رأيت ربي بعين قلبي
[REAL]http://www.kazemalsaher.net/songs/songs/fas005.rm[/REAL]

يا منية المتمني
[REAL]http://www.kazemalsaher.net/songs/songs/fas010.rm[/REAL]

قدّم كاظم الساهر هاتين الأغنيتين في مهرجان فاس للأغنية الروحية (الصوفية) في المغرب

وهناك المزيد حيث غنى الكثير من أغانيه الصعبة
بغداد لا تتألمي أغنية وطنية
[REAL]http://www.kazemalsaher.net/songs/songs/fas001.rm[/REAL]

حوار مع النفس أغنية وجدانية
[REAL]http://www.kazemalsaher.net/songs/songs/fas003.rm[/REAL]

بسم الله الرحمن الرحيم

والموسيقى الصوفية هي موسيقى دينية المنشأ، إذا بتحب تعرف عنها اقرأ موضوع نقلته في قسم الموسيقى

موسيقى صوفية؟؟؟؟؟؟؟؟؟؟؟؟
راجع كتاب الموسوعة اليوسفية في بيان أدلة الصوفية للشيخ يوسف خطار محمد وبتشوف رأي الصوفية بالموسيقى
ياحبيبي الصوفية أخذوا بالقول الذي يحرم الموسيقى بقى منين جبتلي هي موسيقى صوفية!!!
راجع الكتاب المذكور أعلاه.

وبعدها ما في حدا كامل يا عاشق، يمكن مننتقد شيخ إذا غلط (لأنه يقدم نفسه على أنه يمثل الدين وينطق باسمه)، بس ننتقد واحد مطرب لأنه غنى الشعر الصوفي هي أول مرة بشوفها، يعني تجربة تُحترم بصراحة، وصار عندي نزوع لا بأس به تجاه الموسيقى الصوفية بعد ما سمعت نماذج جبارة منها

ياحبيبي هو عمل تجربة حلوة
بس ما يكون الو وجهين بنفس الوقت
يعني شي بغني أغاني..... وشي بدو يغني شعر صوفي مارح تظبط..
ياهيك ياهيك يعني أنا بصراحة مارح أقدر أسمع شعر صوفي لواحد بعد يومين بدو ينزل غنية مالها علاقة لابالصوفية ولا بالدين ولأ يمكن تكون بتهدم الدين كمان ومخالفة لضوابطه..

ما.يس لا تطلع وتنزل يعني ما ضل حدا غيرك يقعد ينتقد كاظم؟ إذا بدك بحكي بهاللهجة بس ما رح أستعملها متل ما انت استعملتها يعني انت فوق وهو تحت وما ضل غيره يغني أغاني لربه.

ياحبيبي أنا ماطلعت ولانزلت ولا أنا فوق ولا هو تحت
القصة وما فيها أنو واحد متل كاظم ما بعتقد أنو مناسب لهيك أغاني إذا ماتغير هو كله يعني إذا ما التزم مظبوط..(بتمنى تكون فهمتني)
طيب حتى لو افترضنا أنو كاظم ما كان بغني أو أنو التزم ليش الموسيقى؟؟؟؟؟؟؟
برجع بقللك راجع الكتاب السابق من شان تعرف رأي الصوفية بالموسيقى
يعني متل هيك كلام مع الموسيقى ما بيظبط أبدا
طيب شوف هل النشيدة
هي بدون موسيقى أبدا بس هي رائعة باعتقادي...
أيا من يدعي الفهم

[REAL]http://www.geocities.com/ameris10/01_New.rm[/REAL]

وآسف إن كنت أزعجت أحد بمشاركاتي
مع كامل حبي واحترامي
عامر

عفوا نسيت أذكر:
هي النشيدة للقارىء الشيخ مشاري بن راشد العفاسي
موقع القارىء: www.alafasy.com

مع كامل حبي واحترامي

مو مشكلة
بس انت راجع الموضوع تبع الصوفية اللي نشرته أنا لتعرف شو قصدي
سلامة

السلام عليكم
سلمات أحلى شباب
شو بلشتوا تعصبوا على فتوح الجامعات
على كل يا شباب روؤولي حالكن شوي وما بدها كل هالعصبية
طيب أنا ما حكيت عن موسيقا أو لاموسيقا أنا حكيت عن صلاحية الشخص أو عدمها وهون بيت القصيد .
على كل يمكن حبيبي عامر بتضل نشيدة بموسيقا أحسن من أغنية بموسيقا .... ولا شو رأيك ....
طبعاً أكرر لا بد ممن سينشد حتى بموسيقا أن يكون منشد .....
على فكرة شنكول أكيد أنا لست مسؤول عما في قلبه ولكن صدقني النشيد الديني خاصة يحتاج إلى الصدق ليؤثر متل ما حكينا لكيلا يقع المؤدي في موقعين يغلب أن يتنافران في مزاج المستمع .
بصراحة أنا لا أحب أن أتدخل في هذه المواضيع ولكن كان لدي رأي يعبر عن شريحة غير قليلة في هذا المنتدى وددت ان أطرحه .
يا شباب بنصحكم تتبعوا دورات اليوغا عندي لانو ما في أحلى منها لتروءكم . أحلى شباب .

والله بجوز نكون عصبنا على فتوج الجامعة

على كل حال أنا كان قصدي إنه كمان انتوا يا شباب ما لكن الحق في إنكن تقولوا ما بحقله يغني أغاني دينية
يعني شغلة بينه وبين ربه، متل إذا قلت ما بحقله يتوب

وعبتلعب يوغا يا عاشق كمان
علمني الله يوفقك
عن جد إذا عندك شي جدي نزلنا ياه في المنتدى للاطلاع على الأقل
سلامة