نقلا عن سيريا نيوز

أقدم شاب يبلغ السابعة والعشرين من عمره على إضرام النار في جسده أمام منزل فتاة يحبها ليلة أمس الأول في حي المحافظة في مدينة حلب .



وقال شهود عيان أنهم سمعوا صراخاً في بناية مجاورة ،ورأوا نيراناً تشتعل على درجها ، فتبين وجود شاب يحترق أمام إحدى الشقق،وتمكن الجوار من إطفاء النار التي اندلعت في ملابس مصطفى – ب .

وقال أحد الشهود الذي طلب عدم الكشف عن اسمه " الشاب من حينا ،وكان يهذي بكلمة بحبها، ويحاول نزع ملابسه التي تحترق،عن جسمه، وقمنا بلفه بحرام صوف من المصبغة التي تقع في الطابق الأول ،ونقلته سيارة إسعاف إلى المشفى"

وأصيب الشاب بحروق شديدة من الدرجة الثالثة بنسبة 70 % ،وعلمت سيريانيوز أن الشاب ادعى أن أهل الفتاة التي تقدم لخطبتها ، قد سكبوا المازوت عليه ،وقاموا بإشعاله.

في حين ادعى والد الفتاة ، وهي طالبة في المرحلة الثانوية ، أن الشاب تهجم على المنزل ، وهو من قام بإيذاء نفسه.

تعوا لجقوا طفوني بسرعة ..
يا بتلحقوني يا لأ
بس عجب باي حارة بدي أشعل حالي؟؟؟
يا بلا بس نلاقيها بخليها تحبني وبعدها بجيب بنزين او كيروسين وقداحة حمرا حصرا
وبكت البنزين
على الحاوية وبحرقها
قال شو أحرق حالي قال
روحوا عني ياه
هاد ما بحبها
هاد بيحب حاله
وهي وردة الي والك تفاحة بس لا تصدقيه هاد حرق حاله مو مشانها
وهي وردة الها مشان ما تزعل
(سمايلي ابتسامة ووردة وين راح؟)

الشب اعطاكم عمرو امبارحة الصبح
ان شالله يكون تاب قبل ما الله ياخد امانتو
الله يصبر اهلو
والله يصبر اهل البنت كمان ....
واله يثبت علينا العقل والدين يارب

.... إلاتفعلو تكن فتنة في الأرض وفساد كبير

............

إلاتفعلو تكن فتنة في الأرض وفساد كبير

سب زيرو
في بالبداية : من ترضون دينه وخلقه ...
وين الخلق باني أخبر الشرطة عن شخص ما أذاني ؟!
ووين الدين بأني أأذي حالي؟!وأحاول أنتحر ، وبشو بشي محرم علي أعذب فيه المخلوقات (بشتى أطيافها) فالنار هي عذاب رب العالمين للكفار ....
على كل حال ما بيحقلي غير قول الله يرحمه...

ان شالله يكون تاب قبل ما الله ياخد امانتو

تفاحة:
إذا كانت درجة الحروق ونسبتها صحيحة فبضمنلك أنو يكون دخل بصدمة ما بيصحى منها غير لما ينزل لتحت لعند أنكر ونكير
فما بظن أنه صحي وتاب
والله يتوب علينا....
والله يعين الصبية وان شا الله تتجاوز الأزمة وما تتأثر أبدا بتهور شب وبتمنالها التوفيق....

وبرجع بهديها زهوري والك تفاحة حاسك كتير متأثرة بالقصة يمكن لأنك بتعرفي أبطالها
وحسبنا الله ونعم الوكيل...

انا كتير زعلانة على اهلو خاصة امو يا حرام لما حرق حالو سمعناها عم تبكي وتصيح لك دخيلكم ...... الله يوفقكم .....
انا بالاول حسبت حدا بالبناية محبوس وما عم يقدروا يطالعوه وصرت ادعي يطالعوه
ولما طلع منظرو ما بينشاف ابدا
حسبي الله ونعم الوكيل يعني هالشب ما فكر بنهايتو لما عمل عملتو
طيب ما فكر بامو وابوه واخواتو
ما فكر انو رح يضرب سمعة هالصبية اللي بعمرها ما طلع عليها كلمة من مدرستها لبيتها مع رفقاتها و بعمرها ما تصرفت شي غلط او اسائت لسمعتها وسمعة عيلتها اللي كل الحارة بتعرف كيف سمعتن
لسه كمان ما صلو عليه بالجامع (كني في حكم لا يجوز الصلاة على منتحر ) ما بعرف اذا في هيك شي ما صلو عليه بالجامع
مافيني اقول غير الله يصبر اهلو والله يصبر البنت واهلها كمان

كلكن عم تطلعو على النتائج وتحكمو ......وما عم تشوفو الأسباب



ساد .....بعرف أنو في بالأول من ترضون دينه وخلقة ..... بس هيك بيصير لما بيطالعوه عن دينه وخلقة .....ومو كل الناس عندها الإيمان القوي اللي عم تفترضو


مو دفاعا عن الشب .....لأنو برأيي غلط أكيد ....بس لازم لما نحكم ناخد بعين الاعتبار السبب اللي ممكن يخللي حدا يقدم على هيك شي ...... هاد حرق حالو ياجماعة ....تخيلو شو حس ......وحاول تتخيلو شلون كان عم يحس قبل ؟؟؟؟؟

كتير غريب نسأل حالنا .....مافكر بأمو وأبوه ؟؟ مافكر بسمعة الصبية ؟؟؟

مو بالأول نقدر أنو وصلان لحالة نفسية خلتو ينتحر ....يعني هادا ماعم يفكر ....هادا كان مريض .....وأنتو جايين عم تحاكموه


ومرة تانية ....مو دفاع عنو ....ولكن تفهم لموقفه




والسلام

بسم الله الرحمن الرحيم

السلام عليكم و رحمة الله و يركاته :


هذا الشاب ضحية من ......و من المسؤول ؟

في إحدى أحياء مدينة حلب و في يوم الثلاثاء 13 أيار 2008
ذهب شاب و هو يحمل مادة قابلة للاشتعال مازوت ... بنزين .....إلى منزل الفتاة التي يحبها
و تحدث مع والدها مهددا بحرق نفسه و المنزل إن رفض أن يزوجه إياها
و تطورت الأمور للأسوأ و أشعل الشاب جسده بعد أن سكب المادة القابلة للاشتعال عليه
و بدأ جسمه يحترق و هو يردد أنه يحبها
سارع الجميع لإنقاذه و ما لبثت أن وصلت سيارة الإسعاف لنقله للمشفى
و بعد خمس أيام متواصلة من الآلام توفي يوم الأحد 18 أيار 2008
توفي و هو في ريعان شبابه
و في كامل قوته
و في مقتبل حياته
فعمره 26 سنة
توفي تاركا أمه الثكلى ذات القلب المكلوم
و أباه الذي ملأت الحسرة قلبه
توفي و تبددت أحلام و الديه برؤيته عريسا و الفرح به و بأطفاله
توفي تاركا فتاة لا ذنب لها كاهلها مثقلا بموت شاب من أجلها
توفي ليهز العالم العربي و الإسلامي بأن شابا مسلما أحرق نفسه لرفض والد الفتاة المتكرر تزويجه إياها
برغم من أن الحادثة الأليمة وردت في عدة منتديات إلا أنني آثرت أن أناقشها بمسؤولية أكبر
فقد انفطر قلبي حزنا و ألما على شبابه و حياته و دنياه الذين ضاعوا و احترقوا عندما احترق جسده
السؤال : من المسؤول ؟
هذا الشاب ضحية من ؟
هل هي وسائل الإعلام
أم عدم وجود الصديق الصالح الناصح

ألم يجد صديقا ينصحه ؟
ألم يجدأحدا يهدئ من روعه ؟
ألم يجد قلبا صادقا و عاقلا لآلآمه و مشاكله و حبه ؟
بلى لقد وجد
لقد وجد مجتمعا يلهث جاهدا لاهتمام كل فرد بنفسه و و أسرته و حياته الشخصية
و جملة ليس لي علاقة
لا دخل لي بذلك
شو بدي بوجع هالراس
كل إعلامي هدفه الترويج للحب بفيلم بأغنية بمسلسل
هو مسؤول عن موت هذا الشاب
الحب تلك الحديقة الوردية الخالية من الأشواك و الآلام كما يصفونها و يصورونها
يغذون عقول الشباب و الفتيات بأحلام وردية مليئة بالفرح و الحب و السعادة
هم من قتلوا شبابه
هم من ضيعوا عمره
هم من أدخلوا في عقله و قلبه أن الحياة بلا محبوبته لا شيء
و أن السعادة كل السعادة معها هي فقط دون نساء الدنيا كلها
أيتها الفتيات ....أيها الشبان
لا يكفي أن نستيقظ من أكاذيب الحب التي تبثها القنوات الفضائية
بل يجب أن نوقظ من حولنا
أن نأخذ بأيديهم
أن نفتح قلوبنا لكلماتهم
لمآسيهم لأحزانهم
يجب أن نكون العقل المنفتح و الصديق الصالح
يكفي عبثا بالقلوب و العقول باسم الحب
أشكو إلى الله وحده كل إنسان إعلامي مسؤول عن وفاة هذا الشاب الذي لم يعيش شبابه
بل مات محترقا
و أخيرا
أقول لأمه و أباه
يسلم الدين و الإيمان

شو هالحكي يا رؤى؟

الواحد بعيش عمره وهو مكبوت .. وبعدها بتجي بتقولي مسلسلات وأفلام؟ شو هالحكي هاد؟

لو كان الشاب متربي في مجتمع سليم .. كان ما شاف الحب كل شي في حياته ..

هذا الشب حرق حاله مو لأنه شاف حب وغرام على التلفزيون .. بس لأنه عاش مكبوت في مجتمعنا الحلبي المتخلف طول عمره! وحب بنت وفكر إنه رفض أهلها هو نهاية المطاف ..

أنا شايف أنه رح يصير بالأخير شهيد الحب، و المبررات بلشت تتزايد.
بكل بساطة هو غير سوي عقليا، شو رأيكم تبررو للشخص المصاب بالأكتئاب، النزعة للأنتحار.
بكلمة واحدة، هذا الشب (مريض). واللي عندو اثبات العكس يتفضل.

شنكول، مثل هالحالات من الأنتحار، بتصير بكل العالم، وعنا أقل بكتير. (شو تفسيرك إلها، كمان كبت؟!!!)

أنا ما بحمل المسؤولية كاملة للتلفزيون و شاكلته، بس لازم ما نبرأه من أبرازه و تقيديمه للأنتحار من شان المحبوبة على أنه شي رائع (مو بس عنا). هي الأفكار رح يتلقفها المرضى و المهيئين للأنتحار.

يا شباب .............

لا يوجد أي مبرر لأنه ينتحر .............

مهما كانت الأسباب ومهما كانت النتائج ومهما كان ما دفعه لذلك .............ليس هناك أي شيء يجبر الإنسان على فعل شيء لا يريده إذا كان حر التصرف ........

أنا مع شنكول بكلامه 100 % ............أكيد المجتمع يمكن عليه بعض اللوم بس هذا لا يعني إنو الشاب بريء من فعلته أبداً فهو لديه عقل وعليه أن يفكر بكل تلك الأمور وعليه أن يتعرف على العواقب قبل الإقبال على أي تصرف قد يسيء إلى نفسه أو غيره .


أنا برأيي إنو هذا الشب كان أسير لتصرفاته الشخصية وما ألوم أي شخص ممكن يكون دفعه لهذا التصرف ، لأنه هذا الشاب سليم عقلياً ............حتى لو قلتولي إنو بيحب البنت ومهما كان حبو إلها ، فما في مبرر إنو يقتل نفسو.............


والله أعلم ............