مرحبا شباب و بنات

اليوم قدمنا امتحان العملي جنين "فئة 8" .........اي رح احكيلكون التفاصيل مشان يسهل عليكون الفحص


اي اول شي رحنا و الفحوصات تبدأ الساعة 8.30 الصبح استنينا لل9 و شوي لجهزوا المحضرات جوا

المهم .........الفئة التامنة كلنا دخلنا على مخبر الجنين بس خلونا مكدسين بالغرفة الي قبل تبع المشرحة ......

يعني تركونا بغرفة ابو عبدو

و كل واحد يفوت يروح فوراً لطاولة ابو عبدو بيعطيه الدفتر و بياخد بالمقابل ورقة للأجابة و هيه ورقة حمرا تبع الأتمتة

اي تظلل على الورقة رقمك الجامعي

و بيجي احد المعيدين على الباب بيقولوا سجلوا كلكون انكون نموذج كذا " A .B.C.D"



و بتبلشوا طحش عالباب مشان مين يفوت قبل عالفحص

تفوتوا و تقوفوا عند اللوح و تديروا ضهركون مشان ما تشوفوا شي و بالدور الي عند الباب بيبلشوا يروحوا للمجهر الأول و هيك

و المدة معكون بس 45 ثانية واقل بس مو اكتر

انا حسبتها منيح لما كنت مستني دوري


اي بتروح للمحضر و اول سؤال دائماً

" ما اسم المشار إليه"

تاني سؤال متعلق فيه


%%%%و على فكرة بيجي مجسمات و اجانا 3 مجسمات

بيطلب السهم على شو

و كمان المجسم بأي يوم او اسبوع او شهر




%%%و كمان بيجيك صورة كرتون فيها مقطع للجنين من هالصور

الي كانو متل مجموعة على الطاولة دائماً
و هدول محملين عالنت من مخبرنا



%%%و تشوهات بيجي بس محضر واحد و على فكرة

انا كان درست التشوهات منيح و للاحتياط ههه ما بقى يزبط أنو تحفظوا محل الدبانات بكل حوض

يعني كان في محضر دبانة واضحة على ظهر الجنين

بس اليوم غيروا الأحواض


و فيكون تحفظوا انو المحضر الي الجنين مغطي انفو هاد اسمو هيك

و المحضر الي الجنين راسو كبير هاد بنسميه جنين رأسه كبير

هههه والله مو نكتة بس هيك المحضر هيك عنجد و انا كاتب من دكتور طوني انو هاد المحضر صغر رأس و بس هاد المحضر فيها راس كبير يعني متناقض مع الجسم


اي.............و مشان محاضرة العملي الي نزلت كتيييييييير حلوة بس بيضل فيها اخطاء

و هاد شي طبيعي لأننا بشر كلنا و بنغلط

بس يعني الأخطاء متنوعة و خاصة بالمجاهر

بس الأخطاء مالها قيمة قدام الفائدة الي بناخدها من هالنوطة لأنو عنجد رائعة



اي و مشان التشوهات هيه ناقصة كتيير بالسيدية

و الي بدوا فأنا عندي كل التشوهات فيديو من كل الجهات للمحضر مع تسميتوا


اي و هلا رح حاول اتذكرلكون اسئلة الفحص ......

بس اصبروا عليي لأتذكر
و رح اعطيكون الأجوبة بس هاد انا الي كتبتوا و ماني متأكد منو مع دارس منيح كتير الحمدلله

رح اذكرلكون المحضرات بالمخربط لأني ماني متذكر و على فكرة هنه 12 محضر و كل واحد سؤالين و كل شيييييييييي اتمتة بخمسة خيارات

A ....B.....C.....D.....E

بس وين بتجي الخربطة .........انو الأدمغة بيقلك شو هاد

و بيعطيك خيارات شي عربي و شي انكليزي و تعا اتذكر ب45 ثانية

و هي لسه عندك سؤال تاني متلعق بالأول




اي نبدأ بالأسئلة ...........
بس عنجد ماني متذكر منيح كل شي و حتى ماني متذكر شو كاتب من السرعة التوتر و العجقة ...


................................Go o o o............................

==================================
+++++++++++++++++المجسمات++++++++++++
==================================

1-مجسم يوم 13 و المؤشر على الزغابات

بس الخيارات فيها .انو زغبات اولية

بس انا بعرف هون بتصير ثانوية

لهيك يمكن كتبت كل الذي سبق خطأ


2-من اين تنشأ

من التروفوبلاست

صح ولا شو رأيكون ؟
+++++++++++++++++++++++++++++++++++


3-مجسم لليوم 9 و فيه الجوبات الدموية

بس الخيارات كان فيها يوم 8 و باقي الأيام بعيدة

لهيك اخترت يوم ثامن


4-و السؤال المرافق كان على السهم شو بيدل و كان على الأيبي بلاست

+++++++++++++++++++++++++++++++++++

5-مجسم بس بتذكر انو المؤشر كان على جوف الكيس السلوي



6- المرافق لهاد السؤال كان اليوم تبع المجسم

و اليوم تبع المجسم هوه يوم 11-12

بس بالخيارات كان في 12 لحال لهيك اخترتو



"خلصوا المجسمات"

==================================
++++++++++++التشوهات+++++++++++++++++
==================================

7-التشوهات

اجانا ........فتق الحبل السري

8- سببو " عدم عودة الأمعاء

" و ديروا بالكون تخبرطوا بينو و بين عدم التحام جدار البطن و الي بيكون كل شي احشاء طالع لبرا البطن"
بينما هون الي الطالع من البطن هوه يعني شي قليل امعاء و كمان بيطلع ممكن كبد و طحال و شفنا هالشي

==================================
++++++++++++صور كرتون+++++++++++++++
==================================

9-المؤشر على البلعوم

و الخيارات بعيدة كتير عن هالشي

لهيك اخترت كل ماسبق خطأ

10- مصيرو ......عطانا كم شغلة مالون علاقة لهيك اخترت كمان كل ما سبق خطأ

++++++++++++++++++++++++++++++++++++++++++++

11- المؤشر على الدماغ بس هيك شكلو مدور و انا لهيك قلت هاد بيكون تالي وماكان في بين الخيارات هالشي

او يمكن كان بالأنكليزي و انا ما عرفتوا

المهم حطيت كل ماسبق خطأ

12- شو بيعطي هاد مالحقت اكتب لأنو اتلبكت بالمحضر هاد و لهيك قبل ما اخلص حطيت حرف هيك عالعمياني يمكن الخيار التالت



========================================
+++++++++++++++المجاهر++++++++++++++++++++
========================================

13- المؤشر على الأديم المتوسط جانب المحور

14- هون بالخيارات قال بيعطي كم شغلة مالون علاقة و بس الي بيخربط انو عطانا بالخيارات انو بيعطي اقراص بين الفقرات

وفي خيار كل ما سبق خطأ


صدقوني ماني متذكر شو جاوبت منون لأني اترددت كتير

لأني بعرف جانب المحور بيعطي قطع ظهرية بتعطي عظام و عضلات هيكلية و جلد و بشرة

بس الأقراص قرأتها بغير محل ماني متذكر وين


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^
15- المؤشر على القرن الأيسر للجيب الوريدي

و الخيارات ما كان فيها هيك شي

بس كان في خيار اسمو قرن مابعرف شو و لهيك اخترتوا


16-المؤشر على الدماغ و جنبوا في حويصل سمعي

لهيك انا قلت بيكون هاد دماغ تالي

بس اخخخخخ ما بعرف كيف ما اخترت هالشي من الخيارات و رحت حطيت يمكن كل ماسبق خاطئ

لك المشكلة انوالخيارات شي عربي و شي انكليزي و هالشي بيخربط


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^

17-المؤشر على العفج
و كان في بين الخيارات معدة و كتير طلاب اختاروها

بس من السؤال التاني بيبين انو عفج


18- منشاً المؤشر عليه

Aكان في معي بدئي

Bو معي امامي

Cمعي متوسط

Dكل ماسبق خطاً

Eكل ماسبق صحيح


" الجواب طبعاً كل ما سبق صحيح"

و هاد شي بيلفت النظر و بيخلينا نتأكد انو عفج و خاصة انو بلا هالشي مبين معنا انو عفج لأنو مافي قلب بالمحضر


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^

19- المؤشر قناة وولف

20-ماذا تعطي

مابعرف الخيارات لأني اتلبكت و ما بعرف شو حطيت عنجد


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^

21-
يالله ..............نسيت ما بقى اتذكر الباقي

بس يمكن "يمكن هاه" اجانا شريان حرقفي اصلي ماني متذكر منيح

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^


ببقى بحط رد بس اتذكر .........






طولت عليكون بس حبيت احكيلكون كل شي صار لأنو ما بحب حط رد جامد ههه و ما بيستفاد الواحد منو متل العادة لأنو عنجد التفاصيل هيه الي بتخلينا يعني نعيش جو الأمتحان و ما نتوتر






ادعولنا و بتمنى كون قدرت ساعدت بشي






موفقين يا أحلى أعضاء........




بس ما تنسونا من الدعاء

كبير وبتضل كبير يا أسمر الوحش والله يعطيك ألف عافية وصحة وعافية هااااااااااااااااااااااا هاااااااااااااااااااااا .............
أخوك الأمل