السلام عليكم و رحمة الله و بركاته....
زملائي الأعزاء...المشكلة متل مو مبين من العنوان من شقين و الشق الأول هو :
كما عودتنا كليتنا المحترمةباتخاذ قرارات رائعة في آخر لحظة ، فوجئنا نحن طلاب السنة السادسة الراسبين - دفعة 2006- 2007 - بقرار إعتباطي و مالو طعمة أبدا و ألا هو:
إنو كل طالب سنة سادسة راسب ما دخل على دورة شباط 2008 اللي فاتت، و اللي رح يدخل على أي دورة بعد هي الدورة، رح يُحمّل مادة الوراثة من السنة الأولى و على حسب قول اللجان الذكية المختصة اللي بتعقد عنا قال : إنو هل القرار طلع من شان يكون أسوة بالطلاب الللي قدمو الوراثة من قبل ( يعني اللي دخلو على الكلية اعتبارا من 2001-2002 و اللي أضيفت مادة الوراثة على سنتهم).......
يعني ما بعرف شو بدي أحكي، يعني اللي تارك مادة من مواد التخرج من شان يؤجل عليها من طلاب دفعتنا رح يضطر آسفا إنو يقدم الوراثة.......حسبي الله و نعم الوكيل على هيك قرارات عشوائية و الله يرحم أيامك يا رياض أصفري..........أما الشق الثاني :
فهو موجه لطلاب السنة الأولى، إنو يحكولنا شوي عن مادة الوراثة، من وين الدرس و كيف بتكون الأسئلة و هل في معدلات و ......إلخ، لأنو الظاهر إنو رح نقدم هل المادة و رجلنا فوق راسنا، فلذلك نرجو مساعدتهم....
و الشكر لكم جميعا و كل قرار جديد و أنتم بخير......

بيخطرلي إنو نحن لازم نضرب مندل حتى نعرف شو هي القرارات الجديدة في الكلية....
يعني الإدارة الرائغعة عنا متوقعة إنو نحن طبيعيا رح تنعرف شو هي القرارات، مو نحن طلاب طب و منفهم كتير...
الله لا يوفق اللي كان السبب

السادة رائدي هذا المنتدى المحترم القضية الشائكة التي أشرتم اليها ليست وليدة أروقة كلية الطب البشري ولم يتم اقرارها عبر مكاتبه ولجانه ولكنه أمرٌ قد انخذه مجلس التعليم الأعلى لجامعة حلب وهو مدار جدال حالياً بين أكثر من طرف بين مؤيد ومعارض لعلمكم ان مثل تلك المجالس يحضرهارئيس الجامعة ومعاونوه وعمداء الكليات ولكل منهم صوت وتتخذ القرارات بالاجماع .
والمشكلة تزامن هذا القرار مع انعقاد المؤتمر الطبي ضمن فعاليات الاحتفال في الذكرى الخمسين لتأسيس جامعة حلب مما سيؤخر البت به وحوا امكانية تنفيذه من الغائه لما بعد المؤتمر طبعاً ليس من المنطق امتحان الحملة من طلاب السادس لمادة لم تدرس لهم أصلاً ذلك هو رأي السيد عميد كلية الطب البشري الذي وعد بوضع حل لتلك المعضلة حالما سنحت الظروف حيث يتطلب ذلك اجتماعاً لمجلس الجامعة والذي يعقد كل أسبوعين فأرجو عدم التسرع في اطلاق الأحكام المسبقة .
ودمتم
jpf

شكرا للصوت الحر spartacus

وينك يا زلمة من زمان ترد ................مشان نعرف فعلا إنو عميدنا خايف علينا فعلاً

يا أخي أكيد عميدنا ما راح يعمل أي مشاكل لطلابو وأنا متأكد من هالشي ، لأنو بدو مصلحتنا .............

بس المشكلة إنو عم تكون قرارات هالمجلس الأدنى ...............كتير متأخرة .............طيب أنا مستعد أعزمهم على ثرود عنا بالدير بلكي يصيروا يطالعوا قرارات على السريع ..............

السلام عليكم
يا زملاء أنا دخلت على دورة شباط و لكن بقيلي مادة وحدة يعني الله وحده بيعلم بحالتي لما طلعت علامتي و كان لازمني علامة وحدة بس لتنجح هل المادة و لكن بما انهم لغو المساعدات فرسبت المادة المهم اذا اضافولي مادة الوراثة و هي المادة مثل ما عم اسمع انها مجزرة بالفحص يعني بدهم يضربولي هل كم فيوز اللي باقيلي
على العموم اذا الموضوع لسه مو أكيد و قيد الدراسة هل معقول يطالبونا بالمادة قل موعد الفحص بكم يوم يعني هادا ظلم لأني مثل ما سمعت انو المادة فحصها فرنسي في دورة الحمل و هي مادة فصل أول يعني نحن بدنا ناكل هوا على هيك قرار
أرجو من الزملاء الأفاضل أن يتأكدوا من هذا القرار و الله يسترنا

الفحص اميركي ............واما اشاعة الفحص الفرنسي فخلص مفعولها في الفصل الاول...........
طعا عد التمرد والشكاوي

بسم الله الرحمن الرحيم
في أحد الزملاء اقترح أن يجتمع طلاب السنة السادسة و نتحدث مع الدكتور ليراعي و ضعنا بالأسئلة و تكون من خيارين
يعني A و B فما رأيكم في هذه الفكرة و ممن يرغبون بالمشاركة أرجو أن تردو على هذا الاقتراح بسرعة لنحدد موعد نجتمع فيه

ما في مانع أبدا و أنا مستعد ...
بس يا هل ترى هل الدكتور مستعد يسمعنا

و أنا كمان جاهز , وقت بدكون منجتمع و منحكي مع دكتور المادة و بظن هو ما عندو مشكلة ازا شاف وضعنا الصعب

وكمان اثناء الاجتماع.........اطلبوا يعطيكم السلايدات.......
لانو اجا منها سؤال هداك الفصل وما كان موجود في محاضرات مركز التصوير..........
خبروني بنتائج الاجتماع وخلوا عالحارك