السلام عليكم و رحمة الله و بركاته....
زملائي الأعزاء...المشكلة متل مو مبين من العنوان من شقين و الشق الأول هو :
كما عودتنا كليتنا المحترمةباتخاذ قرارات رائعة في آخر لحظة ، فوجئنا نحن طلاب السنة السادسة الراسبين - دفعة 2006- 2007 - بقرار إعتباطي و مالو طعمة أبدا و ألا هو:
إنو كل طالب سنة سادسة راسب ما دخل على دورة شباط 2008 اللي فاتت، و اللي رح يدخل على أي دورة بعد هي الدورة، رح يُحمّل مادة الوراثة من السنة الأولى و على حسب قول اللجان الذكية المختصة اللي بتعقد عنا قال : إنو هل القرار طلع من شان يكون أسوة بالطلاب الللي قدمو الوراثة من قبل ( يعني اللي دخلو على الكلية اعتبارا من 2001-2002 و اللي أضيفت مادة الوراثة على سنتهم).......
يعني ما بعرف شو بدي أحكي، يعني اللي تارك مادة من مواد التخرج من شان يؤجل عليها من طلاب دفعتنا رح يضطر آسفا إنو يقدم الوراثة.......حسبي الله و نعم الوكيل على هيك قرارات عشوائية و الله يرحم أيامك يا رياض أصفري..........أما الشق الثاني :
فهو موجه لطلاب السنة الأولى، إنو يحكولنا شوي عن مادة الوراثة، من وين الدرس و كيف بتكون الأسئلة و هل في معدلات و ......إلخ، لأنو الظاهر إنو رح نقدم هل المادة و رجلنا فوق راسنا، فلذلك نرجو مساعدتهم....
و الشكر لكم جميعا و كل قرار جديد و أنتم بخير......

المشاركة الأصلية بواسطة Simply Red

بيخطرلي إنو نحن لازم نضرب مندل حتى نعرف شو هي القرارات الجديدة في الكلية....
يعني الإدارة الرائعة عنا متوقعة إنو نحن طبيعيا رح تنعرف شو هي القرارات، مو نحن طلاب طب و منفهم كتير...
الله لا يوفق اللي كان السبب

عفواً بس يمكن مو بس لو بتضربوا لمندل...
لو بتضربوا كل مؤسسين علم الوراثة ما رح يمشي الحال

بشرى سارة لطلاب السنة السادسة بخصوص قرار مادة الوراثة , تم اعفاء طلاب السادس اللي دخلو على دورة شباط أو حتى اللي ما دخلو أبدا , القرار نزل اليوم و تعلق بالكلية , وطبعا منشكر كتير جهود الزميل عبد الناصر ناصر و الدكتور محمود ناصر اللي كان إلون تأثير كبير بهالموضوع , و طبعا الفضل الأكبر للدكتور نزار عقيل اللي تفهم مشكلة الطلاب و بالفعل هو إنسان محترم و بيحب دائما يكون إلى جانب طلابو.....و مبروك يا شباب , و اللي اشترى الملخص مشان كان ناوي يدرسو يروح يعمل فيو ورق مسودة و الحمد لله مرقت على خير و عقبال التخرج بتموز القادم انشالله