| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| Try to know the right diagnosis | مقاربة مريض بألم مفصلي | نحتاج إلى مشرفين (للأقسام ولكل الموقع) |
| تعالوا نشخص التهاب الكبد B مصلياً | تقربر مفصل عن فحص الكيمياء العضوية العملي لطلاب ابو بكر |
| عرض نتائج الاستفتاء: هل تعتقد أن مشفى حلب الجامعي يحقق الشروط المطلوبة ليكو | |||
| نعم |     | 1 | 10.00% |
| لا |    | 8 | 80.00% |
| لست متأكداً |    | 1 | 10.00% |
| المصوتون: 10. ربما لا يمكنك التصويت في هذا المنتدى | |||
 |
| | LinkBack | أدوات الموضوع |
|
#1
May, 08 2008, 09:09
| |||
| |||
 المشفى الجامعي...هل هو موجود؟ هنا سنوضح الكثير من الأمور التي قد تغيب عن الأذهان ، وسنعرض كل الإيجابيات والسلبيات التي نشاهدها في المشفى الجامعي في حلب خاصة وفي سوريا عامة . نرغب أن نتكلم عن هذا الموضوع بكل شفافية وصدق وثقة بأننا نحاول أن نجد وأن نفعل الأفضل لهذه المشافي . هذا هو القصد والغاية ، فتعالوا نتفرج على مشفى حلب الجامعي ............. دعونا في البداية نتكلم عن الخدمات التي يتلقاها المرضى كبداية لنقاشات أوسع . إن الخدمات التي يتلقاها المريض في المشفى ليست سيئة أبداً وإنما معدومة أصلاً ...فالمريض عندما يدخل قسم الإسعاف الذي يحسبه الجميع أفضل قسم في المشفى ، فإنه يتم فحصه في غرفة خالية من أي تجهيز إسعافي حتى أنه لا توجد سماعة ولا جهاز ضغط ولا تخطيط قلب لكل غرفة . كما أن المريض ينام على سرير أشبه بأسرة السجن بل قد تكون أسرة السجن أنعم وأكثر ليونة ، والأهم من ذلك أنه بعد فحص كل مريض ليس هناك من ينظف الأوساخ الناجمة عن فحص المريض أو إجراء بعض التداخلات الإسعافية عليه . لا توجد غرفة انتظار لينتظر فيها المريض ريثما يحين دوره في الفحص فيضطر إما أن يظل واقفاً أن يستخدم الأرض مربعاً له أما عندما يتم قبول المريض في المشفى فإنه سينام مع 5 مرضى آخرين بنفس الغرفة ، وبالتالي لن تكون له الحرية في فتح الشباك أو إغلاقه ولن تكون له الحرية في تشغيل النور أو إطفائه أيضاً ، مما يسبب المشاكل بين المرضى ليس هناك أي نوع من أنواع الاهتمام بالنظافة للمرضى ، فهم لا يحصلون على لباس خاص نظيف ولا يتم تنظيف الأسرة لهم ، ولا حتى تنظيف الأرضيات . أما الطعام فهو لا يشبه ما يسمى بالطعام ، فله رائحة كريهة والطعم لن يكون أفضل . هذا غيض من فيض ...............فتعالوا نفتش ونبحبش بين ثنايا المشفى ونتكلم عن الخدمات المقدمة للمرضى الإيجابيات والسلبيات على حد سواء............... مع التحية   |
|
#2
May, 08 2008, 09:13
| |||
| |||
| سؤال الاستفتاء : هل تعتقد أن مشفى حلب الجامعي يحقق الشروط المطلوبة ليكون مشفى جامعي ؟ |
|
#3
May, 08 2008, 12:28
| |||
| |||
| ما كتبته ليس له علاقة أبداً بالعنوان .. ننتظر رؤيتك للكيفية التي يمكن أن يكون عليها مشفى جامعي .. ومقارنة ذلك مع الواقع في مشفى الجامعة .. وضع المشفى من حيث التجهيزات والنظافة يتعلق بأمور عديدة .. ليس من بينها برأيي أنها مشفى حكومي .. لأنك ترى مستشفيات أخرى في غاية النظافة .. زُر مثلاً قسم الإسعاف في مشفى الرازي .. وشاهد التنظيف بعد كل مريض تسيل دماؤه على الأرض والسرير .. الممرضون هناك مسؤولون عن النظافة .. الأمر يتعلق بالإدارة وتعليماتها ... دعنا لا نشرد هنا .. ولنتحدث عن المشفى الجامعي كمشفى تعليمي .. |
|
#4
May, 08 2008, 17:50
| |||
| |||
| شكازولو ............ انت فتحت النار على المشفى الجامعي بحلب بالخصوص مع انه الكلام يلي قلتوا يمكن ينطبق على "عدد لا يستهان به" من المشافي سواء العامة " صحة و جامعية" او حتى خاصة............ الناحية يلي بدأت فيها النقاش تدعى الناحية الفندقية بالمشفى  يعني الأسرة و النظافة و المكان الواسع و طعام المرضى لا دخل للأطباء ولا الكادر التمريضي فيه لانه واجب فندقي بحت..... لكن هذا لا يعني ان الناحية الفندقية غير ضرورية بل هامة جدا ليس فقط للمرضى وانما للأطباء ايضا وهون راح قلك اتصور فندق خمس نجوم يديره القطاع العام.....  بس لا تنسى في مشافي قطاع عام الناحية الفندقية فيها جيدة مثل مشفى العيون بحلب مشفى الأسد الجامعي يدمشق......... بس أكيد للادارة دور كبير من هذه الناحية و افضل مثل اذا بتذكر لما استلم احد الدكاترة من قسم الأطفال جانب من الادارة في المشفى كيف صار المشفى مثل الليرة.............  خلينا نركز في الكلام على الناحية التعليمية في المشافي الجامعية بسوريا و رجاء شكازولو لا تركز على مشفى حلب الجامعي " كانوا الك تار معو يا زلمة..  " |
| قال العضو التالي أسمه شكراً لك يا maxcool على هذه المشاركة المفيدة: | ||
|
#5
May, 08 2008, 19:14
| |||
| |||
| المشاركة الأصلية بواسطة shakazolo مشفى الجامعة .. قصة كبيرة ...
اول شي هاد مشفى الكلية اللي درسنا فيا كلنا طب .. وهو السبب في حصولنا على شهادة الطب ... ولا يجوز لأي مننا ان يتكلم عنه بهذه الطريقة .. يعني لولاه لما كان هناك اعتراف بشهادة الطب التي نحصل عليها ... انا لا أقصد انه أفضل مشفى في العالم .. وإنما لا أتصور أي مشفى في العالم يقع تحت هذا الضغط وهذا الكم الهائل من المرضى ويستطيع الاستمرار بهذه المسيرة .. بالنسبة للاسعاف .. فإن الخدمة التي تقدم به هي أكثر من رائعة ...وأتحدى أي مشفى آخر ان يقوم بفحص هذا العدد الهائل من الحالات المتنوعة وضمن هذه الامكانيات ... بالنسبة لأجهزة الضغط والسماعات .. فكل طبيب في قسم الداخلية معو جهاز ضغط .. وسماعة ( ليتمان ) ... وبالنسبة لأجهزة تخطيط القلب ..فهناك جهازي تخطيط قلب من أفضل أجهزة تخطيط القلب في البلد ... يعني لمدة سنة كاملة وبمعدل اكتر من 150 تخطيط يوميا لم يطرأ عليهما اي ادنى عطل .. إضافة إلى ميزة موجودة في جهازي التخطيط وهي دراسة شاملة للتخطيط .. وبأمكانك الذهاب لقسم الاسعاف والتأكد من هذه الميزة .. يعني بعد إجراء التخطيط بيعطيك كل الاحتمالات الممكنة .. وموجز عن كل حالة .. وسعر الجهاز الواحد يتجاوز ال 100ألف ليرة إضافة إلى جهازي الصادم ... الذين ساهما في انقاذ حياة عدد كبير من المرضى ..ويتوافر في أحدهما ميزة ناظم الخطى التي قلما تجدها في أجهزة أخرى .. يعني باختصار بامكانك في هذه الغرفة المتواضعة هناك اربعة اجهزة .. ممتازة ... بأما بالنسبة للأسرة ... فكل مريض يحصل على شراشف نظيفة .. إضافة إلى حرام ومخدة .. وكل ماينقص هو بعض الازرار مشان رفع مستوى السرير ... والنقطة الأخرى هي عدد الاسرة في الغرفة ... اذا ذهبت إلى أي مشفى في أوربا تجد على الأقل 3 اسرة في الغرفة الواحدة .. وهناك مشافي جامعية في أوربا تحتوي غرف المرضى فيها على ستة اسرة ... وليس كل غرف مشفى حلب الجامعي تحتوي 6 اسرة .. في الطابق الثاني مثلا أغلب الغرف تحتوي سريرين فقط . باختصار ... مشفى الجامعة ممتاز .. وذلك مقارنة بإمكانياته مع عدد المرضى الذين يزورون المشفى يوميا .. في اسعاف الداخلية يصل عدد المرضى في بعض الأيام إلى 250 مريض .. من مختلف الحالات .. احتشاءات قلبية ودماغية .. قصور كلوي وكبدي ... نزوف هضمية علوية وسفلية .. التهابات رئوية وبولية حادة ومزمنة .. وشتى انواع السرطانات .. والشباب بالاسعاف مابيقصرو والله يعطيون الف عافية على الشغل اللي عم يشتغلو .. بينما اذا بتشتغل بقسم اسعاف بأوربا .. بجيك مريض احتشاء بسيارة الاسعاف بعد مايكون تطبقلو كل لزوم الاحتشاء من حاصرات بيتا وحالات الخثرة ومخدرات ومهدئات .. وليس عليك سوى استقباله .. حسب مافهمت من مشاركتك انك عم تعمل ستاج حاليا في أرض الميعاد .. لذلك بنصحك بس ترجع على حلب .. انو تقضي مناوبة كاملة مع الشباب في قسم الداخلية مثلا .. من أولها لآخرها ...وتشوف اش بصير .. شو رأي البقية ؟ |
|
#6
May, 08 2008, 22:06
| |||
| |||
| يا شباب ما بعرف ايش عم بيصير.................. شكازولو صوره على انه جهنم......................  و Fiso صوره على أنه جنة..................................  انا أقول انه ليس هذا و لا ذاك يا شباب في اخطاء مانو مشفى مثالي وكمان مانو بهل الدرجة من السوء....  برجع بقول خلونا نحكي عن الناحية التعليمية بالمشافي الجامعية نحنا لمى بنحكي هوون عن المشفى هذا ما بيعني اني بنسى شو قدموا هذا المشفى إلي كطالب طب بل حرصا مني على الارتقاء بالمشفى حتى لو ما دخل حدا من ادراة المشفى و قرأ الموضوع ....................  |
|
#7
May, 08 2008, 22:34
| |||
| |||
| هلأ انا ما كنت بدي شارك بالموضوع لأنو مابعرف شو الوضع بالمشفى الجامعي ولا درست فيه ولا رح ادرس .. واكيد مالي علاقة بالموضوع لا من قريب ولا من بعيد بس بصراحة كتير استفزني الكلام اللي انحكى عن المشفى اللي اتخرج مننو بابا وماما واللي اتخرجو مننو كتير دكاترة نحن منفتخر فيهن ... وانصدمت انو ناس رح تتخرج مننو عم يطلع معا هالكلام  والمشكلة انو ماشفت أي نقاش موضوعي او منطقي ... بس كلام بالهوا وذم يعني عم ينحكى عن المشفى كأنو فندق ... بدنا نعرف وين الضعف من الناحية التعليمية .. ماعم يقدملكن كطلاب طب الشي اللي عم تنتظروه ؟ ماعم يقدم للمرضى اللي بيجو عليه العناية الطبية اللي بتلزمهن؟؟ انتو كطلاب طب شو بتقترحو انو يصير تعديلات حتى يتحسن المستوى التعليمي فيه ؟؟ انا بشوف انو هي النقط اللي ممكن تتناقش واللي الواحد بيوقف عندا .. وهي ممكن تكون معايير لحتى نقول انو موجود وللا لاء بعتذر اذا اتدخلت بشي مابيخصني واكيد شكازولو انا ماعم هاجمك بس عم ابدي رأيي |
| قال العضو التالي أسمه شكراً لك يا JouDi على هذه المشاركة المفيدة: | ||
|
#8
May, 08 2008, 22:48
| |||
| |||
| انا بأيد فيصو انه الزملاء بالاسعاف ما بيقصروا وبيعملوا جهدهم واكتر نظرا للامكانيات المتواضعه المتوفرة المشفى من ناحية التجهيزات والادوية ناقصه كتير....وياما ادوية مقطوعة عن المشفى او الطبقي المحوري عطلان او او الخ من المشاكل التي لا تنتهي الاطباء المقيمين صحيح انه بنشوفهم دائما قرفانين وبيعاملوا المرضى بجفاء....لكن بصراحة مجبورين لانه المرضى خصوصي بمشفى الجامعه ما بينعطوا وش كتير بس وقت الجد (الحالات الخطرة) الكل بيأدي واحجبه بشكل رائع (ما بقول مثالي اكيد) بس شفت بعيني كذا حالة خطرة وكيف دبروها وانقذوا حياة المريض... خلينا نحكي عن المشفى من الناحية التعليمية....فهي الناحية اللي بتستاهل النقاش برأيي فمثلا لما فئتين (اكتر من 60 طالب) بيجتمعوا بقاعة محاضرات وحده بستاج الاطفال...او لما بيستنوا الطلاب بستاج الداخلية الدكتور اكتر من ساعه ونص ليجي بالاخير يعطيهم كلمتين ويهرب....فهون بنوقف وبنسأل حالنا هل نحن فعلا بمشفى جامعي؟؟ كمان لما ما بيكون في بالمشفى كله غير جهاز اسقاط واحد (محتكرينه جماعة الاذنية) وطلاب الفئة كلهم بيتجمعوا على شاشة اللابتوب مشان يتابعوا شرح الدكتور.....بنتسائل شو هي الفائدة او العلم اللي عم ناخده؟؟؟ هاد غير الستاجات اللي بتكون عبارة عن محاضرات نظري محضه وما بنشوف فيها غير مريض او مريضين طول الـ 6 اسابيع (الجراحه والجلدية والتوليد على سبيل المثال) برأيي اول خطوة لازم تتخذ حتى قبل شراء تجهيزات جديده وحديثة...هي توزيع الطلاب بشكل عملي اكتر...وبمجموعات اصغر وفرز جزء من الطلاب الى مشفى الكندي مثلا لتخفيف الضغط يعني هالمشكلة عم نعاني منها ونحن دفعتنا ما بتزيد عن 400 طالب....فما بالكم بالدفعات الجديده اللي بيوصل عدد الطلاب فيها لـ 500 و 600 طالب؟؟؟؟ كيف رح يصير مشفى الجامعه وقتها؟؟ برأيي لازم ادارة المشفى تلاقي حل لهالمشكلة اذا مو مشاننا...مشان الدفعات القادمه لانه وقتها رح يصير الوضع لا يحتمل ابدا |
| الأعضاء الـ 3 التالية أسماؤهم قالوا شكراً لك يا TURBO على هذه المشاركة المفيدة: | ||
|
#9
May, 08 2008, 23:50
| |||
| |||
| وأنا بضم صوتي لتوربو وفيسو بصراحة الكلام يلي نحكى رائع جدا ويقع في صميم المشاكل جودي على فكرة مشفى الرحمة حلو كتير |
| قال العضو التالي أسمه شكراً لك يا zoro على هذه المشاركة المفيدة: | ||
|
#10
May, 09 2008, 04:50
| |||
| |||
 أول شي بدي رد على شنكول ............. عم تقول هالعبارة ( لممرضون هناك مسؤولون عن النظافة ) ..............فهل الممرضون مهمتم هي التنظيف أم العناية الطبية بالمرضى أليست هذه فوضى ؟ أما بالنسبة عن كلامنا عن النظافة .............فالنظافة يا شنكول أهم شي لازم نهتم فيه بامشفى لأنه عدم النظافة راح يسبب الأمراض .............وهذه النظافة لازم نهتم فيها ونعتبرها أهم شي لأنه بدنا يكون المشفى مصدر للشفاءوليس مصدر للأوبئة المقاومة على العديد من الصادات . أما ماكس كول .............فاعتبرت إنو النظام الفندقي لا يرتبط بكون المشفى جامعي أم لا ؟ وهنا أختلف معك في أن النظام الفندقي يجب أن يكون على أعلى مستوى كي نسبب الراحة والطمأنينة للمريض وليس القلق الدائم والخوف من الإصابة بإنتانات مختلفة لأن الطعام فاسد أو غير صحي ، وما إلى ذلك من الفوضى في الطعام التي تحدث وبالنسبة لحديثنا عن مشفى حلب بالتحديد .............فالسبب هو أننا لا نريد أن نتحدث عن مشفى لم نقض فيه وقتاً يساعدنا على التعبير عن رأينا فيه ...........فمشفى حلب الكل يعرفه والكل يعرف ما يحدث فيه ولا نريد أن نتكلم عن مشافي مجهولة بالنسبة للبعض .......... أما فيصو ............. يا أخي أنا ما عم أقول نسب على المشفى وندير ظهرنا .............أنا عم قول خلينا ندور على الإيجابيات والسلبيات وبعدين نحاول نطور المشفى ونوجد حلول إذا قدرنا ......... أما حديثك عن الخدمة في الإسعاف فهذا يعبر عن أنك لم تزر أبداً أي مشفى خارج سوريا على الإطلاق يا رجل لو تروح على الأردن راح تلاقي مشافي غير جامعية وأفضل من مشفى حلب بمية مليون مرة ......شوف غير مشافي وبعدين إحكي عن مشافي سوريا ...........وبعدين قول إنو مشافي سوريا رائعة حبيب قلبي التجهيزات الموجودة بالإسعاف قليلة جداً وبعدين شو هاد الإسعاف اللي بيحوي 8 مرضى فقط .......يعني مشفى جامعي وبهالحجم يكون فيه 8 أسرة لقسم الإسعاف .............. يا رجل أجهزة التخطيط مو شغالة وروح تأكد من الكلام هاد .............أنا اشتغلت عليها بإيدي ما حدا قاللي ، الأجهزة تعبانة وأحياناً نتائجها غلط .............والكل يشهد على هالشي ............. وبالنسبة للشراشف النظيفة ............راح أقللك إنو كل واحد من المرضى لازم يدفع 100 ليرة سورية للموظفة الموجودة في قسم الشراشف رشوة وليست من حقها مشان تعطيه شراشف نظيفة ووسادة جديدة ، أما اللي ما يدفع فيا ويله راح ياخذ شي معفن وقديم أنا شفت هالشي بعيني وأنا دفعتلها 100 ليرة مشان تمشيلي أموري لمريض قرايبي ...........شو عم تحكي يا زلمة ؟ ما راح أحكي أكتر عن ردك يا فيصو ......... كلامك يا جودي على العين والراس ونحنا راح نحكي أكيد عن الناحية التعليمية بس هلأ خلينا نبلش بنواحي الخدمات المقدمة للمريض ........... وأكيد راح نحكي عن الناحية التعليمية بعدين ................وعد أكيد توربو ............. خليني أوضحلك شغلة ........المريض ما بيصير تقول عنه إنو ما بينعطا وش .......لأنو المريض بيكون تعبان وعايف حالو وفقير لأنو أجا على هالمشفى ......وتجي إنت تقول عنو ما بينعطا وش........... وبالنسبة للأطباء المقيمين فلسا ما بدنا نحكي عنهم حالياً وأرجو منك أن تلتزم بالطريق اللي عم نحكي فيه وبعدين راح أوجه الموضوع باتجاه الناحية التعليمية بالوقت المناسب أوكي .............توربو ....... طيب خلوني أحكي عن النظافة أكتر إذا الطبيب بدو يفحص مريض هل يرتدي كفوف خاصة ؟ راح تقولوا لأ ، وليش الكفوف ما بتلزم .......................بس الكفوف بتلزم مو مشان ما ينتقل المرض من المريض للأطباء ، بل على العكس نحنا بنخاف على المرضى ولازم نلبس كفوف مشان إذا نحنا عنا أمراض ما ننقلها إلهم وكمان شفتو شي حدا بيفحص مريض معرض للإنتانات وهو لابس صدرية خاصة وكفوف وكمامات على الأنف والفم ولا لأ ؟؟؟؟؟ أكيد ما في هيك شي ...........وبالتالي هذا الشخص بيصير معرض للإنتانات من قبل الأطباء أكثر من تعرضه إلها من أي شخص آخر . خلوني أحكي عن غسل اليدين .............أكيد بتشوفو إنو لما الطالب المقيم يروح يفحص عدة مرضى فهو يفحص كل المرضى من دون ما يغسل إيديه قبل ما يفحص المريض الآخر ......... ليش يا حبابين؟؟؟؟؟؟؟؟؟؟ لأنو ما في مغاسل نظيفة أصلاً بالمشفى . وكمان الطالب المقيم بيفحص كل المرضى دون غسل إيديه بعد كل واحد وهيك بينقل الأمراض من مكان لمكان ........... طيب غذا النظافة مو مهمة كتير لدرجة إنو نتناقش فيها ، فهل من المعقول أن يكون مشفى جامعي والتواليتات اللي فيه أوسخ من حاويات الزبالة ........... أرجو إنكم ما تعترضوا على هاي النقطة ............لأنو التواليتات اللي بالمشفى مقرفة بدرجة كبيرة ، وحتى إنو عددها غير كافي بالنسبة للمرضى .......... يعني نحنا في عنا بالمشفى مصادر أوبئة متعددة لازم يتم التكفل بيها وتحويلها إلى مناطق أكثر نظافة مشان ما تسبب أمراض مقاومة على الصادات ........ وهلأ قولولي .............المشفى الجامعي نظيف ولا لأ ؟؟؟؟؟؟؟؟  |
| قال العضو التالي أسمه شكراً لك يا shakazolo على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| هل هو قصر نظر ؟؟ | nano | استشارات طبية | 1 | Jan, 25 2008 11:14 |
| التيروكسين .........هل هو الحل؟ | murad | الأدوية | 3 | Oct, 30 2007 03:21 |
| قطة تعطل العمل في المشفى الجامعي بحلب لعشر ساعات !! | C.T.SCAN | الإخباري | 8 | Jan, 06 2007 19:51 |
| هل هو حقا الوحيد في تاريخ البشر ؟ | البتول | هديل الروح | 7 | Apr, 24 2006 00:00 |
| عمل المرأه هل هو مشكله | MIDO | اجتماعيات | 7 | Sep, 03 2005 23:21 |
كل الأوقات حسب GMT +2، والوقت الآن 17:43.
