متل ما لاحظنا إنو صار شوية نقاط خلافية على موضوع كتب الجيب
بالنهاية كل كتاب جيب إلو مزاياه و أنا حبيت إنو أشارككم بالمميز منها لأنو هيي الرفيق و المنقذ للطالب
يعني كل كتاب جيب إلو مزاياه بس أنا من خلال اللي شفتو عنا بالسوق و من خلال سؤال طلاب أجانب حبيت أعرضلكم الأفضل عندهون

الأول هو The 10 minutes Diagnosis Manual موجود بمكتباتنا و كتير كتير مفيد بيحطك في موقف إسعاف أو حتى مواقف تانية و بيشمل الحالات الأكثر شيوعاً و بيمشي معك بالحالة خطوة خطوة
منصوح به بشدة لطلاب الخامس و السادس و الرابع إذا بدهون يتعبوا عحالهون شوي
هاد الكتاب بس للتشخيص و بتحسوا متل رفيق لإلك
و هو حالياً طبعته 2000 و مجددة عال2002 بس متل ما بتعرفوا ما بيكون في كتير تعيرات بالتشخيص السريري التغير بيكون عالأكتر عالعلاج لذلك ما بيأثر إنو قبل 3 سنين
بتمنى تستفيدوا منو و يعجبكون
0-7817-2094-X.gif

لك الشكر الجزيل
ولكن هل لديك أية معلومات عن سعره

عند إحدى المكتبات المشهورة ببيع الكتب الطبية عنا بحلب اشتريته أنا ب 300 أو 350 ما بتذكر بالضبط بس بهيك حدود

و بينشرى فعلاً لأنو كتير ممتاز و بتمنى تستفيد منو

ثانك يوووووووووووووووووووووووو ووووووووووووو

هناك بعض كتب الجيب الالكترونية قرأت عنها في احد المواقع حيث يمكن تنزيل كامل الكتاب على جهاز PDA (اجهزة المساعدة الرقمية) مثل الآي ميت وامثاله وطبعا هذه خطوة جميله لمن يحمل مثل هذه الاجهزة حيث انه اكيد يوفر الكثير من المزايا مثل البحث السريع وغيرها
ومن هذه الكتب عندك كتاب Kumar & Clark

للمزيد من المعلومات

بتمنى إنو تتذكروا هالكتاب و يعجبكون لأنو فعلا حلو

و الأهم إنو تستفيدوا

في واحد تاني جاي عالطريق
السلام عليكم
حازم

الكتاب الثاني هو للمهتمين بدراسة الطب باللغة الألمانية و اجتياز فحص مزاولة العمل بألمانيا
هذا الكتاب هو كتاب جيب و لكنه ملئ بالمعلومات القيمة
و هو لمتقني اللغة الألمانية الحل الأمثل لمتابعة الاختصاص في ألمانيا "إذا صحلهون "

على كل اللي بدو نسخة يقللي بصورلوا لأنو عندي ياه

تحياتي
حازم
hp_book_04.jpg

يعني طالب سنة رابعة و ما فوق ما يكون قرأ ECG Made easy بيكون يمكن عنده مشكلة كبيرة بتخطيط القلب إذا ما عوض النقص بكتب أخرى
لذلك كتير حلو إنو الواحد يقراه
و حالياً في منو طبعة عربي ممتازة جداً و طباعتها رائعة وواضحة
بتمنى يفيدكون و ما تنسوه

تحياتي
حازم
0443072523.jpg

طبعاً صبرت كتير لبين ما أحكي عن حبيبي ال Harrison's Manual و اللي نزل منو طبعة جديدة بسعر 1100 و لكن إحدى المكتبات الشهيرة بدمشق عملت عرض عالطبعة اللي قبلها و هيي 2002 يعني كتير حديثة كمان بسعر 500 و هي ممكن تبعتلكون ياه على عنوانكون كمان

الكتاب رائع جداً فيو كل ما تحتاجه كطالب سريري من معلومات أكثر من ممتاز لمراجعة ما أخدته بعد الستاج لأنو بيعطيك الآلية الامراضية و الوبائيات و كل شي يعني كتاب داخلية بحجم الكف بنصحكون فيو بشدة
"طبعاً مالي متفق مع Mc Graw Hill عنسبة منشان أحكيلكون عنو بس أنا كتير حبيتو"

تحياتي
حازم

المرفق الأول هو الحديث و التاني هو الطبعة اللي قبلها

طبعاً زعيم السنة السادسة حبيبي حسن نصحكون بكتاب للتشخيص التفريقي يمكن ما كتير انتبهتوا عليه بس الصراحة كتير مهم
وهو حجمة صغير بس فعله كتير كبير
و شكراً لحسن النصيحة

و هاد هو الكتاب


تحياتي
حازم

عفكرة في منو منسوخ في مكتبة قرب الجامعة مشهورة ببيع الكتب الطبية و بسعر ممتاز