بسم الله الرحمن الرحيم

شلونكم يا شباب ، شلون الدراسة معكم ؟ أكيد طلاب الرابع عم يدرسوا هلأ قلبية ...

وهون بالموضوع هاد راح نحكي عن التهاب شغاف القلب بنفس الطريقة اللي بستخدمها عادة ، يعني طريقة سؤال وجواب وكمان بنحكي حكي شباب ...

تشخيص التهاب شغاف القلب الإنتاني:

يعتبر تشخيص التهاب شغاف القلب الإنتاني واضح جداً في إحدى الحالتين التالييتين :
1- زرع دم إيجابي عدة مرات في حال وجود آفة قلبية مؤهبة معروفة عند المريض .
2- إصابة قلبية واضحة بالأعراض والعلامات.

بس يا جماعة الخير ، لو كان التشخيص بيعتمد على هالشغلتين ما كان شفتوني عذبت حالي وحكيتلكم عن التشخيص . يعني نحنا لازم نعرف إنو في حالات ما بيكون فيها زرع الدم إيجابي وأحياناً ما بنعتمد على الزرع فقط في التشخيص.

وبما إنو نحنا بدنا نحكي حكي علمي فلازم نتبع معايير معينة مشان نشخص التهاب شغاف القلب بسهولة ويكون التشخيص واضح ودقيق.

اعتمادنا بالتشخيص راح يكون على القصة المرضية المفصلة من المريض ، والفحص السريري ، وزرع الدم ، والنتائج المخبرية ، وتخطيط القلب الكهربائي ، وصورة الصدر الشعاعية البسيطة وإيكو القلب .

وراح نحاول نحكي عن كل هدول الشغلات في حلقات مشان ما تملوا مني وتنزعجوا من طول الموضوع .

نترككم في فاصل قصير وبنرجع مرة تانية .............

1- القصة السريرية المفصلة :
لما بنشك إنو المريض عندو التهاب شغاف القلب الإنتاني لازم نركز على ( وجود آفات قلبية سابقة ، مفاتيح تشخيصية هامة تشير إلى مصدر إنتاني حديث قد يسبب تجرثم الدم كقثاطر داخل الأوعية أو استخدام المخدرات الوريدية ).

2- الفحص السريري :
يا شباب بس نشك بهذا المرض لازم ندور على نفخات قصور صمامات بشكل رئيسي وتكون حديثة كمان .
لازم ندور على العلامات المشخصة لالتهاب شغاف القلب وهي أي علامة أو برهان على وجود صمة صغيرة أو كبيرة خاصة بقعر العين أو الملتحمة أو الجلد أو الأصابع.
التقييم العصبي ممكن يظهر علامات عصبية بؤرية ، وفي حال ما لقينا شي ممكن نعتمد عليه كأساس لبقية الفحوصات العصبية اللاحقة اللي نجريها للمريض ( يعني إذا كان المريض أول ما دخل المشفى سوي عصبياً ، ممكن تظهر عنده بعد مدة تظاهرات عصبية حديثة وهيك بنكون عرفنا إنو هاي التظاهرات حديثة ومو قديمة )

التظاهرات الجلدية : بندور على وجود ( حَبَرات ) يعني petechiae ,و نزوف شظوية splinter hemorrhages ، و آفات جاني واي Janeway و عقد osler و بقع روث Roth spots.

الحبرات : تظهر عادوة على الأطراف أو الإشية المخاطية كسقف الحنك أو الملتحمة.

النزوف الشظوية : آفات حمراء بنية خطية تظهر تحت سرير الظفر .انظر إلى الصورة التالية . .........الصورة موجودة بالمرفقات .....



آفات Janeway : آفات احمرارية غير مؤلمة بقعية . وهاي صورتها . .........الصمورة موجودة بالمرفقات ......



عقد أوسلرOsler : مؤلمة بنفسجية اللون تشاهد على أطراف الأصابع في اليد والقدم على الراحتين والأخمصين . وهاي هي الصورة . ......الصورة موجودة بالمرفقات ....



بقع روث Roth : آفات نزفية وذمية ناتحة تتواجد في الشبكية .

في تتمة الفحص السريري لازم ندور على آفات صمية في الأعضاء مثل ( آفات عصبية بؤرية ، احتشاء كلية أو طحال) أو بندور على تفاعلات مناعية مثل ( التهاب المفاصل ، التهاب الكبيبات الكلوية ) .

3- التحاليل المخبرية :
زرع الدم : هذا هو أهم اختبار لازم نعمله لكل مريض بنشك إنو معه التهاب شغاف قلب .

مشان نزرع الدم لازم ناخذ الدم من المريض أول شي ولازم ننتبه إلى الأمور التالية أثناء جمع الدم :
- يجب سحب الدم قبل البدء بالمعالجة بالصادات .
- على الأقل 3 عينات دم يجب أن تجمع على فترة مختلفة من الزمن ، يعني إذا كانت حالة المريض مستقرة فيفضل إنو نأجل العلاج لبعد ثلاثة أيام ، حتى تجي نتيجة الزرع ونتائج الاختبارات الأخرى . أما إذا كان المريض حالته حادة جداً فلازم نجمع الدم من المريض قبل ساعة من بدء المعالجة بالصادات بالطريقة التجريبية .
- بما أن كل حالات التهاب شغاف القلب ناجمة عن عضيات هوائية فزرع العضيات اللاهوائية غير مستطب .
- لازم تؤخذ كل عينة دم من ورريد مختلف عن العينة الأخرى ، وليس هناك حاجة أن يتم جمع الدم في أوقات ارتفاع الحرارة أو حدوث الرعدات Chills .

العضيات المتوقعة :

شو بنتوقع إنو بيطلع معنا بالزرع ؟
أكثر العضيات تواجداً هي :
Staphylococcus aureus
Viridansstreptococci and Streptococcus bovis
Enterococci
HACEK group organisms

لما بتطلع نتيجة زرع الدم إيجابية ، شو لازم نتوقع ؟
لازم نحط بالحسبان إنو ممكن تكون النتيجة إيجابية كاذبة . وبنتوقع الإجابية الكاذبة لما بتطلع عنا إحدى العضيات التالية :
Propionibacterium spp.
Corynebacterium spp.
Bacillus spp.
coagulase-negative staphylococci

وبالتالي لازم ناخذ بالحسبان النقطتين التالية :
- لما بتكون نتيجة الزرع إحدى العضيات المحتملة لإحداث التهاب شغاف القلب الإنتاني المذكورة سابقاً ، فالعينات المأخوذة نقبل بها إذا كان عددها اثنين فقط وبينهما فرق 12 ساعة .
- أما العضيات الأقل احتمالاً بأن تكون المسببة للمرض والمذكور قبل قليل فيجب أن تكون العينات على الأقل أربعة وبين الأولى والأخيرة فاصل ليس أكثر من ساعة واحدة .

4- اختبارات مختلفة :
تعتبر هاي الاختبارات قليلة الأهمية لأنها غير مميزة لالتهاب شغاف القلب الإنتاني ما عدا اختبار antiphase I IgG titer >1:800 for Coxiella burnetii وهذا يكشف حمى كيو Q Fever .
- ارتفاع ESR و / أو CRP .
- فقر دم سوي الحجم سوي الصباغ .
- عدد الكريات البيض قد يكون سوي وقد يكون مرتفع .
- فرط غلوبيولين الدم وظهور الغلوبيولينات الباردة والمعقدات المناعية . قد نجد أيضاً نقص المتممة وارتفاع في عيار العامل الرثياني وإيجابية كاذبة للسفلس .


وهيك بتنتهي حلقتنا لليوم ...................بس أنا حاسس إنو أسلوبي هالمرة مختلف وجامد كتير ..............يمكن لأني نعسان شوي ............

طيب راح حاول يكون أسلوبي أفضل في الحلقة القادمة ............بنترككم مع فاصل قصير وبنرجع نشوفكم على خير ........باي

يسلمو ابو الشكازل ،،،
حضرنا بمؤتمر الكلية ،، في احد الداكترة ذكر guide lines الجديدة2007 للحالات اللي بتحتاج وقاية من التهاب الشغاف ،، وكان فيها تغييييير كتير عن التصنيف القديم ،، (طبعا الغايدلاينز اميركي ) وعليه تحفظ بأوروبا وقالوا انو مارح يتطبق بأوروبا قبلما يشوفوا النتائج باميركا ،،، فممكن تحطلنا ياه هون ،،، اذا عندك فكره عنه
سلامي لشكازولو المغترب

على عيني يا إلكترون ..............راح أحط هالمعايير إذا موجودة وراح أبحث عنها ، وفي حال كان لازمها مو ضوع لحالها راح أعمل موضوع خاص فيها .

طلباتكم أوامر يا شباب

هذه هي الروابط الخاصة بال guide lines لعام 2007 الل طلبتها يا إلكترون ...........

طبعاً الشكر الأول والأخير للعزيز على قلبي ماكس كوووول

وهذه هي الروابط :

this is link for
Prevention of Infective Endocarditis: Guidelines From the American Heart Association


http://www.americanheart.org/present...tifier=3004539


إن شاء الله تعجبك ..........

شكراً ماكس كول ....

مرحبا يا شباب ويا صبايا ، شو أخبار الفحص معكم ؟

أتمنالكم التوفيق ، وهلأ راح نكمل مع بعض حكينا عن تشخيص التهاب شغاف القلب ..........

خلونا نتذكر الخطوط العامة من الحلقة السابقة ....

أول شي تكلمنا عن القصة السريرية المفصلة وهاي أهم شي لازم ينتبه عليه الطبيب مشان يقدر يحط هذا التشخيص بذهنه ، وإلا ما راح يقدر يتوقع شو هو المرض .
وبعدين حكينا عن الفحص السريري وشلون لازم نهتم بالفحص العصبي والتظاهرات الجلدية وفحص قعر العين .
وحكينا كمان عن زرع الدم ، وهو أهم وسيلة استقصائية ممكن الطبيب يطلبها لكل مريض يشك بوجود هذا المرض عند مريضه . وكمان تعتبر مهمة مشان يقدر يوصف الدواء المناسب للعضية المناسبة .

بعد هالمقدمة السريعة نكمل مع بقية الوسائل التشخيصية اللي تساعد في الكشف عن التهاب شغاف القلب الإنتاني


5- تخطيط القلب الكهربائي EKG : يا شباب لازم نجري هالتخطيط لكل المرضى بلا استثناء اللي عندنا شك ولو بسيط إنو عندهم التهاب شغاف القلب ، حتى لو كانت هالوسيلة غير قادرة إنو تظهر الكثير من التغيرات ، بس معليش لازم نعمل تخطيط قلب . لأنو لما بنلاقي أي تظاهر لاحتشاء أو نقص تروية في القلب فهذا دليل على وجود صمات في الشرايين الإكليلية( ونحنا ذكرنا من قبل إنو نحنا لازم ندور على وجود صمات شريانية عند هؤلاء المرضى في كل مكان في الجسم ) وبالتالي الأولى بنا أن نبحث عنها في الشرايين الإكليلية . كمان بتجي أهمية التخطيط من إنه ممكن يكشف عن حصار للقلب وبالتالي بنعرف إنو التهاب شغاف القلب ممكن يكون امتد ليصل حلقات الصمامات القلبية أو الجدار الفاصل بين البطينين .

لذلك يا شباب لا تخلو المريض يطلع براة العيادة من دون تخطيط قلب إذا شكيتم بوجود التهاب شغاف قلب إنتاني .

6- صورة الصدر الشعاعية البسيطة : على الرغم من إنه البعض يستسخف هالصورة ويعتبرها غير مشخصة ، بس على العكس نحنا ممكن نشوف فيها صمات رئوية إنتانية ( septic pulmonary emboli ) وهاي دليل مهم جداً وقوي على وجود التهاب شغاف القلب في الصمام مثلث الشرف . في بعض الحالات ممكن نشوف على الصورة ارتشاحات رئوية بؤرية أو متعددة قد تشير إلى تكهف مركزي . نادراً ما قد تظهر الصورة تكلسات في أحد الصمامات وهذا يزيد الشك بوجود التهاب شغاف قلب عند مريض ذو حرارة مرتفعة .

صورة الصدر رخيصة هون بالبلد بس 300 ليرة على الأكثر ...........أما هون بأمريكا فسعرها 300 دولار وشركات التأمين أحياناً ما بتغطي هالتكاليف البسيطة . وبالتالي بيخسرها المريض من جيبتو .

7- إيكو القلب : هناك جدل كبير حالياً في أمريكا حول اختيار نوع الإيكو في تشخيص المرض ، فالبعض يفضل الإيكو عبر الصدر والبعض الآخر يقول أن الإيكو عبر المري أفضل .

القول الفصل هو ما هو مذكور في UpToDate .........وهو كالتالي :

الإيكو عبر الصدر : وسيلة ذات حساسية منخفضة low sensitivity حيث تتراوح بين 29 - 63 % فقط في الكشف عن التنبتات vegetations . بالمقابل فهذه الوسيلة ذات نوعية عالية جداً very high specificity حيث تصل 100 % عند الكشف عن التنبتات . حيث ان هذه الوسيلة ليس فيها إيجابيات كاذبة إلا ما ندر .

خلونا نشوف شوية صور إيكو ، مشان ما تضل هالصور غريبة عن الأذهان ، أنا ما راح أقدر أقدم أي شرح للصور ، بس أعتقد إنو هالصور راح تكون كافية .

شاهدوا الصور echo001 و echo002 و echo003 في المرفقات ، وهي جميعها عن التهاب شغاف قلب في الصمام الأبهري وكل الصور للإيكو عبر الصدر .


الإيكو عبر المري : يعتبر ذو دقة أكبر في الصورة . وكمان فهو ذو حساسية عالية جداً وممكن يكشف عن التنبتات ، ووتشخيص التهاب شغاف القلب عن صمام صناعي ، والكشف عن خراجات الصمامات وتقييم خطر الصمات emboli .

للمقارنة هناك صور إيكو عبر المري في المرفقات وهي الصور echo004 و echo005 و echo006 وفي آخر صورة نشاهد التنبتات واضحة في الأعلى وكبيرة .


أي النوعين يجب أن نختار ؟
إن ما يوصي به الأطباء في أمريكا هو أن نجري الإيكو عبر الصدر لكل المرضى الذين نشك أن لديهم التهاب شغاف القلب ، ولكن يجب أن نختار الإيكو عبر المري في الحالات التالية :
- النافذة عبر الصدر محدودة بسبب السمنة ، تشوهات في شكل الصدر ، أو أن يكون المريض على المنفسة الاصطناعية .
- الصمامات الصناعية خاصة التاجية والأبهرية .
- تشوه صمامي سابق كحدوث التهاب شغاف قلب سابق .
- تجرثم دم بـ S. aureus .
- تجرثم دم بجرثومة معروفة بتسبيبها لالتهاب شغاف القلب بشكل شائع جداً مثل Viridans streprococci .

في حال كان الإيكو عبر الصدر طبيعي فيجب الاكتفاء بهذه الوسيلة إلا ..........

ما هي الحالات التي يجب أن نطلب فيها الإيكو عبر المري إذا كان الإيكو عبر الصدر طبيعياً ؟
- اشتباه سريري قوي جداً بوجود التهاب شغاف القلب .
- إذا كانت دراسة الإيكو عبر الصدر محدودة تقنياً ..........وهذا الشيء يحدث أحياناً في حال عدم قدرة الطبيب الفاحص من مشاهدة بعض المناطق من القلب لأسباب معينة وبالتالي يذكر في تقرير إيكو القلب أن الإجراء كان محدود تقنياً.

ما هي الحالات التي تحتاج لإجراء إيكو عبر المريض إذا كان إيكو عبر الصدر غير طبيعي ؟
يجب أن نطلب الإيكو عبر المري بعد الإيكو عبر الصدر لكل المرضى الذين ظهر لديهم قصور صمامي واضح ومهم ويجب أن نطلبه للذين يتوقعون إجراء جراحة لهم وأيضاً للمرضى الذين لديهم واحد أو أكثر من عوامل الخطر التالية لظهور خراج حول الصمام :
- تأخر في النقل conduction delay ويظهر على ECG وأن يكون غير قديم .
- حمى دائمة على الرغم من المعالجة بالصادات المناسبة .
- التهاب شغاف القلب للصمام الأبهري .

أكتفي بهذا القدر من الشرح عن الإيكو بنوعيه ، لأن الجدل لازال قائماً في الساحة الأمريكية حول أهمية كل نوع .

8- الفحص النسيجي :
طبعاً الفحص النسيجي للصمام المستأصل خلال الجراحة يعتبر من أهم الفحوص لأنه هو مشخص بحد ذاته للمرض . أي أن إيجابية الفحص النسيجي للآفات كافية لوحدها على إثبات التشخيص .

ماذا نشاهد نسيجياً لكي نثبت وجود المرض ؟
تتصف الصورة النسيجية بوجود العضيات المسببة للمرض و التنبتات والارتشاحات الغزيرة بالعدلات مع توعي شديد extensive neovascularization .

ويجب ألا نستغرب أبداً عندما نجد في الصورة النسيجية وجود لارتشاحات للبالعات واللمفاويات مع حدوث التليف ، فهذا يشير إلا حدوث التهاب غير إنتاني في الصمام وبالتالي فهو ليس التهاب شغاف قلب إنتاني أبداً وإنما التهاب غير إنتاني .


بعد أن انتهينا من ذكر كل الوسائل التي قد يستخدمها الطبيب للكشف ولتشخيص التهاب شغاف القلب ، لا بد أن نذكر أن هناك بعض المرضى الذين لديهم التهاب شغاف قلب إنتاني مع سلبية في زرع الدم ( وهذا يحتاج لموضوع منفصل تماماً سأبدأه عن قريب بإذن الله ) .


أرجو الانتباه من حضراتكم ..........إن تشخيص التهاب شغاف القلب الإنتاني يعتمد بشكل رئيسي على معايير وهذه المعايير تسمى معايير Duke المعدلة ......

وبالتالي يجب على الطبيب أن يعتمد على تلك المعايير في التشخيص ولن أضع هذه المعايير في الوقت الحاضر ، وإنما في آخر حلقة كما عودناكم كي تكون مليئة بالجداول المفيدة لكم .

لذلك انتظرونا في آخر حلقة من حلقات مسلسل ( تعلم تشخيص التهاب شغاف القلب الإنتاني ) .......ستجدون فيها الجداول التي تساعدكم على حل هذا اللغز بكل بساطة ومرونة ...........

لكم مني كل الحب والسلام ............

يعطيك ألف عافية

موضوع كثير حلو و مفيد

شو شكازولو....وين الحلقة الاخيرة..ناطف قلبي عالنهاية....حاج تشوقنا...الله يعطيك العافية...
في حفظ الله
وسيم

أنا آسف على التأخير ............وأرجو ما تواخذوني بس فحص التخرج شغلني

السلام عليكم يا جماعة الخير

عدنا من جديد بعد المعاناة الكبيرة في فحوص التخرج ، وبدنا هلأ نرجع ننهي اللي بلشناه من قبل ...

راح أعرضلكم هلأ الجداول اللي راح تساعدكم بتشخيص التهاب شغاف القلب الإنتاني وراح نشرح بعض منها مشان ما يضل أي غموض ....

أول جدول يبين المعايير اللازم نستخدمها مشان نشخص المرض بشكل أكيد أو محتمل أو أن نرفض التشخيص بشكل كامل .....

طيب خلونا نشوف الجدول قبل كل شي ....( موجود بالمرفقات باسم table 001 )

بالقسم الأول من الجدول عم نشوف التعريف الأكيد للمرض وهذا يتم بإحدى طريقتين :

الأولى : اعتماداً على المعايير التشريحية المرضية وهي :

1- العضيات الصغيرة : اكتشاف العضيات المسؤولة عن الالتهاب في التنبتات إما من خلال الزرع أو بالفحص النسيجي . أو في تنبتات أحدثت صمات أو اكتشاف الجراثيم في خراجات داخل قلبية .

2- الآفات المرضية : العثور على تنبتات أو خراجات داخل قلبية تم إثبات وجود التهاب شغاف قلب فعال نسيجياً .

قبل ما نكمل على الثانياً ، لازم نعرف إنو هالمعايير التشريحية المرضية لازم ما نعتمد عليها بشكل رئيسي لأنها تحتاج لإجراءات راضة جداً وبنفس الوقت لا تعتبر طريقة جيدة للتشخيص ....فلا تعتمدوا عليها كتير .....اتفقنا .

ثانياً : المعايير السريرية :
وهون نحنا شغلنا كأطباء سريريين ، بدنا نعرف نشخص المرض بس نشوف المريض ....
بدنا نعتمد على الجدول التالي في التشخيص السريري وذلك الجدول فيه معايير كبرى وصغرى ....

كي نقول أن المرض أكيد التشخيص يجب أن نحصل على :

2 من المعايير الكبرى
أو
1 معيار كبير و3 معايير صغرى
أو
5 معايير صغرى

القسم الثاني يحتوي على التشخيص المحتمل للمرض
وهذا يتم إذا وجدنا :
1 معيار كبير و 1 معيار صغير
أو
3 معايير صغرى

القسم الثالث والحاوي على

المعايير التي ترفض تشخيص التهاب شغاف القلب

1- إيجاد تشخيص مختلف تماماً لالتهاب شغاف القلب يفسر كل التظاهرات السريرية لالتهاب شغاف القلب .

أو
2- زوال التظاهرات السريرية لالتهاب شغاف القلب باستخدام الصادات لمدة أربعة أيام أو أقل .
أو
3- عدم وجود برهان تشريحي مرضي لالتهاب شغاف القلب أثناء الجراحة أو خلال تشريح الجثة بعد معالجة بالصادات لمدة أربعة أيام أو أقل .
4- عدم وجود ما يحقق المعايير التي تشكل تشخيصاً محتملاً للمرض أي ( 1 معيار كبير فقط أو أقل من 3 معايير صغرى ) .

متل ما حكينا من قبل هذا الجدول صعب كتير وما راح نستفيد منه كتير ، بس فيه نقاط لازم نتذكرها دائماً وهي عدد المعايير اللي بتأكد التشخيص أو تجعله محتملاً .

نجي هلأ على الجدول التاني ، نشوفه أول شي وبنحكي عنه بعدين ...( موجود الجدول بالمرفقات باسم table002 )

هاي هي المعايير الكبرى اللي نعتمد عليها بالتشخيص السريري .......

أكيد عم تحسوا إنو الجدول معقد كتير ، خلونا نحكي شوي بلكي نفهم مع بعض شو القصة ؟

المعايير الكبرى هي اثنين فقط :

إثبات إيجابية زرع الدم لالتهاب شغاف القلب ......و .........البرهان على الإصابة القلبية

كيف نثبت أن زرع الدم هو إيجابي ؟؟؟؟

هل يكفي وجود عينة دم واحدة إيجابية كي نقول بأن زرع الدم إيجابي ، كما يعتقد الكثير ......؟؟؟؟؟ بالتأكيد لا ...

إيجابية زرع الدم لتشخيص التهاب شغاف القلب :

1- العثور بالزرع على جراثيم نموذجية ومسببة لالتهاب شغاف القلب في عينيتي دم مأخوذتين بشكل منفصل .

وأسماء الجراثيم مذكورة بالجدول .

أو
2- زرع دم إيجابي بشكل دائم لعضيات غير نموذجية من عينيتي دم مأخوذتين بشكل منفصل بحوالي 12 ساعة على الأقل . أو أن نسحب 3 عينات دم وتكون جميعها إيجابية الزرع ومسحوبة بفاصل ساعة واحدة بين كل منها .
3- زرع دم إيجابي ل Coxiella Burnetii أو antiphase I IgG antibody titer أكبر من 1:800 .

إذاً لإثبات الزرع الإيجابي يجب أن يتم تحقيق الشرط الأول وحده فقط في حال الجراثيم النموجية وهو كافي ، أو تحقيق أحد الشرطين التاليين في حال الجراثيم غير النموذجية .

إثبات الإصابة القلبية :
يتم من خلال إثبات إيجابية إيكو القلب مشخصة لالتهاب شغاف القلب .......أو .......قصور صمامي حديث .

إيجابية إيكو القلب :

يجب إجراء TEE أي عبر المري عند المرضى الذين لديهم صمام صنعي ( وهم يتم تقييمهم على أن التهاب شغاف القلب محتمل التشخيص على الأقل بالمعايير السريرية ) أو أن يكون لدى المرضى المرضى التهاب شغاف قلب مختلط ( أي حدثت لديهم اختلاطات بسبب المرض ) .

تعريف إيجابية الإيكو :
1- كتلة داخل قلبية متذبذبة على صمام أو تركيب داعم للصمام أو على طريق الدم الذي يعبر من صمام مصاب بالقصور أو على مادة مزروعة في القلب ......وذلك كله عند غياب أي تفسير تشريحي آخر لتلك الكتلة .

أو
2- خراجة .
أو
3- انفصال جزئي جديد في صمام صنعي .

القصور الصمامي الجديد : وهنا يجب أن نلاحظ أن أي زيادة أو تغير في نفخة سابقة غير كاف ، وإنما يجب أن تكون النفخة جديدة حصراً كي نعتبرها معيار كبير .

إذاً المعايير الكبرى هي اثنتين : زرع دم إيجابي - البرهان على إصابة قلبية

زرع الدم الإيجابي إما أن يكون بجراثيم نموذجية أو غير نموذجية ..........
الإصابة القلبية إما أن يتم إثباتها بالإيكو أو بوجود قصور صمامي حديث .

وهلأ جدول المعايير الصغرى ........موجود بالمرفقات باسم table 003 ....

المعايير الصغرى :

1- حالة قلبية مؤهبة للإصابة أو استخدام مخدرات وريدياً .
2- حمى بدرجة حرارة 38 مئوية .
3- ظواهر وعائية - صمات شريانية كبرى ، احتشاءات رئوية قيحية ، أم دم فطرية ، نزف داخل القحف ، نزف في الملتحمة ، آفات Janeway .
4- ظواهر مناعية - التهاب كبيبات الكلية ، عقد أوسلر ، بقع روث ، العامل الرثياني .
5- البرهان الجرثومي - زرع دم إيجابي ولا يحقق المعايير الكبرى المذكورة مسبقاً أو البرهان المصلي لإنتان فعال بعضية مسببة لالتهاب شغاف القلب .
6- تم حذف الأخيرة .........الظاهر إنو ما عجبتهم للشباب الطيبة .

طيب بعد ما شفنا المعايير الكبرى والصغرى صرنا نقدر نشخص المرض سريرياً ومن خلال بعض الموجودات المخبرية والتصويرية .

بتوقع هيك غطينا كل الموضوع ولازم نذكر خلاصة بسيطة ......

الخلاصة :
- تشخيص التهاب شغاف القلب الإنتاني يعتمد على القصة السريرية ،و الموجودات السريرية ، والدراسات المخبرية ( خاصة الزروع الدموية ) وأخيراً الإيكو .
- الفحص السريري الداعم للتشخيص يتضمن القصور الصمامي الحديث أو قصور القلب والبرهان على الأحداث الصمية والآفات المخاطية الجلدية المحيطية .
- لكل المرضى الذين يشك بوجود التهاب شغاف القلب عندهم يجب إجراء التالي :

* 3 زروع دم مسحوبة من مواقع مختلفة خلال فترات متفاوتة من عدة ساعات إلى يوم أو يومين وذلك اعتماداً على شدة المرض وخطورته .
* إجراء إيكو قلب لتقييم وجود تغيرات تقترح الاحتشاؤ أو الإقفار أو وجود حصار قلبي أو تأخير في الوصل القلبي .

- إن الزروع تبقى سلبية في 2 -5 % من المرضى المصابين بالتهاب شغاف القلب وبالتالي يعتبرون مصابين بالتهاب شغاف قلب سلبي الزرع .

وبنهاية الموضوع بدي أشكركم جميعاً على قراءة الموضوع ، واتمنى إنو يكون مفيد وسهل الفهم ....

وهلأ أنا جاهز لأي سؤال أو استفسار ...........

مع حبي