ايضا حاليا في علاج الزرق
النيكوتين...هي بدا موضوع مستقل بذاتو
رح حاول اختصر الية عمل النيكوتين ...بجرعات قليلةيقوم النيكوتين بتحفيز النهايات العصبية الكولينرجية على افراز الاستيلكولين و تحفيز النهايات الادرينرجية و الغدة الكظرية على تحرير الادرينالين
لذلك رح اذكر بعض الاثار سريعا ..تحرير الاستيل كولين يؤدي الى تباطئ في القلب كما يؤدي الى الاحساس بالقيئ كما نلاحظ عند اول سيجارات و طبعا في اثار تانية بس بدا تفصيل اكتر

بتمنى يكون هالمختصر ساعدك

المصدر : ويكيبيديا
pharmacorama

الناهضات الكولينيرجية

بس ما فهمت شو قصدك ممكن تقوليلنا :
عم تقصدي على مضادات الأستيل كولين أم مقلدات الأستيل كولين أو معلومات بشكل عام عن المستقبلات الكولينرجية؟!!
وهي وردة

شكرا يا amarel المعلومات كتير حلوة ومفيدة
وبالنسبة Mr.sad انا قصدي مضادات الاستيل كولين
ويا ريت حدا يذكر اكتر عن الادويةالتي تعمل كمضادات استيل كولين والية عملها

اسفة على الخطا الذي وقع سهوا
انا بقصد بحكيي مقلدات الاستيل كولين يا Mr.sad

طيب حاضر رح أحكي أول شي عن المقلدات وبعدا عن الحالات (او الحاصرات) وبعدها أنت اختاري الي بدك ياه وما في داعي احكي عن المستقبلات او الجهاز نظير الودي لأنو ما شا الله اماريل حكت عنه شي كافي ووافي....
واهلا وسهلا فيك وهي وردة

كنت رح أبدا بالموضوع واتعذب بس عملت بحث قبل ما أبدا والحمد لله وقعت على موقع حلو بيشمل الي درسناه في مقرر الأدوية الخاص للدكتور وجيه السباعي وفيه إجابة كافية ووافية عن كل شي بدك ياه:

ادخلي فيه شي كافي عن ناهضات(او مقلدات )نظير الودي (الأسيتيل كولين) واذا في استفسار عن شي فقرة معينة بامكانك تستفسري وتسألينا هون بالمنتدى:
http://www.mbjabri.8k.com/pharmarabi...homymetics.htm



وهون في كل شي عن حاصرات نظير الودي (حالات نظير الودي مضادات الأسيتيل كولين)...

http://www.mbjabri.8k.com/pharmarabi...atholytics.htm

وأهلا وسهلا بك واذا في استفسار عن شي فقرة معينة نحن جاهزين...